شوفيرية دير بعلبة
 

يلا هلأ تعو لأحكيلكن عن الشوفيرية بدير بعلبة
رح أحكي عن أشهر تلات نوعيات
الأول ..هوي شوماخر:yahoo: هيدا الله يكرمو بعوزو كتير وقت الفحوصات وقت بكون متأخرة كتير
لأنو الطريق بياكل مع غيرو تقريبا 20 دقيقة بس هوي بيوصلك ب 3 دقايق (والله ما عم أمزح)
شلون ما تسألوني يعني مستعد يفعس كل يلي قدامو مشان يوصل أول واحد عالكلية:x
مو مشان شي مشان يحافظ عاللقب(شوماخر)
و من أقوالو (والله يا معلم مسكتلك الطريق من أولتو للآخرتو و مانزلت عن 140 مع أنو أجى قدامي ولد صغير راكض ورا الطابة بس محسوبك ضربلك نقفة دين فرين أي والله الركاب بوسو القزاز القداماني):pos:
يعني صدقوني وقت بركب معو بحس حالي بالhappy land :yahoo:
أصلا كل الركاب يلي عندن أمراض قلبية مستعدين يضل كل النهار ناطرين السرفيس ولا يركبو معو
بس أنا بركب:gem::gem:
بس للأمانة شوماخر كتير قلبو طيب(حبوب يعني) مرة طلعت معو أنا ورفيقتي وكان عم ياكل سندويش وحلف بالطلاق ألا بدنا نشاركو الأكل قال مل بيطيق ياكل لحالو (بس طبعا ما أكلنا):sick::sick:
النوع التاني هوي عمو البصباص:x
هيدا شوفير عمرو شي مية سنة
بس الحمدالله روح الشباب موجودة
ونفسو خضرة عالأخير
يعني تصورو شوفير عم بسوق وعيونو لورا وليكون بعلمكن هوي ما بيطلع بالمرايا(مشان ما يشلأنا )
لأ بيندار كلو لورا مشان تكون الرؤية واضحة مية بالمية;-)
ومن أهم ميزات هالأخ أنو حبيب مطبات :o
المعنى أنو كل العالم عالمطب بتنزل السرعة إالا هاد يعني بس يشوف المطب بيركب عالرابع و بيركض لعند المطب ركض وبتلاقي هالركاب عم يطلعو وينزلو بهالسرفيس مع شوية كفريات من بعض الأخوة المعصبين
أنا هاد ركبت معو شي 3 مرات و بعدين حرمت :sick:

هلق أنا ما حشارك بالموضوع مو لأني من دير بعلبة لا أنا مو من هناك يمكن مر بالشهر مرة من هنيك
بس ما حشارك لأنو يعني بكره حالي بس اسمع اسم دير بعلبة
لك يا ناس والله اسمها غلط ومو حلو
يعني انا لو محلك بنقل فورا على جامعة الشويفات الخاصة او عالقليلة القلمون مو

والله يا صاحبي شتاء شكلا الدني مشتاي عندك كتير .. وعالشتي تبلبو وراقك ومجلداتك وفي كتير اضابير راحت ..

لانو على حد علمي انو هاي جامعة الشويفات الخاصة .. بس للدراسات العليا تبعيت الطلاب الذين لا تتراوح اعمارهم عن ال 18 سنة .. بعدين بيقلعون .. يعني هيك جامعات بالعادة يطلق عليون بالغة العربية السورية الحمصية الفصحة .. مدرسة .. بس ما بعرف بجوز ترقت لجامعة عهالايام ..

جميل :)

أي صح الشويفات مدرسة خاصة

هلأ أنا عم اعترض فقط عالمنطقة يلي حاطين فيا الجامعة:jakoush:
مو عالجامعة ككل لأنو الجامعة من جوا كتير منيحة من حيث التجهيزات والمخابر والدكاترة والجو الدراسي
وكل شي
وأبدا ما بحب روح عالقلمون لأنو ما بحب الجو فيا:x

مرسي :D

هلق انت عصبتي واحمروا خدودك والشرار صار للسما
إنو يعني كتير كلامي كان هيك ما بعرف شو بيساوي
وغلاك عم حركش بس مو اكتر
ويمكن كلامي لأني مدايق عليكي كتير
وبتمنالك تدرسي ب كامبريدج والله
ويعني لاتزعلي مني
حبابة ايه لا تزعلي من عمو شتاء

لا والله ما أدايقت :D:D

شو أسى ما داق خلقكن مني
 

وهلأ منجي للنوع التالت وهيدا قد ما حكيت عليه ما بخلص
اسمو سرفيس الحرملك :clap:
وهادا قليل ما بطلع فيه
هالسرفيس بيتواجد تقريبا الساعة 11 ونص يعني وقت بيكونو نسوان دير بعلبة نازلين عالسوق
ليشترو خضرة مشان يلحقو يعملو الغدا :gem:
هلأ إذا طلعت بهالسرفيس أول شي بتلاحظو قصدي بتشمو هوي ريحة السيريلاك:shock::shock:(أي لا تستغربو وصل السيريلاك ع دير بعلبة بس متل ما فهمت من وحدة (أم )مرة قعدت جنبي أنو بيضيفو للسيريلاك أثناء التحضير حليب ماعز مومشان شي مشان يطلعو الولاد قوايا ع قولتا:gem::gem::gem:
بس أكيد عم تستغربو أنو ليش في ريحة سيريلاك بالسرفيس :?
نسيت قلكن نسوان دير بعلبة ما كتير بيآمنو بالنظافة الشخصية :cry:
ومن أشهر ركاب هالسرفيس هني النسوان يلي بيتراوح أوزانن بين 100 و 150 كيلو :cry:
هيدول بيطلعو معهن عالسرفيس وسطيا 5 ولاد بتحط تلات ولاد بحضنك :sick::sick:و اتنين بحضنا وبتدفع أجرة راكب واحد (االتوفير مهم ):clap:
بس يعني أرحم شي بهالسرفيس أنو ماحدن بيصفن فيك أو بيغمزك متلا;-)
وهلأ بعد ما حطيتكن منيح بالوضع يلي عم عيشو كل نهار
رح أحكيلكن شوي شلون تغيرت شخصيتي بعد ماشفت هالنماذج والنوعيات من المجتمع يلي ما كنت بعرف أنها موجودة من أصلو بمدينة حمص :frown:
وأكيد 2 BE CONTINUED
:D:D

THE END
 

:?هلأ أنو الأمور ضلت طبيعية معي لحتى هيك شوبت الدنيا وبلشنا نلبس تياب الصيفية :yahoo:
وأنا قررت أضرب بعرض الحائط كل شي حكيتلكن ياه عن الوضع بدير بعلبة:larg:
وأنو خلص حطيت على عاتقي أنو لازم بأى يطورو شوي(على أيدين بنات الجامعة) :clap::clap:
ويتعودو على شوفة البنات بالتياب الطبيعية مو بس بالمانطو:yahoo:
وبالصدفة طلعت بسرفيس الحرملك (سبق وحكيتلكن عنو)
وكنت لابسة بنتكور(يعني بنطلون قصير تحت الركبة بشوي)
والمهم قعدت جنب مرة معا بنتين صغار وولد عمرو شي 6 سنين
ف هالولد ما شال عيونو عن أجريي لعمش أي أنا استحيت وكل شوي أمو تضربو و تعيط عليه :shock:
بالأخير زورتني أمو شو زورة و قالتلو أنا بورجيك لأبوك عم تطلع عأجريين البنت بكرة الله بدو يحطك بالنار :shock::?:shock:
بس أتذكرو أنو الولد عمرو 6 سنين:frown:
قامو شوفو شو جاوبا ابنها قلها(ماما ليكي مبيني أجريها وبيض كمان ):lol:
ياخ أنا فتت بالحيط:cry::shock: :?:pos:الولد بحياة عمرو ما شايف أجريين يمكن بحياتو ما شايف أصابيع أجريين
يعني الولد عمرو 6 سنين وهيك عم يفكر شلون بكرا بس يصير شب مشورب عقلو بدو يتحملو إذا نزل متلا عالحميدية وشاف هالبنوتات :oops:عم يتغندروا بهالبس الحلو (أي رح يطق عقلو)
ففففففاااااااااا أنا اقنعت أنو هالعالم مستحيل يطورو في شي عندن (ما بدي أحكي شو هوي)بيخليون يسكرو مخهن
فيلي لازم يصير أنو نحنا نفتح مخنا شوي وما نتطرف كتير بلبسنا:jakoush::jakoush:
يعني نراعي شوي شعور وطريقة تفكير هالعالم وهالنوعية الموجودة بكثرة بحمص
ومرسي ألكن
وخلص الموضوع انشالله يكون عجبكن :D:D

جميل
انا تابعته, لان بحب اسمع اخبار المنطقة عنا.... شكرا الك

:lol::lol::lol:

و انشالله سكتيلن؟
:?

أي والله سكتلن :pos:

يا جماعة أنا عم دور على كلمة دير بعلبة قام طلعلي هاد الرابط
أنا عم أدرس هنيك وخيفان كتير
حدا يطمني مشان الله
والله ما عم استرجي اطلع برات حرم الكلية

دير بعلبة .. وماأدراك ما دير بعلبة . عروس المنطقة الوسطى . ولامرة زرتا . بس مسموعياتا طابلة البلد .

مابدك هالزيارة والله

ميوش ،، أنتي من الحميدية ،، ولا وادي السايح ؟مو هون المهم ،، الأهم عيني ،، قصة الولد اللي عمروو 6 سنين ،، قصة مفبركي ،، يمكن شايفتيها ،، بسبيس توون ،، ؟ أولا ’’تانيا عيني ،، المجتمع اللي ساكن ،، بدير بعلبة ،، بالأصل هما بدوو + فلاحين ؟مو المهم عندي مين ساكن ،، لأنه كل النّاس خير وبركة ؟بالنسبة لـ لبسكـ،، ؟متل ما بدك الناس يحترموو اللي بيسموها ،، ثقافتكـ،، ابقى أنتي لازم تحترمي ،، ثقافة ،، البشر اللي ساكنة هنيكـ،، هاي نقطة ؟تاني نقطة ،، ماحد ضربكـ،، على ايدكـ،، وقلكـ،، سجلّي بالجامعة ’’ اللي بدير بعلبة ،، ؟تالت نقطة ،، أنت كونكـ،، حمصية ،، لازم ،، تبيّضي وجه مدينتكـ،، بشتى الطرق ،، ونحط مساويء المدينة على الهامش ،، ومو لازم ننشر عرض مدينتا متل ماذكرتي حضرتك ؟الشيء ،، اللي عم تحكي ،، فيه ،، موجود ،، في دير بعلبة والبياضة ،، وتلكـ،، الأماكن اللي بتحدها ؟لكن ولاد البلد ،، اللي موجودين بـ جورة الشياح ،، الغوطة ،، البغطاسية ،، الوعر ،، الحمرا ،، المحطة وإلخ ؟ماجبتي سيرتهم ،، وعن كيفية ،، تعاملهم ،، مع الشكيلات اللي متلكـ،، ؟ألي رجعة ،، لأنه لسا ما خلصت اللي عندي ،،وبتمنى لاقي سعة صدر ،، لـ وجهة نظري ،، متل ما لقيتي ،، سعة صدر ،، لـ وجهة نظركـ،، مع أنه هالموضوع صرله ،، ميت 6 شهور ’’ بالأذن ..