محادثة مسنجرية .. الخجل
 

كيفك Barleb

شوف انا هي المشكلة بعرفها تمام المعرفة

بتعرف كيف بحلها احيانا

بفكر يعني شو رح يصير لما بدخل وبسال اي شو رح موت

وقت بتفكر هيك بتلاحظ انه نحن احيانا منكبر القصص على الفاضي

لان جوانا هيك متعودين نعمل هولة وجولة لكل شي على ولا شي

انه انا بعرف مشكلة منين جاي

لان عندي ازمة شوي بثقتي بنفسي

دايما بخاف اني اغلط او اعمل شي ما يعجب حدا

بس من فترة سنة تقريبا قررت اعمل الي بدي ياه وما اهتم للناس

هي صعبة شوية بس معها معها بتصير

ولليوم عم اتعود

فيعني بالنسبة لموضوع هي البنت

شو رح يصير اذا قالت لا

وشو رح يصير اذا قالت اي

اذا قالت لا ما حتموت يومين تلاتة وبتنسى وممكن تصيرو اصدقاء بس

اما لو قالت اي تخيل شو رح يصير

ممكن تعيش قصة حب رائعة

فانت باي الحالتين خسران اكتر

حدد وتصرف

:D

كتير شكراً ..

:D و بس

انا بلشت عندي المشكلة وقت صرت بالتانوية..مدري ليش!! ..مع انو ولاد صفي هني نفسهن ولاد صفي (يعني ما تغير كتير الصف بس فاتوا كم شخص جديد)..
بس بعرفش ليش صرت اكتر خاف من النظرة تبعت الناس الي.. وانو ما بدي اطلع بالخجلة..فـ بالمقابل صرت ع طول خجولة!!
أحيانا بفكر انو هاد طبعي المسالم.. اللي بدوش يفرض حالو!!

بس تعرفوا؟ ..زمان كنت قول الخجل نقمة وصفة سلبية..بس شوي شوي صرت احس انو هالشي منيح..(مش دايما طبعا.. ووقت المسالة بتتعلق بحقوقك ما لازم تخجل وتتنازل)..بس انو بشكل عام الصفة مش لهديك الدرجة سلبية..

:D

بقنع حالي كتير انو الخجل نوع من السلم ..

حتى بـ الأشيا .. يلي ما لازم اخجل منها أبداً ..

وكمان :D

:shock: بتخجل من شوفير التاكسي ؟؟ليش لتخجل منو ؟؟؟
لانو ما عندك رفقات و لانو مو حد اهلك و بالاضافة لكتير من الاشيا هيي سبب هالخوف بس بنصحك تشوف حكيم ازا ما نفع ما بيضر و بالحقيقة الواحد بدو يساعد حالو ليعيش مش يخلق مشاكل بايدو متل ما عم تعمل انت و بخصوص الحب ما الك الا M ما بيصير تخبي عليها شي ازا تغير شعورك من ميلتا حكيها و فهمها اللي عم بيصير برك بتقدرو تنقذو هالشعور الحلو وحدة تعودت عليها و بتعرف عقليتها احسن من وحدة ما بتعرف عنا شي بالمرة ...
و ا نشالله بتتحسن امورك بالمستقبل

قرأتها وكأنها خاطرة لي تعليق ولي عودة

بارليب(نسر السريان سابقا):Dاول مرة بشوفك بطريقة مختلفة

انا بعاني من نفس المشكلة بس بمضمار تاني

بخاف انو روح احكي شغلة معينة انو بدي ياها او انو بدي اتناقش بحقي فيها لانو بخاف من نظرة العتاب
كتير بخاف انو يتطلع فيي يللي قدامي نظرة فيها عتاب

ولهاللحظة عم عاني من هالشي

الحل انو نسأل حالنا شو اقسى رد ممكن يتوجه؟نتشربو وبعدين نروح ,,,


بس للاسف لما اوصل لباب يللي بدي ياه بروح وبكمل اليوم تأنيب وكره لجبني

الخجل سلاح مانو ضعف بس فيو مشكلة انو ذو حدّين..
الحد الأول جميل ومطلوب هالايام أكتر مما بتتصور..
أمّا حد اللي فيو ضرر هوي وقت بزيد الخجل عن حدّو وهون صفّا مشكلة..بس ممكن تنحل

والحل (برأيي)ببلش وقت تبطل تحسب لكل أمر شو عواقبو..في أمور انك تحسبلا_زيادة_ بتفقد كتير من عزيمتك تجاها..وممكن تبطّل وتتراجع حتى قبل ما تبلّش ...فلا تعطي الأمور أكتر من حقا بالحساب والتفكير..
في مثل انكليزي حلو كتير بقول:time has never stopped for any bady
يعني عيش اللحظة او اغتنم الفرصة دون أي حساب للعواقب لأنو ما رح يتكرّروا

حقيقة الموضوع كثير حلو وخصوصا أنو راح بيي إلى ست أو سبع سنين ورا مع أحد الأصدقاء بليلة صيفية وكان الموضوع عن الخجل وعدم الثقة بالنفس اللي هيا الي تولد الخجل، الخجل مو عيب إذا كان في حدود ما هو منطقي أو ما نعتبره طابو بحسب تربيتنا ومحيط عيشنا فهنا كثير شغلات نخجل منهم بس المشكل هو عندما يتعدى هذا الخجل الحدود بحكم عدم القبول أو افتقاد الجرأة لطلب ما هو حق شخصي بغض النظر عن موقف الآخر هنا يختل التوازن النفسي للشخص وتقل جرأته ومع تكرار مثل ها الشغلات نعود أنفسنا إراديا على التقوقع والخجل حتى من أتفه الأشياء..
هناك فكرة بسيطة لتفادي هذا وبالتجريب وهي حتى و إن لم يتمكن الشخص من التغلب على هالحاجز لي هو الخجل يحاول إسقاطو على الآخر وبطريقة ذكية أن تنظر مباشرة في عينيه سواء حين تحدثه أو العكس وهالطريقة صدقني ستتمكن من جتياز الحاجز وسترى أن الآخر هو يلي يحاول تفادي نظرتك وعم يرتبك كمان ويخجل بس لازم تكرر هذا وتتعود عليه حتى وإن كنت خجلان بينك وبين نفسك استمر في النظر مباشرة وبداخل عيون من تحدث سواء كان ذكر أو أنثى، مدير أو عامل..
تحيتي إلك :D

تقريباً .. كل شي ما فهمت .. بس هاد يلي بـ الأحمر .. اكتر شي ما فهمتو


ناطرك:D


تقريباً نفس الشي عم يصير معي :D

لك مو من الصبايا .. بـ العكس ... يسلمولي:oops:


بحاول ..:D

مشكور .. من بعد الكلمة الحمرا .. بس هاد فهمتو :lol:


:D

بعد الكلمة الحمرا هي وصفة الدواء أنت بس لا تهتم بشو قبلها..;)
سلام:D

بارليب حلو الخجل بس مو لهيك درجه او مرحله
هالنوع من الخجل اسمو خجل اجتماعي يعني احيانا بكون وسيله للهرب من واقع اجتماعي مفروض او
مستلزمات الواقع الاجتماعي مابعرف يمكن بحسو خطير كتير لانو ممكن يتحول لمرض او عزله او انطوائيه وياثر تاثير سلبي عالشخص
شو رايك انو وانا وصغير كنت لما امشي بالشارع حس انو البشر كلها عم تراقبني مابعرف يمكن كنت فكر انو شغلتهم بس يراقبوني وكنت امشي بالطريق وعم طلع بالارض واكره انو اطلع برا البيت وكانت مشكله كبيره عندي
مابعرف خجل ولا خوف بالنهايه حسيت انها مرحله ومرت وكل شي وله حد مالازم يتخطاه

تحياتي

آآآآآآآآآآآآخ يا شباب :pos:

بعتقد إنو هي المشكلة (( الخجل )) كتيير من شبابنا بعاني منها ، لعدة أسباب ( ما رح فوت فيها )
بس المشكلة بقا بتبلش وقت نكبر و نشوف هالخجل كيف عم يأثر بحياتنا و يسرق جزء منيح من حياتنا الحلوة بإنو يمنعنا من إتخاذ قرارات ممكن تسعدنا أو تريحنا بكتيير أحيان.

تجربتي مع الخجل تجربة مريرة و قدرت ( لحد ما ) إني إتغلب عليه بس بعد تجربة في العمل تعتبر تجربة قاسية خسرت فيها من وقتي و من صحتي و تعذبت فيها مع إنو كان لازم تكون ممتعة أو عادية.

يعني يللي صار فيني إني تعرضت لصدمة بحياتي خلتني إكره هالخجل و يللي سببلي ياه من آلام.

بتمنى إنكون قبل ما تتعرضو لأي صدمة أو قبل ما تفوتو بأي تجربة مرّة تحاولو تتحدو خجلكون و تتغلبو عليه و بعتقد إنو أي حدا بدو يتغلب على خجلو فهو بحاجة لمساعدة شخص أو أشخاص تانيين ، يعني لحالو الواحد صعب كتيير ينتصر على الخجل يللي هوو بكتيير أوقات "مصيبة" .

و شكراً للمشاركات الرائعة من الجميع و الموضوع بصراحة أثر فيني و فيق فيني ذكريات بعتبرها أليمة :cry:

:D:D:D

هاموش : إذا حدا بدو أي مساعدة فأنا جاهز إذا بحب يتواصل معي لحتى نواجه هالمشكلة مع بعض :D

لك هادا عنجد انت ؟ :?

انو عنجد شغلة الخجل شوي غريبة عندك انو كلنا نخجل باشيا معينة بس مو لهالدرجة
بعدين بارليبو ازا انت لساتك متعلق بالاولانية فلازم تصارحا يعني عالقليلة لتعرف ازا لسا بدا ياك لو لاء
وباعتبار انو عم تقول انو في اعجاب كتير كتير كبير للتانية فبركي ازا صارحتا للاولانية وعرفت الحقيقة لح تعيش قصة حب كتير حلوة مع التانية متل ما قال ويجا


موفق احلى بارليبو :D

اي ولله يا مرامو .. شفتي شفتي ؟

مخبى بـ تيابي طلعت انا