|
شو رأيك بالحشيش؟
مسا الخير هلق عندي كم سؤال... أول واحد هو شو رأيك بالحشيش؟ شو رأيك بالقوانين المعمولة بالعالم اللي بتمنعو او بتسمحو؟ شكراً |
انا معها ..
بقلكون ليش .. أولا انت عم تحكي عـ الحشيش .. أو الكيف .. خليني أحكي عـ نطاق سوريا .. الكل بيحشش .. أو الأغلبية .. من دكاترة الجامعة للطلاب للموظفين .. لـ العمال الحرفيين .. حتى عمال النظافة .. أنا مع أنو الدولة تدخلها عـ البلد و تبيعها بـ محلات خصوصي ألها .. و للأشخاص يلي فوق خلينا نقول ال 20 سنة .. الحشيش عم يدخل عـ البلد .. سواء أنو كان ممنوع أو مسموح .. و عم ينزرع بالبلد .. فـ مافي داعي أنو الواحد يشتريه بالسر .. و من مناطق التهريب .. معلولا صيدنايا عنا هون الزيتونية مثلاً .. فـ الواحد ياخدو من عند الدولة و تستفيد الدولة من عائدات أحسن ما تروح للشبيحة .. الحشيش نبات .. ما في مجال أنو تصير مدمن عليها .. لما بيكون في أوك .. ولام مافي ما بتحس انك بحاجتو متل الدخان .. أو الكوكايين أو الهيرويين .. موضوع موفق كهربجي .. :D |
اكيد ضد كل انواع المخدرات لأنها بشكل او بأخر بتأثر على الانسان
|
ههههه او شى والله ما بعرف شو طعموا مشان ئلك شو راي في ههههههه
بس انا ضده وضد كل المخدرات الانو هيدى بضر وبتتعب الانسان بحياتوا.. بس للاسف الناس صار بدها تموت حالها للاسف ..بس انا ضدها ومع القوانين يالى بتمنع المخدرات ولازم قوانين صارمه...يعنى منعا باتا.. وتسلم خيو على هيدى المووضوع |
حلو كتير هالحديث
كمان بايد بارليب بالرأي انو العالم عم تحشش طبعا مو الاغلبية العظمى بس انو في نسبة عالم بتتعاطى الحشيش لهيك إذا بتوفر الدولة متطلبات الشعب من الحشيش بتوفر على حاله عذاب ملاحقة المهربين والمتعاطيين مع انو محدا مدور عليهن هدول وعلى فكرة بهولندا حسب بعض المصادر موجودة ماكينات متل تبع البيبسي بتبيع حشيش او محلات مابعرف بالضبط بس انو الدولة عم توزع حشيش ع العالم |
على فكرة بالدول الاسكندنافية بيسمحو بكميات قليلة
منعا للكبت الذي يولد انفجارا شاذا وهي من اكثر الدول المتقدمة التي تبيعنا تقدم لاحفاد احفادنا لاتوجد عندهم نسبة الادمان التي في مصر مثلا والخليج |
لا للحشيش
نعم للتحشيش  |
اقتباس:
:larg: |
مو بكل الدول الأسكندنافية شريك .. بس بهولندا متل ما قال عمك اب سليمان ..
بـ هولندا بتفوت عـ المحل يلي بيبيع هيك شغلات .. بتاخد و بتمشي .. بس بظن أنو في كمية معينة ما مسموح تاخد أكتر منها . .. واذا انمسك معك كمية أكتر من اللي مسموح فيها ألك بيحسبوها عليك تعاطي .. بس بباقي دول أوروبا .. أو على الأقل متل ما بعرف ببعض الدول الأوروبية .. في عالم موصوفلها ياخدو الهيرويين .. أنا بعرف تنين متجوزين .. بـ نمسا عمرون يمكن أكتر من 80 سنة .. و تنيناتون عم يتعاطو هيرويين .. و بـ الأبر .. وما بقيان ضامار بـ جسمون حتى يضربو أبرة فيه .. |
شي حلو وحضاري
بس بالمعقول :p |
بهولندا الواحد بيفوت عالكافي شوب بيشتري صاروخ جاهز او بيشتري بضاعة وبيلف لحالو وبيقعد بيدخن
وكل شخص مسمحلو يشتر من كل كافي شوب 5 غرام .. وكتير عالم بتروح من محل لمحل بتجيب اكتر من مرة 5 غرام وبعدين بتبلش توزعون باوروبا وتقريبا بكل الدول الاوروبية مسموح الواحد يكون معو كمية معيني للاستخدام الشخصي فقط يعني ممنوعة التجارة فيون بس مسموح الواحد يملك شوي ما بعرف شو مدى انتشار الغراس او الحشيش او الماريوانا ( اختلفت الاسماء والحشيش واحد ) بسوريا لانو وقت طلعت منا اسا كنت صغير عهيك شغلات . بس باوروبا الشغلة منتشرة كتير كتير والنظام الي هون تقريبا ما اشبو شي .. يعني انو بهولندا مخرينا الشباب شوي بس انو كمان ما تكون الشغلة متل السعودية يعني انا مع انو ينسمح للواحد يملك كمية معيني للاستخدام الشخصي .. ويمنعو التجارة فيا |
الحشيش : اهم شي بيميز الحشيش عن اي شي تاني بالعالم ، انو شي طبيعي ميه بالميه مادمه مافيها اي شي كيمواي ، يعني تواجد الواحد بيدخنو ما توجدي فلجسم ما بيطلبو او بيلح عليه ، لانو ما بينخلط بالدم او بيطلبو الدم
انا مع انو يسمحو فيه بس متل ما الكل حكا بالمعقول "مع العلم شعبنا ما بيلبقلو اذا سمحو فيه لح ياكلو مع سندويش الفلافل" ، بس هل شي ما بيمنع انو ينباع لكل مين فوق ال 20 ، بدل ما الواحد ينمسك و يشتحطط و اول على اخر موجود باي بلد شو ما كان نظام البلد يلي حاكم ، لانو ماحدا بيتحكم بزراعتو خصوصي انو بزره وحده ممكن بعد سنه تعملك مزرعه ، و بيستغرق ليطلع 40 يوم و ليصير الورق كبير شهرين ونص 3 ، يعني اول على اخر الواحد بيتطور بزراعتو اي لا خلي يتم تحت عيون الدوله احسن هاد راي و الله يستر ما كمل رمضان ببيت خالتي:hashish: |
:sick:اعكد شي بهالدنيا على الاقل الواحد عما يعمل شي بيضر فيها نفسو ومابيضر حدا تاني
بس المشكلة انو الناس عما تعمل كل عملة بتشرد الناس من دون ما تفكر بشي خود هي احلى حمراء طويلة:sick: |
أحلى شي بالموضوع
انه تركتوا كل دول العالم اللي بتمنعوا وبتحاكم متعاطيه والمتاجر فيه وعم تتمسكوا بدولة وحدة مو غريب هالتفكير شوي سؤالي: برأيكن هو ليه ممنوع بكل دول العالم ومنظمة الصحة العالمية حاطيته ضمن خانة المخدرات المضرة بالصحة؟؟ بتمنى لاقي جواب |
اقتباس:
صاحبي منعو الحشيش لانو اول شي بيعرفو انو ما بيصير عليه ادمن بس بنفس الوقت ممكن انو يخرب الدنيه |
شو رأيك بالحشيش؟
على حسب بلد المنشأ شو رأيك بالقوانين المعمولة بالعالم اللي بتمنعو او بتسمحو؟ مو مهم المهم انو عنا بالبلد نص مسموح (شو يعني نص مسموح)(يعني مسنوح اي بلنون) نص مسموح يعني انو هو ممنوع بس عل ورء حبر على ورء بس الشباب كلا بتضرب يازلمة كل ما اتعرف على عالم اكتر كل ما بكتشف اديش في عالم ضريبة وشكلو السلطات ما بتلاحئ هدول العالم اي شو بدك فيون اتركن ساردين بتمنة حدا يحط شي مقال رسمي او نص رسمي ما بتفرئ انو الحشيش ما بيعمل ادمان وغير ضار مشان العالم يلي ما بتعرف :hashish::hashish::hashish::hashish: على اولتك شو حشيش ما حشيش |
اقتباس:
معليه لو سمحت طلبت جواب منطقي شوي وقت بدكن تمزحوا خبروني بمزح معكن |
طبعا أكيد ضدها لان كل دى بتذهب العقل واكيد حرام
|
| الساعة بإيدك هلق يا سيدي 22:04 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون