شو بتعمل لما بتعصب وتتملكك موجة غضب عارم
 

السلام عليكم بالأول,


بعض الناس بينقال عنن بأنو دمن حار أو سخن, لأنو من كلمة بيجنوا وبيعصبوا, بيرتفع ضغطن وبيعلى صوتن وبيصيروا مابيشوفوا قدامن, هلا أنا والحمد لله ماني من هدول الناس, بس كعيلة نحن منن, أنا قدرت اتحكم بغضبي وأوجد وسائلي الخاصة بمواجهتو, وأساليبي متنوعة لأنو أسباب الغضب مختلفة, فمو ديماً الحل الواحد ممكن يفي بالغرض, طيب, أنا لما بعصب بقوم بالتالي وبالترتيب من حيث الأهمية والأولوية عندي حسب خبرتي مع الغضب والتعامل مع الغضبانين
1- بتوقف عن الحكي وبنعزل عن سبب غضبي.
2- بروح بغسل وشي واذكر ربي بسري واحتسبو واتوكل عليه.
3- بحاول اتسطح شوي وغمض عيوني ومافكر بأي شي وخاصة موضوع أو سبب غضبي.
4- أكل خاصة إاذ كان الغضب أو التوتر مرتبط بالزمن, كأن يكون وقت مشكلة عائلية أو امتحانات مثلاً.
5- بسوق سيارة أو بركب مع حدا مو بهدف السرعة, بس إنو امشي بالسيارة لأنو بنسى وتها سبب غضبي.
6- اتسمع لموسيقى بحبها.
7- بحكي مع أقرب شخصة إلي قلبي إذا كان في بحياتي حدا طبعاً.



برجع وبقول إنو موكل هالأمور بأهمية وحدة إلي وهالاهمية مو ديماً ثابتة, يعني ممكن ايام أول شغلة اعملها إنو احكي مع أقرب شخصة إلي, وأحياناً هي بالتحديد مابعملها ولو كان الموضوع مو متعلق فيها وعادي إنو تعرفو, يعني حسب الحشيشة بسوق.

فهاتوا لنشوف, أدلوا بدلوكم وخبروني شو بتعملوا بمواقف الغضب.

بالمناسبة هلا أنا طالع تازة من مشكلة كبيرة مع أخي الكبير فقلت بنشوف بلكي غيري عندو أساليب أنجح من أساليبي, رغم إنو مابظن في حدا عندو أسلوب أنجح من أول نقطة حكيتها.


سلام

والله يعني كانك براسي ياصديقي :deal:

مابظن اقدر ساوي هيك بلحظه غضب
ممكن اسكت وادخل على غرفه لحالي
او ابكي
او اضرب شي او كسر شي
بفش قهري فيه
ومن زمان كنت دخن بس هلا لا
بطنش ووببكي
وبقعد لحالي وبسمع اغاني بحبها
او بحكي مع الي بحبهم
يسلموا على هالموضوع بيجنن

بقعد بغرفتي لحالي وبفتح الانترنيت أو بدرس شوي و بدخن سيكارهههههههههه



برتاح

بس على فكره موضوع حلو ومهم جدا

بعزف ... و بعزف ... وبعزف ... وبالاخير بعزف ....

بروح عند عوني تبع بار الواحة الخضراء وبسمع فيروز طلعلي البكي

باكل ... وباكل ... وباكل ... وبالاخير ما بشبع :o

لا بس انو جد .. بفش خلقي بالاكل ... وبالدخان

انت غاضب؟ انت ناقم ؟ لاشيء يلجم غضبك الانيران السيجاره

انا بعيد عن الواقع ضائع في هذه الدنيا

واردة

ما زبطت

اي هوي الواحد بأوج إنبساطو ما بتزبط معو

لا لا ما زبطت معي

احلا شي انو سوق وانا معصب :o يا اما بعمل شي حادث يا اما بتفشش بشي شفير تاني
هئه

يعني بس ما كتير مشان ما تقع براسو



بس غالبا بطلع وبدخن وبشمي

بمسك المخدة وبحط ع وجهي وبضل بصرخ... باكل شوكولا...
بضل نق.. وبفشا بشي حدا...
بطلع بالسيارة وبسوق وبضل سوووووووووق

وهففففففففففففففففففففففف فففففف

هلا إنت بلحظة الغضب, بتتذكر السيجارة, وبيطلبها جسمك, فلما اتلبي ندائو, بتحس حالك ارتحت, ولو كانت راحة مزيفة, المهم إنك ارتحت. بس أنا ما بدخن, ولا بشرب, ولا بأركل..... لشو حياتو:o:o
أهلين ع المرور, كمان النقطة هون إنو بندخن, بس موضوع القهوة بيعطي احساس بمحاولة تهدية الأعصاب واسترخاءها بتركيبة القهوة والدخان ولو كان بشراهة, ومراقبة خيوط الدخان. حلو كثير.

يسلمو ع مرورك, البكى وخاصة للصباية وسيلة مفيدة للتنفيس عن الغضبو خاصة لما بيكون وسيلتها الصامتة الوحيدة, أما التكسير فعلى فكرة في مراكز طبية بأوربة بتعتمد هالاسلوب لعلاج الغضب, بتفوتيع غرفة ملينة غراض وبيسكروا الباب عليكي وخدي ع تكسير, بس ديري بالك منها ببيتك لأنو أنا بشوف إنو من أكثر الأمور اللي بتعصب الرجل أكثر موضوع التكسير هاد, لأنو بيشو فيه ثورة عليه وهاد شي ابيرضاه أبداً.


موضوع إنك اتفوت على عالم النت وإنت معصب كمان وسيلة حلوة برأيي للتنفيس عن الغضب, لأنو بتنسى همك مع الناس اللي بهالعالم, أو بصورة بتشوفها هون أو كلمة بتقراها هون, أ, برنامج بتنصبو وبتبحبش فيه هونيك.. شكراً ع المرور حمودي
هلا أنا بحياتي ما حسدت أو ع القليل ماسمحت لحالي أحسد حدا, وديماً قنوع برزقتي وبحاول نميها بجهدي مو بالتمني, إلا بموضوع الموهبة الفنية والموسيقية بالتحديد, فبحسد كل شخص الله غرس فيه هيك موهبة لأنها فعلاً رائعة وبتفتح أبواب الابداع بلحظات الغضب والنكسات الداخلية.

إلك كل الشكر ع المرور