|
اقتباس:
يبدو حضرتك فايت بلا زمور فالله يخليك ركب زمور...... ماعلينا اولاً ما يعرف ببلاد الشام حالياً كانت منذ البدء ممالك ارامية و اشورية و و و و و من شعوب عاشت في المنطقة اما العرب مسكنهم الاصلي هو الجزيرة العربية و اول خروج فعلي لهم كان ايام ما يسمى بالفتوحات و التي كانت في الواقع احتلالات عربية للمنطقة و فرض امور كثيرة من بينها فرض دفع الجزية من قبل من هم ليسو اسلام عن يد و هم صاغرون اما سبب ترسخ العرب و الاحتلال الاسلامي في المنطقة فمن احد الاسباب الرئيسية لذلك هو انتقال عدد كبير من المسيحيين اليعاقبة الذين حسب ايمانهم يعتقدون ان المسيح لديه طبيعة واحدة و هي انسانية والتي يختلفون فيها عن الخلقيدونيين اي نحن المسيحيين الباقيين و اللي نؤمن ان المسيح ذو طبيعة الهية الى جانب الانسانية فلهذا السبب تغيرت الطبوغرافية السكانية في المنطقة و اصبحت الاكثرية اسلامية بعد ما كانت الاسلام اقلية. بعدين انت بتسمي احتلال بيظنتي؟؟؟؟ ليش وين كنت حضرتك اصلاً بي هاداك الزمان لحتى تئول احتلال؟ |
اقتباس:
انت قلت الشعب الاصليين الاراميين وقلت ( يعني إذا كان العرب هاجروا من زمان على منطقة بلاد الشام واندمجوا بالسكان الآراميين الأصليين هادا ما بيعطي لحدا الحق انو يقول هي أرض عربية والرومان محتلينها وعرب الجزيرة هم الذين فتحوها وحرروها ) انت مقهور انو العرب حرروكم وتاريخكم ليس سوى مستعمرات اجنبية دخلو وعمرو بلادكم والعرب ليسو فقط في دولة الخلافة هزموم الروم بل في عهد الأمير زياد الله بن ابراهيم الأغلبي أمير الدولة الأغلبية هو عربية من بني تميم العدنانية من الجزيرة العربية فتح ايطاليا وصقلية وكانت جميع الدول الاروبية المطلة على بحر المتوسط تدفع لة الجزية ولولا مزاجية قبائل البربر وهم قامو بعدة ثورات ضد العرب في المغرب وحكم العرب لوصلو الاغالبة الى بريطانيا والعرب هزوم الروم والفرس بنفس الوقت وسوريا هي سوريا عبدالملك بن مروان ومعاوية بن أبي سفيان الأموي وليست سوريا مستعمريكم تيودوسيوس او ميتروبوليت  |
الحقيقة انو مافي نقاش مجرد أتهامات فاضية ومسبات
شي بيزعل بدل ما يكون منبر أخوية منبر حوار صار منبر متطرفين يعني مابعرف كيف المسيحي بيتهم المسلمين أنن جبروا الناس على الأسلام وقتلوهن وهنن لساهم مسيحيين وعايشيين ومدري شلون أنتشر الأسلام بأسيا والأندلس |
دمشق كانت أقوى عاصمة في العالم عندما حكمها الأمير الأموي الوليد بن عبد الملك
|
:shock::shock::shock: ولي ولي ولي على هالحكي يعني نحنا محتلين اسرائيل مو بالعكس!!!!
ونحنا محتلين لهلء من المغرررررررررررررب لعند اندنوسيا وشوية صين كمان كم دولة افريقيا عالبيعة هدول متل نيجيريا وسيراليون وغيرها لانو هدول مافي معارك تاريخية تزكر........ يلا سيدي صيت غني ولا صيت فئر حدا بيصحلو يصير محتل هالايام وبيئول لاء :larg::larg:( اميركا مو مخلية دور لحدا)... :?:? بس ليش عم ئول نحنا؟؟ بركي كنت انا اجدادي من المسيحية تبع الشام وبعدين أسلمو يعني مو من تبعات جزيرة العرب ( بيصير ليش لاء) او بركي اصل اجدادي تركي او اوروبي طئة وحدة :o كل شي جايز ;) او بجوز حدا من الاخوان المسيحين اللي اتعصبو وكتبو كل هالردود يكون اجدادو من هدول البدو العرب تبع الجزيرة وبعدين بشكل او بآخر صار مسيحي (كمان بيصير) المهم ألف شكر لكاتب الموضوع على ذكر تاريخ دمشق ( او انا بحب سميها الشام) وانا برايي التاريخ والمساهمة بحضارة المدينة مالو علاقة لابدين ولا بطائفة معينة وانما بدول قامت بهي المدينة وبالتحديد تعتمد على أسماء كانت بهذه الدول متل مازكر كاتب الموضوع ((يوستنيانس او انستانيوس)) ومتل مو معروف عن الوليد بن عبد الملك وغيرهم... وبالنهاية بحب اول انو الدين لله والوطن للجميع متل ماهو الدين لله والاخوية للجميع.......:D:D |
هلأ العرب ينجدرو من اسماعيل إبن إبراهيم
اليهود أبناء اسحاق و اسخاق عندو اسرائيل (يعقوب) يلّي نسل يوسف و أخوته و اصلاً إبراهيم كان كنعاني و عليك الحســـــــــــــــاب و اللغه بهداك الوقت كانت متشابهه الاراميه و السريانيه هيك المره سألنا سرياني شو معنات ( إيلي لما شبقتني) فتعذر و قال أنا سرياني مو ارامي بس بالاخير قدر يلاقيها بإنجيله او عن طريق سؤاله لـَ شي حدى المسيحيه حلوين لما يكونو عاقلين أنا ما ني ضد أي مسيحي و بما انك مسلم فأنا شايف انك تشيل هالصليب لانه مو الك |
اقتباس:
ومشان الصليب انو مو الي في مسيحيه بيحطو القرأن جنب الصليب بنحكيلهم مو الكم شيلو .. ياخي ما بعرف ليش بتفكرو بهل طريقه هوه انا بدي غيرها بس عم دور على صليب مشكلس لحطو بعدين يا رجل تاكيلو مين و الناس نايمين انا بشغلي :cry: |
اقتباس:
اما بالنسبة لمعنى كلمة دمشق فاللي بعرفو على الشكل التالي: ورد ذكر مدينة دمشق في مكتشفات تل العمارنة باسم ( تماسكو , تامشق , تاماشقو , دومشقا , دمشقا ) و تم ذكرها أيضا في كتابات البابليين . و أطلق عيها الآشوريين اسم ( شا , ايميري , شو ) و عرفت من قبل الكلدانيين و الآراميين باسم الشام . و في عهد مملكة دمشق الآرامية ( ديماشقي ) و قيل بأنها" تمشق , اتامشقو " و أطلقوا عليها اسم درمسوق أو درمسق , و قيل أنها مشتقة من ادم أي الأرض و سمق أي الأحمر باللغة السريانية أو من دم شق أي شرب الدم و يعني هنا دم هابيل لأن الأرض شربت دم هابيل عندما قتل على يد أخوه قابيل . لقبت دمشق من قبل الرومان بعين الشرق كله و سماها العرب ( دمشق , جلّق, الفيحاء , جيرون ) و من تسمياتها أيضا ارم ذات العماد , مدينة اليعازر و حاضرة الروم , حصن الشام , فسطاط المسلمين , باب الكعبة , بيت رامون , العذراء . و يرى الباحثون الغربيون أن كلمة دمشق ترجع إلى الأصول الكلدانية أو السريانية القديمة و حجتهم في ذلك أن هذه الكلمة وردت بالهيروغليفية في آثار تل العمارنة ( تماسكو , دمشقا ) و معناها الأرض الزاهرة أو الحديقة الغّناء و من هذا اللفظ أخذ اليونانيين كلمة داماسكوس و عنهم نقل الفرنج هذا الاسم . |
اقتباس:
نحنا عم نحكي عن تاريخ مدينة في حقبة معينة وهلا فيك |
اقتباس:
ياريت تقرا الموضوع من الأول. |
اقتباس:
ومافي داعي للشكر هاد واجبنا.:D |
انا ل بعرفو ان النبي ابراهيم كنعاني
و ولد ببابل |
ما في سوري ما بيفتخر بالدولة الأموية وانا اول واحد بفتخر فيها, بس لما بدنا نفتخر بدنا نعرف بشو عم نفتخر ..
نحنا عم نفتخر بالشعب اللي عمل هالدولة وهاد الشعب هو مو العربي اللي جايي من الجزيرة اللي ما بيعرف يقرا ويكتب .. نحنا منفتخر بالشعب السوري اللي كان بهديك الفترة واللي كانوا قسمين السوري - المسلم على خطوط الجبهة والقتال والسوري - المسيحي اللي كان ماسك الإدارة والمالية والترجمة والطب والعمار وما الى هنالك.. ومنشان التوزع الديمغرافي بهديك الفترة منقول بحسب المؤرخ هنري لامنس :" نعتقد ان عدد المسلمين في آخر القرن الأول الهجري لم يتجاوز مئتي ألف على أربعة ملايين سوري تقريباً . ونستطيع أن نضيف إلى هذا العدد بعض آلاف الحديثي العهد في الاسلام لنحصل على مجموع المسلمين في سوريا في تلك الحقبة ". |
اقتباس:
انظرو الى هذا العنصري كيف قسم الشعب جعل المسلمين فقط محاربين والسميحيين الاقلية كل شي ومن هنري الي يقول ( نعتقد ) ههههه هنري لامنس مستشرق مات قبل 70 سنة فقط ونحن نعرف عنصرية المستشرقين وكرههم للعرب او الساميين |
شكرا على الموضوع و بالنسبة لي النقاط التي تستخلص من الموضوع:
- دمشق كانت مدينة على احتكاك دائم بالحضارة و انها كانت متأثرة بالحضارة الغربية( الهيلينية) -نظرا للموقع الجغرافي لدمشق فقد كانت في اغلب الاوقات تحت السيطرة الاجنبية - تواجد العرب في سوريا منذ القرن الثالث ميلادي و اندماجهم مع العنصر الارامي صاحب الارض - وجود طائفتين مسيحيتين في الشام و هما الخلقدونية و اليعقوبية هذه الاخيرة انقلبت بسهولة للاسلام -العرب المسلمون كانوا اقلية الملاحظات او التساؤلات: - هل وجدت في وقت ما مملكة آرامية مستقلة بشكل تام عن اي تاثير اجنبي؟؟ - كيف كانت علاقة الاراميين بالعرب قبل ظهور الاسلام, و كيف عاش الاراميون تحت حكم الانباط و الغساسنة؟؟ - هل يمكن الان و بعد مرور 18 القرن على تخالط و التصاهر الذي صار بين العرب و الاراميين القول بتواجد عنصر ارامي خالص او عربي خالص؟؟؟ خصوصا بعد قراءة ردود بعض الاعضاء و التي تنادي بخروج الاحتلال العربي و ان السوري لا علاقة له بالعرب؟؟ - اذا كان العرب المسلمون اقلية يعني بضعة اللاف مقابل 3 ملايين مسيحي فكيف خضع المسيحيون الشاميون و هم اكثرية لمسلمين اقلية؟؟؟ وكيف ينتشر لسان الاقلية وتسير اللغة الاكثر استعمالا امام لغة الاكثرية الارامية او السريانية؟؟ هل تقبل العنصر الدمشقي للتواجد العربي بشكل سلمي مما يبرر قبولهم لقيام دولة اسلامية على ارضهم؟؟ ام كانت هناك ابادة جماعية للمسيحيين على يد القادمين الجدد ؟؟؟ - ما هو الدور الذي لعبه المسيحيون اليعقوبيون في تسهيل التواجد الاسلامي؟؟ |
شكرا على الموضوع و بالنسبة لي النقاط التي تستخلص من الموضوع:
- دمشق كانت مدينة على احتكاك دائم بالحضارة و انها كانت متأثرة بالحضارة الغربية( الهيلينية) صح -نظرا للموقع الجغرافي لدمشق فقد كانت في اغلب الاوقات تحت السيطرة الاجنبية صح - تواجد العرب في سوريا منذ القرن الثالث ميلادي و اندماجهم مع العنصر الارامي صاحب الارض صح - وجود طائفتين مسيحيتين في الشام و هما الخلقدونية و اليعقوبية هذه الاخيرة انقلبت بسهولة للاسلام وجود طائفتين صح بس انو اليعاقبة انقلبوا بسهولة فهذا غير دقيق, لإنو ضل لفترة من الزمن في كنيسة لليعاقبة, ولكن فينا نقول إنو هاد الشي سهل دخول بعض القبائل العربية المسيحية ( اليعقوبية ) الموجودة في سوريا الى الدين الاسلامي, وطبعا انا فصلت هي النقطة وبالاسماء بالموضوع. -العرب المسلمون كانوا اقلية في القرون الأولى للهجرة الملاحظات او التساؤلات: - هل وجدت في وقت ما مملكة آرامية مستقلة بشكل تام عن اي تاثير اجنبي؟؟ هلأ في فرق بين الاستقلال الثقافي والاستقلال السياسي اذا صح القول , بالنسبة للاستقلال الاثقافي ما في دولة بالتاريخ القديم او الحديث ما تأثرت أو أثرت , اما الاستقلال السياسي فكانت المملكة الآرامية بفترات مستقلة وبفترات أخرى لأ ( وبتذكر شغلة انو على طول كانو الآراميين على صراع مع العبرانيين على حسب العهد القديم الكتاب المقدس وبالتالي هون كان في شي اسمو مملكة ) - كيف كانت علاقة الاراميين بالعرب قبل ظهور الاسلام, و كيف عاش الاراميون تحت حكم الانباط و الغساسنة؟؟ في عنا هون نفوذ , يعني الأنباط لوين امتد نفوذهم لما حكموا والغساسنة نفس الشي ولكن المعروف انو الغساسنة كانو في جنوب سوريا والأنباط في صحراء سوريا, " يعني بعيدا عن دمشق " - هل يمكن الان و بعد مرور 18 القرن على تخالط و التصاهر الذي صار بين العرب و الاراميين القول بتواجد عنصر ارامي خالص او عربي خالص؟؟؟ خصوصا بعد قراءة ردود بعض الاعضاء و التي تنادي بخروج الاحتلال العربي و ان السوري لا علاقة له بالعرب؟؟ لا يوجد عرق آرامي خالص أو عربي خالص هاد مؤكد - اذا كان العرب المسلمون اقلية يعني بضعة اللاف مقابل 3 ملايين مسيحي فكيف خضع المسيحيون الشاميون و هم اكثرية لمسلمين اقلية؟؟؟ متل ما صار وقت خضع المسلمون الأكثرية للفرنجة المحتلين وللتتار المحتلين ..!!!! وكيف ينتشر لسان الاقلية وتسير اللغة الاكثر استعمالا امام لغة الاكثرية الارامية او السريانية؟؟ بالنسبة للسان في شغلة كتير مهمة إنو اللغة الآرامية قريبة جداً من العربية واللي شاف فيلم المسيح تبع ( ميل غيبسون ) بيلاحظ هالشي, ونتيجة هالتشابه الكبير ما كان كتير صعب على السكان المحليين اللي مختلطين بالعرب ( وهون برد قلك اقرا الموضوع من الأول ) انوا ياخود لسانهون عليه هي اذا ما افترضنا انو كانوا بيعرفوا 3 لغات ( الآرامية - اليونانية - العربية ) وإلا كيف صار تعريب الدولة والدوواين على زمان عبد الملك ؟؟؟ هل تقبل العنصر الدمشقي للتواجد العربي بشكل سلمي مما يبرر قبولهم لقيام دولة اسلامية على ارضهم؟؟ يعني لو انت كنت محلهون الرومان هربوا والقادمين الجدد من الجزيرة العربية على الأبواب وفي حروب طائفية واستياء عام من الرومان وحربهون مع الفرس وجعل بلاد الشام خط الدفاع الأول ... وغيرها من الأسباب شو بتساوي؟؟؟ ام كانت هناك ابادة جماعية للمسيحيين على يد القادمين الجدد ؟؟؟ كان في خلفاء متطرفين وصارت ابادات جماعية, والتاريخ مانو مخبي حالو , ولكن هاد الحكي غير قابل للتعميم. - ما هو الدور الذي لعبه المسيحيون اليعقوبيون في تسهيل التواجد الاسلامي؟؟ لعبوا دور كتير مهم : خلاف مذهبي طائفي مع الرومان, تقارب عرقي فكري مع العرب (باعتبار معظم اليعاقبة كانوا عرب ) وشكرا كتير على هالنقاش الواعي وبتمنى اذا في فكرة مو واضحة بوضحلك ياها بس المهم ما وصل خطأ. :D |
حذفت الردود الخارجة عن الموضوع
واي حديث جانبي من خارج الموضوع سيتم مخالفة صاحبه .... وبدي نوه على شغلة الى مطلعي التاريخ ومتابعيه ... التاريخ مافيو شي مشرف ... او بيرفع الراس ... كلو مؤامرات وخطط وحروب وويلات واحتلال وقتل وتدمير حضارة على حساب حضارة اخرى ... يعني التاريخ اسود ..... بس الاطلاع على التاريخ حلو كتير لانو منو منتعلم نصلح اخطاء الماضي ..... ومننظر كيف نبني المستقبل ... وليس صراع مين يغلب التاني .... شكرا لتفهمكون:D ورح رد على المشاركات لانو في بعض الشغلات بدها تصحيح |
تسجيل متابعة.. :D
|
| الساعة بإيدك هلق يا سيدي 11:09 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون