|
سيدي صرت اكفر بالعبري وبكل اللغات...
لسى فوق هالقطعة المابترحم ...بيجيك صوت المولادات الحنون.. سمفونية الله وكيلك ..كل مولد عليه صوت البركة باضرب عالتاني ...وقعود سماع....بدا كاس الشغلة |
رجاع على قطر هنيك ما بتنقطع الكهرباء بنوب:pos:
|
يا زلمة هلا قول أنو إذا أنقطعت الكهربا أحياناً فيه الواحد يتحمل يعني بيمرق ساعتين تلاتة بلا كهربا بس بهيك ظروف والله صعبة يا صديقي يعني تصور درجة الحرارة توصل لل 40 وأنا قاعد وحاطط أيدي على خدي الله ما قالا ولا يمكن الله هو اللي عم بيقولا يعني ما بيكفي الحكومة بتقطع عنا الكهربا بيجي الله بيقطع عنا الهوا .. بس بدي أعرف نحنا ليش مغضوب علينا من الكل .. ال.... الأكبر أنو أنا بعرف أنو الكهربا رح تنقطع بأي ساعة مثلاً عنا بالبيت بتنقطع الكهربا من ال2 لل 4 يعني مسبقاً بدك تكون لاغي هالساعتين من يومك .. ساعتين بتعتبر حالك عايش بالصومال أيام الحرب الأهلية .. وتحمل يا سوري إذا فيك تتحمل ....:jakoush::jakoush::sick::sick: |
يارب
 ياجماعة ليش الكفر هذا لا يجوز ومابيحل مشكلة يعني من شي خمسة أيام سهران على النت وضليت حتى الساعة الحادية عشر صباحاً وكنت ميت من النعس ومالحقت حطيت راسي على المخدة إلا إنقطعت الكهرباء قلت حسبي الله ونعم الوكيل وخلال عشر دقائق صار بيتنا ساونا مع العلم البيت عربي أفرنجي يعني معمر على شكل فيلا ومفتوح من كل الجهات فتحت كل شبابيك البيت وقلت لحالي بلكي بيلعب الهوى شوي ومنرطب ولكن للأسف مافي ولا نسمة هوى مادابني إلا عندي مسبح صغير تبع الولاد بيسع شي برميل ونص طالعتو وفردته بالصالون وعبيتو مي وقعدت أنا والأولاد حوالي 3 ساعات حتى جابولنا الكهراء وقمت أعمل دوش ونملي شوي وحتى يكمل الحظ مالقيت ولا نقطة ماء بالخزان المهم عندي بالبراد كم قنينة مي حاطتهم للشرب استخدمت 3 منهم عالسريع ودخلت على غرفة النوم ونمت حوال أربع ساعات وفقت عرقي مرقي وعم حك بجسمي متل الجربان وبتفاجئ أنو رجعو قطعو الكهرباء مرة ثانية وصرنا لا مي ولا كهرباء وحلها إذا بتحلها أي خلوها لربكم ياجماعة الشكوى لغير الله مذلة يعني وبعدين بهالمشكلة المعقدة هاي لا حول ولا قوة إلا بالله العظيم  |
2 ملف مرفق .
و أول الغيث قطرة .. |
لك المشكلة و الله يا شباب إني اكتر الناس خربان بيتها من قصة قطع الكهربا
مو بس قطع الكهربا عم بيخليك ما تستمتع بإنارة او بالتكييف او بإستخدام الأدوات الكهربائية المشكلة إني كتير معامل خرب بيتها من قصة قطع الكهربا ......ويلي بيزيد الطين بلة .....يا أحباب إني موظف رايح وموظف جاي على هالمنشآت الصناعية ويامين تاريه عم يتحجج بحجج بتقرف وبتخليك تطلع عن دينك ....من شان بس ترشيه ..... الله وكيلكن إمبارح إجتمعت مع واحد صاحبي عندوا منشأة صناعية فيها أكتر من 100 عامل وكلهن نظاميين ولما سالتوا كيف الشغل و الله قلي إني شغل بيجيب الجلطة .........قلي مابيكفي قطع المهربا وا لمي .......وموظف تأمينات رايح ...وموظف تأمينات جاي ...وهادا من البلدية و التاني من الصحية .....وهداك من الصرف الصحي ......وتاني من البيئة .......قلي الله وكيلك المشكلة ما بتقدر تناقش ....ولا بتسترجي تقول ليش.....لإني أصغر واحد فيهن وأحقر واحد فيهن ....بيشمع المنشأة.....وحلني لبين ما تقدر تفتحها لك كـ............ إخت هيك حالة يا زلمة يعني الواحد وين يروح ............قلي يا زلمة صاير فينا عادة كل ما دق الباب بنصيح يالطيف أقسملي بالعظيم أقل شهر بيعدي علينا ......مالا يقل عن 25000 (رشرش حبك يا جميل ) ولما بتسال عن السبب ..وبتعترض بيقلك الواحد فيهن .......أنا ما لي رايد أضرك بس إنته هيك بدك ......وإذا قلتلوا بدك تشتكي عليه ......بتلاقي إنقلب لوحش ...وشيطان وبلش يتحول لبني إسرائيل و ساعتها بدك تكون آخد حبوب الضغط ...و ....الجلطة ...وتعبي جيبتك مصريات وتدفع على شي إلوا طعمة وشي ما إلوا طعمة ......مو من شان شي بس من شان يربوا فيك يلي بيفكر إني يشتكي عليهن ....لإني هنن من الأصل شاريين هادا الكرشي مشترا ....ودافعين حقوا لمدة معينة ....و الشاطر يلي بيدبح مواطنيني أكتر وبيجمع مصريات أكتر لك المشكلة العظمة إني لو هالرشاوي عم بتروح لخزينة الدولة الواحد قال مو مشكلة ...بس المشكلة كل هالمصريات عم بتروح لجيوب ناس قلبها موعلى حدا غير على حالها يعني المشكلة اكتر القوانين يلي عم بتساعد على إعطاء الرشاوي سببها (إما السجن أو تلكيك المحل ) وبكلا الحالتين خربان بيت الله يعين ويرحمنا أحسن الكل ومع ذلك ....مافينا نقول غير الحمد لله:o |
مو بس انتو عم تعانوا وحتى نحنا يلي بعدو يعرف شو صاير عنا اي نحنا متلنا متلكن بالكهربا والمي بس يلي بدو بعرف شبنا يحط على قناة الكويت بيعرف الاوضاع ... وشوي تانية رح تنقطع الكهربا لان صار في سوء استعمال للكهربا والمي هون بالكويت والحرارة 50 مو 40 يعني احمدو ربكن نحنا حنموووووت شوي تانيه بس رح تنقطع الكهربا قط مبرمج عنا هيك فجأه ..:S:cry:
|
اقتباس:
لك يازلمة لو الشغلة وقفت ع المولدات منتحمل ومنكسر ع انفنا بصلة بس ويييييييييييين اذا كل واحد بدو يجيب مولد لبيتو ولا لمحلو كل مابدا تنطفي الكهربا اي عيش لكن ;) خليا لربك |
اقتباس:
اي مين قلك مالي راجع :cry: ايييييييييييييييييه اييييييييييييييييييه |
اقتباس:
:lol::lol::lol::lol: لك ابو شريك اينا 40 :o قول 47 وانت مرتاح لك من يومين بالنشرة الجوية بقطر درجة الحرارة عندة 43 ونحن هون 47:cry: يعني صرنا اشوب من الخليج وحياتك يازلمة عدا علينا هون اسبوعين بحلب شوب الله لايرويك بقطر مادقت منو صرت احس حالي وقت بتنقطع الكهربا متل المخنوق عنجد في عندي رفقة بقوليلي نحن مخنوقين من الشوب عنجد بس ماصدقت غير لما صارت فيني عنجد بتحس حالك بدك تختنق وخاصة وقت النوم .. حالة ماساوية عندك يمكن عبطفوا ساعتين عنا 5 ساعات واحيانا 6 في غير ناس 8 ونحن بسنة ال2007 ولحد الان لسه الكهربا بتنطفي عنا عنجد وضع مزري وماساوي بس شو بدن يقولوا علينا هالسياح والمستثمرين اللي بدو يجي يصيف ببلد مافيا لاكهربا ولا حتى مي |
اقتباس:
:lol::lol::lol::lol: ايواااااااااااااااااااااا ا ايوااااااااااااااااا عامللنا قصة طويلة عريضة ونص صفحة رد مشان تورجينا انو بيتك فيلا وعندكن فيلا :o ايوا بين عن نواياك من الاول :p لك يازلمة كأنك عبتحكيلي اللي بعملو كل يوم انا انا وحياتك صلي 3 تيام يادوب نمتلي شي 5 او 6 ساعات لانو كل ما اجي بدي انام الكهربا مطفية والبيت جوا خنيق لو جحش حيشاك مابنام بهيك بجو بقى شلون بني ادم ومن جهتي عملت نفس الشي من يومين جبت بركة اخوي الصغير خيو عبيتا مية مبوظة تلج (حاكم كان في مي مي مقطوعة ) ونزلتلك هديك النزلة قرمدت قرمدة من بردي الله وكيلك :lol: بس كلشي احسن من الشوب :cry: والنهفة بالموضوع انو عبياخدونا غدر يعني قررت احكم موعد نومتي على وقت بكون فيو كهربا لاني فطست من النعس والله انا جيت انام على هادا الموعد اخدوني غدر اخوات الشليتة وطفوا :lol: ومحسوبك ماحسن ينام :cry: يازلمة تغيرت مواعيد نومنا الله وكيلك يحياتي انا مانمت من ال6 لل9 :cry: ايييييييييه شو بدنا نحكي لنحكي ... وانا سوري اه يانيالي |
اقتباس:
اي والله اي متى بدنا نضل متخلفين سؤال انشق من كتر ماطرح نفسو :pos: |
آآآخخخ... هدول تبع الدولة نزعو اسم المصلحة
|
اقتباس:
هلأ شوفي لقلك ياسمينة الفرق بين الوضع عندكن بالكويت والوضع هون بسوريا فرق من الارض للسماااا فرق شاسع كتير بالكويت ياحجة الناس اسفرت بالمي والكهربا كتبر (من البطر طبعا) وانا قاعد بقطر وبعرف اهل الخليج شلون بتعماملو مع الكهربا والمي يعني حق معا هالكهربا تخلص من كتر مابطر الشعب الكويتي بهالكرهبا والمي ماعادت تلحق فهنن لازم يتحملو نتيجة غلطن ويوعوا شوي اما بسوريا فالوضع مختلف تمام الشعب عبتنقطع عنو الكهربا والمي هيك بدون سبب يعني بسورييا مافي هالاستهلاك العظيم لك اصلا خلي تكون في كهربا متل البشر قوية حتى نستهلكا :lol: لا هلأ ولا من قبل .. يعني هالناس ما اسررفت ولا عملت شي كل ذنبا انو في ناس فوق لا بتسال عن هالشعب ولا عن هالناس وكل هما مصلحتا وان شاء الله هالناس حدا 60 جهنم ومابينحسبو على البشر .. هي هون المشكلة وبس الله يعين هالناس وهالشعب ويعينا على هالوضع الماساوي وعوجااااااااااااااااااا;) |
اقتباس:
بعتذر....:deal: ما شفت الكتابة الحمرا:shock: بس هذا لا يعني اني اسحب كلامي...:sly: لا بل أوجهه لهدا المابعرف مين اللي رح يقولو أو قالو ما بهمني...:x بعتذر مرة تانية!!!:deal::D |
هيدي بروفا لجهنم
يعني دورة تأهيلية |
الساعة اربع و ربع .. ولسا ما قطعو الكهربا .. لك الله حيو سوريا الأسد
|
اقتباس:
صحيح مو انت كهربجي ...وموثقف سابقا شوفلنا حل بالموضوع او ممكن نخطفك رهينة لبين ما يحلو القصة الوزارة تبعيتك ............... والله فكرة تحشيشية رهيبة .... :larg::clap: |
| الساعة بإيدك هلق يا سيدي 16:00 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون