|
ظاهرة غريبة!!.....هل تحدث معك؟؟
يا جماعة انا في احيان بصير شي قدامي او نقاش او حتى اي حدث تاني وبشعر اني صادفت من قبل نفس هاد الحدث(بجميع تفاصيله) ومرق عني شي مرة وشفته مع انه هاد الشي غلط!!
بصير معكو هيك اشي؟؟;-) والا بطلع انا مجنونة؟؟!!:cry: |
السلام عليكم
صديقتي الظاهرة يلي عم تحكي عليها بتصير معي كتير لدرجة انو آخر الشي من كثر ما اثارتلي فضولي واهتميت فيها صرت ادرب على اني كون جاهز لما تصير معي وببعض الاحيان صرت اثناء الموقف او الحديث يلي بحس انو صاير قبل هالمرة صرت كمل الاحداث بسرعة قبل ما تصير بثواني واما بالنسبة للتفسير فانا كمسلم برايي ويمكن التفسير ما يكون منطقي لكن متل ما حكيت هو تفسير بخصنا كمسلمين لانو احنا بنعرف انو ارواحنا كانت موجودة قبل ان يخلق الله الجسد بزمن طويل طيب هي الارواح شو كانت عم تساوي قبل ان يخلق الجسد ممكن تكون عم تحيا حياة طبيعية ولما هالاراوح دخلت على اجسادنا صار في نسيان للحياة السابقة يلي عاشتها الروح وذلك بسبب شهوات النفس ووضيق الجسد بالنسبة للروح وصرنا لما يصير قدامنا حادثة ما نشعر باننا نعرفها لانها قد تكون حادثة عاشتها الروح في ذلك العالم السابق وبعتقد الانسان لما يتجرد بشكل كامل عن شهوات النفس ممكن انو يعرف اشياء لا تخطر على بال بشر وبالنهاية هذه رايي الذي يحتمل الخطأ كما قد يحتمل الصواب وشكرا لسؤالك |
و الله بصراحة أنا بتصير معي .. مو بس هاي الحالة و أحياناً بكون عم بغني أغنية بفتح عالتلفزيون
بلاقيها نفسها طالعة و عند نفس المقطع يللي عم بغنيه .. على فكرة سمعت مرة إنه المخ البشري فيه كل شي حصل و كل شي رح يحصل في الدنيا و لكن الإنسان صعب إنه يوصل لهذه المعلومات في مخه إلا بالصدف و هذه أحد الصدف و الله أعلم |
هي الحالة إسمها (دي جافو) و سببها هو وصول المعلومات من (العين أو الأذن) إلى الدماغ قبل تحليل الدماغ لهذه المعلومات بفترة أطول من المعتاد...............و سببها إما عضوي (نقص تروية) أو نفسي إرهاق ، توتر).
معلوماتي من طبيب أعصاب لأن هذه الحالة كانت تحدث معي بشكل مستمر.... |
بتصير كتير
بس ليش وشو الاسباب ما سألت حالي لاني لو سألت بحس اني سألت قبل هالمرة كيف مابعرف بس هيك بصير احيانا معي والغريب انو ممكن الشخص كون اول مرة بشوفو وبلاقي انو الحديث حاكيه قبل مرة وبعرف شو بيحكي قبل ما يحكي |
اقتباس:
وبعيدا عن الارواح واما بعرف شو هناك تفسير علمي انو الانسان بيوصل بمرحلة من النضوج العقلي انو وهو عم يتابع موقف او حدث بيكون وحسب تسلسل الاحداث متوقع انو هيك بدو يصير او هيك بدو يكون ردة فعل فلان هلى موقف معين بقى بيخيللو العقل الباطني انو هو شاف هاد المشهد او النقاش او ردة الفعل تحياتي الك |
بالفعل إيام بصير معي هيك شي... بحس مقطع من دآيئ (هيك بئدرا) بينعاد إدامي أو كلمة بؤلا بنقاش بحس كإني آيلتا أبل هيك بنفس الأعدة مع نفس الناس وبحس إنه اللي إدامي رح يحكي شي آله أبل... سامعته أنا أبل بنفس اللقطة!!!!!!! بأُصاب بإنفصام لحظي وعدم استيعاب للوضع... والله هاللقطة شايفتا أبل هيك!!!!!! شي بيحط العئل بالكف!!!!!!:shock: :shock: :?
|
انا بتصير معي كتير
|
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
:D |
كمان بتصير معي
مو بس هيك شغلات وحوادث من ايام الطفولة متخيلها وهلا عم تصير معي |
اقتباس:
|
لا اختي مانك مجنونة بتصير مع كل انسان:D
انا مرة سمعت انه الانسان وقت بيكون ببطن امه بيشوف كل مراحل حياته بادق التفاصيل والله اعلم |
لعما كنت مفكر حالي بس أنا بيصير معي هيك
|
اقتباس:
كنت استحي اسأل ناس بعرفهن! فكرت حالي مجنونة! او مضروبة بعقلي :( بس الحمدالله طلعت سليمة!! :o ------------ حتندم يا جميل |
معناتا كلكون مجانين ههههههههه
|
اقتباس:
|
اقتباس:
و استيعابكون بطيء هلاء لعرفت اني مهضوم :jakoush: |
| الساعة بإيدك هلق يا سيدي 01:38 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون