مسـابقه أخويه للـتصوير / حملة حزيران 2009 /
 

أخرج كلّ صـباح من منـزلي و أنا أفـكّـر بأولائك الذين خرجوا و لم يـعودوا بعد .. خرجوا من منازلهم صباحا و لسـبب أو لاخر التهمهم المجهول .. و يستوقفني في بعض الأحيان اسـم ٌ لـطالما سـمعناه يتردد في أرجاء أخـويه " كـريم عربجي " ذاك الشـاب الـذي نتناقل اسـمه بود ٍ و بـعض الخـوف.

غُيّب كريم عربجي منذ عامين من اليوم عن أسرته و أصدقائه و دمشقه الحبيبة لأنه رأى أسلوبا مغايرا للتعبير عن عشقه للوطن , لأنه فكّر خارج الحدود المرسومه للتحليق .. و نـحن و على اعتبارنا أشـخاص -أداريين كـنا أم أعـضاء- في أخويه ربطتنا بـكريم علاقه مـكان و على هامشه علاقات ثانويه تتنـوّع أوجهها و تختلف برودتها من شـخص الى اخر و من وجه الى اخر و عنّي أنا فلم يربطني بعربجي سـوى وجه عابر لم يـطبع في ذاكرتي أكثـر من صوره شـاب سـوري ّ"بدو يخلي الله يشتهي يصير سوري " حسب تعبيره . و كثـيرون منـكم مثلي لمي يـخبروا أيّ علاقه شخصيه معه و لكـنّ اليـوم و في سـياق حمـله أخويه لـشهر حزيران عن الـعداله نـذكر هاهـنا " كريم عربجي " و نـقف اليوم في تاريخ 7 حزيران .. التاريخ الذي اعتقل فيه عربجي .. نقف لحـظه سلام و أمـل بأن تكون العداله قد قبـّلت جبينه الدمشقي بعد عامين ..


و بالعوده للحديث عن مسابقه التصوير فيستوقفني اقتباس لأحلام مسـتغانمي من روايتها عابر سرير تقول فيه : " كي تلتقط صـورتك الأنجح .. لا تـحتاج الى آله تصـوير فائقه الدقـّه بقدر حاجتك الى مشـهد دامع يمنعك من ضبط العدسه .. لا تـحتاج الى تقـنيات متـقدمه في انتـقاء الألوان .. ما دمت هـنا بصدد توثـيق الأحاسيس لا الأشـياء "

و بـذا نـعلن عـن مسـابقه أخويه التصويريه لـ توثيق الأحاسيس لا الأشياء ..
بمعنى آخر أنّ المشـتركين في هـذه المسـابقه غير مـطالبين بـالتصـوير ضـمن الشيئ أو الموضوع المعـيـّن دون سـواه انما يحق لكلّ مشترك المساهمه بـالصـوره التي تعبـّر عن أحسـاسه و توثقه بـالشكل الأفضل بتجرّد من أيّه فـكره أو صـيغه أو تـوجه و لا تحتاج أن تـكون مرتبطه بالمـقدمه المـذكوره أعلاه أو أيّ من أشـخاصها انما يـُترك المجال مفـتوحا ً كـذراعي المدى و تبقى المـقدمه مجرّد ملاحظه صـغيره كـتلك التي نجمعها على مقاعدنا و بوابات ثلاجاتنا كي لا ننسـى ..

يـُرجى من المشتركين ادراج مساهماتهم في موضوع منفـصل تحت اسـم (( مسـابقه - الاسم الاخوي )) مثال : مسابقه - the morning ..
و بارسال "مشاركه عاطله" من خلال الضغط على الأيقونه التاليه (( )) و ابلاغنا بادراج الموضوع ليتم اغلاقه بأقرب فرصه من قبـل أحد المشرفين .. سيـتم اغلاق المواضيع التي تندرج فيها الصور المشاركه في المسابقه كي لا يقوم أيّ عامل خارجي بالتأثير على الرأي العام للتـصويت النهائي .. كمـا و سـيتم بدأ المسـابقه من تـاريخه - اي يحق للمشـتركين المسـاهمه بأعمالهم ابتداء من تاريخ اليوم 7 حزيران 2009 - و حتـّى تاريخ 30 حزيران 2009 ..

هـوامش :
#1 . يـرجى الانتـباه و مـراعاه ضـوابط الـمشاركه في قـسم الرسم و التصوير (( اضغط هنا ))
..

#2 . المـساهمات القـديمه الغير مدرجه في أخويه سـابقا هي موضع ترحيب في هـذه المسـابقه الّا انّ المشاركات الحديثه و الصور الملتقطه بين التاريخين المذكورين اعلاه هي موضع تفضيل . بـمعنى آخر يمـكن للمشتركين المساهمه بأعمال ملتقطه سـابقا ً على أن لا تكون قد ادرجت في أخويه قـبل تـاريخ اليـوم و لـكن الأعمال المتقطه خصـيصا ً للـمسابقه هي موضع ترحـيب أكبر و لا يـؤثـّر تاريخ التقاط الصـوره على تقـيمها من قـبل اللجنه التي سـيعلن عنها لاحقا ً

#3 . ان وجـود تقنـيه الفوتوشب تسـهل و تجـمّل الكثير من الأمور في كلّ من الرسم و التـصوير و الفنون البصريه و الفوتوشوب هو فـنّ يحـتاج الى فنان لاتقانه كما يحتـاج ايّ فن آخر الى فنان لاكماله الّا ان هـذه التـقنيه قد لا تتوافر لـدى جـميع الأعضاء و المشاركين في هـذه المـسابقه و بـذا فأنـّه ليـس من العدل السـماح لأيّ تقنيه كـهذه بالتأثير على مـجرى الـتصـويت أو المـسابقه و لـذا يـُرجى من الجميع الالتزام بعدم تعديل أيّ من الصور ضمن هـذه المـسابقه عن طريق ايّ من البرامج المـساعده و يعتبر تـغير أي عنصر من عناصر الصوره أو ألوانها أو أبعادها أو أيّ تعديل خارجي عليها هو غـش ٌ لا يحق لصـاحبه الفـوز ..


#4 . أن احدى ضـوابط قسم الرسم و التصوير تقتضتي بـ :
و بذا يـمنـع من الاشتراك بالمسـابقه مـن يقوم بنـسـب أعمـالاً لا يمـلك حقوقها لنفـسه و يـخالف على ذلك

لأيّه أسـئله أو اسـتفسارات يـُرجى ادراجها في هـذا المـوضوع أو مراسله The morning بها ..

ملاحظه : تـمّت كـتابه الموضوع في تـاريخ 7 حـزيران و لأسباب يطول شـرحها لم يـتم ادراجه في التاريخ المذكور فـعذرا ً ..

شـكرا ً :akh: ..

هل يُمكن المشاركة بأكثر من صورة؟!
كما لم أفهم تماماً كيفَ تتمّ المشاركة وأين؟!

يمكن ادراج أكثر من صـوره و لـكن لا يمكن دخول المسابقه بأكثر من صوره واحده لأنـّو بهـيك يكون نـسبه فوزك بالمسابقه مضاعف ..
يـعني بمعنى آخر فيك تقوم بـادراج أكتر من صوره و اختيار وحده منهم لـتدخل عالتصويت ..

فيما يخص كيف تتم المشاركه فالشرح مفـصـّل فوق .. (( بتقوم بادراج الصوره اللي بدك تشارك فيها بموضوع منفصل تحت عنوان مسابقه - اسمك الاخـوي - اللي هوّ بحالتك بكون قرصان الأدرياتيك - أي عنوان موضوعك بكون مسابقه- قرصان الأدرياتك و بعدها اذا فيك تقوم بارسال مشاركه عاطله عن الموضوع لتخبّر المشرف المسـؤول في حال هوّ ما انتبه للموضوع يوصله تبليغ يقـلّه انو نزل الموضوع كرمال يقوم باغلاقه ))

اذا بدّك تقوم بأدراج صور جديده بعض اغلاق الموضوع ففيك تقوم بارسـال الصـوره للـمشرف المسـؤول على الخاص و بيقوم بس يفوت هوّ بادراجها ((تحت اسـمك طبعا ً .. ))

يا ريت تحددلي أكثر بأسـئله معينه اذا بعدك مش فاهم الطريقه ..

شرح كافي ووافي، بتشكرك كتير. وقريباً بنزل الصّورة المُشاركة بالمسابقة.
:D.

يعني سؤال فينا نقي صورة لرسام
او لازم تكون من تصويرنا؟؟؟؟؟؟؟؟؟

لازم تكون لوحه تصويريه أي يعني صوره من تصويرك لأنـّو هي المسابقه للتـصوير تحديدا .. و مش بالضروره تكون معبره عن شي نحنا ذكرناه بهالموضوع أو عن شي غير مشتركين قاموا بتصويره .. أي يعني متل ما ذكرت سابقا ً هيّ حمله " لتوثيق الاحساس لا الأشياء " .. بمعنى آخر انـّو نحنا ما في براسنا شيئ معيّن نقلّك بدنا صوره اله .. ولا فـكره معينه نقلّك جسديها بلوحه تصويريه أنـما الموضوع و الصيغه مفتوحين و لكن يبقى الالتزام بضوابط القسم هوّ الشي الوحيد اللي لازم تراعيه ..

نقطه تلاته .. استعمال الفوتوشوب غير مسموح فيه لأنـّو ما بشوف انـّو من العدل يقدر البعض يقوم بـتعديل و تحسين صورهم الملتقطه بالفوتوشوب بينما البعض الآخر يمكن ما عنده/ ما بيملك القدره على تحسين صورهم .. لذلك لحتـّى يكون في مساواه بين الجميع فيمـنع استخدام الفوتوشوب ضمن هالمسابقه ..

هامش : يعود للجنه التحكيم بالدرجه الأولى قرار ما اذا كانت اللوحه معدله بالفوتوشوب أو لاء ..

الصورة اللي كنت حابب شارك فيها أنا ملتقطها أساساً بالأبيض و الأسود, يعني ما مغيّر فيها شي (أساساً لأنو ما بعرف غيّر :lol:) فهل بيصير شارك فيها؟

+

بيصير نحط عنوان للصورة (داخل الموضوع يعني) أو جملة توضيحية أو متل تعبير عن الصورة؟


:D

شهيتوني ارجع شيل الكاميرا تبعي :cry:

يلعن ابو الجامعة وفحوصاتها اجا الربيع وراح الربيع وما لحقنا نصور ولا صورة :jakoush:

لازم تكون الصوره من تصوير العضو نفسه لأنو هي مسابقه تصويريه لمواهب الاعضاء :D

خليني وضـّح شغله بما أنـّو سألت ياس ..
التعديل اللي قصدته هو تعديل بمحتويات الصوره نفسها (( تعديل بالضوء , تعديل بالزاويه, روتوش .. الخ )) لكن تعديلات متل جعل الصوره بيضا و سودا (( فلنفرض يعني حدن حب يعدل و يعمل الصوره بيضا و سودا و هي أصلا بالألوان )) فهاد أمر طبيعي و لا يعتبر تعديل بالفوتوشوب متل تعديل الضوء و اضافه او الغاء عناصر من الصوره ..
تكبير تصغير أيضا مسموح .. هـممم يعني كل شي ما بيغيّر من العناصر الاساسيه للصوره مافي مشكله فيه ..


طبعا اللي بحب يضيف عنوان داخل الموضوع نفسه فهاد الأمر بيرجع للـمشاركين

:D

صرنا تنين ..(( شهيت حالي اشتري كاميرا بتشتغل :o ))

رح بكون في تصويت ((بشكل جديد سيتم الاعلان عنـّه لاحقا ً )) لكن التصويت من قبل الأعضاء .. و في لجنه تحكيم (( رح يتم الاعلان عنها بتاريخ 20 الشهر )) رح تكون هي بدورها مسؤوله عن توزيع نسب أيضا و رح بتم الآخذ بآراء كل من اللجنه و الأعضاء (( و الغالبيه للأعضاء لتوزيع النسب على المشتركين .. ))

لجنه التحكيم رح تتألّف من ناس عندهم باع و خلفيه معينه بالثقافه الفنيه و آرائهم رح بتكون مشروحه (( يعني رح يذكر كلّ من الأعضاء و اللجنه سبب اختياراتهم و هيك يعني حاليا ً ما بدي اشرح كتير عن الموضوع بتاريخ 20 الشهر رح ينزل موضوع منفصل بالقسم بيحكي عن هالقصص و بعدها لو في استفسارات أيضا بنقدر نناقشها ..

:D

شكرا ع التوضيح شوش
واكيد مافي فوتوشوب :deal:

طيب و شو الجوائز :lol:

انا بقترح أنو تعطوا الأول رحلة لمدة اسبوع على ماليزيا لسبع اشخاص

و التاني تعطوه رحلة على لمدة 5 ايام لسيريلنكا لخمس اشخاص

و التالت رحلة مفتوحة العدد و الأيام على حمص

انتو شو بتقولو مناسبة و لا بدكم شي أتقل ؟؟؟؟؟؟؟؟؟
:lol:
اه و في شغلة

ايمتا بينتهي موعد المشاركة
يعني انشالله يكون أخر الشهر لحتى نحلق بس لنخلص امتحانات !!!!!

يحق للمشـتركين المسـاهمه بأعمالهم ابتداء من تاريخ اليوم 7 حزيران 2009 - و حتـّى تاريخ 30 حزيران 2009 .. :gem:

اي يعني هالشهر يلي نحن فيه :lol:

في سؤال اجاني على الخاص بيقول :

و حابه جاوب عليه هـون عالعام نـظرا ً لأنـّو يبدو في كتير ناس مش تماما ً واضح بالنسبه الها الموضوع تبع الفوتوشوب ..

الفوتوشوب ممـنوع نقطه !
المسموح استخدامه هو التقنيات العاديه البسيطه ك:

1. تصغير لحجم الصوره (( أو تكبيرها )) .. يعني أكيد تصغير الصوره أفضل من ادراجها بحجم كبير لدرجه ما نقدر نشوفها ..
2. قص الصوره يعني انـت صورت صوره لمنظر عام و كبير وحابب تشارك فقط بالجزء الأسفل من الصوره ففيك تقوم بقصـّه و ادارجه ..
   
3. جعل الصوره بيضا و سودا أو تعتيق لونها (( جعلها تبدو قديمه كمشاركه I_Love_Syria (( اضغط هنا ))
   

و كل ما عدى ذلك غير مسموح .. اضافه لهيك كي يكون بمتناول الجميع هالتقنيات هي رح قوم بتنزيل موضوع خاص يورجي الخطواط لكلّ من البنود التلاته المسموح استخدامها و بهيك نضمن انـّو الجميع بيقدر يحصل عالمعلومات اللازمه لاستخدامها ..

أيضا في نقطه بدّي احكي فيها .. يا ريت ما يتم اطلاق التهم على المشاركين بالمسابقه باستخدام الفوتوشوب او عدمه و نترك هالشي للجنه اللي مسؤوليتها هوّ تقدير هالأشـياء .. سمعت أكتر من مرّه و احيانا يطر بعض المشاركين لمراسلتي بالدفاع عن انفسهم و هالشي أنا شخصـيا ً ما بقبله يعني ما بحس في حاجه حدا يدافع عن حاله ما لم يتم مراسلته بالأمر من قبل احد أعضاء اللجنه (( اللي رح بتم الأعلان عنها بتاريخ 20 الشهر )) ..

شـكرا ً :D

انسة ذا مورنينغ..انت بتحكي عن أنو مو لازم يكون في أفضليّة بين المتسابقين(فوتوشوب وما فوتوشوب...):pos:..

بالله عم تحكي جد :? ؟؟

اذا بدك تجي للواقع فأنا كشـخص يعني شوي اله هوايه بالتصوير فبضّـل صور بسوريا ..

بس اذا بدك نحكي عن الاشيا اللي ممكن تكون موجوده عند البعض و مش عن البعض التاني ففي مجموعه كبيره جدّا من هالاشيا :
1. نوع الكاميرا
2. عدسه الكاميرا و ابعادها
3. المكان اللي عايش فيه
4. وقت التصوير (( التصوير باليل غير عن النهار و قد يأثر على الصوره ))
5. الاضاءه بالاماكن اللي عم يتم التصوير فيها
6. الخ الخ

بس هاد كلـّو ما بنقدر ناخده بعين الاعتبار لأنـّو كل واحد عارف امكانياته و عم يشارك فيها و عفكره مش اللوحه التصويريه اللي بتربح هي الأجمل أنما كل صوره هي الاجمل بالنسبه لصاحبها (( و رح تبقى كذلك بغض النظر مين بيربح )) و من هون يخلق التنافس :D

ليكون الجميع بالصوره و ما تستغربو لوجود بعض اللوحات التصويريه المثبته حاليا و اللي كانت قد تثبتت سابقا ً .. هالشي بيرجع لأنـّو عم قوم باعاده تثبيت للمواضيع اللي صارت بالصفحه التانيه و من ثمّ اعاده رفعها لتحتل الصفحه الاولى مجددا ً هالشي بشكل دوري و بحسب التسلسل اللي نزلت فيه المواضيع .. :D

اي بس هلعملية خلت مواضيع بنفس العدد تنتقل للصفحة التانية بدورها :frown:

اي لذلك قلنا بشكل دوري .. يعني مش من العدل انو مواضيع تضل بالصفحه الاولى و مواضيع تانيه تضلها بالصفحه التانيه و لذلك عمي تم التثبيت ثمّ الرفع و بشكل دوري ..

عرفت عليّ شلون :sly: ؟

طب ليش ما بينزل موضوع واحد بس مثبت فيه لينكات " بس لينكات يعني " المواضيع :frown:

حبيت الفت نظر الجميع بأنـّو المسابقه مفتوحه حتـّى تاريخ 3 تموز و هالشي نظرا ً لأنـّو أخويه وقفت بالتلات أيام الماضيه و لذلك و لكي ما نكون حرمنا حدن من فرصه المشاركه مددنا تاريخ تسكير المسابقه لتلاته تموز 2009 ..

:D

عراسي حارتك :lol::lol:

صحيح.. في إمكانية انو نجمع كل الصور بموضوع واحد لما بيتسكر باب المسابقة ؟؟؟
مشان يكون الاطلاع على الصور اسهل على الاعضاء..

اي التصويت رح بتم بموضوع فيه كل العشر لوحات التصويريه المنتقاه مجموعه معا ً

يعني تقريبا ً متل ما كان يحصل بمسابقات الكاركتير - مع اختلاف طريقه التصويت - :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

تموز= July

بس على ما يبدو انت فهمتي طريقه المشاركه بشكل خاطئ ..
يعني ما بتقومي بتسجيل اسمك هون انما بتقومي بتنزيل الصوره اللي بدك تشاركي فيها بموضوع منفصل تحت عنوان(( مسابقه - ريح )) و بذلك بتدخلي بالمسابقه ..

:D