|
سؤال خيالي يتطلب جواب منطقيا
هل الواقع تطبيق للخيال , بطريقة اخرى هل كل الاشياء الواقعية هي في الاصل عبارة عن خيال ؟
كيف يصبح الخيال حقيقة و واقعا ؟ هل يمكن اصلا ان يتجاوز الخيال حدوده ليتجسد على ارض الواقع ؟ :shock: |
مممممم سؤال كتير حلو
هلأ كل شي بيحلم فيو الانسان وبيتخيلو كنو شي حقيقة ..طول ماهو مقتنع في ومامن في اكيد رح يتحقق بالاخير حتى لو كنت كل يوم قبل ماتنام بتحلم انك تمتلك الملايين بس الاهم مو بس الخيال..الاهم انك تامن بالي بتتخيلو طبعا الي بقولو مو من عقلي..هاد استناد لقانون الجذب القائم على انو لحتى تحقق شي لازم 1.تتخيلو 2.تامن في 3.وتضل مصمم على هاد الايمان ونتيجة لهالخطوات الكون لحالو بصير يتهيأ لحتى يجذب لك كل الاشياء الي ممكن تحققلك هالحلم الي هو عبارة عن خيال وازا بدك معلومات زيادة عن هالموضوع فيك تقرا كتاب اسمو The Secret وفي نسخة منو عبارة عن فيلم وثائقي مترجم للعربية بتمنى كون افدتك:D |
:shock:
غريب عجيب امور قضيت سؤال فوتني بالحيط صراحة بس اللي بعرفو عن الموضوع انو من الممكن يكون الخيال واقع بس مو على ايدي اللي اتخيل يعني ممكن نحنا نحول شغلات اتخيلا ناس قبلنا لواقع ونفس الشي ممكن اللي بعدنا يحولو خيالاتنا لواقع لأنو نحنا بالاصل مهمتنا هي نتخيل بس والعمل بيكون غالبا لتحقيق شي واقعي مو شي خيالي أما اللي بعدنا بيكونو عارفين هالخيالات منيح ومن بدياتن لذلك ممكن يشتغلو اكتر لتحويل خيالنا الى واقع عندن |
ممممممممممممم
في خيال واقعي ,يعني يللي منسمي شغلة صعبة المنال ,انتبهوا صعبة مو مستحيلة وفي خيال تبع العصاية السحرية الخيار الاول عفوا الخيال الاول محسومة شغلتو ,يعني ممكن يتحقق العصاية السحرية من وجهة نظري مستحيلة , امثلة عن الاول : انهيار الراسمالية او الصهيونية او يصير عندك قصر الخ...... امثلة عن الثاني : نفس الامثلة التي سبقت ونحنا جالسين عم نشرب شاي ورافعين رجلينا لانو هالحركة بتفيد الدورة الدموية بالجسم وشكرا |
اقتباس:
هلأ اوك انا معك بكل كلمة قلتها ستيف بس ليش لنقول عنها عصا سحرية؟ يعني متلا هلأ الناس الي كانو يقولو زمان بدهم يروحو عالقمر مش كانو يقولو عنهم مجانين؟؟ بس اوا خطوة عملوها كانت انهم تخيلو انهم طلعو للقمر وبعدين صارت جد حد كان متوقع انو ممكن البني ادم يطلع عالقمر؟؟اكيد لا |
اقتباس:
يعني حبيت قول انو الخيال 90% ممكن يتحقق اذا سعينا لذلك ,مثلا انا حاليا عم اتخيل ,ممكن في يوم ما يصير بلدنا متل بلدان العالم المتحضرة ????? مثال عن الدول المتحضرة المانيا , هيك حلمت امبارح , انو صرنا متل المانيا وشكرا |
يحتاج الخيال الى عمل كبير ومضني ليكو واقعا في اغلب الاحيان
الفكرة كتير مهمة لانو اللبنة الاولى لبناء الانجاز علمي او ادبي هو الخيال وبعد ذلك يبدا التفكير لانجاز هذا الخيال والتخطيط له ومن ثم يبدا العمل على ذلك المخطط ميدانيا(على ارض الواقع) وبالتالي كلما كثر المتخيلون كثر المبدعون وكلما زاد خيالهم اتساعا زاد ابداعهم...وهكذاااا ومثال ذلك الطيران او التحليق الى الفضاء والصعود للمريخ وابناء الجسور و حتى الفن فاللوحة أو المنحوتة موجودة في خيال الفنان قبل تجسيدها على ارض الواقع و.......الخ مجرد فكرة |
انا ارى انه يمكن لكل انسان ان يحقق حلمه.... بالارادة.... بالمثابرة..... بالثقة بالنفس.... وبالايمان بالنهايات السعيدة... |
ما من خيال الا ويختزل في ذاته بذار الحقيقية ومجنون من يظن ان المسافة بين بلوتوس واورانوس في المنظومة الشمسية هي ليست نفسها المسافة بين لبروتون والالكترون في الذرة
|
اي ليش لاء
|
| الساعة بإيدك هلق يا سيدي 20:51 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون