|
شيء من الشيوعية
الكومسومول :منظمة الشباب اللينيني في الاتحاد السوفيتي السابق عام (1918)ضمت اكثر من 35مليون عضو
الخمير الحمر : الشيوعيون الكمبوديون ((الراسمالية أعلى مراتب الاستعمار)) لينين... التطويق الراسمالي((الشيوعية داخل روسيا تظل مهددة بالخطر مادامت محاطة بحصار راسمالي.ان الشيوعية تنمو وتزدهركلما تقوضت الدول الراسمالية)) ستالين.... الشيوعية القومية(قيام نظم شيوعية مستقلة عن الاتحاد السوفيتي ومختلفة عن النظام السائد في الاتحاد)تيتو...... |
حلو بس الاشتراكية مش شعار وبس والله يرحم ايام الرفاق
|
لا الشيوعية شعار و بس لأن أفكارها فاشلة كتطبيق عملي متل ما شفنا بالإتحاد السوفييتي
|
بعتقد اختزال فلسفة متكاملة بحكم بسيط متل هيك مو مناسب على الاطلاق..
واذا كانت تجربة السوفييت فشلت بعد مرور أكتر من سبعين سنة كان الاتحاد السوفييتي يها واحد من اهم دولتين بالعالم مو معناها أنو الفكر كفكر فاشل.. وما فينا نعرف اذا كان فينا نستعمل كلمة فشل على التجربة السوفييتية.. جميع الحضارات بالعالم بتمر بأطوار متعددة الدول الاسلامية والرومانية واليونانية وما فينا نحكم عليها انها حضارات فشلت.. وانها مبنية على فكر وفلسفة فاشلة.. وانا بعتبر انو من المعيب انو نحكم على تجارب الشعوب ببساطة هيك.. بدك تناقش منحكي بس منحكي بمعلومات مو بآراء وأحكام .. |
طيب خلينا نحكي بشكل منطقي فينا نطبق الأفكار الشيوعية بمناطقنا
الجواب بكل بساطة لا لأنها أفكار طوباوية متل ما بيقولوا و بعتقد ناقشنا هالشي قبل لأنو الأنسان بطبعو بعيد عن الشيوعية و غرائزه رأسمالية بحتة الاتحاد السوفييتي فشل ليش مو لأنو أفكارو غلط بس أفكاره غلط كانت بالتنفيذ في الوضع اللي كان فيه لأنو كان دولة غنية و متقدمة (روسيا) عم تصرف و تأنفق عا كزا ولاية فقيرة و متخلفة هاد لا غنى عن الشعوب اللي فيها صعبة المراس :D |
شو يعني طوباوية.. ممكن.. ؟؟
:D |
طيب يا ست ناي
الطوباوية لغويا: نسبة الى طوبي.. وطوبي كلمة اصلها يوناني U-Topos وتعني حرفياً المكان الذي لا وجود له. و الطوبي هوي الشخص اللي متصور بيفكرو اشياء نظرية غير قابلة للتطبيق العملي يعني متل ما نحنا البشر كلياتنا منتمنى نكون بشرية واحدة و منحب بعضنا و ما في حروب بس هاي افكار طوباوية غير قابلة للتنفيذ و لكن هناك مفكرين اتفقو على انو بعض الأفكار اللي بجوز تكون قابلة للتنفيذ مستقبلا بس هي بالمرحلة الراهنة طوباوية متل المدينة الفاضلة كان تخيل مستقبلي و من جهة حديثنا ليش الشيوعية افكار طوباوية لأنها أفكار غير قابلة للتنفيذ العملي بنجاح يعني انتصرت الثورة و الفكر الثوري الشيوعي لساتو قائم بس الناس اللي تسلموها فاٍو من نوبة الحلم اللي كانوعايشين فيه و رجعو للغريزة الرأسمالية اللي بدمهن او فيكي تقولي حب السلطة بس هاد سبب بسيط من عدة اسباب تانية الحديث فيها بيطول عن سبب فشل التجربة الشيوعية و اتهام افكارها بالطوباوية:D |
الشيوعية لم تنتهي
لو كانت الشيوعية فاشلة لما حاربت امريكا واتباعها الشيوعية والاشتراكية بكل مكان .
وشو بالنسبة للصين ؟؟؟؟ مش النظام كان اشتراكي واصبح راسمالي بعد تبدل الاوضاع السياسية فقط خوفا من الحروب ولكن ما زالت مستمرة بالعمل الاشتراكي ولهيك ما زالو مسيطرين على اقتصاد العالم تقريبا او الهم تاثير واسع جدا بهاد المجال مش لأنهم راسماليين ولكن بشيوعيوتهم .... |
اقتباس:
اكيد لا بعدين انا وضحت بنقاش سابق كلمة للينين و اللي قال فيها انو الديكتاتورية هي الوسيلة لقيادة الشعوب البوليتارية بما يضمن استمرار الثورة و هالشي تم بالصين حيث انو الديكتاتورية حسب الفكر اللينيني هي ما تم تطبيقه هناك و ليس حسب فكرنا نحن و تجاربنا الديكتاتورية و للكلام تتمة...:D |
اقتباس:
جميل جدا وبحكم اني جديد هون لازم افتش على المواضيع القديمة واقراها قبل ما اناقش او ابدي رايي بالمكتوب عشان اعرف عن ايش بحكي والف شكر لتنبيهك الي لهاي النقطة اني في مقالات سابقة .... لنا عودة |
فيك تقلي انو كل الحضارات اللي انهارت كانت طوباوية!!.. هادا حكم سطحي كتير..
في كتب كتيرة انعملت لمعرفة سبب انهيار الاتحاد السوفييتي.. وما فيك تقول انو الليبرالية الغربية عم تمشي مع الغريزة الرأسمالية لانو ما عاد في شي اسمو راسمالية بالمعنى التقليدي اللي كنا ندرسو بالمدرسة.. مبدأ الضرايب المتزايدة او المحسوبة على نظام الشرائح بيدعم مسألة المساواة اللي نادت فيها الشيوعية وهادا الشي ما صار بأوروبا الا بسبب الضغوط الكبيرة من الاحزاب اليسارية بالمنطقة.. و الرعاية الاجتماعية والصحية وضمان الاحتياجات الاساسية للناس بأشكال متعددة كمان ما صار الا بسبب ضغوط هي الاحزاب.. وهيك فينا نقول انو الاحزاب الشيوعية بأوروبا عملت شي مهم كتير.. "متل ما حكيت بموضوع سابق".. ومرة تانية بعتبر انك بتكون ظالم كتير لما بتقول انو الشيوعية مجرد شعار.. |
اقتباس:
انا مؤيد بدون تعليق كلام صحيح والشيوعية مش شعار وبس |
اقتباس:
ما شرحنا وانبرو لساناتنا ونحنا نشرح شو معناتا ديكتاتورية البروليتاريا.. المعنى اللي انت عم تحكي فيه انت اي متابع بسيط للفكر اليساري بيعرف انو غلط.. ومو بس غلط زز غلط كتييييييير.. وما رح ارجع اشرح.. |
اقتباس:
مع احترامي انا مش جاهل بس انا اللي يومين بالاخوية وقصدك بكلامي اني اقرا مش عشان اعرف شو تفصيلات الشيوعية بسعشان اشوف اللي انكتب هون عنها مع الشكر |
اقتباس:
:D |
اقتباس:
انا ما قلت انو الليبيرالية الغربية ماشية مع الغريزة الرأسمالية حتى أني ما جبت سيرتها لليبرالية الغربية و انا معك بهالنقطة:D الشيوعية حركة جميلة اهدافها نبيلة و لكنها طوباوية بشكل او بأخر و ما حدا فينا في ينكر الدور الشيوعي بالثقافات العالمية و الإرث الحضاري للأنسانية بشكل عام فما حدا فينا في ينسى التشي جيفارا و لا لينين او ستالين او فيديل كاسترو او انجازات الأحزاب الشيوعية العالمية و تضحياتها اللي اذا ضلينا شهور ما رح فينا نوفيها حقها بالحديث و للحديث تتمة...:D |
اقتباس:
|
على كل حال فيك ترجع لموضوع اليسار والثورية بقسم السياسة وفيك تعتبر انو الحكي هون تتمة لهداك الموضوع..
:D |
| الساعة بإيدك هلق يا سيدي 08:54 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون