البرلمان المغربي يناقش مشروع قانون لـ"تجريم" التحرش الجنسي
 

البرلمان المغربي يناقش مشروع قانون لـ"تجريم" التحرش الجنسي يعاقب على معاكسة الفتيات، بالحبس من شهرين إلى سنتين.
يناقش البرلمان المغربي في دورته القادمة التصديق على مشروع قانون يجرم التحرش الجنسي ويعاقب كل من تورط في التحرش بفتاة أو معاكستها بالسجن وبغرامة مالية محددة.
وحدد القانون مفاهيم "المعاكسة" و"التحرش الجنسي" بالنساء في الشارع والأماكن العمومية، ويعاقب بالحبس من شهرين إلى سنتين، وغرامة مالية تتراوح بين 130 دولارًا و 200 دولار.
ويعاقب القانون أيضا بشكل مشدد كل رجل أمن أو كل ذي سلطة ثبتت عليه تهمة التحرش الجنسي.
وطالب عبد السلام أديب، عضو مؤسس لشبكة مناهضة التحرش الجنسي بالمغرب ورئيس جمعية حقوق الإنسان فرع الرباط، بأن يتعرض القانون للتحرش الذي يكون بناء على علاقات اجتماعية واقتصادية، ذلك أن التحرش الجنسي في الشارع العام بين الأشخاص نساء ورجال أمر مقدور عليه من خلال رفع قضية عادية.
وقال أديب إن التحرش الجنسي الموجود من خلال علاقات اقتصادية ومهنية من قبيل علاقة المدير بموظفاته أو رئيس القسم أو المسؤول عن المصلحة أو صاحب المعمل ورب الضيعة بالعاملات والمستخدمات، حيث يكون لهؤلاء نفوذ يمارسونه بالتحرش الجنسي على مرؤوساتهم النساء من المتزوجات أو غير المتزوجات، واللواتي يكُنَّ في جل الأحوال "مغلوبات على أمرهن".
شرطة للأخلاق
وقالت نعيمة بنيعيش، عضو الاتحاد العالمي لعلماء المسلمين ونائبة رئيس منتدى الزهراء للمرأة المغربية بالرباط والمشرفة على مركز إصلاح ذات البين والتوجيه الأسري، لـ"العربية.نت" إنه لا يجب فقط تجريم التحرش الجنسي ، بل قبل ذلك ينبغي تجريم الأسباب المشجعة والمفضية إليه، سواء تحرش الرجل بالمرأة أو تحرش المرأة بالرجل أيضا.
وطالبت بضرورة الرجوع إلى العمل بالشرطة الأخلاقية في المغرب، وقالت "إذا أوجدنا شرطة المرور وغيرها من أجل توفير العيش الآمن، فإنه من الأوجب توفير شرطة للأخلاق، خاصة في ظل القصف الجنسي الرهيب الذي يشهده المجتمع المغربي والغزو الإعلامي الذي يكتسحه، على أن لا يكون دور هذه الشرطة هو الإهانة أو الضرب، بل تكون عونا على الحد من التحرش الجنسي ومختلف السلوكيات غير الأخلاقية التي قد تحدث بين الجنسين.
ارادة التطبيق
واعتبرت بنيعيش أنه من اللازم، في ظل قرب تواجد قانون يجرم التحرش الجنسي، تقوية النسيج الأخلاقي ومناعة القيم السلوكية للمجتمع المغربي، مضيفة أن مثل هذه القوانين الزجرية هامة بحكم وجودها مكتوبة على الأوراق، وتكون أكثر أهمية وفعالية لو وجدت الإرادة لتطبيقها. وأبدت تخوفها من أن تظل حبرا على الورق فقط ولا يتم تفعيلها كما هي الحالة بالنسبة للقانون الذي يجرم التدخين في الأماكن العمومية بالبلاد. واعتذرت نزهة الصقلي، وزيرة التنمية الاجتماعية والأسرة والتضامن بالمغرب، عن الحديث لـ"العربية.نت" حول الموضوع بدعوى "تواجدها في اجتماع عمل". جدير بالذكر أن البرلمان المغربي سبق له أن صادق عام 2003 على تعديل بعض بنود القانون الجنائي للتشديد على تجريم التحرش الجنسي، والتأكيد على حماية المرأة والطفل من أي اعتداءات جنسية مادية أو لفظية. وصدر هذا القانون بالجريدة الرسمية في 19 فبراير 2004.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

عقبال عنا بسوريا.... من زمان كنت قول لازم تُتخذ هيك اجراءات ....لأن في عالم ما عاد استحت



هاموش
لا تقولولي في هيك قانون بسوريا بس ما عم يتطبق :sick:

حاج تهريج وقلة حيا

بدنا "كشباب" قانون لتجريم تحرش النساء بالرجال .

مافي حدا بيدافع عنا :jakoush:

بحياتي ما عملت هيك ، وبيسقط من نظري الشب اللي بيعمل هيك ، شاب تافه عنجد !!

لاء وكمان رح يعطي شعور للصبية التافهة انو هي "شيئ مهم" بسبب تفاهته

على كل حال في تحرش جنسي نسائي ضد الذكور ولازم القانون يحمي الذكور يهالزمن الواطي !!

أعوذ بالله (أنا ما شككت في أخلاق مولانا العالية :p)! و بما أنو القانون ما في منو خوف عليك، فشو مالك زعلان؟:o و بعدين العقاب يشمل الطرفين سواء كان الفاعل "متحركشا" أو متحركشة"، فبيستاهلو تنيناتهم، لكن يخص بالذكر البنات لأن معظم الحالات هيك، أنا شخصيا عمري ما شفت أو سمعت حالة تحرش بنت بولد (عدا فيلم harassment
لديمي مور) :lol:

يا بنتي السينما هي تجسيد للواقع اللي بيعيشو المجتمع :lol:
المهم انا بطالب بالغاء هالقوانين على الجميع من اجل الجميع بدك تسمعي على حالة تحرش حقيقية قامت فيها امراة ضد رجل؟

مضبوط مولانا، ديمي مور "تجسد" الواقع، لك هي بجسدها جسدت المجتمع كلو! :lol:
مش مسألة أسمع و ما أسمع، المسألة هل قضية تحرش النساء بالرجال واقع ملموس؟ فينا نشوفو بالشارع مثلا مثل ما هو يمارس ضد البنات في الشارع العربي و عيني عينك؟ كم حالة؟ كم نسبة مقابل الحالة المعكوسة اللي هي تحرش الرجل بالمرأة؟
يعني كلامك مش كتير موضوعي يا مولانا.. :pos:

والله حكيمة جدا اللي طالبت بوجود شرطة اخلاقية
هاد النوع من الشباب المنتشر متل الباعوض لازمو مبيدات حشرية قوية لانو قرفونا عيشتنا وادا ما عملو شرطة شو يعني كل خطوة اجر واحد معي على مركز الشرطة هيك ما رح اوصل للمكان الي قاصدتو لبعد الف سنة:lol:
هالقانون موجود فعلا بالجزائر بس قلائل النسوان اللي عندهم شجاعة يشتكو عالمدير لانو بالنهاية تخاف من الفضيحة يعني لسا لازم كم سنة ضوئية لننتفع من هالقوانين بس انو تكون موجودة احسن من غيابها:clap:
مولانا يظهر انت كتير ملفت لتتعرض لتحرش البنات بالشارع بس المفروض انك قبضاي يعني ما ينخاف عليك
والبنت مسكينة مهما كانت وقحة ما رح تقلك كلمة تاذي شعورك الرقيق بالعكس:lol:

و الله أنا كمان هللت للخبر و بانتظار التطبيق على أحر من الجمر! مشان كل ما أروح المغرب، أفش خلقي:clap:
شكلو مولانا بيحكي انطلاقا من تجربة تحركش مريرة عانى منها.. من طرف نساء المعبد;) (ما أنت السبب، لأنك مشترط 12 بنت كمحرم لكل شاب بدو ييجي المعبد، كيف بدك ما يصير تحرش!!:jakoush:)

ههههههههههههههه

معقول كل هاد:p

اي صح مولانا في متل جزائري يقول "عملتها بيديك حلها بسنانك" يعني يداك اوكتا وفوك نفخا

لساتون عم يناقشو فكرة تجريم التحرش الجنسي..؟؟
طبعا كل دوله لازم تشتغل وتهتم لهيك قضايا بس مو بحل سخيف متل بوليس الآداب... حاسه حالي بفيلم مصري...

مولانا مولانا مولانا مولانا
صرعتو سما مولانا
الدراسات تقول في مصر 70 % تحرش رجالي و22% تحرش نسائي
يعني انا ما عدت اقدر امشي بالشارع في امان :cry:
والله في عالم كمان بدون شرطة لحتى نقدر نمشي بالشوارع في امان
اي انا اتعرضت كتير لمضايقات وتحركشات ( انا بدي قانون يحميني من براثن النساء المفترسات)
بس تيجي على أد المعبد ، يا بنت الحلال حرام على النساء واللي بيعملوه هالايام ، هاد كتير ولا يحتمل !!

طيب اقري اللي رح اكتبو

عضو مجلس الشعب المصري بيحكي عن قانون حول التحرش الجنسي
رأي أحد الشباب
ورأي شاب اخر
بالنهاية بدي قول
ربنا يستر على الشباب من الايام الجاية :cry:

أصلا احنا مش ذابحنا إلا هيك أفكار!! يعني إذا البنت لبست اشي، بيصير أنو أعطاتك الضوء الأخضر لتتحركش فيها؟؟؟!!!! سألتا حضرتك؟؟ :jakoush::jakoush: و لا بتجاوب أنت من عندك؟
يعني أنت لو لابس اشي حلو و طالع بالشارع معناتا حابب يتحركشو فيك جنسيا؟؟!! عمرك سألت حالك ها السؤال؟ رح تكون سعيد إذا أنت ماشي و حدا عم يفرغ شحنة الكبت تبعتو على حسابك؟
أحكيلك أنا شعوري أنا: بقرف سما هيك شعب و هيك مجتمع إلا مش شايفني غير لعبة جنسية، لا و فوق هيك، المفروض أنو بحب و بدور على هيك شغلات!
إن شا الله يا رب يطبق، و أنا عني شخصيا رح أكون أول المنفذين!!