ما حلوة يعني ما احكيلكون شوي عن شعب اللادقية و تاريخا
الشعب:
المعروف بين شعب اللادقية انو شعب عصبي بتضل متأزمة معو الحالة عطول
و هون مشهور تعدد اللهجات فبينقسمو العالم لاربع اقسام من حيث اللهجة
قسم ما بيجيبو سيرة اخر حر ِ (يعني حرف)
وقسم ابيحكو غير هيكي(الشبيحة الاحرار :D )
و قسم بيحكي عالعريض مع البطء والمط الشديد للحرف بحيث اذا حدث و حبيت تحكي مع شي حدا منون بينما يوصلو لاخر الجملة بتكون نسيت عن شو كان الموضوع(منسميهون سكان الحارة الفوئانية)
و قسم ضايع بالطحشة (نحنا :angel: )

طيب الموقع و التاريخ:
لمن لا يعلم مدينة اللادقية بتوقع على شاطئ البحر الأبيض المتوسط في وسط غرب سوريا
اي اللادقية العظيمة (حسب ما بذكر :pos: ) بناها السلوقيون بالقرن التالت قبل الميلاد تحت حكم زنوبيا
وكانت قرية صغيرة يعني كانو العالم بيعيشو ب مدينة اوغاريت الي هلق بجنوبا اللادقية واللي وجدت فيا اول ابجدية بالتاريخ
كمان وجد فيا اول لحن مدون يرجع للالف التاني ق.ب
بالقرن التاني الميلادي بعد ما حكموا الرومان بني قوس النصر يلي صورتو موجودة تحت( هلق انتهى هالقوس بشارع اسمو مشروع الصليبة يعني كيف بدي قلكون شارع تحفة :mrgreen: )
منتصف القرن السابع تقريبا تم الفتح العربي الاسلامي كان اسما قديما راميتا يعني المرتفعة (عنا مطعم اسمو راميتا بس ما حلو) و بعدين سميت بلاوديسا على اسم والدة القائد اليوناني سلوفس وسماها يوليوس قيصر جوليا اطلق عليها الافرنج اسم la lich
حتى
صار اسما اللادقية واللي يعني المدينة العتيقة جدا(ما بعرف ليش تلبكو باسما لهلدرجة)
احلى شي باللادقية انو فيا بحر و جبل يعني البحر كتير حلو بالصيف و المصايف صلنفة و كسب و طبعا طبعا القرداحة :D
طيب هيدول الصور صورت بنفسي كام صورة و شفطت صور من موقع للوادقة :pos: هنن بيعطو فكرة بسيطة كتير عن بعض المناطق و الاماكن القليلة جوا البلد يعني بس اسا في كتير محلات ما قدرت صورا

هيدا الميريديان احلى اوتيل عنا ايا وقت بتروحو بتشوفو حدن بتعرفو يعني اوتيل المشاهيرالسوريين


الميريديان من جوا


هيدا الشاطء الازرق بعرف رح تقولو ما مبين شي و من هالحكي لانو صورتي بالشتا اي ما رح صورو بالصيف ما حزرتو



(الجامعة من جوا) هون تنين حبو ينكتو اول وحدة قالت ايي لو بعرف عم بيصورو كنت غيرت تيابي و التاني قال كتير مبسوطة عندا كاميرة


الاميركان المسا عجقة كتير بس هون زيادة لانو الميلاد
(الصورة مايلة ما بعرف مين اللذيذ يلي صورا)


باقي الصور

وين الصور؟

نانا بليز اذا بتقدري ترجعي تحملي الصور ...لأنو ماطالعين ... :D :D

مشكورة يا نانا بس الصور ما طالعين :cry:

اسفة يا شباب بس ما بعرف شبون الصور رح حاول ارجع نزلون بهالوقت تاملو بالصورتين مناح والله :cry:
عل كل شكرن كتير :D

ميرسي نانا
كتير كوووووول فكرة اللفة

بس مشان الصور اذا عم يعذبوكي عمليلهن ابلود ع شي موقع ونزليهن بالكود Img
لانو عرفت انو ما عم يمشي الحال معك وهاي كمشة مواقع للابلود

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

صحيح نسيت :jakoush:
هلق شو عم تفرجينا كل هالاشيا وصور وما بعرف شو بلاعزيمة :aah: :P
مع اني عرفان حالي معزوم سلف 8)

احلى كينغغغغغغ شكرنننننن عم جرب هلق 0بس توقع اسئلة)
بعدين اذا انت بدك عزيمة (وبيقولو ما بعرف احكي) لا عنجد
انا ناطرتكون كلكون تجو هالصيف لكن ليش عم حط هالصور :P عم شجع السياحة باللادقية

لك عراسي اللوادقة واللادقانيات كلهن :D :D :D
عيني رب ال خلقك.... جهزي حالك ع زيارة طولة الامد شغل شي اابو اسبوعين زمان :lol: :lol: :lol: :P

وشو بيلزمك للصور انا جاهز.... 8) 8) 8) 8) 8) (طالما العزيمة شغالة :angel: )

تسلمي اخت nana
الموضوع كتير حلو و اهم شي اللغة
انا من حلب و جامعتي باللاذقية فكل جمعة
بطلع على اللاذقية من 3 سنين و لحد هلا
احلى شي فيها اللغة
لانوا عنجد يعني لما منروح لاي محل بيتمسخروا علينا
و على اللهجة الحلبية العريضة و نحن منتمسخر
على حكيهن كمان

يعني منقضي طول الوقت هنن عم يضحكوا و نحن كمان

هو صحي اخلاقهم ديقة شوي و بيعصبوا بسرعةمتل ما قلتي
بس جد قلبهم طيب و الي كتير اصدقاء من جبلة و اللاذقية

نسيت قلكم في مطعم كتير اكلة طيب و على طول بروح علية
هو أبو سويس الشهير بتقديم اكلات الفول و المسبحة و الناعم ( اسمة بحلب حمص )
و الفتة


على فكرة يوم الجمعة كنت عند صورة الجامعة
عند الباب الرئيسي خخخخخخ
بس لهلا ما دخلنا الركن الايطالي
منروح على الاكسبريس احلى و ابرد

انتو مفكرين انو رح عيدا و نزل صور صرلي 3 ساعات عم خبص :jakoush:
المهم ابو الزيك شكرن لانو عجبك اي هيدا ابو سويس يلي ما بيسكر 24 ساعة عرفتو طيب :P
بتروح عالاكس بريس يعني انت من مناصرينو :gem: :gem: اكس بريس و بس هيدا المفضل
بلا ركن بلا شي :jakoush:
اهلين بالكينغ و شكرننن :D

شوفي مدام انت بتحبي الاكس بريس و باعتباري انا مغترب
عن اللاذقية فلازم تعزميني عنده من شان اتاكد من حكيك
يعني انا بدي انتسب لنادي مناصرين الاكس بريس فلازم تشجعيني

ولا شو

مشكور يا مشرفتنا الغالية على هالصور الرائعة .. مع أنو بالحقيقة الفتلة باللادقية أحلى .. :D :D

شكرا" nana عالصور ......
بس ليش ما بدك تحطي صور الشاطىء الأزرق بالصيف ؟؟!!!! يعني هوي حلاوتو بالصيف ....!

عاى كلن أنا كتير بحب الاذقية و عندي أرايبيني عايشين بالأميركان ...... بس صرلي شي 4 سنين ما زرت الاذقية ..!! إنشالله بس إجي على سوريا بجي بزورا .........

تحياتي

لعيونك أحلا أسبوع على حسابي حبيب بس تعا بالسلامي انت و ما عليك

:sosweet:

لاذقية العرب

لؤلؤة المتوسط

:sosweet:

على فكرة عجبتني فكرة أنو عاملين عندكن بحر و جبل ...عم فكر أنو نعمل هيك بحمص ...انشالله صيفية الجاي بكونو جاهزين :P

أيههههههههههه أبو سويس بالصليبات
جرب الركن الأيطالي ما شي حالو
بس كأنك زميلنا بالتعليم المفتوح :D

ليش شبو الركن الأيطالي عندو واحد على البار أسمو ياسر هادا شغلة كبيرة كتير :D

خلي الفكرو لحمه ههههههه