هل تقبل (ي) الزواج من أديان مختلفه.?
هذا الموضوع كان نفسي اقدمه من زمان في أخويه...
وافتكرته النهارده لما كنت بتكلم مع واحده صاحبتي من تركيا وهي مسيحيه وكانت بتلعب مع بنت أختها arsu وحياتها جميله وكل شيء كويس وفوجئت انها قالتلي انو اختها متزوجه من واحد مسلم وانو البنت اللي بتلعب معاها واللي أنا شايفها دلوقتي من أب مسلم و أم مسيحيه وبعدين فكرت انو فعلا مش بس في تركيا ممكن يحصل كده وهنروح بعيد ليه... وممكن كمان يحصل العكس يعني واحد مسيحي يحب و يتزوج واحده مسلمه يعني فكرت قوي في الموضوع وقلبته من جميع الزوايا وطلعت بالاتي: 1-تقاليد وعادات المجتمع اللي عايشين فيه 2-الاهل والاقارب ونظرة المجتمع للاتنين 3-الحياه الزوجيه بعد ذلك سيكتب لها النجاح ام الفشل 4-مصير الاولاد في الحياه من حيث ديانتهم والجو الاسري وفيه حاجات تانيه كتير بس نشوف ايه اللي هيحصل في الموضوع وبعدين نزود النقاط المترابطه مع نفس الموضوع :lol: |
اقتباس:
|
انا بعرف انو مسلم يتجوز مسيحية ممكن
بس العكس ما بعتقد عمرها صارت اصلا محرم عنا |
لا اقبل!!
ولأخذ العلم: الشاب المسلم حلال له ان يتزوج من غير دينه شرط ان تكون مؤمنه ليست ملحده،وبأمكانها ان تظل على دينها! اما الفتاه المسلمه محرم عليها التزوج بغير المسلم لكي لا يرغمها زوجها على اتباع دينه،او انها قد تتبعه تجنباً للمشاكل |
اقتباس:
يعني سؤال جوابو معروف بس المغزى انو هوو ليش عم يسأل ؟؟؟ او ليش عم يتمنطق ؟؟؟ مو مشان شي بس كأنو شايف ناقصنا شويه حروب هوووون |
اقتباس:
هلأ فهمت كانت غايبة عن بالي طيب خلينا ناخدو لكان من منطلق "هينا بنتسلى" وما بدنا نقلبها حرب هون يعني مو ناقصني لانو اقلبوها هون لاي اشي الا الحرب خلينا نقلبها حزازير شو رأيكم؟؟ موافقين؟ |
لا هلا هيدا الموضوع فيه كتير تخلف ومشاكل لانو الدين الاخر ما بيقبل على حاله هيك وحتى في عقليات متل يلي عنا انو يلي محلل للمسلم مو محلل لغيرو ليش خيو انتو ولاد ناس والمسيحية مو ولاد ناس وخلقت الله ؟؟؟
انا رأي بالموضوع كل مين على دينو الله يعينو يعني ما في داعي نحكي كتير بهي القصة لانو فيها كتير من المشاكل والمسلم ما بيتقبل راي الغير علنا حتى ولو اقتنع فيه باطنيا . مشكور ياأمور |
هالموضوع صار مطروح بأخوية مية مرة... أغلبهم تحت عنوان الزواج المدني
و عنا بسوريا حالات كتير مشابهة ( من الطرفين ) مع أنو الزواج المدني مو مسموح بسوريا ( بس في ثغرات بالقانون عم يستغلوها ) و اذا حدا ... نفسو...... يقللي و أنا بعلموا كيف الطريقة ;-) |
اقتباس:
كيف يعني بدو يجبرا تغير دينا ما فهمتا لهاي!!! ما فيها مشكلة...الحب أقوى من اي شي بالدنيا وما دام كل واحد محترم معتقدات التاني ممكن يتجوزو ويعيشو بدون مشاكل.. |
الزواج عبارة عن مؤسسة
تحتاج للدعم المادي بالدرجة الأولى والدعم البشري من( احترام ومحبة وثقة) واحترام الأخر للآخر ولازم انا برأيي يكون الطرفين من دين واحد وطبقة اجتماعية واحدة وتثقيفية واحدة لحتى هي الشركة تنجح وتستمر لهيك لازم يكون في تكافىء انا لامع الزواج من ديانة مختلفة ولا ضد بس أنا برأيي أنو الشخص لما بدو يتزوج لازم يعد للمليون |
اقتباس:
الاولاد لمين حيتبعو؟؟ على الاغلب لابوهن عرفتو شلون |
انا عن نفسي ما بتفرق معي بالمره و بشوف إنو الحب أكبر من كل التفاصيل..
بس المجتمع والعائله ما بتقبلوا ابدا ممكن يصير مشاكل بين الطرفين بس لما هني راضين و مقتنعين بالشي ما في داعي لاي تدخل يسلمو:) |
اقتباس:
طيب ليش بنقبل الام تكون مسيحية والاب مسلم!!! يعني بس ليطلعو الولاد مسلمين!!! لو كان الاب مسيحي شو راح يختلف!خلي الولد يطلع مسيحي عادي!!! افرض انك حبيت وحدة وكانت كاملة بالنسبة الك والبنت الي بتتمناها وبعد فترة عرفت انها مو من نفس دينك!!!بتتركا!!!س لأنه دينا غير دينك!!! |
:dunno:لا تعليق
|
اقتباس:
أنتي العضو(ة) الوحيد(ة) اللي فهم اقصد ايه بطرحي للموضوع بتمني انو العالم تفهم الموضوع من جميع جوانبه المختلفه |
والله بالتسبة لعالموضوع ما بشوف في أي مشكلة...لأنو انا خطيبتي مسيحية أجنبية كمان وما في بيناتنا اي مشاكل وخصوصا الدينية:sosweet::hart:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
***************************
|
مرحبا
انا مش ضدو بنوب بس يعني الواحد ياخدها بالعقل صعبة كتير حتى لو كان في حب و تفاهم شي طبيعي كل واحد يكون متعصب لديانتو يعني مش العصبية يلي بتخلي يتخانئ و هيك شغلات بس انو بيحب يكون شريك حياتو يتبعو في الامور الدينية و بعدين اهم نقطة الاولاد يعني رح يصيرو لا دين و لا شي ازا الام بده اولادها متلها و الاب متل الشي الولد بيضيع بالنص و بيفضل يكون بلا ديانة احسنلو فالواحد لازم يفكر في العواقب يلي رح تنتج من هالزواج و ما يكون اناني لانو كل زواج بيثمر عن عيلة و لازم يكون محافظ على اساس العيلة من البداية.. يسلمو :D |
الساعة بإيدك هلق يا سيدي 17:11 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون