|
الأمور السلبية بأخوية... نقد ذاتي
بتصور إنو ماحدا بيعارضني بفكرة إنو الكمال لله. ومن هون ورغم حبنا وإلتزامنا بدعم هالموقع والمنتدى الرائع انطلاقاً من اسمو وحتى أخر كلمة مكتوبة فيه يجب علينا لتطوير ذاتنا معرفة نقاط ضعفنا لتقويتها أو ع الأقل سدها. بتمنى ماحدا يزعل من هالنقد لأنو هدفو التطوير, وبتمنى ماحدا يسئ استخداموا لأغراض شخصةية أو تصفية حساب. مابدنا حدا يجي ذكرنا بميزات أخوية لأنو لولا هالميزات ماكنا هون وماتعبنا حالنا ونزلنا ولو موشوع واحد, هون بنحكي عن الأمور اللي شايفين إنها سلبية أو المجالات اللي بنتوقع إنو اذا صارت بأخوية رح تقويه وتزيد من شعبيتو.
أنا رح بلش بطرح نقطة سلبية شفتها ببعض المواضيع واللي هيي التسفيه والتهجم من بعض الأعضاء على البعض الأخر بسبب الدين, بسبب الجنس, سوء تفاهم... الخ. بس هاد مو وعي شباب ناضج. اللي مابيشاركك بالرأي لاتحبو بس احترمو, لا تسفه رأيو, لا تستخدم كلما مابتليق بشبابك ولا بوعيك, احترم الغير لتكون محترم. (أنا حبيت بلش بنقد الأعضاء واللي أنا منهن قبل ما انقد أي شي بأخوية لأنو كلنا ناقصين والكمال لله) |
موضوع رائع عن جد لازم ننقد حالنا لنحسن من أسلوبنا
أنا بوافقك الرأي المفروض إنو نحاول نحترم غيرنا بردودنا مهمى كان مشان نحافظ على مستوى راقي في التعامل و يحترمنا الجميع |
اقتباس:
|
صارلي فترة طويلة بأخوية بس مش متواصلة دايما يعني كأني جديدة!!
بتخيل لحتى تقدر تنتقد أخوية لازم تكون تعرفها منيح وفاهم جوها منيح وفاهم الناس اللي فيها منيح :) كأنو موضوعك بكّير عليه شوي لأنو اخوية مش زي اي منتدى انت بتعرفو :D |
حلوة الفكرة....النقد للتغير...
بالتوفيق :D |
اقتباس:
يعطيك العافية |
اقتباس:
ثانياً مومحتاج الأمر لتكوني عضو معتق بأخوية لتميزي بين شي صح وخطأ, العضو القديم ممكن يلاحظ الاخطاء اللي كانت موجودة بالأول وانحلت, ممكن يشوف أخطاء أكثر من غيرو, ممكن يطرح حلول واقعية وبتناسب أخوية أكثر من غيرو, بتفق معك بهيك نقاط بس باعتقادي مو هوي الوحيد اللي يقدر يميز الصح من الخطأ بأخوية. ثالثاً شو هوي معيار بكير ع هيك موضوع أو لأ, أنا ممكن عضو جديد بأخوية من حيث المشاركات بس أقدم من حيث المتابعة بعدين هالموضوع مو لشخصي, لأ, هالموضوع للكل ولأخوية وبالتالي لما قدامى الأعضاء بيطرحو رأين ولما غدارة أخوية تطرح رأيها كمان, بيصل الهدف المطلوب من هيك موضوع. أخيراً أنا من أول مشاركة بأخوية كتبت وبصدق أخوية هو المكان الوحيد اللي بكتب فيه لأنو هالمنتدى عندو فكرة ورؤية مو متل غيرو من المنتديات, بتفق معك بهالنقطة, وهي من الأسباب اللي خلتني اطرح هالموضوع للنقاش. عموماً خلي الأعضاء وادارة المنتدى بيقرروا إذا أخوية بالوضع الحالي بالوضع المثالي أو لأ. شكراً لردك |
اقتباس:
|
انا بدي انتقد اول شي الناس الي ردو عالموضوع لانه الموضوع فهمت منه انه احنا لازم ننتقد الاشياء الغلط بالمنتدى مش نحكي عن الموضوع حلو ونطلع
سوري يمكن تدخلت بشأن صاحب الموضوع. ومهما تحاول تصلح مارح توصل لإشي لأنه الي جاي مشان يتسلى وينكش مخاته صعب تغيير فيه اشي ويمكن اكون انا واحد منهم.;) |
اقتباس:
انا مانقص من الموضوع او غلق الابواب ابدا الهدف من الموضوع نبيل و احنا اكيد معا لتغيير الاخوية للاحسن و اذا ما انتقدنا انفسنا و اعرفنا عيوبنا...ما رح نقدر نغير شي بس صار في كتير مواضيع تحاول انها تحل هالنقاشات الفاضية اللي عم تصير بين الاعضاء و محاولة حسم بعض التجاوزات و الاختلافات.. في سبيل نفس الهدف... بس نهايتها انو تكتب ردودك و تتفاعل مع الموضوع ...و في النهاية ما يصير شي و تلاقي الهدف من الموضوع طار :?:pos: ما تعتبر كلامي مثبط ...بس هو نقد كمان :D |
اقتباس:
بس القصد انو اللي بأخوية من فترة بيعرف انو جوها مميز وبدك فترة لتفهمو!! ولحتى تقدر تنتقد وتعرف الغلط من الصح لازم تفهم الجو اللي انت فيه !! |
اقتباس:
أما نقطة إنو مهما تحاول تصلح... مابوافقك فيها لأنو مو كل اللي بيفوت ع أخوية بس ليتسلى بالمعنى السلبي. بعتقد اللي فايت ليتسلى بدون اي احساس بالمسؤولية تجاه الشي اللي عم تطرحو أخوية ماراح يكلف خاطرو ويفوت ع هيك موضوع بيهم اللي بيحب أخوية وبيهمو أمرها. بالأخير حاول, شرف التجربة مقدس |
اقتباس:
إنتي شو شفتي شي بأخوية حاسيتيه غلط, أو في شي أحسن ممكن يكون, شو في موقف صار معك بأخوية حابة تلقي الضو عليه. ما عك احكي بس ع الجدالات اللي عم تصير بأخوية, عم أحكي ع كلشي شلبي بأخوية. |
اقتباس:
برجع وبقلك من جديد, ممكن أنا مافهمت جو أخوية لسا, بس في غيري أكيد فهمو, خليني أنا عم اتفرج وخليه هوي عن ينتقد, بالنتيجة رح نصل لصورة أوضح وأنقى لأخوية ممكن يساعد القايمين ع أخوية ليصححوا توجههن, أو يديروا الدفة بشكل أفضل. |
والله ملينا كل مابينطلي عضو جديد بيفرد عضلاتو عن سلبيات أخوية ....
يا جماعة افردوا عضلاتكون شي مرة واكتبوا عن الاشياء الإيجابية ... وعلى ما أذكر انطرح موضوع متل هاد من قبل واتناقشنا فيه وخلصنا ... وعلى سيرة النقد البناء انتو الي عم تعملوا سلبيات بأخوية بهل المواضيع المكررة الي تمللنا واحنا نكتب فيها ... وشكرا ..:D |
اقتباس:
|
اقتباس:
|
اقتباس:
شوف حالي :shock: أرجو التوضيح مخي سميك اليوم ما فهمت ..:pos: |
| الساعة بإيدك هلق يا سيدي 21:16 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
