|
العين تبكي .. والقلب يدمع عليك يامنتخــب ..
مابعرف شو بدي احكي .. بس بدي احكي وافش قهري احسن ما انفجر بشي حدا ..
حرام لك والله حرام .. ليش الله ضدنا .. الله ليش هيك .. شو عاملينلو شهور ونحن عمندعي بس الله يأهلنا ويفوزنا ويأهلنا شلون ماكان .. تعبنا كتير وانحرقت اعصابنا وقلوبنا لك لما خسرنا باداء سئ قلنا الخسارة منا ومن نفسنا ومن لعيبتنا .. بس اليوم ليش ليش ياربي والله لعبنا منيح وتعبنا .. لك دعينا بكل صلاة وبكل وقت وبكل قعدة انو ياربي بس اهلنا يا الله نحن شو عاملين حتى هيك واقف ضدنا .. الرحمة ياربي .. الرحمة ياربي بربي ملينا بكي وقهر .. لك مو حرام غول واحد غول واحد بس .. كان غول الامارات بمباراة الزهاب لو مالو محطوط كنا تأهلنا او شي غول من غوال الكويت مو محطوط كنا تأهلنا او غول من غولين ايران لو كانو مو محطوط واحد كنا تأهلنا هيك هيك هيك كل الظروف مشيت ضدنا .. كلشي عاكسنا الحظ عاكسنا .. والله ماكان معنا ولا وقف معنا ولا استجاب لدعانا .. ولا صار شي حرقت دم كبيرة .. للاسف حسيت حالي لما خلصت المباراة ولد صغير وسرقتلو لعبتو وبكيت بكي بحياتي يمكن مارح ابكي منو .. وقفت بكي بس لسه قلبي من جوا عببكي ورح يضل يبكي شهور وابام ندم ع هاليوم ماحدا يمكن يحس بكلامي بس حرقة قلب وبكي يمكن عايشة انا هلأ وعايشينا كتير غيري .. مارح قول اكتر من هيك .. ولا تواخزوني ع كل كلمة قلتلا .. واكيد حكيو كلو مافيو شي ضد ربنا سبحان وتعالى ولا محاولة للكفر لا سمح الله .. انا اصغر بكتير من هيك .. بس اااااااخ اااااخ طالعة من قلب محروق ورح يضلو محروق و20 مليون قلب محروق |
طبعا بس للتوضيح ع مباراة اليوم الحزينة والمأساة
منتخبنا كان لازمو فرق 3 غوال لبتأهل وفعلنا حققنا نتيجة 2-0 باداء رائع ورجولي وكبير وعاملي وكنا بالفورمة تمام وروحنا وروح كل سوري تابع المباراة بالعلالي والدم غلي بس انطفت الانارة وقفت المباراة وانطفت معا قلوبنا ورجعت الانارة والفريق الامراتي حط غول من ضربة جزاء بتبكي الصخر وبعدا قدرنا نحط الغول التالت وتصير النتيجة 3-1 بس للاسف للاسف للاسف للاسف |
انتهت منذ قليل مباراة منتخبنا الوطني الاخيرة على ارض دولة الامارات العربية .
المباراة انتهت بفوز سوري كبير و بثلاثة أهداف مقابل هدف واحد و لكن هذه النتيجة لم تكن لتكفينا للتأهل . . حيث كنا نحتاج هدفا اضافيا لنتأهل . لا ننكر ان خروجنا بهذه الصورة أفضل بكثير من خروجنا بخسارة . و لا أنكر ان الخروج لفارق هدف أفضل من الخروج بفارق نقاط .. و لكن .. في النهاية إنه خروج . . مستوى المنتخب اليوم كان افضل من كل المباريات السابقة و التشكيلة تقريبا كانت الانسب . و لكن للاسف لم نصل الى هذه التشكيلة الا بمباراتنا الاخيرة . الشي اللي أعجبني بهخالمباراة هو المعلق الاماراتي .. بلش المباراة و هو عم يقول انو التأهل اماراتي مؤكد و لكن نريد ان ننهي مبارياتنا بفوز لن نرضى التأهل لتعادل او خسارة نريد الفوز في اللقاء الختامي . بعدين تزكر يقول كلمة ( مع كل الاحترام للمنتخب السوري ) بأواخر المباراة . .المسكين تلخبط لخبطة . . و ما عاد عرف شو يحكي .. آخ بس لو كملت معنا .. :cry: المهم بالنهاية . .. طلعنا من التصفيات ( كالعادة) و بفارق هدف وحيد . مبروك الفوز للمنتخب . . و هاردلك الخروج . . انتظرونا 2014 |
ااااااااااااااااااااااااا ااااااااخ
يا رجل شو مشاااااااااان هففففففففففففف والله العظيم حرام .. بس انو لاحظتلي الكهربا ايمت انقطعت يا زلمي ماني عرفان سب ولا اكفر ولا شو اعمل بحالي بس ابو شاكر .. اللي سبيتو حقق المستحيل .. واهم شي عندي انا .. انو خوزق هدا محمد حمادة اللي وقت قال ابو شاكر انو رح نستفيد من التجربة التركية قال انو انتي وقت بدك تحكي لازم يكون مدري شو ابو شاكر شو سويت ابو شاكر بس عنجد عنجد اقتباس:
|
@@السلام عليكم@@
:deal: :deal: اعطني جمهور === اعطيك لاعبين اعطني لاعبين === اعطيك كؤوس نحنا ما عدنا لا جمهور ولا لاعبين بالرغم من انو في كان في جمهور يحرق قلبو مع كل فرصة تضيع ومع كل لمسا كرة او قول بس قليل يعني ما مستعد يروح على الامارات ويشجع ويهتف ويعطي قوة انفجارية للاعبين اما الاعبين فلا تسأل يوم يكون متألق ويلعب ونتأمل خير ونربح على فرق صعبة وقوية وايام يكون كانو اول مرة يلعب يعني ما في مستوى ثابت حتى الدول التانية صارت تستهين بفريقنا يعني ولا مرة حققنا مفاجاة واحرزنا لقب او بطولة على مستوى المنخب حتى مفاهيمنا للاشياء غير قال احتراف قال اي اي احتراف والله انا شايف انحراف بتمنى شي يوم شجع المنخب وكمل فرحتي للاخير وكل الفرق تحي الفريق وتحسبلو الف حساب ياريت والي يقول انو الله مو واقف معانا فلا احنا مو واقفين مع حالنا ولا واقفين مع الله والا نتذكر الله وقت بنريد وقت ما بنريد لاهذا مو عذر خالص والله يوفق الجميع وباخير شكرا للمنتخب وللمدرب وللمشجعين ولسوريا كلها لا مستحيل تحت الشمس @@اميـــــــــ بكلمتي ـــــــــــــر@@ |
والله يا شباب الحق يقال و انا رح كون مسؤول عن اللي رح قولو
المنتخب اليوم كان غير اللي تعودت انو شوفو بالمباريات الماضية معلش صحي انو خسرنا بضربة جزاء ( مانها صحيحة بالمرة لانو ما بعرف اذا انتبهتو انو اللاعب شك عالارض قبل ما يشبح البلحوس ) , بس والله العظيم طلعنا و بشرف بعدين تعو لهون ............ كل واحد بيجي بيفتح تمو خمس شبار و نص ليقول انو نحنا طلعنا من ورا ابو شاكر معلش بس شو دخلو ابو شاكر يعني عمي الكادر الرياضي كلو مسؤوول عن الخسارات الماضية و ابو شاكر ما دخلو بالموضوع لانو متل ما بتعرفو انو ابو شاكر اجا قبل ما تنتهي التصفيات بشوي ....... يعني والله مو ذنبو عموما ............ اللي بدي قولو هوي كلمة وحدة شكرا مو لشي بسلانو طلعنا بفوز ساحق والسلام |
ايييييييييييه شو بدنا نعمل ..صحيح بالاخير بس بيضوها الشباب :cry:
يلععن كرة القدم شوفيها ظلم .... لكن اللعب الي لعبيتو الامارات تتأهل فيه !!!!! والله حرام :sick: |
هو من جهة حرام حرااااااااااااااااااااااا اااااااااااااااااام وبيجيب مية جلطة بس الحلو ان اثبتنا انو نحنا ئادرين نعطي نتائج جيدة هلئ ليش المباراة من اصلو انتئلت للعين ومع انو عاساس ممنوع ؟؟ظ وليش الحكم عطى ضربة الجزاء الي مصعب شل ايدو وهو يبعدا منشان ما يدئ بالاعب وليش الكهربا انطفت ؟؟؟ وليش الحكم ما حسب الدئايئ صح للوقت الضايع ؟؟؟لانو كانو المباراة وئفت شي 10 دقائق وفي 4 وقت بدل ضائع يعني 14 وحضرتو صفر ئبل 4 دقائق من النهايو وبعد الغول التالت مباشرة ؟؟؟ بيجوز حس انو خلص اللعبة صارت النا ورح نحط الرابع ؟؟؟ وليش كل هاد صار والله ما بعرف ...........؟؟؟؟؟؟؟ بس بعرف انو طلعنا رافعين راسنا وانو تفاؤلي بالفوز ما كان عبث وانو لازم نتعلم نوثق برجالنا وشبابنا لانو بيطلع معون انشالله منتوفق بالجايات |
حضرت المباراة و انقهرت و شربت لتر بلاك و رجعت بهالسبع كلمات..
كلمة للفريق : كنتو رجال و الله يوفقكن.. كلمة للجمهور: كل مرة بتوضحو انو بتحبو هالبلد و قلبكن عليها حتى لو غلطتو بالتصرف.. كلمه للمدرب ( أبوشاكر): شوبدك بهاللعيبة المصخرة المحترفين ببلجيكا و بالسويد.. خليك علعيبة الكرامة و اليقظة و الاتحاد.. تعبت بس هلكتنا بإختيارتك للعابين.. بس كلمة حق يعطيك العافية.. كلمة للاتحاد الرياضي و اتحاد كرة القدم: يلعن ربكن كلاب.. خلقتو كلاب و بتبقو كلابو حراميه.. كلمة للإمارات: حلوة حركة قطعة الكهربا مشان تمتصوا فورة الفريق و هاد يلي صار.. لأنو الكهربا يابتعطل و بتحترق الإضاءه و مابترجع.. يا أما مابتعطل و تحديداً بأكبر استاد دولي بالإمارات.. يعني مو زابطه.. بس حلال عليكن.. ملعوبة.. كلمة للرئيس شغل شباب يعني : هلأ بشرفك مو بالناقص من كم مرسيدس و تدير بالك على هالفريق شوي؟؟ مو حرام هالشعب يلي كل مرة بينحرق قلبو؟؟ كلمة لشباب أخوية: عن جد حسيت أديش متحمسين للفريق و للبلد.. خليكن هيك. |
متل كل مرة بعد كل بطولة ...
أسسنا منتخب كويس ممكن يطلع معو شي بالمستقبل لو استمرينا بالحفاظ عليه و التركيز عليه و تطويره هردلك ألنا و لو لعبنا هيك من أول التصفيات ما كنا انتظرنا فرق الاهداف كنا اخدنا صدارة المجموعة ... و بسهولة لأنو مجموعتنا كانت سهلة و مسيرنا بالتصفيات كان عادي جداً .. حظ أوفر :cry::cry::cry: |
ينعن دينن الامراتيين ع هالحركة اجا بوقتا .. بدي اقص ايدي ازا مي مقصودة من ولاد الحرام
ينعن دينن ع دين الهنود اخوات الشليتة دبحونا |
اقتباس:
|
اول مرة من لما بلشت احضر مباريات للمنتخب بحس انو للمنتخب روح بهي البطولة
وبس صار للمنتخب روح جمهور العاصمة قتل هالروح قتلها بطريقة كتير قاسية وما وفر لاشتيمة ولا مسبة للمنتخب (الله يعطيهون العافية ما كنت اعرف انو ماهر السيد نجم عالمي يستحق ان يشتم المنتخب الذي لا يلعب له) على كل انا من هلق ورايح اي منتخب مافيه (هيثم كجو )ما بشجعو ولا بايدو بالعكس رح انزل فيه شتم ومسبة وما حدا احسن من حدا |
عالهامش :
مين هيثم كجو سوري يعني |
اقتباس:
بس كان فعلا لاعب وكنت كتير حبو:cry: |
هلئ الحكي الي صار اليوم ببرنامج ملاعب الغد مع نزار وتي مدير المنتخب ماشي حالو
يعني بلشو الجماعة يتلحلحو شوي بس بكرا منشوف رح يصير معون , بركي بيطلع معون شي , هلكو نعمتنا الله لا يعطيون عافية ولك هدا تاج الدين فارس شو وضعو بالحياة فلجني لعمى |
هلأ انو عالشغلة مو مقصودة..لا..طبعا مقصودة..و من مين..
من أغبى منتخب..المنتخب الاماراتي..و اللي بيقهر أكتر انن أغبياء حتى بالغش.. يعني باين متل عين الشمس..الامارات بلد الكهرباء..تنقطع فيها الكهربا؟؟؟؟؟(زمن الغرائب..) بس كمان في شغلة..هنن شوي فادون ..يعني نخسر هلأ عفارق جول..أحسن ما نخسر بالبطولة 50_0 :oops: ولا قولتكم لو تأهلنا كنا فزنا بكأس العالم؟؟؟!!!!!!!!:shock: |
اقتباس:
بدي احكي شغلة، صحيح خسرنا بمؤامرة واضحة وما بيختلفوا عليها اتنين ابتداءا بتخفيف الإنارة ول3 دقايق بس(مشان يكون الوقت بضل ضائع قليل) وانتهاءا بضربة الجزاء الظالمة، بس التأهل للدور التاني ماكان بس بمبارتنا النهائية مع الامارات، لعبنا قبلها 5 مباريات، وكان فينا نوصل لهالمباراة ونحنا ضامنين التاهل متل إيران أو استراليا ومتل البحرين واليابان، يعني كان فينا نفوز بالمباريات يللي على أرضنا عالأقل، وبفارق أهداف منيح، او فينا كان نخسر قدام الكويت 1-0 أو 2-1، بس مو 4-2!!!! وخسارتنا قدام إيران 2-0 بصراحة الجمهور بيتحمل جزء كبير من هالخسارة لأن عيب بمباراة لمنتخب "بلدك" تروح تسب وتتمرد لأن ولا لاعب من "فريق الحارة تبعك" موجود. مو مشكلة وإنشالله مونديال 2014 منوصلوا، التصفيات تبعو باقيلها 6 سنين، وعلمكن بيمضوا، خلوا الاتحاد والقيادة والفريق مع إدارتو يكبروا عقلهن ويتجهزوا من هلأ وإذا بيجي مدرب غير أبو شاكر بحياتنا ما منتأهل، حتى لو جابوا بيليه نفسو يدرب المنتخب السوري. كلمة أخيرة، أنا شخصيا بحب لعب ماهر السيد، ومستغرب ليش ما كان بالتشكيلة، بس الأقرب مننا للمنتخب أكيد أبو شاكر وهوي أدرى، ومتل ما بقولوا: "عطي الخباز خبزوا ولو أكل نصو" |
| الساعة بإيدك هلق يا سيدي 12:49 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون