|
بلدنا سياحي
اذكر ذات مرة ان الفنان جمال سليمان قال في احد حواراته ان الدراما السورية قدمت للسياحة اكثر مما قدمته وزارة السياحة
وهذا ما اراه جليا في عدد من الاعمال الدرامية في ضيعة ضايعة او برامج مثل حياة الاخرين الذي كشف بالامس عن منطقة قلعة جعبر التي فاجاتني شخصيا بسحر المنطقة كل هذا الكلام جميل والاجمل هو حديث المسؤولين عن السياحة في بلدنا ودخول مليون سائح العام الفائت لكن التساؤل هو هل لدينا مقومات السياحة بالفعل.؟ لنبدأ من واجهتنا السياحية المطار وحدث ولاحرج عن مطار دمشق الدولي ومنه لننتقل نعم اليوم سوريا تمتلئ بالفنادق ولكن سوريا وفق المفهوم السياحي السوري هي دمشق حلب واللاذقية وحديثا حمص الريف واين الباقي: اين طرطوس والسويداء ودير الزور والرقة ؟ هي ضلع ناقص بمعنى السياحة حسنا مشاريع سياحية فايتة طالعة في بلادنا ولكن اين التنظيم والدقة؟ لا يوجد المفارقة هي في كون سوريا مقصدا سياحيا هاما كيف؟ لا ادري ما الحل اذا ؟ سؤال برسم وزير السياحة رجل من ورق |
هلى قبل ما يكون في تخطيط للسياحه واتظبيتها ...خليون اول شي يحاول يشلو سمعه انه بسوريا من اول السائح ما بوصل لازم يرشي من الصغير للكبير ..يعني يبطلوها هل العاده انا بعرف انه الشعب عايف الله ..بس الحق ع مين ..موصله الموضوع لهون ..بدك سياحه . بلش بالسمعه الطيبه اول ...وكتير بحس بالالم لما بسمعها من كل الي راح ع سوريا ....بعدين منجي ع تظبيط الامكان ..ونضافتها للبلد ...
ولك بلدنا ما في احللا منو للسياحه ..انت بتعرف ..لو بيشتغلو شوي ع الموضوع ئديه بشغلو ناس عاطله .. شو بعرفني اتركها لربك ... |
اخخخخخخخخ يا صفصف ما هوي حكينا بالاول انو واجهتنا المطار ومن المطار بتبدا البلاوي تعلق بالناس
|
اي وانا معكون.. سافر عمي على تونس واستغرب كتير لما سائق التاكسي رجعلو بقية فراطة قليلة كتير وسألو انا محتار كتير ليش عم ترجع الفراطة..قلو نحنا بتونس منحسبها لبعيد .. بس نعمل هيك رح تصير السياحة احسن عن ورح تتحسن اوضاعنا اكتر واكتر..وهي الحادثة مو صدفة بتونس هي ظاهرة او عادة من العادات..
كمان بتركيا انتبهت انو بتكون السلعة مسعرة1,99 بيرجعولك اللي يقي على التك..اما على المطار والموظفين فحدث ولا حرج.. والشرطة بالطريق بكل المدن التركية غاية في اللطف والاستعداد للمساعدة رغم انو ما حدا بيحكي انكليزي بس بتحس حالك بين اهلك عن جد من فترة كنت بكراج السومرية بدمشق.. وكان في صبية واضح انها اجنبية وحاملة شنتة كبيرة.. ومتجمعين حواليها شوفيرية السرافيس وهنن يضحكو ويبصبصو عليها ويتمسخرو بالعربي ويتغامزو.. كانت الصبية عم تسأل كيف بدا تروح على شارع اليرموك.. ولما وقفت لشوف الوضع من بعيد لقيت عنصرين من شرطة الكراج جايين وقفو معها وعلى نفس السحبة..والبنت ضايعة ومرعوبة..بعدين رحنا وعملنا اللازم :pos: |
كمان بالصدفة قريت كتيب عبارة عن دليل سياحي للسائح في سورية صادر عن دار نشر المانية.. الكتاب موجه بالغالب للطلاب اللي بيدرسو بسوريا لتعلم اللغة
زعجني كتير الملاحظات التالية: 1- اصطحب معك محارم تواليت لانو في سوريا غالبا لا تجد محارم في الحمامات العامة 2- اذا اردت شراء اي سلعة عليك بسؤال البائع ثم سؤال الناس من حواليك لانه من الممكن ان يغشك لانك اجنبي 3- اذا اضطررت للتعامل مع الموظفين الحكوميين في سوريا عليك ان تكون حاضرا لدفع اكرامية للموظف كي لا يعرقل سير اوراقك 4- احصل على لقاح التهاب الكبد قبل سفرك ولا تشرب من المياه العادية في سورية بأي شكل من الاشكال.. 5- لاتركب سيارة تاكسي ابدا واذا ركبت وسيلة نقل جماعية حافظ على وجودك مع بقية الركاب ولا تبق وحيدا مع السائق.. 6- عليك ان تأخذبعين الاعتبار أنه في الشوارع العادية ممكن ان تمر ساعة ولا تتمكن من اللقاء بشخص يتكلم الانكليزية في سوريا وملاحظات كتيرة في منها غير صحيح وفي منها صحيح ومزعج بنفس الوقت.. |
اقتباس:
بعد اذنك كرم |
اقتباس:
بس فكرت لمدة دقيقة لقيتها كلها قشة لفة صحيحة ما عم يكذبووا بشي :pos::pos::pos: |
اقتباس:
متل ماشفتي بكراج السومرية شفت بشارع الثورة والشخص بما انو ما بيفهم هني عم يتمسخرووو ويضحكووو عليه وهو مفكر انو عم يضحكواا معو هاد الود السوري |
أنا من فترة فتت عا موقع احصائيات سياحية ببلاد العالم
هلأ المهم في زاوية بيكتبو فيها آراء للسياح , فتت على الي بيخص دمشق بالذات وترجمت المقالات , تفأجأت كتير كتير بالآراء السلبية الي عم يكتبوها وأكتر شي شدني , هو تعامل الشرطة أو ما يسمى بالجمارك الي بتكون بالمطار أو بريا عالحدود , شي مو طبيعي عن دفع المصاري , انو الشرطي لازم يكون مظهر حضاري لك هاد سائح أجنبي , بدال من ورجيه انو نحنا حضاريين , منأشرلو انو يدفع , عنجد شي بيشّل!!! |
اقتباس:
بس كل الكلام مزبوط انا لاحظت كمان على السياح عنا اصلا بكونو معطينهم قائمة بأسعار التكاسي حتى لو تقريبه واسعار الاكل. وانا صارت معي شغله كانو بدن يشترو لدهون طارد الناموس وصدفه ما كان مسعر بس انا كنت حافظ سعرو ما رضيو يشتروه بتحسن آخدين فكرة عنا انو احنا العرب نصابيين فمن يومها كتير بكون دقيقه مع الاجانب وبركز اني فرجيهم التسعيره حتى ما ياخدو فكرة عن العرب والمسلمين انن كلن نصابين |
اقتباس:
طب ما يشوفوا هالحكي هاد؟ بس شاطرين نعمل اعلانات بايطاليا عن السياحة بسوريا طيب لما بدو يجي هالشخص شو بده يشوف مقارنة بتركيا اللي صرعت راسنا باعلنات السياحة بس لما راحت العالم شافت شي بيسوى انك تروح |
اقتباس:
اذا ما كان صعب عليك يعني:oops: |
اقتباس:
وهي شغلة بيحقلك تفخري فيها نور.. ما بعرف اذا معلوماتي دقيقة بس الحقيقة انو من من مصادر كتيرة.. اذا غلط حدا يصححلي وهي لأهل الاردن ولنور:D |
اقتباس:
يوم عيد الفصح من شي اسبوع كنا آعدين بالمشتاي بكفتريا السنترو (لأنو مافي محل بالمونزا :pos:) واجا اربعة اجانب ووقف الكرسون يحكيهن وشفناه دب مو ميفهم :frown:..فرحت انا ورفيئتي واستئبلناهن ..(وهوي عادة الاجانب ما بيجو عالكفتريات:?) وإلنالهن ويلكم تو سنترو كافييه اند رستورانت :lol:اند ويلكم تو سيريا :D وفكروني بشتغل بالكفتيريا :p.. طلعو كنديين وابن واحد منهن بيعلم بجامعة الوادي.. وآلولنا انو الجو كتير ظريف عنا و أنو نحنا حلوين :gem::p.. *هاموش:عفكرة الغلا السياحي بالوادي والمشتى ماشي علينا وعالسياح :cry: |
اقتباس:
هاموش زكرتني بالوادي وأياموااا :cry::cry::cry::cry: |
اقتباس:
|
اقتباس:
|
اقتباس:
البقية صحيحات مية بالمية هههههه ... اذا بدن يكتبوا كل الملاحظات اي بدن مجلد او شي موسوعة كبيرة لتسع ههههه |
| الساعة بإيدك هلق يا سيدي 06:12 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون