نتائج الاسبوع التاني من المسابقة الرياضية ... في واحد متخورف :d
 

مرحبا جميعا ..

عراسي كل الشباب .. والصبايا ..


اجوبة الاسبوع الثاني .. من المسابقة الرياضية ..

السؤال الاول كان :

1-اين ستقام بطولة كاس امم اوربا القادمة هذا الصيف؟

الجواب : النمسا وسويسرا

2-مين اللاعب اللي مبين بالصورة التالية :



الجواب:


تيري هنري
يا حرام كلكن اكلتو خواريف لشبعتو :p

3- أحلى تعليق على هي الصورة :




*ملاحظة:
السؤال التالت .. برضو لح ناخد اجمل تعليق لهاد الاسبوع ..

هلا اجوبة المتسابقين كانت على الشكل التالي :



Goverment:

1-النمسا والسويد:o
2-اكسافي
3-ياطيرة طيرررري ياحمامة .. كشششششششششش

هههههه ولا جواب صح حسون .. من الاول والتاني .. والتالت لطشو منك هالاسبوع مازن ..

Miiido:
1-النمسا وسويسرا
2-تشافي
3-يقبرني خفيف الدم ... عنوان المباراة اللي كانت مقامة على سطح القمر ( لانعدام الجاذبية )

الجواب الاول صح ..التاني غلط .. التالت . كتبتلي جريدة :p

عاشق رويدا :
1-النمسا وسويسرا
2-رونالدينيو
3-مش حلوة الصورة .. :o

جوابك الاول صح .. والتاني غلط .. منعتذر يعنوي .. هوة هنري ..

صياد الطيور :
1-النمسا وسويسرا
2-كسافي
3-طيبة بارتيز ...طار على رونالدو طار ... و كاس العالم من رونالدو طار

جوابك الاول صح مازن ... والتاني غلط .. والتالت .. هوة اللي رحبت انت بهاد الاسبوع .. :D


هلا جواب السؤال التالت .. حسب ما حكينا انو لح نقي واحد .. واحلى تعليق .. كان لهاد الاسبوع .. هوة

تعليق .. مازن " صياد الطيور"


وهيك بهي الحالة بتصير النتائج تبع الاسبوع التاني على الشكل التالي :


1-صياد الطيور بـ 4 نقاط
2- Miiido بـ 3 نقاط
2- عاشق رويدا بـ 3 نقاط
4-Goverment بـ 0 نقاط

*************
الترتيب العام :



1- Miiido بـ 8 نقاط
2- عاشق رويدا بـ 7 نقاط
3- صياد الطيور بـ 7 نقاط
4-Goverment بـ 5 نقاط
5- سوا ربينا بـ 2 نقطة


:D

هيك بكون خلص الاسبوع التاني من المسابقة .. وفيكم .. تروحو على الموضوع تبع الاسبوع التالت..
للمسابقة .. وبالتوفيق للكل ..

هههههههه حسون .. دير بالك عالكيبورد وانت عم تكتب جوابك :p

هي صورة .. اللاعب للي ما لح تطلع عندو الصورة ..

شو مشانك يالله ؟
ليش تبعت افضل تعبير بياخدا اول واحد بجاوب ولا شلون ؟ :shock:
بعد يحرق اختا
يحرق اختا الف مرة
تبعت السؤال الاول
بس انا من السرعة بدال ما اكتب النمسا وسويسرا كتبتا النمسا والسويد
وينعن حظي من هداك اليوم مالي منتبه عليه
لك ينعن اخت السرعة ع اخت الكيبور :pos:

اخي ومارح تصدق انو الصورة وحياة الله شكيت فيا انو هنري او الشي وشكيت كتير بس قلت لا كانو اكسافي
ينعن كفرو حظي

بس هلأ شو مشان افضل تعبير ماهيك اتفقنا !!!!!!

اخي مابصير كمان ع اي اساس انت بتنقي الجواب التالت ع كيفك ؟؟
مي مزبوطة .. زوق واحد لحالو مابكفي
بدك تشكل لجنة حيادية من برا تلت اعضاء من اليوم ورايح مشان يمشي الحال
من الاول مي راكزة هي تبعت افضل تعليق

عميل لجنة مكونة من 3 اضخاص غيرك انت مشان يتفقوا عليها
كفو ؟


ينعن اختا الصورة بتحرق القلب هي وتبعت السويد
لك لك

بزمتي بعد ما كتبت تيري هنري قلت لا يالله هادا ألو شعر وهنري ما ألو شعر
ما كان هيك مبين

خيرها بغيرها

بشرفي انا نفس الشي صار معي
بالاضافة لشغلة تانية انت السبب فيا
ببقى بقلك بعدين شو هي :jakoush:

مو حرام ميدو المعوق كرويا يتصدر :lol::p

قول لا تخجل متل أخوك أنا
قول ما بقول لحدا :p

حسونة حجي .. اول وحدة انا انتبهت عليا اول ما شفتا .. كاتبا انت .. ههههه انو عم اتخيل هالموقف كنت من وقت ما حطيت الاجابة انت .. :p

بس لاحكيلك شغلة .. منشان شغلة افضل تعليق .. القصة ما هيك المسابقة متل مانك شايف ما فيا هالشغل اللي كتير حميان يعني مانا حميانة كتير .. هي اول شغلة .. تاني شغلة .. ما كل مرة حضرتك لازم تاخد احلى تعليق .. يعني هي المرة شفت انو تعليق مازن هوة الاحلى ..

هلا منشان شغلة لجنة وما لجنة .. صعب يصير هيك شي .. ولزلك انا رحت حطيت نقطة وحدة بس عليها للصورة يعني ما حيكون الها هاد التاثير كلو .. التاثير كلو عم يكون على السؤال الاول بدرجة كبيرة والسؤال التاني .. يعني التالت عم يكون متل ملحق ما اكتر ..

يلا هارد لك حسونة .. ودير بالك عالكيبورد المرة الجاية :p

بس احلى شي عمو هنري ... :o

:gem: والأول فات فات والتاني وينو وينو :p

ودج دج دج دج دج ميدوو :larg:

بعدين شبيبة .. العام حلاوتو كيف .. صح بجوز الواحد يلطش من التاني جواب صح .

بس الشعور الاحلى وقت بتلطشو من بعض جواب غلط :p

اي اي مبروك :yahoo:حلو مجاكرة حسون يا اخي

هالحكي كلو مابفهمو انا ..
مدام المسابقة عليها نقط تبعت افضل تعليق لازم يكون عليها 3 اراء مو رأي واحد
وان شاء الله يكون عليها نص نقطة
بعدين مابكفي رأيك لحالك انو حلوة وماحلوة ومابكفي تشوف لحالك


مشان هيك بقترح انو شغلة الافضل تعليق هي يجتمعو عليها تلت اعضاء من اللي بيدخلو ع قسم الرياضة ومالن مشاركين بالمسابقة
فلنفرض مثلا ريمي وياس وهدوء البخر
بالاضافة الك انت وبتختارو افضل تعليق
بس انت لحالك لا لانو ماكتير زابطة والشغلة هيلمة
وياريت تبدا تتنفز الفكرة من الاسبوع الجاي لانو كتير جدية والنقطة بتفرق
وغير هيك ياريت تنغلى تبعت الافضل تعليق


ومبرووووووك لميدو
والمسابقة لسه باولا
ومبروك عليك الحظ تبع هالدور :larg:

حسونة حبيبي .. بدك ياني اخد 3 اراء من اصل 4 :p

اي لا بفرد مرة بزيد كل واحد نقطة وخلصنا .. :o

اول شي شوف التناقض بحكيك حسون .. بين اللونين الاحمر .. :?

تاني شي .. المسابقة فيا هيك .. يعني ما لح اعد والله الغي وعدل كل واحد على كيفو ..

حكينا بالموضوع من قبل .. :D


** بعدين هموش حسون .. عالاسبوع الاول ما سمعنا هيك هالاعتراضات كلها .. ولا اللي فاز المرة الماضية كنت بتبحو مو مشكلة :p هديلي حالك .. وهارد لك

اديش دافعلهن حسون لحتى كتير مصرّ عليهن :p

خيو انا ما برضى فيهن ....... بدي لجنة حكام دوليين ...... وغير هيك ما برضى :jakoush:


عسيرة الحظ ...... كلو بيحكي عالحظ الا انت ...... قلتلي النمسا والسويد لكن :lol:

لك عيني مو هيك القصة
انا من الاول عندي اعتراض ع قصتين
قصة الاجوبة ع العام .. وقصة افضل تعليق مو قصة فزت ولا خسرت حتى لو كنت متصدر وحياتك كنت رح طالب بهيك
اخي الشغلة مو زاطة بالمرة يعني انو رأيك لحالو انت مابكفي
يعني مثلا هالتعليق عجبك
يمكن واحد تاني مايعجبو بالمرة
يمكن يجي واحد تالت لايعجبو تبعك ولا تبعو (بلا معنى)
يعني هيك .. ورأيك لحالو مابكفي .. يعني حكم واحد مابكفي ذوقك انت مابكفي الناس اذواق
يعني لما بجتمعو 3 ع رأي واحد هون القصة بتكون مزبوطة 100% والواحد بكون تمام
انو تلت اراء وتلت ازواق لما بجتمعو ع رأي واحد بكون معناتة الحكي مزبوط
ومابدك تلغي المسابقة لاتلغيا .. بس خلي ينعملا لجنة تحكيم وخاصة بشغلة الافضل تعليق واحد لحالو مابكفي ابدا ومو زابط بالمرة !!

وبعدين شو تناقض ماتناقض !!
وين شفت التناقض بحكيي :shock:

بعدين اخي انت ليش عنيد هيك يعني نحن عمنطلب منك شي مزبوط وماعمنتبلى عليك تبلي .. يعني فهمنا شغلة العام وسكتنا بس هيك شغلة افضل تعليق مو زابطة بالمرة يعني مالنا صارعينك طلبات واسالة
هو طلب واحد ومن حق كل واحد عبشارك بهالمسابقى حتى تكون مزبوطة ويوصل لكل واحد حقو يتنفز هالطلب وبعدين اي حدا مابحقلو يحكي بعد ماتنعمل تبعت التحكيم لانو بكون كلشي بالعدل .. مو هيلمة !! وكيف

وبعدين ع الهامش*** انا ماقلت 3 اراء من اصل واحد
انا قلت انو 3 حكام يتفقوا ع احلى واحد وانت رابعن


وهيك .
وع راسي يمـــونة :D


:lol:
لك لا يازلمة مادافعلن ولا دافعينلي ولا في شي بناتنا
خليا لربك

انا حطيتن امثلة بما انن بدخلو ع قسم الرياضة شوية صغيرة مو كتير .. بس انو نسبيا بدخلو (بلا معنى) لانو يعني معلومك قسم الرياضة ماكتير بدخلو .. فهالجنة انسب الشي نوعا ما
وطبعا انا مجرد رأيي شفتن احسن الشي الشي راجعلكن مو ع كيفي بس


بعدين تاعا لقلك يا شو مشانك هلأ بربك بربك انت الجواب الاول ماغشيتو غش يعني :larg:
على بابا يا ماما
وانا مشان السويد لك لو بحلف مية يمين مارح تصدق انو غلظة مطبعية من السرعة
ينعن سعدو الف مرة :jakoush:


روووح تضرب من بين العاهات الكروية :p

خلص خلص لا تزعلولنا حسون ...حاكم كتراني اعتراضاتو هالايام ...

في خمس مشتركين بالمسابقه بس اذا بيجي معك كمان تنين بنفس الراي بنمشي هالاقتراح ....
اذا ما جمعت كمان صوتين بتفضها سيره ...

لا تعبوني راسي واجعني اليوم :cry: