|
مهزلة البرازيل
يا جماعة صباح الخير
مين حضر مباراة مبارح بين البرازيل و كرواتيا؟؟؟ كلّ المباراة كانت البرازيل شبح للنجوم اللي بالفريق... بدون أسماء... هلق من وين لوين هاد الفريق بدّو يربح كأس العالم؟؟؟ إي شي بهوي من الكأس إذا هيك مستوى بدّو ياخدو البرازيل سددت تلات مرّات وحدة من كارلوس و وحدة من رونالدو و وحدة من كاكا واللي كانت الغول كمان في نطحة لرونالدينهيو... بينما اللعب الخطر كان كلّو لكرواتيا اللي برأيي بتستاهل تفوز 2 أو 3- 1.... وأكبر دليل هو احتفالات الكروات بعد المباراة.. و صمت البرازيلية... مبروك لكن للبرازيل اللعبة بس يا أمّا هنن ما بيعرفو يلعبوا يا أمّا صارت كرة القدم تجارة و هاد ما بشرّف حدا بيحب كرة القدم... أنا مشجّع للتشيك.. وكنت خايف نلعب مع البرازيل بالدور التاني.. بس إذا هي هي البرازيل صرت أتمنّى نلعب معها أحسن ما نتلبّك بكرواتيت أو أوستراليا... |
انت هيك رايك.....
|
حي تحمايت لسا عم يحمو ويتركو الفرصة لكرواتيا تأهل للدور التاني
|
متل ما قال ملك الهكرز هي لسا تحمايه
ولسا البرازيل ما لعبت ولسا جايه المباريات |
برازيل اسم
هولندا جاي بعدو هيك |
حبيبي
هي هية البرازيل وقدمت كلشي ممكن تقدموا واذا بترجعوا لكأس 2002 بتشوفوا انو هيك ربحت البرازيل الكاس حظ بالدرجة الأولى ... وغش تحكيمي بالدرجة التانية وخاصة مع تركيا يعني اسطورة البرازيل خلصت من أيام زيكو وسقراط .. والأحلى هو الدب رونالدو .. الله الوكيل كرشو متل كرش جارنا |
اقتباس:
|
هههههههه
والأحلى هو الدب رونالدو .. الله الوكيل كرشو متل كرش جارنا بالفعل مع انو ما بعرف جارك |
اقتباس:
|
رونالدو كان وانا بشهدلو بس صاير هللأ متل ما قال صياد
|
أيطاليا وبس :gem: :gem: :gem:
|
يا سيدي فعلا قدموا عرض ما بيناسب سمعتهم بس الفريق خبرة و رح يتجانسو اكتر مع بعض ....
وعندهم شغلة كتير مهمة انو اي لاعب بيناتون قادر يقلب نتيجة المباراة بأي لحظة وخصوصي رونالدينهو الملك:king: :king: |
اقتباس:
|
اقتباس:
|
اقتباس:
شو جاب لجااب |
اقتباس:
|
فعلا مباراة مبارح ما كانت بالمستوى المطلوب .:pos: .
بس بعتقد انو كل الفرق هيك .. يعني الارجنتين لعبت بالمستوى المطلوب ؟:? ؟؟ وللا فرنسا ؟؟؟ :? ... ما حدا بيكشف خطة لعبو من الاول .;-) . هيك انا بشوف .. تحياتي ...:king: |
مرحبا
كارلوس البيرتو معروف... واضح من الفريق مبارح انو كان في توجيهات قوية انو يلعبوا ع السكيت، بدون فنيات الزلمة مصمم على الكاس ما بيهمو فنيات، ما بيهمو لعب حلو كاس و بس اي مدرب بالدنيي رح ينخدع لما يشوف لعبهم مبارح و يفكر متلكم انو البرازيل لقمة سائغة و العبرة بالنتيجة _____________ كرواتيا مش فريق هوين و اي فريق تاني عدا البرازيل لو لعب معاهم مبارح كانوا خسروه بفرق هدفين او تلاتة ... بس الدفاع الحديدي للوسيو و كافو و روبرتو كارلوس اثبت انهم مش بس افضل مهاجمين بالعالم، بل و افضل مدافعين ايضا يعني مبارح كانوا قاطعين المي و الكهربا عن الكروات، و كل التسديدات الكرواتية كانت من برا منطقة الحزاء، و بتوصل بلا روح لديدا يللي كانت مهمتو مبارح سهلة جدا هارد لاك للكروات و مبروك للبرازيليين شهادة كبيرة بيستحقها حارس كرواتيا عن جدارة لأنو مبارح اثبت انو نجم مش هوين |
| الساعة بإيدك هلق يا سيدي 14:40 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون