* إلى السيد وزير الداخلية والسيدة وزيرة المغتربين
 

مغترب سوري

أنا مغترب سوري منذ عام 1986 ومنذ حوالي الشهر قمت بزيارة سوريا مع زوجتي الأجنبية،التي أحبت سوريا بشكل عام ولكننا لدينا عدة ملاحظات اتمنى أن تأخذوها بعين الأعتبار: من مبدأ أهتمام السيد الرئيس وتوجهات الحكومة السورية بتشجيع المغتربين للتوصل مع الوطن الأم.. هل أبدأ من المطار بوقوفي بالصف لأكثر من ساعتين لحين أستطعت أن أحصل على فيزا لي ولزوجتي.. أم من دفعي وبشكل غير حضاري مبلغ 220$ للسيد الضابط الموجود ثمن الفيزا؟؟؟ الأموال ليست مشكلة أنما طريقة التعامل هي الأهم.. وانا ‘اعتقد جازما" أنه لكل قاعدة أستثناء والسيد الضابط هو الأستثناء هذه المره.. عند وصولي الى الحقائب فوجئت بشخص أعطاني عربيه لجر الأمتعة وطلب مني ما يعادل 100 ليرة سورية.. وبعدها شخص أخر من المخابرات الجوية طلب اكرامية وصولي بالسلامه.. ودفعت وزوجتي تكاد أن تموت من الغيظ والخوف بنغس الوقت.. إضافة الى التاكسي لذي اخذو يتخاطفوا امتعتي مني وأنا لاحول ولا قوة سوي الهروب من المطار لرؤية والدتي المريضة والعودة الى عملي بالسرعة الممكنة.. عدا عن الحديث عن الشعور بأني غريب عن وطني.. من المفارقات أن زوجتي قالت لي بعد 25 دقيقة من! وصولنا ونحن لانزال في التاكسي: هل الناس التي تقود السيارات تعرف بعضها؟؟فأستغربت سؤالها وقلت لها طبعالا.. فقالت [انها ترى الناس وكأنها حاقدة على بعضعا البعض بطريقة قيادة السيارات لما رأته من خلال السيد السائق الذي قام بتوصيلنا بشكل جنوني من المطار بسيارة لاتملك أدنى مواصفات السلامة.. مع العلم بان زوجتي من الجنسية الفلنديه وهي طبيبه اخصائية.. عند عودتي من المطار قام السيد الموظف في الخطوط السورية بأعطائي بطاقة دخول الى الطائرة الخطا وعند مراجعتي للموظف الذي بدورة اتصل بموظف أخر اتى الى الكاونتر حيث قال للموظف الأول:شو بدي اعملهم (خليهم يلتطعوا) وعندها لم أعد لتمالك نفس وقلت له بأن يصححص الخطأ أنفجر بوجهي بشكل مهين أمام الركاب وزوجتي عندم عرف بأني أتكلم اللغة العربية ومع العلم بأني أمتلك كافة الوثائق التي تثبت أقوالي بالأسماء والتواريخ والشهود.. /ما أريد أن أقول هو بأني لأن أفكر بالنزول الى سورية ولو مهما كان السبب. وبذلك أحافظ على كرامتي وكرامه مكانتي العلمية والعملية بدون أن اظطر الى تحمل الكثير من الأهانات والشعور بأني في بلد غريب.. . أعتذر عن ذلك ولكن همسة حب من مواطن غيور على وط! نه.. قبل ان تطلبوا من اي أحد ان يأتي ويقوم بأستثمار أو حتى زيارة. نظفوا البلد ومؤسساته من الفساد ونفوس الضباط المريضة.
---------------------------------------------------------------------------------

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

مشكور أبو مارل الغالي اللي مقالاتك دائما" بتهز الجبال ..وهي حالنا كلنا ..لأنو للآسف كلنا مغتربين في أوطاننا.. :D :D

شفتلي اللافتة اللي مكتوب عليها ممنوع التدخين و حواليها عناصر الشرطة اللي المفروض انو هنن يحفظوا الامن وهنن عم يدخنوا حد هاللافتة :lol::lol::lol:
لاء و بيقوموا بيطفوا السيكارة بتراب الزريعة الموجودة تحت اللافتة :lol::lol:
فعلا مسخرة :pos:

أنا نزلت السنة الماضية و كان صرلي شي خمس سنين ماني نازل, و بصراحة حسيت للوهلة الأولى أنو في شي بسيط من التخفيف بالغلاظة ( يعني سابقا من تنزل من الطيارة لتوصل أهلك بدك تطالع بسبورك شي خمس مرات.. هلأ بس مرتين. لكن ما زال منظر المطار مخجل صراحة, يعني بقاعة الجوازات عند الوصول عدد الشرطة أكبر من عدد المسافرين و مع ذلك بدك شي 40 دقيقة لتخلص اجراءات (هاي انت عربي سوري يعني طجة ختم واصل مطار دمشق و امشي)

بالرجعة طيارتي كانت عالأربعة الصبح تالت يوم العيد, و نزلنا عالشام ... طبعا ما زال القسم تبع تسليم الأمتعة داخل المنطقة المحظورة عكس كل مطارات العالم يللي تسلم فيها أمتعتك و تاخد البوردينغ باس و لساتك مع أهلك.. و دعنا الجماعة و دخلنا و خانقتنا العبرة و تعرفو يعني وداع الأب و هيك شغلات... على كاشف المعدن لما كل شي حاملو بدك تعديه بالسكانر و تعدي من القوس انت أنا تركت كل شي. و بالعادة لما بسافر بشيل معي شنطة صغيرة بحط فيها كل شي (مفاتيح, مصاري, موبايل....الخ) حتى ساعة و قشاط ما بلبس. المهم تركت كل شي بالسكانر و مرقت من القوس و طبعا القوس ما رتن لأنو ما معي شي معدني.. حتى الجزدان بالشنطة الصغيرة... و استلمني واحد عالأساس موظف السكانر, كان سمعانني أودع أبوي و سمع لهجتي الظاهر و اجاني بيقللي بلهجة بدية شغل مسلسلات: تعال ابن العم تعال هات جوازك لنشوف. وقفت و عطيتو جواز سفري و أنا عم أزورو يعني ام أخدو و فتحو. لما شاف اني رقاوي تطلع فيني عم يضحك بخبث وقللي: رقاوي قلتلي؟؟ لوين رايح؟ قلنالو ع مدريد أم بلش يفتشني متل المجرمين بجيوبي و جاكيتي و هو عم يقول : كل عام و انت بخير. قلنالو و انت بخير أم قللي: شو يا انت رقاوي بس مانك أصيل ولاد بلدك بيعرفو شو معناة كل عام و انت بخير خلصنا باركلنا العيد. ما ردت زودها معو قلتلو ماني حامل شي أم كمل تفتيش و ما لقى جزدان قام صار يقللي العمى ضربك جايني مشفى انت؟؟ هون شوي عصبت و قلتلو: شو رأيك هلأ تعطيني اسمك و ارفع شكوى عليك و اخربلك بيتك يعني؟ قام قلي شو رقاوي و صوتك عالي كمان روح ازرع حنطة و شعير روح... درت حالي و طلعت لبرا و حكيت لأبوي القصة و أبوي قللي هلأ سافر انت انا بتصرف. الصبح راح أبوي عوزارة الداخلية و حط شكوى و بعدين بمساعدة بعض الواصلين من أصدقاؤ بالرقة مشي الحال.... انسجن عشر ايام و هلأ مفروز بدرعا




قصدي من هالقصة الطويلة أنو صح في فساد بس كمان نحنا لازم ما نعطي وجه... الغبي هاد انبسط لما شاف اني رقاوي لأنو أهل الرقة بشكل عام عندهون خوف من الشرطي (و ما يشبه الشرطي) بشكل عام يخليهون يرشو هيك عالطالعة و عالنازلة و بدون سبب حتى..


لو رأى الظالم على جنب المظلوم سيفا لما أقدم على الظلم


عذرا للاطالة حكينالكون قصة حياتنا...... و لقصة سفرتي بقية

عبد الرحمن الكواكبي
طبائع الاستبداد
:o:o

عفوا لسى ما قريت الرد بس سبحان الله دغري وقع نظري عهالجملة هيك فجأة :lol::lol:

نزلتي مو السنة الماضية انما الشهر الماضي... يعني صار شهرين الا شوي

يا سيدي رح احكيلك قصة صارت مع واحد سوري نزل من بولونيا ع سورية و هالحكي من 3 سنين
نزل الزلمي و كان الو شي عشر سنين مو نازل بتعرف يعني مشان العسكرية و الزلمي قبل ما ينزل احتار شو بدو ياخد لاهلو هدايا بتعرف يعني صرلو زمان غايب و هالحكي هاد....
المهم اشترى الزلمي 12 قنينة عطر و نزل و بالمطار عالتفتيش اخد منو اول شرطي قنينة عطر و ما بعرف وين لسى اخدو منو قنينة تانية و هو طالع لبرى شاف شرطي عم ياشر للمساعد تبعو من بعيد و يقلو هداك هو تبع العطر سيدي و لمى اجى المساعد لعندو كان الزلمي رح يطق و ينفجر من غيظو المهم انبحت بفرد مرة عالمساعد و بلشي يعيط باعلى صوتو و يبهدل فيهن ...ما عرفوا كيف دفشو لبرى مشان يسكت بقى
و مشان الشرطي اللي فتشك انا بقلو: يا كلب ما عرفت تدرسلك كلمتين بزماناتك و تاخدلك شهادة تشتغل فيها تنفعك مو احسللك من الشحادة و الرشاوي

صحي على فكرة انت فتت شي مرة عالتواليتات بالمطار؟؟ :o

لا تذكرني.... شي بيخجّل:notok:

خيو شايفلك جاي على بالي اعمل موضوع و خلي هالعالم تحكي شو صار معها فصول بالمطار و شوف النهفات بقى :lol::lol:

يا سيدي نهفات المطار بتبقى ارحم من طرائف الحدود
الحمدلله ما سافرت ولا مرة بالبر لسى
بس اللي سمعانينو بيكفي لانو الواحد ما يفكر بنوب بالنزلة بالبر

:o هي اللي حاطين مرا جنب الباب وبتقلك ادفع 25 ليرة مهيك

عنجد شي مسخرة :sick:

ياس والله على هالحالة لازم اذا رفعت الاسامي اللي عندي للوزارة تاني يوم يسكر المطار

بس لا والحق يقال مطارنا متسامح ببعض المراحل وخاصة بالصيف انو وقت ابوي يسافر تتحسن الاوضاع وانا يلتعن نفسي بالسفر

بس بالواقع بده تجديد على الاخر

متل ما بطلع متل ما بفوت ما بعطي فرنك .. و يسترجي ما يمرق :lol: