|
التلفزيونات السورية الخاصة .....
متل متل كل مواطن سوري منصف لاحظ الانفتاح الاعلامي يللي صاير بسوريا من سنين عدة لهلأ من خلال افتتاحالعديد من الصحف و التلفزيونات و الوسائل الاعلامية ... و هي خطوة ع الطريق الصحيح ... لأنو الأعلام هوي السلطة الرابعة وهو الطريق نحو بناء المجتمع الحقيقي و توعية الناس و فضح الفساد و المفسدين ... و بالفعل خطا العلام الخاص السوري الخاص خطوات لا بأس بها في هذا المجال .. والتي لا تزال دون المستوى المأمول لأسباب عدة ما في مجال لذكرها ...
فانشاء الله يحقق الاعلام السوري الخاص المأمول منه و يرقى الى المنافسة مع قنوات عربية أخرى .. بل و يتفوق عليها و مع تعدد التلفزيونات الخاصة بتمنى متل ما كل مواطن سوري شريف بيتمنى ... أنو ما تتجاوز هذه التلفزيونات الخطوط الحمر"من مناطقية و طائفية و تحيز ..... ""يعني انشاء الله ما يصير فينا متل لبنان بهاي الناحية"... و أن تبقى دائما تعمل لمصلحة سوريا و شعبها |
مع التنويه أنو هلأ عنا بسوريا شي عشرين اذاعة وتلات تلفزيونات و أربعة صحف يومية
|
اقتباس:
اما بالنسبة للخطوط الحمرا فالسلطة الرابعة لازم تجتاز كل الخطوط الحمرا والخضرة والصفرا وغيرها ختى توصل الخبر الصح من دون مجاملات وتحيز وقمع يا سيدي انا بتمنى أنو تصير تلفزيوناتنا ووسائل الاعلام متل لبنان كنا بألف خير بس كانت خربة الدنيا لانو ولا مسؤول بضل بمحلو اذا صار عنا غادة عيد بسوريا وبرنامج للفساد |
و هي مقالة عن واقع الاعلام الخاص بس الها زمان :larg: اقتباس:
|
أنا أكتر محطة عجبتي هي الدنيا .. يعني ع الأقل أحسن من غيرها ... حلوة و لذيذة ومهضومة :sosweet: |
اقتباس:
الرمد بيضل أحسن من العمى ... مو؟ طبعا أنا حددت قصدي بالخطوط الحمرا و يللي بتصور كل سوري محب و حريص ع وطنو بيوافقني عليه طبعا لازم نتعلم من تجربة لبنان ومن اي تجربة بالعالم و يللي أنا مل بنكر أنو في الها ايجابيات ... و لكن كمان الها سلبيات كتير خطيرة .. و مشاكل كتير بلبنان عم تصير من ورا الشحن الطائفي و المذهبي يللي عم بتقوم فيها بعض و سائل اعلامن .... :D |
اقتباس:
هو أول شي عندي ملاحظة بعتقد انها متكررة بمواضيع الأخ شب الكبة... انك تعطي صفات للي يعتقد بشيء ما.... مثلا لما تقول انو كل مواطن منصف ملاحظ الانفتاح ... طيب اللي مو ملاحظو كذاب يعني؟؟ و كمان تحت تبعيت كل مواطن شريف يتمنى انو التلفزيونات ما تتجاوز الخطوط الحمر... أساسا ربط كلمة اعلام بكلمة خط أحمر هو خطأ.. مهمة الاعلام هو تقديم المعلومة اللي عم تصير.. و طالما في تقييد لهالشي معناتو مافي اعلام..... و ازا صار حادثة طائفية بالبلد بعتقد من واجب الاعلام الاخبار عنها و من حقي اعرفها.. و أنا بعتبر حالي مواطن شريف.. بعدين عندي كمان ملاحظة حول عدد الدوريات و الصحف و ما إلى هنالك.. يعني بصراحة معروفة عدد جيد من هالدوريات مين مالكها.. و معروف توجهها.. و هالعدد مسخرة حقيقة ازا عرفنا انو بفترة الخمسينات كان في بمدينة دمشق 40 دورية ما بين جريدة و مجلة.. بالخمسينات كان في 3 جرايد بمحافظة دير الزور.. و هلأ مافي غير جريدة وحدة عملوها من فترة هزيلة و مثيرة للشفقة.. و بالنهاية بالنسبة لحرية الصحافة... فلا في حرية صحافة و لا في نية لجعلها... عم يولدو حيتان اعلام جدد متوافين مع السلطة على شو بينتشر و شو لأ... و في تبادل مصالح فيما بينهم.. و ما زلنا نضطر نقرا أخبار بلدنا بالصحف الخارجية.. و ما زلنا ازا صار شي بالبلد نفتح مية تلفزيون قبل ما نفتح التلفزيون السوري.. و هالشي مدعاة خجل... و شكرا |
اقتباس:
|
اقتباس:
الله يسامحك يا زلمة شو هي فترة الخمسينات ايامها سوريا كانت بالحضيض لانو متل مابتعرف انو سوريا كل عمرها بالارض لبين ما اجت الحركة التصحيحية ليصير عنا 4 صحف يومية عن جد الواحد ما بيعرف شو بدو يقول, لك اذا على مستوى موقع انترنت يمكن نسبة السوريين اللي بيدخلوا على الانترنت بانتظام قليلة , ما عم يسمحوا بشي شلون رح نتوقع يسمحوا بجريدة يومية مستقلة او بتلفزيون مستقل ؟ |
اقتباس:
مو المهم الشكل المهم المضمون |
اقتباس:
والله ماعم افهم هالحكي يلي عم تحكيه انت مقتنع فيه؟؟؟ يعني انت مقتنع انو هيك وضع الاعلام عنا أما عم تساري هالشعب المسكين وعم تساير حالك؟ |
اقتباس:
من يضع هكذا خطوط ؟؟ بالاعلام الحر مافي خطوط انما في قانون .. ليمنع تلفيق التهم.. قذف شخوص المسؤولين دون دليل .. أخبار كاذبة .. إلخ إنما يصير عندك خمسين قناة و الخمسين عم يقرو نفس نسخة نشرة الأخبار .. إي مو زابطة .. تحرر الإعلام يرتبط بإلغاء وزارة الإعلام . وضع قونين واضحة و صارمة خارج نظام قوانين الطوارئ. إعطاء التصاريح اللازمة لكل من يرغب بانشاء مؤسسة إعلامية "صحيفة,قناة,إذاعة" و لا يقيدها إلا القونين الموضوعة لهذا الغرض و هي قونين للأمور القانونية بمعنى متل ما قلت سابقا .. للحفاظ على نوعية إعلامية ما رفعت الكي بوردات و جفت الماوسات. |
اقتباس:
|
باعتبار جبت سيرة الاذاعات ما بعرف كيف طلعوا معك 20 اذاعة وهني 10 اذاعات معظمون نسخ عن بعضون
ما بعرف كيف رح يتقدموا وهني مجبورين يقدموا برامج الاس ام اس وطق الحنك والاهداءات وبس يمكن بستثني ارابيسك اللي عم تحكي شوية برامج اجتماعية بس لهلق بامور عادية وشام اف ام اللي يمكن ارتبط حضورها بانو عملت جو فيروزي رحباني دايم وبوجود هيام حموي اما باقي الاذاعات فهني طق حنك ومسخرة بكل معتى الكلمة ومعروفين مين رؤوس امولوهون ومع مين متحالفين عالهامش : مرة قلي احمد انو مجد سليمان صاحب اليو جي عم يحضر لاذاعة ومحطة |
في برنامج على صوت الشباب .. بيطلع الصبح بعد اغاني فيروز .. بيقدمو شب أسمو امجد .. لأول وهلة بيبين الشب انو معلاق كتير ..
بس البرنامج كتير كتير حلو و بيطرح مشاكل المجتمع السوري |
اقتباس:
(1)معلش أنا بعتير حالي منصف ... و واضح الي تماما متل ماكتير "منصفين" غيري أنو عم بيصير انفتاح اعلامي ... يعني الوضع هلأ أحسن من الوضعمن خمس سنين ... والوضع من خمس سنين أحسن من الخمس السنين اللي قبلها .. أي انو في]خطوات عن تتاخد نحو الأمام بغض النظر عن مدى سرعتها و مدى الضغوط الكبيرة يللي عمنتعرضلها كبلد .. وكمان بتضل أحسن من كتير دول عربية (2)هي وضحلك ياها Barleb (3)اذا قصدك مسخرة ع عدد الدوريات فعنا هلأ شي ألف دورية عملية واجتماعية ورياضيةوثقافية وكلو شي بنرفع الراص فيه وفي منها مجلات عم تتحقق مبيعات عالية بكل الدول العربية (4)صحفنا الرسمية كمان متحسنة بشكل كبير .. و لا يخلو عدد من أخبار أو تحقيقات يكشف الفساد و الأهمال لدرجة عم تطال أعلى الأسماء أحيانا ... وفي كتير مسؤولين انشالو من منصبن من وراها... وهاد شي ايجابي ولازم يتاخد بعين الاعتبار عند الكلام باي شكل سلبي عن واقع صحفنا الذي يحدث هو تطور حقيقي في واقع الاعلامنا ويجب عدم انكاره بل تشجيعو حتى يوصل لمداه و يحقق كل الامال المعقودة عليه اقتباس:
الخطوط الحمرا هي خطوط تحقق مصلحة الفرد و المجتمع و تضمن تنظيم الحياة والواقع الاجتماعي .. وتحظى بتأييد أغلب المجتمع فقتل شخص هو خط احمر والسرقة هي خط احمر و الاغتصاب هو خط أحمر كمان مين قلك أنو القانون غير الخطوط الحمر ... القانون بيحط الخطوط الحمر التي يجب عدم تجاوزها أما باقي كلامك فأنا بأيدك بمعظم ما ورد فيه اقتباس:
اقتباس:
بس للأمانة انا سمعتو مرة من سنة وبالفعل شي حلو .. الشب اسمو امجد طعمة بيقدم برنامج "جيلنا" ع الفضائية السورية |
اقتباس:
|
بصراحة وانا من وجهة نظري اعلامنا لهلأ ميت وتعبان وعايف سما .. لكن معقول بلد طويلة عريضة مافيا لو قناة رياضية وحدة !!
وبلاد تانية منعتبرا نحن (متخلفة) صار عندن مدري كم قناة رياضية وكم قناة منوعة وكم قناة اخبار وكم وكم وكم بعدين شو هالاعلام هادا اللي لهلأ بطالع كلشي من وجهة نظرو .. يا اخي بصراحة انا صرت اقرف تابع الفضائية ماعدا المسلسلات .. لك الولاد الصغار ماعاد يستسغوا هالمحطة .. لانو صرنا نشتهي نشوف شي نهار بشي نشرة اخبار شي مغاير .. شي بفش القلب شي هيك يعني يحكو عن شي سلبية .. اخي صارت شغلة غلط بالبلد يحكو انو اي مزبوط الشغلة غلط او انو يعالجوة .. او يورجونا شي شقفة من الحقيقة للاسف لهلأ بصرولك كلشي بشغل غبي وسادج صراحة ومن كتر التعتيم والتصوير والتكتم وابراز الشي بغير حقيقتو صار لحد البياخة والغياء .. ولا مثلا معقول قناة طويلة عريضة متل الفضائية ماتنقل مباريات لمنتخب البلد يتكون من اهم المباريات ؟؟ اي اعلام هادا اللي اسمو اعلام ؟ |
| الساعة بإيدك هلق يا سيدي 07:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون