|
الجنس قبل الزواج (عقدة الجنس وبكارة الفتاة )
رغم معرفتي المسبقة بشائكية هذا الملف وخصوصيته في مجتمعاتنا الشرقية أردت أن نتناقش بهذا الموضوع بكل حرية ومن مبادئنا و معتقداتنا و فلسفتنا الشخصية و المكتسبة
بالرغم من كل ما يروج له في مجتمعاتنا الشرقية عن عفة الفتاة و حفاظها على نفسها و بكارتها و بالرغم من كل أنواع الحصار الفكري و الجسدي الذي تمارسه الأدبيات المنزلية و المدرسية و الافكار و العقائد الدينية نرى أن بعض الفتيات يضحين بكل ذلك في سبيل الحب . فما هو الحب وهل له علاقة بالجنس , أم هما عنصرين يكملا بعضهما الآخر ما هو مفهوم الحب عند العرب و ما هو مفهوم الحب عند الغرب و أيهما الأصح ( إذا خرجنا عن المسلمات الدينية و الاجتماعية ) هل الجنس قبل الزواج محلل للرجل ولماذا لا يحاسب الرجل على ممارسته للجنس قبل الزواج هل أنت أيها الرجل يعنيك قلب الفتاة أم غشاء بكارتها أكثر هل تستطيع أو تستطيعين أن تمارس الجنس مع شخص لا تحبه ما هو مفهوم الزنى وكي نصل الى هذا المفهوم نطرح هذه الأسئلة هل ممارسة الجنس مع زوج لا تحبه زنى ؟؟؟؟؟؟ هل ممارسة الجنس مع شخص تحبه و دون زواج زنى ؟؟؟؟؟؟ الله خلقنا على جنسين ( ذكر و أنثى ) و لكنه لم يخلق كتاب زواج و لا كتاب طلاق بل خلق معنا الحب و الغريزة فهل هذا كافي لممارسة الجنس؟؟ الزواج ما هو ( عرف قديم من قبل الأنبياء كافةً وكان يسمى كما تسميها المسيحية حالياً ( الأكليل ) ما الفرق بين الزواج و الجنس ( الزواج أرتباط كيفي و أختياري و لكنه ليس حاجة بينما الجنس حاجة سيكولوجية و بايولوجية ) لماذا تغفر لنفسك أن تمارس الجنس قبل الزواج و لا تغفر لحبيبتك هذا ما العلاقة المباشرة بين الحب و الجنس و الزواج وما الحل في عدم أمكانية تواجدهم سوية أتمنى من كل الاخوة المشاركة بكل ما يجول في خاطرهم دون خجل فنحن في عام 2007 وهذه المواضيع تشكل عند العرب عقدة أسمها عقدة الجنس فدعونا نتحرر من عقدنا |
انا براي الشخصي الجنس و الحب مرتبطين ببعض يعني كتير عالم عربيين حبوا بعض و مارسوا الجنس و تزوجوا بكامل ارادتهم..
و بالنسبة لالنا نحنا العرب يعني هيك موضوع بيرجع دائما للراي الشخصي و الاتفاق بين الجنسين الذكر و الانثى.. اما ببلاد الغرب اوروبا و امريكا الجنس عندهم شغلة عادية بس هني بيقدسوا الحب .....و انا بوافقن بهالشغلة طول ما انو الجنس مرتبط بالحب فهالشي مانو غلط من وجهة نظري انا... و شكرا على الموضوع....... |
موضوع كتير حلو و حساس و كل واحد منا الو فكرة معينة معينة بلموضوع
رح ئلك من خلال تجربة رفيئي يلي انا بعرف ئصتو من الاول للاخر كان بيحب بنت كتير و هي كانت تحبو و هنن ال2 كانو يحبو بعض للجنون و كانو كتير صادقين مع بعض اللمهم انا كنت متاكد انو كانو بيمارسو الجنس ئبل الزواج و حتى الخطوبة و كانو متعهادين انو ما يفرئون الا الموت و يتحدو الدنيا منشان يكونو لبعض و فعلا صار و تزوجو من سنتين تئريبا و عايشين احلى ئصة حب و اذا بتشوفون هلاء بتئول انو لساتون بشهر العسل و ما شفت 2 حبو بعض متلون اللمهم هنن اثبتو انو الجنس هو مكمل للحب لانو هو بيعرف انو كانت الو ئبل الزواج وهو كان يئلي انو هو بدو البنت لتفكيرا و اسلوب حياتا و الروح الحلوة يلي فيها و وجهة نظرو انو الجنس مدتو ساعة بلكتير كل كم يوم و يلي بيبئا هو التفاهم و الانسجام بامور الحياة .. بصراحة كنت استغرب كتير افكارو بس هو اثبت بعد نجاح تجربتو مع حبيبتو انو هو كان صح بس مافيي عمم الموضوع على كل البنات او كل الشباب لان متل ما حكيت بلاول انو كل واحد فينا الو فكرة خاصة بلموضوع و مستحيل انو تئول هو صح و كمان مستحيل تئول انو هو غلط |
مثلا انا كنت بحب بنوتة كتير امورة و حلوة و كان بلكتير بيني و بينا بوسة ضمة و بس و قررت انو اخطب البنت بس يلي فرئنا هو العناد يلي فيا و راسا الكبير
بس طبعا من سابع المستحيلات انو ائبا اتزوج بنت اذا ما كانت عذراء مو للشرف و الاخلاص و انو ممكن تخون بعدين يلي بفكر فيه هو انو الجنس ما بيصير الا اذا كان في حب ئوي كتير و ما بحب انو البنت تتخيل حبيبا بلحظة حب بيني و بينا و تئول بعقلا الباطني انو هيك كان يعمل و هيك كان يساوي و صير للمقارنة سواءُ للافضل او الاسوء طبعا الحكي يلي ئلتو هو علبنت يلي مارست الجنس لانو بتحب مو لعاهرة و اسف كتير للكلمة و من جهة تانية ليش الشب بيئدر يعمل كل شي و ماحدا بيحاسبو لانو نحنا بيبساطة مجتمع ذكوري عربي و لا فخر طبعا |
اقتباس:
يا حبيبي اذا كان الحب مرتبط بالجنس ما رح يكون في بنات و رح يصيرو نسوان قبل ما يتزوجو و اذا الشاب بيحب البنت عن جد فلازم يخاف على سمعتها و يروح يدخل من الباب مو من الشباك :jakoush::jakoush::jakoush::jakoush::jakoush::jako ush::jakoush::jakoush::jakoush::jakoush: |
اقتباس:
بس مو دايما الغالب يعني الواحد بيحب التاني بعدين بتصير العلاقة الجنسية مو العكس بالمختصر المفيد الاولاني نتيجة التاني الجنس نتيجة الحب بس حبيت علق ع هالفكرة هيدي و شكرااااااااااااااااااا |
الجنس أول شي حاجة فيزيولوجية للإنسان .. وما فيه يستغنى عنها ... مهما كان ...
يعني ما في بشري ..ما مارس الجنس .بحياتو ..ولو عالقليلة مرة ... ..بس أنا بأيد راديا .. بإنو ...الجنس ناتج عن الحب .. بس مو دايما .. يعني ..في كتير ..بشر بيمارسوا الجنس ..بدون ما يكون في حب ..ومع عالم بحياتون مو شايفينون ... فهمتو عليي شلون ... بس ... ببلادنا ..ألعربية ... للأسف ...ما في جنس للبنت إلا بعد الزواج ..إلا إذا كانت ... آدمية ..(ع.. ا ..ه.ر.ة....) يعني ..أنا كتير بحب نظام الدول الأوروبية ... جنس ... مع حب .. بدون زواج .. في أحلى منها بس تعجبو بنت للشب ... بيروح وبكل ... بساطة ..لعند بيها ..وبتعرف بيها عالشب ... وبتقلوا ..نحنا ارتبطنا .. ورايحين ننبسطلنا شوي ... بيقللها ... ما تتأخري ..لبعد وش الصبح ... ها ... بعدين بيصيروا العالم يحكوا :lol: |
رأي ..
الجنس شيء ... .. و .. . . .. الحب شيء اخر ! نحنا منعمل ...:heart: الحب شماعة .. ومنعلق اخطائنا عليها بس مو أكتر ;-) و الله الحب .... بريء من الجنس أما الجنس .. مرتبط تماماً بالأخلاق ... الأخلااااااق تختلف من شخص لآخر . ومارح طول عليكم أكتر من هيك :melody: |
يا حبيبي اذا كل واحد بدو يحب وحدة بدو ...........
ماضل ولا بنت بلبلد وبعدين بدي قلك انو اكتر الحبايب ما بكملو مع بعضن لهل سبب يعني بقلك مدا ............ معناتا مو شريفة ومابتزوجا وبتنتهي بلبنت انو هي الللي ضاعة |
اقتباس:
اقتباس:
الحب هو اسما شيئ بالوجود ومشان موضوع الو علاقة بالجنس اكيد ئلو ما بنختلف على هالشي وأكيد الحب بيجي في البداية والمتمم ئلو هو الجنس مو العكس ما هو مفهوم الحب عند العرب و ما هو مفهوم الحب عند الغرب و أيهما الأصح ( إذا خرجنا عن المسلمات الدينية و الاجتماعية ) الحب عند العرب يا اخي نوعين حب عزري وحب فاضح وهاد الشي بنكتشفو بالشعر العربي القديم هل الجنس قبل الزواج محلل للرجل ولماذا لا يحاسب الرجل على ممارسته للجنس قبل الزواج اما بالنسبة للحرمانية اكيد محرم بس ليش ما بيتحاسب لانو مجتمع شرقي متخلف عن الشرقية الحقيقية المجتمع الشرقي الحقيقي هو يلي بيحاسب الطرفين سواء شب او بنت بس المجتمع الشرقي المتخلف هو يلي بيعاقب البنت وبيئلك شو ما عمل الشب هو رجال بيتوب وبيرجع لربو والله يهديه :jakoush::jakoush: تخلف هل أنت أيها الرجل يعنيك قلب الفتاة أم غشاء بكارتها أكثر اكيد مع قلبها بس كمان لما بدي ارتبط فيها واكتشف انها فرطت بشرفها اكيد مو مستعد ارتبط فيها هل تستطيع أو تستطيعين أن تمارس الجنس مع شخص لا تحبه هلئ اكيد للبنت صعب تقدر لانها حساسة اكتر من الشب وبيهمها المشاعر بس الشب مشاعرو اقل من البنت وبيحسن يكبتها والشب بصراحة بيفكر بغريزتو اكتر من مشاعرو الا بحالاات نادرة من الشباب مع احترامي للكل الزنى عند كل الاديان السماوية هو ممارسة الجنس بين طرفين غير متزوجين ( يعني شي اسمو حب ما بيتعرفو عليه ) هل ممارسة الجنس مع زوج لا تحبه زنى ؟؟؟؟؟؟ اذا كانت الزوجة او الزوج غير راضيني عن بعض واضطرو للزواج بصورة غصب اكيد هاد زنى واللي بيتحمل زنب الزنى هو السبب بهالزواج هل ممارسة الجنس مع شخص تحبه و دون زواج زنى ؟؟؟؟؟؟ كمان هون زنى لانو انت اذا بالفعل بتحبها ( على فرض بنت ) لانو اذا بتحبها ما بتقدم على هيك عملة وبتحافظلها على سمعتها وشرفها اكتر منها وبعدين بتتقدم لاأهلها اذا بالفعل بتحبها الله خلقنا على جنسين ( ذكر و أنثى ) و لكنه لم يخلق كتاب زواج و لا كتاب طلاق بل خلق معنا الحب و الغريزة فهل هذا كافي لممارسة الجنس؟؟ انا بختلف معك بهالرأي يا غالي لانو ربنا سبحانه وتعالا بعث مع الانبياء والرسل تعاليم وشروط الزواج فكيف لم يخلق ذلك ومعنا الحب خلق ضمن العشرةو الحلوة والكلمة الطيبة والمعاملة الحسنة ما بين الزوجين الزواج ما هو ( عرف قديم من قبل الأنبياء كافةً وكان يسمى كما تسميها المسيحية حالياً ( الأكليل ) ما الفرق بين الزواج و الجنس ( الزواج أرتباط كيفي و أختياري و لكنه ليس حاجة بينما الجنس حاجة سيكولوجية و بايولوجية ) اكيد الجنس حاجة بس كمان انت لازم تكبتها لحين الزواج واكيد الزواج ماهو عرف قديم وبس هو عرف قديم متجدد مستمر الى نهاية الدنيا والزواج هو من أجل الجنس والتكاثر وشي اكيد يكون الزواج اختياري وكيفي لماذا تغفر لنفسك أن تمارس الجنس قبل الزواج و لا تغفر لحبيبتك هذا برجع بئلك مجتمع شرقي متخلف عن الشرقية الحقيقية ما العلاقة المباشرة بين الحب و الجنس و الزواج وما الحل في عدم أمكانية تواجدهم سوية العلاقة انو الحب هو القسم المهم للجنس والزواج بس الحل بعدم امكانية الوجود انك تاخد حسبك الله وبس أتمنى من كل الاخوة المشاركة بكل ما يجول في خاطرهم دون خجل فنحن في عام 2007 وهذه المواضيع تشكل عند العرب عقدة أسمها عقدة الجنس فدعونا نتحرر من عقدنا بهي بضم صوتي لصوتك وبدعي بنفس الدعوة :deal::deal::deal: |
الحب و الجنس امممم
انا برأي تنين منفصلين بنقاط و مرتبطين بنقاط هلا مرتبطين انو يلي بدو يمارس جنس لازم يكون بيحب هل شخص ليمارس معو .. بس منفصلين انو الجنس ممكن يتم مع اي حدا حتى بدون حب .. هلأ الحب بيودي للجنس و هاد شي طبيعي عند الكل مين ما كان يكون .. بس السؤال يلي ما قريتو هل من الممكن انو الجنس يقود للحب مثلا؟؟ |
القاعدة الطبيعية هيي إنو يللي بيحب ممكن يعبر عن حبو بالجنس ويمكن بطرق تانية ..
بس اللي صاير عنا هون ، هو إنو من كتر الكبت ، صار في فلت .. يعني ماعاد يعرف الشب ليش بدو يمارس ، هل هو مشان إثبات شخصيتو مثلا أو مشان يكون إلو تجربة أو يمكن لأسباب تانية .. بالمختصر ، هي مشكلة مجتمع كبير .. ولاتستغرب تكون سياسة ، مو دين |
شكرا على الموضوع المهم
فعلا هي مشكلة كبيرة بمجتمعنا |
يبلاك في الدعبلة
:sly:اي والله ياخيو اش دقلك مابعرف يعني انت درت درت ما لاقيت انظم من هال حكي اي نحنا ما عمنعرف نشطف طيزنا عيفنا نحنا خرج جواز وهالحكي الفاضي
|
هذه دعوة للانحلال
هل ترضى ان تمارس امك واختك الجنس سفاحا من غير زواج شرعي ان كنت ترضاه فالغيره العربية الاسلامية لاترضاه نحن عرب ونحب الشرف والعفة ونكره الدياثة والدعارة والداعين لها |
موضوع كتير شائك ومرفوض دينيا اذا لا نقاش فيه بس اضا انت بدك تناقش الفكرة اسمع رايي مع التاكيد على رفضي الشديد حتى لنقاش الفكرة لانه ما حرمه الشرع لا نقاش فيه وهاي مش حرية بالعكس هاد تحلل بس بداية الرغبة الجنسية اكيد بتنوجد عشان في 2 بحبو بعض جد بس لو فكرنا بشكل منطقي اولا الحياة قسمة ونصيب يعني لنفرض حتى لو كانو خاطبين وتوفى الشب ما البنت بهاي الحالة اكلت هوى لانه مو لازم ننسى انه احنا بنعيش بمجتمع الحمدلله لحد الان بحافظ ع الدين وبعدين فكرة الزواج مش قائمة بس على انه يعيشو مع بعض لا وين متعة الزواج ولذته اذا كانو من الاساس مارسو الجنس يعني هاد الاشي رح يفقد لذته رح يصير بس اشباع رغبة والسلام بعدين الشيطان كتير شاطر يعني بعد الزواج بس تتفتح عيون الشب والبنت ويصيروا عنجد منطقين البنت رح تصير تشك بجوزها وتفكر انه اذا عملها معي ليش لحتى ما يعملها مع غيري يمكن مل ويمكن ويمكن وهو رح يفكر اذا عملتها معي وما سالت لا عن دين ولا عن اخلاق ولا حتى عن اهلها اللي ربوها ووثقوا فيها اكيد ما رح تسأل فيي واذا ما خافت من ربها ليش لتخاف مني ورح يجي الوقت اللي بعايرها وبحكيلها بكفي انك سلمتيني اغلى ما عندك وزتيتي كل شي ورا ضهرك هاد اذا اعتبرنا انه جد تقدم لخطبتها وكان بده اياها يعني بما انه عم يوصل للي بده اياه منها ليش لحتى يورط حاله ويزيد ع حاله مصاريف ومسؤوليات ويتزوجه مهو مبسوط ومرتا وببلاش يعني ليش البنت تحط حالها بهاد الموقف المهين والمحرج هاد اذا عندها كرامة من الاساس
يعني باختصار عدم ممارسة الجنس قبل الزواج حماية للطرفين وللزواج بحد ذاته وللاطفال بالمستقبل ولهالبيت الصغير ....... |
كل واحد بيدور ... وبيدور ... وبيدور .. ويفتل وبيدوخ وبيضل ساعات عمنكش مخو عشي موضوع يأبدع فيو
بالأخير ما ما ما ما بيطلع معو ..!! غير مواضيع ||| جنس - دين ||| وكل واحد بدو يقنع التاني بفكرة معشششششة فيو والتاني ما ما ما بيقنع والتالت مقتنع مع شويه ملاباسات بالموضوع إذا قلنا منيح الجنس قبل وبعد وبين الزواج بينط واحد وبيحكي ( حرام ) وإذا قلنا حرام بينط التاني وبيقول شو هالتخلف وهية هية :adal: |
افففففففففففففففففففففففف ففففف يا اخي انتو ليش بتضلو ماسكين الشغلة من دنبة خلص بدك تمارس مارس بدك تمارسي مارسي ليش لازم نضل انفكر لأ واي وبيصير وما بيصير ولازم و مو لازم يلي شايف صح مالح يغير رايو و يلي شايف لأ كمان ما لح يغير رأيو وعلى كل حال الموضوع مابدو نقاش يعني جدا طبيعي تنين بحبو بعض يمارسو جنس طيب الواحد وين بدو يروح بغرائزو
بعدين مين كان عم يئول انو الحب بيولد جنس لأ مو دائما انت باكتر الاحيان بتكون مشدود جنسيا للطرف التاني بعدين بتحبو يعني اول مايلفت نظرك هو الشكل صح طبعا صح وهاد الشكل شي جنسي والاو اخي هاد الحئ على الله ليش حط فينا هل غرائز وخلق شعب عربي مخو مسكر اي والله مو ظابطة موظابطة بنوب |
| الساعة بإيدك هلق يا سيدي 17:50 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون