أخوية - ابتسام وسميرة

يابسمة الدنيا ويا روح الأيام

يكفي عتب يكفي زعل يكفي غيرة

كل الذي في بالك يدور أوهام
خلي الوهم عنك وفضيهـــا سيـرة

محدن سكن هالقلب من عشرة أعوام
ماغيرك انتي ... وابتسام وسميرة

وهند وسعاد وريم وفطوم وأحلام
وعليا ودلال وشوق وأسما وأميرة

واذكر بعد يوم اني في رحلة الشام
مت ف سهى وسوسن وريما وميرا

وفي القاهرة حبيت زيزي وريهام
وناهـــــد وعبله أم العيون المثيـــرة

ومريت ع بيروت وحبيت ميريام
وطحت بهوى كارول طيحه كبيرة

يعني اذا جينا نتكلم بالأرقام
عشريــن وحده مع زيـــادة يسيرة

عشرين مايسوون بك ظفر الإبهام
ولا يجون بوسط خصرك حصيرة

مثل النجوم تشع في وقت الظلام
وتختفي لا جات شمس الظهيـــرة

يفداك قلب (ن) منقسم عشرة أقسام
متعــلق بقلــبــك وماشاف غيـــرة

دامه تعلق فيك ماعاد ينلام
مادامك انتي لــه شهيقه وزفيــره

وانتي نخاعه اللي تغلغل بالعظام
وانتي الحنان اللــي يقرر مصيره

وان كان كدر خاطرك ريم وأحلام
وشلة سميـــرة وابتسام ومنيــــرة

بحكم عليهن كلهن بحكم الإعدام
وأنشر خبرهن في قناة الجزيــــرة

طبعا والشعر ل فيصل الفارسي