|
اعرف شخصيتك من شحاطتك
يعني و الله من كتير ما سمعت مواضيع اعرف شخصيتك من طريقت اكلك ونوع سيارتك لقيت طريقة ممكن تعرف فيها شخصيتك من نوع شحاطتك بعد دراسات و تفكير طلعت معي هل تحليلات
 اذا كنت صاحب شحاطة زنوبا ( ام الأصبع ) فانت حتما عتال او شوفير مكرو او تكسي يتطور العتال و بيصير شوفير مكرو و طموحك اذا كنت شوفير مكرو تصير شوفير تكسي و اذا كنت شوفير تكسي تكون شوفير خصوصي عند شي حدى كبير  عصبي المزاج باكيت الدخان الأيبلا ما بيفارقك و بتشعل سيجارة ورى التانية اخر مرة عرف فيها جسمك الماء يوم ولدتك امك و يمكن تكون ما عرفتو الله أعلم  فتيات الشحاطة الزنوبا هني غالبية غريبات الأطوار ما عندهون كبير معتزين بأنفسهن ممكن تسمع منهون الفاظ بحياتك مارح تسمع ولا سمعت متلها ممكن توصل لرأس العيلة الأكبر و بتحس بأنو يا الله ليش هيك؟؟؟؟ اذا كنت ترتدي الشالوخ (الشاروخ) (ابو اصبع جلد ) شو بدك سميه صرعت طيطي فأنت شخصية حكيمة تحاول ان ترتاح بنفسك و لا يهمك رأي من حولك لازال عقلك متسمّر( بتشديد ال ميم ) في العصر البدائي ايام الجمل علما انا المجتمع حاول الرفع منك و لكن لم يستطع لذلك نرى فيرساتشي و ستيفانيل يصممون الشواليخ تماشيا مع العقول القديمة كعقلك و المشكلة بحياتك مو مغسل رجليك اذا شلحت الشالوخ بتلاقي صورة طبق الأصل عن الشالوخ مرسوم على رجيلك  اذا كنت ترتدي شحاطة من البلاستيك فانت تحب الأستحمام بشكل كامل و تحب ذالك الصوت الذي يرافق رفع رجلك عن الأرض الشحطة الناتجة عن احتكاك البلاستيك بلأرض , ربما يزكرك بلحن قديم و ربما يساعدك على عدم الشعور بلوحدة بلأضافة الى انك شخص تحاول لتواكب الحضارة و لكن لا تستطيع بسبب سوء الأحوال المادية  اذا كنت ترتدي قبقاب خشب فانت شخص مكانك المثالي مع غوار و معجب به بشكل كبير لدرجة ان صوت طرقة الخشب على الأرض يطرب اذانك و يعطيك دافع لتضرب اكتر انت انسان لا تهمك المصاري لانو ما معك مصاري تعيش على طقة القبقاب و على فوتة الحمام تقضي معظم وقتك بلحمامات تراقب القباقيب بشعور غامر من الفرحة   اذا كنتي ترتدين شحاطة مرسوم عليها باربي و لونها زهري و ناعمة و حرير انتي فتاة عايش بأحلام سوفي ياتيكي اليوم الذي تاكلين فيه كف يجيب أجلك تبحثين عن الرومانسية الغير موجودة النقود ليست مهمة بلنسبة لكي لانو الله يخليلك ابوكي معود يصرف عليكي و ما عندك مشكلة بلمصاري بنوب الله يخليلك بابي و الله يعين الحمار يلي بدو يعلق فيكي  اذا كنت ترتدين شحاطة حمرا ناعمة انت فتاة رومانسية ضايجة تحاول ان تبحث عن طريق للتمرد علما بأنكي سوف تجنين على حالك بلاخير و تذكري انو تروجان قال هل كلام تريدين الرومانسية بشكل مثير شلون و الله ما بعرف و لكن انت واقعية لحد ما, لا تعبرين عن مشاعرك الا عند الضرورة رغم انها لا تأتي  اذا كنت ترتدي شحاطة متل شحاطة هوبلس انت يا اخي انسان ناشف تشتري الشحاطة فقد لكي تكون ضمن رجلك لهلق ما بتعرف الغاية من استخدامها ولن تعرف بتلبس الشحاطة بس لانو شفت الكبار عم يساو هيك حياتك العاطفية يلؤها سؤال مباشر و صريح ليش انا غير كل هل ناس ؟؟؟؟؟؟؟؟؟؟؟؟؟؟؟؟؟ علما بأنك انسان شغيل بس لوين ما بعرف تفكيرك في شي من الصحة رغم انو مخك ناشف تحاول دائما البحث عن معاني لشخصيتك اما عن طريق الحرف الأول من اسمك او عن بطريقة نومك بلنهاية كلمة و رد غطاها لا تحاول مرح تلاقي خليك محبط   اما بلنسبة لأصحاب الشحاطات السوداء فانتم اناس السواد عامي على قلبكون و ما بتصدقو تشوفو عزى لتلبسو شحاطتكون و تركدو عليه بتفرحو بلعزى فرح الموظف بأول الشهر و الراتب تعتبر القهوة المرة مشروبك المفضل و لا تتوقف عن الجدال مع زوجك ليش ما بتعرف بتضل بتعتها انك متزوجها و هية شرحو و تنيناتكون عللى شو ما بعرف يعني تنيناتكون مو كل هل قد تشيد ايدك  اما اصحاب الشحطات البيضاء انتم اناس يا اخي متفائلين زيادة بتلاقو الدنيا كلها جاية ضدكون و بتضلو بتقولو "خير" يعني واحدكون بينزت بلمشفى و بيكون معو سرطان بيقول خير احسن ما يكون معي ايدز بيصير معو ايدز بيقول احسن ما يكون معي جلطة بلدماغ بيصير معو جلطة من الدماغ هون معد بنقدر نعرف شو رح يقول لانو بيكون مات  اذا كنت بتحطها لشحاطتك قرب تختك قبل ما تنام فسمحلي قللك انك انسان تنبل و كتير شايف حالك و بشرتك كتير حساسة ما بتقدر تحط رجلك عل ارض ولا عندك استعداد تحس للحظة بشعور الضايعة شحاطتو و مدلل حالك زيادة عن الزوم شي يوم رح تفيق و تلاقي الشحاطة فوق وشك لا تتفاجئ  اما اذا كنت بتحط شحاطتك عند باب غرفتك قبل ما تفوت فسمحلي قللك انك انسان مستهتر و اخر شي رح يصير معك مرض برجليك و يا بتطيب يا ما بتطيب و ان طبت مارح تلبس شحاطة و ان لبست شحاطة رح تضل متدايق منها و اذا ما لبستها رح تضل تحس بشعور الأهبل و من هلق درلي بالك على حالك و تذكر انو تروجان حكى هل حكي  اذا كنت بتلبس شحاطتك فوق السجاد انت انسان مستجد عل نعمة و عم تحاول تقلد الأكابر الله حيو بس ما عم يطلع بأيدك وفوق هل شي بتروح مصريك هون و هنيك و ما معك تمشي وبتضل عم تدعس عل سجادة تقول في شي تار بينك و بنيها و اذا حدى اجى لعندك عل بيت بتقول دعس دعس عادي و بس يدير ضهرو بتبلش تسب لانو شحاطتو فيها طين حيرتنا ياااااااااااااااااا ايهههههههه حل عنا اذا كنت ما بتلبس شحاطة بنوب يا اخي انت انسان معدوم التفكير ما عم تحاول تفكر بشي تساويه بهل حياة ما عندك استعداد تساوي اي شي لا مشانك ولا مشان غيرك في غنية لشيرين بتلبقلك "ما بتفرحش غير لفرحك ما بتزعلش غير لجرحك" و صدقني نهايتك و العياز بالله رح يصير معك اكزيما بلمعدة و ممكن يصير معك حصر بول بلدماغ و اذا اجى حدى قللك لبوس شحاطة بتنبحت متل الأباوة و يا اخي بتضل بتناقش و بتناقش و شي يمل منك لك جبتلي الجلطة حل عني اذا كنت من النويع الذي يمتلك شحاطتين وحدة للحمام و وحدة للبيت ما بتدعس عل سجاد فيها انت من الناس يلي محافظين عل ترتيب رغم انو هل شي بيعرقل مسيرتك بتبهور بامور بلا طعمة يعني شو بدك بلشحاطة احتمالات بلمستقبل تتجوز تنتين وحدة للولاد و وحدة للأمور الأخرى, بتشلح الشحاطة من باب انو حرام تدعس عل سجاد بيجوز تصلي عليه او انو بيجوز تقعد تاكل عليه رغم انك اخر مرة اكلت عل ارض من 10 سنين و بحياتك ما صليت غير على سجادة الصلاة هادا اذا صليت و عاملي ياها سيران كل شوي بتغير شحاطتك و اذا شفت حدى لابس شحاطتك الله يعينو ويا خربان بيتو , لون البني المحروق عندك مفضل لانو بذكرك بأيام الطفولة ووقت شعلت نار بشجرة قدام البيت و طلع لون بني محروق نصيحتي الك تخليك على شحاطة وحدة اريح للجيبة و غير لون البني لانو بيدل على انك شخصية زئبقية متقلبة وما بعرف شو يعني ماحدا يسال  اذا حدى بيعرف شي شغلة و حابيب يسألها يتفضل انا عندي استعداد اعطيه دراسة تفصيلية اكتر  ويا ويلكم بكل الشباب والشابات منقول |
برافوووو:clap: :clap: :clap: :clap:
حلو كتييير:lol: :lol: :lol: :lol: |
لله عليش يا ابو طريق
لسا مو ناقص يقولولنا اعرف قصة شعرك من ريحة خ...................... :jakoush: :jakoush: :jakoush: :jakoush: :jakoush: :jakoush: |
اقتباس:
اعرف شخصيتك من كلسونك |
اقتباس:
صاحب الكلسون الطويل: شخص محافظ دكة قديمة لا يحب التطور ويصر على ما عرف عليه آباءه. هذا الكلسون عادة ما يرافقه لحية كثة أو نقاب أسود أو تشادورز صاحب الكلسون القطن البيكيني قصة واطية: إنسان متوسط لا يحب الإثارة، يميل الى المحافظة. صاحب الكلسون القطن البيكيني قصة عالية: مثل سابقه لكن أكثر مغامرة. صاحب الكلسون أبو شريطة (ثونغ): إنسان حاسس حاله سكسي كثير، شايف جسمه ومش مصدق. البدون كلسون: يحبون الحرية وكسر القيود والإحساس بالطلاقة. صاحب الكلسون الغامق اللون: إنسان عنده مشاكل بول أو غائط. صاحب الكلسون الأبيض: أنسان يحب النظافة (إلا إذا كان كلسونه وسخ). صاحب الكلسون اللي عليه صور: فنان. صاحب الكلسون اللي عليه ريشة: شايف حاله. صاحب الكلسون اللي عليه لمبة: يخاف من العتم أو نظره ضعيف. صاحب الكلسون الذي له فتحة من الأمام: يتبول واقفا. صاحب الكلسون الذي له فتحة من الخلف: ممحون. صاحب الكلسون الذي له فتحة على طرف: سمين لم تعد تسعه ثيابه. هذا ما حضرنا الآن وجاهزون لتلبية طلبات القراء في تحليل أنواع أخرى من الكلاسين. منقول |
اقتباس:
|
أنا يا جماعة شايف أنو فعلاً التطورات الموجودي ما لصالحنا .. حدا فهم شي ؟؟؟
|
اقتباس:
|
اقتباس:
وانا حاسس متلكون بس بيجوز غير احساس فهمتوا :shock: :shock: :shock: :shock: :shock: هاد موضوع خليجي بس لما شو يتحرور طبعا مو يحرروا فكريا مو هيك قصدي مشان ما يفكروني متخلف :pos: :pos: :pos: :pos: |
اقتباس:
|
:o لك ثوري بموضيعك طول عمرك يا أبو طريق
:clap: نعم للثورة لا للرجعية و لا للإمبريالية البروليتارية :o |
:humm::humm:رب صدفة لك لم تلدها أمك :humm: :humm: |
اقتباس:
سن دهب ...وشحاطة اصبع بلاستيك معلقة فيها بحصة من تحت ..وسلسلة باليد شو شخصيته هاد ؟ :shock: ;-) |
هاد مراقب خط سرفيس الدوار الشمالي بتمو واقف مع بياع الكباب المشوي على دوليب دائما
|
اقتباس:
|
والله الجزء التاني أحلى من الأول
|
هو بصراحة فعلا في اختبارت بدل عل شخصية الأنسان
كاختياره للألوان أو لتصرفه بموقف معين مو بشحاطة أجلكن أو عيون |
للصراحة و الامانة العلمية في النقل
لسا في موضوع للذكور و موضوع للأناث على سلسلة أعرف شخصيتك بس للأسف بنعتذر من الجميع ....مو خرج نحطهوم بنوب و خصوصي بعد ما اكلت بهدلة الصبح منشان هاد الموضوع من بعض الاصدقاء |
| الساعة بإيدك هلق يا سيدي 11:06 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون