|
هل أنت مع الزواج بحب؟
هل أنت مع الزواج بحب؟؟ معظمنا يعيش تجربة أن يحب شخصا ما ويبني وإياه خططا للمستقبل ويحلم بالسعادة معه لباقي العمر ولكن... أحيانا تجري الرياح بما لا تشتهي السفن ولست أتكلم هنا عن الخداع والتلاعب بالعواطف وإنما عن أمر يعاني منه الشباب في هذا الزمن الأسعار نار والعقارات سياحية إلا إن حصلت على مسكن (ماشي الحال) والرواتب للموظفين حدث ولا حرج حتى الأعمال الحرة فهذه تبعا -للشطارة-والفهلوية إن لم نرد الكلام عن البؤس مفصلا... والحالة تعبانة يا ليلى.. وهنا يأتي دور الأهل (أهل الفتاة على الأخص)الأصدقاء والمقربون: الحب لا يطعم خبزا مين بلش بالدين عاش العمر مديون بيصرلك واحد مريش أحسن منو على شو ناطرتيه هو لوبيحبك عن جد ما كان نطرك كل هالسنين كان خلاكي بحالك تركها وجهز حالك على مهل وبعدين بتلاقي أحسن منها لشو رابط حالك فيها شو حب ماحب ’ المصلحة يا حبيبي الغبي بيتعلم من كيسو والذكي بيتعلم من تجارب العالم وغيرها كثير مما نسمعه ولم أذكره والسؤال هنا هل هم على حق؟ هل الحياة علمتهم ويجب أن نفكر على طريقتهم أم نتحدى المصاعب وربما نندم لاحقا؟ وأتوجه للفتيات بشكل خاص فالموضوع يلمس وترا حساسا عندهم .. ما رأيكم لو سمحتم.. |
انا مع الزواج بحب
انا مو ناوية اتزوج بالطريقة التقليدية no way ;) |
مشكوووووووورة كتير على هالموضوع
اكيد هلئ الزمن اتغير بس كمان الظروف تغيرت انا بدي ئلك عن حالي انا حبيت بنت الحمد الله انا قادر اني عيش لحالي وفي بيت خاص فيني ( ملكي نعني ) وبقدر اسس للبيت هاد باللي بيكرمني فيه رب العالمين بس يا حزرك شو صار ( انخطبت غصب عنها ) طب شو اعمل ( شاي ولا ئهوة بلا بن ) كل هالحكي ما بيفيد اللي بيفيد انو نحن لازم نطلب من اهلنا نهم يوعو شوي مو اكتر مو كلشي غصب لك حتى الاسلام نوه على هالشي وزكر انو اي زواج بعدم رضى اي طرف من الطرفين ( انا عندي رفيقي انجبر يخطب بنت ما بدو ياها يعني قمة التخلف ) لاغي ويعتبر زنى يتحمل مسؤوليته الغاااااااااااااصب ما بئول غير اللهم أصلح احولنا والشكر على هالموضوع |
اي لازم يكون بحب مو معقول اربط حياتي بواحد هيك خبط لزق لازم اكون بحبه :sosweet: |
اي لازم يكون بحب مو معقول اربط حياتي بواحد هيك خبط لزق لازم اكون بحبه :sosweet: اي شو هالخجل ما شاء الله :ss: |
موضوع حلو..
انا مع الزواج مع الحب...بس الحب الصافي الحئيئى بهيدى الزمن مافى ماااااااااافى عنجد مااافى حدا يحب حدا واذا حبك واحد الا ويطلع كذاب اخر شى ماهيك او يتحجج باهلوا.... بس بنسبى ئلى بئول خلي حبى يكون بالخيالى احسن..الانو الواقع بيصدم ايام...:cry: بس فى كتير انا بعرفن اتزوجوا عن حب ومبسوطين الله يوفئهم يارب |
هلأ صحيح بيقولوا الحب :hart:بيجي بعد الزواج بس برايي انو لازم يكون كمان موجود قبل الزواج
لانو حلو نعيش الحب قبل الزواج:hart: |
ليش في شي أحلى من الزواج بعد الحب ... بس الحمد لله لسا ما جربتو طبعا ... لسعتني بالنص الأول من الموضوع ... ولسا بكير على النص التاني
|
برأيي انو الحب قبل الزواج حلو كتييييير وممتع وفيه اوقات ولحظات ولا اروع .. :sosweet:
بس بحسه مؤقت .... يعني سنة .. سنتين ... 10 ... وبعدين بتروح هالمشاعر وبتصير اقل من عادية وروتينية .. خاصة انو الحب اعمى .... ومع الايام بيكتشفوا الحبيبن بعضن منيح ... وبيطلع الخمير والفطير ... بس الحب يلي بعد الزواج ... بيضل طول العمر ... وبيساعد على تخطي الازمات والمشاكل اللي بتواجه الشريكين .. بحسه حب ناضج اكتر ... .... :oops: |
انا مع الحب قبل الزواج وضد الزواج بلا حب
|
أنا في رأي إنو في رابطة اقوى من الحب إلي هي الإحترام
يعني مافي حب بدون إحترام أناأحترم مشاعرك أنا بحبك أنا أحترم خصوصيتك أنا بحبك أنا أحترم إنسانيتك أنابحبك |
اقتباس:
|
انا بشوف مو مشكلة الطريقة بحب بغيروا لان النهاية كل القصة نصيب بس بتمنى انو ما اخد شخص ما بعرف شي عنوا فجاة
|
أي أكيد مع الزواج بحب
هوي في أحلى من الحب بالدنيا بس كمان لازم نحكم عقلنا ونختار شخص نقدر نحبو ونعرف حالنا قادرين على الاستمرار والارتباط في |
اقتباس:
|
يا ريت حد يأكد لي الجمله دي أو ينفيها
كنت قريت من فتره ان الحب ينشأ من العقل يعني لو العقل حب انسان بالتبعيه القلب هيحب الانسان دا و أنا مع الحب قبل الزواج بس الأهم انك تختار الانسان اللي يستاهل انه يفوز بحبك |
انا ماني مع الزواج إلإ بحب .. :pos:
|
هو لما الواحد بيتزوج بعد قصة حب بيحس يمكن بطعم السعادة اكتر
لانو ضرلو فترة مع هالانسان وكل يوم بتمنى يكون معو تحت سقف واحد و الحب بعتقد اساسي ليبني احترام بين هالشخصين و بعلاقة الحب فيه كل واحد يتعرف ع شخصية الطرف التاني يعني يتأكدو جد ازا هالانسان هو يلي بدن يرتبطو معو او لا اكيد انا مع الزواج بعد قصة حب ما في احلى من الحب بحياة الانسان او فينا نقول انو الشي الوحيد الحلو هلأ :D |
| الساعة بإيدك هلق يا سيدي 13:34 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون