|
عقدة النقص العربية
اجا هالموضوع ببالي هيك متل الالهام
اما قصتوا فهي لما كنت اليوم ببباص الجامعة رايحة عالمعهد تبعي طلع معنا واحد عيونو زرق و شعرو اصفر شبه مهند يعني فجاة صار هدوء الباص ثورة والكل صار يدعيه على مقعدو والتاني بدو يدفعلو اجرة الباص والتالتة ابتدت تحوط عليه والرابع ابتدا يترجاه يعملوا فيزا معو عبلادو باوروبا يعني والله كتير ضحكت اليوم والله صرت دمع من ضحكي نحنا فكرناه الماني ولا فرنساوي بالاخير طلع جزائري وابن جزائري كمان القصة التانبة بمطعم جامعتنا كان في سنوات السبعينات يهود يدرسو بجامعة قسنطينة هلا بطل فيه يهود :yahoo:وكان الطلبة يعملو طابور طويل عريض قدام المطعم او حتى المكتبة :adal:بس البهود كانوا معهن بطاقات تبين انن على اساس قلة وما فيهن تكونوا متل الاغلبية بعدين يمروا على الطابورمرور الكرام يدخلوا عالمطعم يتغدوا او ياخذوا كتاب بالمجان وبعدين يطلعوا :larg:والطلبة بعدن يستنوا وهنن رح يموتوا من غيضهن انا ماشهدت هالحوادت بس اصحابي يحكولي عنها :lol: سؤالي هلا هو لايمتى بدنا نستمر مع عقدة النقص والدونية هي العيب فينا او في ولاة امورنا او التنين |
اقتباس:
ويــــــن الــــسؤال الــــي عنـــــدك , وويـــــن الاشــــــي الي بدنــــــا انـــــاقشه بمـــــا انـــــه بالصـــــالون ! ! :p مـــهوه شغلــــه مــــن التنتيـــــن : 1- يــــا انــــه أنــــا مســـــطول ! ! :shock: 2- يــــا انه أنــــا محــــشش , وحــــده مــــن التنتيــــــن , مـــــا في مجـــــال ! ! :? :D |
اقتباس:
مكانك راوح اح تنين اح تنين |
حذفنا الردود يلي مالها علاقة بالموضوع
رجاءاً بدون سبام :D |
اقتباس:
علاقـــه بـــالموضـــوع ! ! . . . :p |
نحنا العرب عندنا عقدة نقص اتجاه كل ما هو غير عربي سواء كان فرنساوي اميركي او حتى يهودي رغم اننا نحتقر اليهود بس كمان عندنا هالعقدة منهم
عرضت بالموضوع صورتين الاولى عننا نحنا لما كنا بالباص بين بعض لما دخل اخونا صارت الناس تتملقوا لانهم يحسوا انهم فعلا اقل من هاد الشخص التانية ادخل فيها مسؤولي البلد اللي اعطوا اليهود بطاقة تميزهم عن التانيين وهادا يساهم في زيادة ظاهرة الدونية في نفوس الطلبة واللي رح ينتقل حتما الى المجتمع ككل لما راح خيي على اسبانيا حتى يشتغل دكتور لاحظ انو الالمان ما عندهم هالظاهرة بالعكس كان اجرو كطبيب اعصاب يقل بكتير عن اجر دكتور الماني يشتغل نفس الشغلة فليش هذا التباين بيننا نحنا كعرب عندنا هالعقدة والتانيين المختلفين تماما ولايمتى رح تستمر هادي الظاهرة |
اقتباس:
لما بتشوف موضوع مخالف أو بقسم غير مناسب ففيك تبعت تقرير مشاركة عاطلة أما إذا موضوع مو مخالف ومكانو مو غلط بس ما شايف فيو فكرة تحكي فيها وتناقشها ففيك ما ترد لأن في ناس تانية بدها تحكي بصلب الموضوع تحية |
اقتباس:
طيب ليش ببساطة لأنو دولة الاول غير عن التاني وكمان لأنو وقت شركة تقول عينا خبراء اجانب بيصير الها عملاء اكتر على هاد الاساس شوفي كمان واحد بيحمل جواز سفر امريكي كيف بيتعامل ............ هاي قضية متشعبه وطول ما انت او انا من دول العالم الثالث رح تقدم النا خدمة درجة تالته ببلدانا قبل بلدان العالم المتحضر بعدين هاي الك :D لأنك من قسنطينه بلد احلام مستغانمي |
السلام عليكم بالأول,
كلامك صحيح بالمية مليون, نحن للأسف صرنا تابعين للأفكار وانماط الحياة والعقدائد والمذاهب والنظريات وووووووو...... الغربية, والأحلى إنو بنظيف عليها بصمتنا الخاصة وبطريقة رائعة فبنشوه الجميل اللي كان موجود أصلاً هاد إذا كان في شي جميل, وهالحكي بكل الميادين إلا مارحم ربي, بتلاقي فريق كرة قدم إلو هيبتو بين الفرق العربية, لما بيلعب مع أدنى فريق غربي, أوف عدم المؤاخذة بياكل هوا, قضية التوظيف بنلاقي الغربي بيجي بياخد أعلى الرواتب وهو فعلياً مو عامل شي غير رؤوس الأقلام في حين ؟إنو العس كلو ع العرب وأشباههم من الخانعين, بنشوف هالفكرة بأكلنا وبطرق لباسنا, بتكبلنا بأفكار الأفلام الغربية واللي أثرت فينا لدرجة صرنا نشوف الصح غلط والغلط الله محييه, بنشوف هالحكي بلباسنا وحركاتنا ولك حتى بخلوتنا مع نفسنا, ولاتروحوا لبعيد لك كأنوا باللغة العربية مافيها كلمة أسف أو كلمة ماشي أو تمام أو ماشابه من هالكلمات لنلاقي البعض اللي لازم لازم لازم يستخدم بين كل كلمتين عربيات كلمة إنكليزية ولو بالحد الأدنى sorry and ok وكأنوا لغتنا العربية السامية صارت عاجزة عن هيك تعابير فلجأنا إلى الإنكليزية لنجدتنا للأسف الشديد, فيني قول إنو الشخصية العربية المستقلة هي أقرب ماتكون إلى المعدومة بهالإيام, بدي قارن هون بوصف لأحد الرجال اللي كانوا في زمن الرجال, كان يوصف الشخص بأنو لا تأخذه بالله لومة لائم, يعني نقطة إنتهى, أنتهى, أما هلا؟؟؟؟ فالعار العار من أشباه الرجال. إن الله لايغير مافي قوم حتى يغيروا مافي أنفسهم. ببساطة إنتي حطيتي إيدك ع الجرح فشكراً لمشاركتك لأنها فعلاً واقع عايشينوا شو ماحاولنا نتهرب منو |
بالحالة الاولى اللي ذكرتيها ...انو صار تهافت على على انسان اشقر اعتقادا انو فرنسي ...
الها اكثر من سبب ... الاول انو المواطن العربي في اوربا محصل كثير اكثر امتيازات اكثر من بلده الام بدئا من تنفيذ معاملة بسيطة الى اعقد الامور بالحياة و على اقل تقدير بأسوأ الاحوال يحصل اعانة جيدة من الدولة اذا كان لاجئ او مقيم ... بينما ببلادنا حدث و لا حرج .. مساعدات معنوية ما يحصل المواطن ابن البلد ! و بنفس الوقت .. ما شفنا تهافت على شخص صيني او على شخص هندي ... او من بوركينافاسو و نفس هؤلاء الناس اللي يتهافتون على الانسان الغربي .. يحتقرون و بكل قوتهم القادمين من دول او مناطق فقيرة ... مثل جنوب آسيا او افريقيا و حتى العرب من الدول الاخرى ... و خصوصا العمال ! انها عقدة اجتماعية ذات بعد نفسي ... هناك حالة ذكرتيها ... عن الطلبة اليهود الذين كان لهم بعض الامتيازات ... ما سألتي اهلك او اصحابك ... كم محل لا يبيع لليهود في ذلك الوقت .. ! بس نتأمل انو الامور تتحسن في هذا الشرق الذي بكل الطرق يساعد على تفريغه من المثقفين |
| الساعة بإيدك هلق يا سيدي 20:30 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون