|
كي لا يذهب الجولان مع الريح : مستوطن يقول لا يوجد سوريون في الجولان فقط دروز ؟
في الوقت الذي تخيط فيه سيدة سورية أكبر علم سوري ليرفرف في سماء القنيطرة (المحررة ) ضمن حملة المليون توقيع لاستعادة الجولان ، كانت قناة البي بي سي الاخبارية تعرض تقريراً من الجولان السوري المحتل ، ظهر فيه مستوطن يتصرف كأنه في بيته يعيش في الجولان منذ عقدين وأكثر ، وعندما سألته معدة التقرير : كيف يعيش بجوار السوريين ؟؟، أجاب ببرودة أعصاب وهو يتدلى من كرسيه مرتاحاً : عن اي سوريين تتكلمين ، لايوجد سوريين في الجولان بل يوجد دروز ...!!! ، ونابع يقول : إن علاقتنا معهم ممتاز .
ويح أمتي ... لقد دخل الجولان في لعبة الطوائف الدولية ، وكل يوم يمر يشعر الاسرائيليون بأنهم أصحابه ، أما نحن فنراهن على الوقت في حقنا بأرضنا ، هل مكتوب علينا أن نخسر أرضاً تلو أخرى ... بعدما بات الحديث عن لواء اسكندرون ضرب من الجنون ، ومن المستحيل عودته ، حتى أن قاطنيه السوريين ، يتباهون بإقليم هاتاي ـ اسكندرون ـ سابقاً ، وصور مؤسس الدولة التركية تزين صدر بيوتهم . لماذا يدخل حقنا ضمن مزاد دولي ، و ما معنى المفاوضات غير المباشرة ، والتي كان من شروطها المثيرة للدهشة في تركيا : عدم النظر بالعيون او الصعود من مكان واحد ، على مبدأ أغنية عبد الوهاب : بلاش تبوسني في عيني ... نريد الجولان ، بأي ثمن ، نعم بأي ثمن ، فهي أرضنا ، ولن تنسينا اياها الأيام ، كما حصل مع لواء اسكندرون ، كفانا التركيز على قضايا غيرنا ونسيان قضيتنا الاهم : نريد الجولان السوري ... لا الجولان : (الدرزي ) كما تحاول إسرائيل أن تعممه الآن . ونحن وبكل بلاهة : نقف على مشارف الجولان نلوح بالاعلام ونتكلم بمكبرات الصوت .. إن ما يجري هو تأبين بكل معنى الكلمة ، نخشى أن يذهب مع الريح ، ريح التسويات الدولية التي تأكل الأخضر واليابس ، غير عابئة برغبات الشعوب وأمانيهم . . أين شبابنا السوري في الجولان ؟؟ ... هل شباب الجنوب اللبناني أقوى ؟؟.. عندما كانت الاصوات المناهضة لسوريا تقول لقيادتنا : اذهبوا وحرورا أرضكم المحتلة ، كنا ننظر بريبة لهم ، إذ كيف يقابلون الاحسان بالاسائة . ولكن وللأسف معهم كل الحق .. يا لنا من سذج .. ويا لهذا التلقين اليومي الذي سطح أدمغتنا . لنا أرض لا نتحدث فيها ، إلا عندما يأتي موفد دولي ، أو تتقدم دول مغمورة للتوسط بيننا وبين الكيان المحتل ، وشعبياً عندما يستقلون الباصات للذهاب إلى أطلال الجولان .. والآن يجمعون تواقيع لاستعادة الجولان .. هل بات حقنا بحاجة إلى تواقيع ... إننا حقاً في أسوء أيامنا . عن نشرة كلنا شركاء. |
لا أدري ما الفائدة من المزاودة في السطحيات و القشور و ترك اللب و الجوهر بعيدا منسيا
هل هو لهدف ما أم أنه ناتج عن سوء تخطيط و عن غير عمد اقتباس:
و لكن هذا السؤال ستبقى اجابته برقبة كل مسؤول عن اي شيء في هذا الوطن اقتباس:
|
اقتباس:
المصيبة انو لما بكون في عندك ارض محتلة بس ما في مقاومة من اي نوع وبالتالي القضية صارت منسية. سكان الجولان اللي انطردوا من قراهن سنة 1967 و اللي بدل ما متروكين ليعيشوا بضواحي الشام , كان المفروض يتم اعادة توطينن بالقنيطرة وباللي حواليها من الجزء الباقي من الجولان وبالتالي هدول كانوا هني المفروض يكونوا نواة المقاومة الشعبية بالضبط متل اهالي جنوب لبنان. بس اللي صار هو متل ما قلت , تركوا لب القضية و متفاخرين انو شو عم ندعم حماس, عم نهرب سلاح لحزب الله وكانو نحني فنزويلا ولا ايران مو كانو عنا ارض هي اولى انو نفكر شلون نحررها, وانطبق علين قول مظفر النواب " ويدافع عن كل قضايا الكون ويهرب من وجه قضيته" الجيل تبعنا صحي فجأة على خريطة سوريا ناقصة شقفة من فوق, وبهمة الشباب يا خوفي الجيل اللي بعدنا يصحى على هالخريطة ناقصة شقفة من تحت . |
معكم حق يا شباب بس بعتقد انه نحنا لازم يكون عندنا شي نقولو او نعملو بهالموضوع يعني حتى المشاركات بهالموضوع لا يتعد عددها اصابع اليد
مو شايفيهن انه في شي غلط بطريقة تفكيرنا واولوياتنا كسوريين |
اقتباس:
هلئ من ناحية الغلط ..الغلط موجود .... بس الناس ملت من السياسة ,,,لأنو صرلنا مية سنة عم نمارسها :lol: يا عمي اذا ما حابب تحارب ,,,روح جيبها بالمفاوضات و خلصنا بقا ,,,ملينا من حالة اللا سلم و لا حرب ,,,ملينا من الأحكام العرفية و قانون الطوارئ ( لأنو عنجد هي صرلنا مية سنة عايشين بظلها ) عم تقلي في شي غلط بسوريا ,,,,لك الهوا يلي عم نتنفسو بسوريا غلط |
اقتباس:
|
اقتباس:
حبيب ..انت ما قادر تعمل شي بموضوع الجولان ..لسببين ... اولا ..اذا بتفكر تعمل شي بتتحاسب بسوريا و بتنسجن ثانيا ...الجولان انباعت من زمان ...مرتفعات الجولان اصعب المناطق بالعالم لتحتلها بقوة عسكرية ,,,لك ما حدا ضرب طلقة وقت دخلتها اسرائيل ...ليش ,,,او ,,ليش وزير الصناعة السوري اتصل بالأسد وقت اعلن سقوط القنيطرة و استفسر انو ليش تم الأعلان عن السقوط رغم انو ما في اسرائيلي لسا بالقنيطرة ,,و معالي ا;لوزير كان عم يحكي من ارض المعركة ,,, الجولان ما بتتحرر ,,حتى السوري نفسو يتحرر |
اقتباس:
|
اقتباس:
كلامك حلو ..بس خليني اوضعلك ياها بالشكل التالي .. انا و انت و مية شب طلعنا بمظاهرة شو راح يصير ... اول شي رح تنفض المظاهرة بالضرب و القتل و تعا نحكي شو رح يصير بالفرع وقت بيشحطونا .. اول شي رح يقولولك انو ما بتعرف انو التظاهر من دون ترخيص ممنوع ,,,( الشباب عم يحكوك بالقانون ,,يعني ما قادر تعمل شي !! ) ثانيا ...رح يسألوك ,,,كيف قدرتو تجمعو بعض ..و مين الراس المدبر ..و شو هي اتصالاتكم مع العالم التانيين ثالثا ..و هون المهم ...رح يتهمونا انو عم نسيئ للسلطة و نتهمها بالتقصير .. رابعا ...مشان وهن نفسية الأمة ...نحنا هيك عم نساعد بأحباط الشعور القومي للسوريين بتذكيرون بالجولان و غيرها .... خامسا و اهم شي ....رح يقولولنا ....انتو شو دخلكون يا ولاد .............الحلال !! و سلملي على سبع تمن سنيين من عمرك |
اقتباس:
|
اقتباس:
|
اقتباس:
شكلك كتير مبسوط بها النتيجة اللي و صلتلها ومريحتلك بالك |
اقتباس:
الأمور بسوريا مختلفة .. |
اقتباس:
اذا الشباب بيحكوا هيك اكيد مختلفة بس لما الشباب بيفكروا بطريقة غير اكيد ما رح ضل سورية متل ما هيي |
كل شي عم حاول قولو انو موضوع الجولان ...ما شغلة تجمع شبابي بينطلق و بيحرر الجولان ,,,الشغلة ما شغلة كشافة و تنضيف شوارع ...
الشغلة انو في رجل فوق رقبتنا ما بتخلينا نتصرف شي ,,,هلئ في كتير ما بيحس بالرجل هي .,,,بس انا حاسّس فيها .. بتمنى منك تحس فيني |
هلئ انا من نازحي الجولان اللي تم تهجيرن عام 1967 وبعرف انو تقريبا الغالبية منا نافضين ايدون ويئسانين نهائيا من رجوع الجولان, بس في شغلة كمان محيرتني وهي انو وقت حرب العراق عام 2003 راح المئات من شباب النازحين للعراق للمشاركة في الحرب وقسم كبير منهن ماتوا وقسم رجع والسؤال هو انو هدول ليش ما راحوا يحرووا الجولان ارضهن بدل العراق, وهنا عليك بالبحث عن السياسة القذرة لنظام التحدي والصمود
|
اقتباس:
|
اقتباس:
طيب هي شب من الجولان عم يقلك الجولانيين نفسون غاسليين ايدون من القصة ..و كمان الشعب السوري كلو نفس الشي.. الموضوع هو شعبنا كلو مربط بأحساس رهيب من العجز ...و الخوف . يعني نجحو مية بالمية بتحويل الشعب لناس مشلوليين عاجزين عن اي حركة |
| الساعة بإيدك هلق يا سيدي 12:17 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون