|
القدر...
القدر..........
تخطط ترسم تفكر وتقرأ ثم عندما تنتهي تبتسم شكلت في رأسك مجموعة من الافكار التي تقودك للسعادة المنشودة او الى الهدف المبغي تتحمس يسمع الاخرون صوت ضربات قلبك عنفوان انفعالاتك الارادة تدخل صميم تجويفك وتتحول الخطط والافكار والحماس لمجموعة من التصرفات وتنطلق في طريقك تمشي تهرول تركض ليس بالشيء المهم المهم انك تسعى حيث تبغي وفجا ترى امامك هرم يسد لك طريقك ويحطم كل ما صبوت اليه يجعل اكبر فكرة في راسك ذرة صعب الوقوف عليها تتحطم احلامك ورؤيتك لهدفك بلمحة بصر وتشعر بالانهيار والعجز وتتلاشى كتلة الحماس التي كانت تغلي في عروقك تنطفىء تطفئها دموعك التي اشعلت نار العذاب في قلبك اللعنة.. لاتقول أريد وأريد وأريد بل قل الله يفعل مايريد |
اقتباس:
اليأس مقبرة الحياة صديقتي ديري بالك من المخالفات بهاليومين صفحة بريد المنتدى الاولانية كلها الك خلي شوي لغيرك نسرين :lol: :D |
شباب أنا بشوف أنو الموضوع مهم وخرج نقاش هلا بعيدا عن كلام وايت روز أنا بدي اطرح تساؤل تاني مافي شخص بالدنية بيرضى على حالو . أو عمل على أنو يكون غير ناجح . ومع ذلك الحياة بتحمل الكثير من غير الناجحين . من الفقراء . من المعدومين الخ طيب ليش ؟ وكيف ؟ وكيف فيه الانسان انو يكون ناجح فقط ؟ . وانو يحقق كلشي بيتمناه ؟ |
اقتباس:
أما بالنسبة للسؤال فـ ...... ما في شخص بالدنيا ما ( بيتمنى يكون ناجح ) بس شو نسبة الناس بالدنيا ... يللي بتشتغل عن جد لتكون ناجحة .؟ بعدين منرجع لقصة ( الأدوات ) المتوفرة لكل شخص يعني الشغلة نسبية و معقدة جداً بس ضمن مفهوم معين للنجاح ... يمكن أي شخص بيقدر يكون ناجح بطريقة أو بأخرى |
اقتباس:
هلأ هو النجاح بشكل عام هو تميز كل شخص بمجال عملو . وأنعكاس هاد النجاح على حياتو . يعني مو معقول يكون ناجح بعملو ومتعتر بالحياة الا بحالات قليلة . وحتى لما بتنوجد هي الحالات فالسؤال ليش هاد عدا عن غيرو . طبعا هون بدنا نركز أنو نظرة النجاح بمجتمعنا نظرة مادية . يعني الشخص بيكون ناجح قد مابيكون محقق مصاري اقتباس:
بعتقد على انها اكتر من نسبة الناس يلي مابتشتغل لتكون ناجحة . هلأ هون ممكن نتفق ونختلف مع الشخص أنو طريقة عملو لينجح او يحقق شي بدو ياه صح أو خطأ . بس هو بكل الأحوال شايفها هية الصح وعم يشتغل على الصح بوجهة نظرو اقتباس:
الأدوات يلي ممكن تتوفر لشخص وماتتوفر لأخر . هية من ضمن القدر يلي حكت عنو نسرين اقتباس:
هلا بطريقة او أخرى بتشط شوية عن الفكرة العامة للموضوع . أنا مثلا كتير ناجح بطبخ السباكيتي :lol: . جد عم أحكي . بس هاد مابيعطيني رضا بالنفس ولا بيصنفني على أني أنسان ناجح |
النجاح برأي هوّ الرضى اللي بيجي عن نتيجه عمل ما فيما يتناسب مع الجهد المبزول الانجاز هالعمل.. بمعنى آخر انت قديش رضيان عن النتائج اللي حصلت عليها هوّ اللي بحدد مستوى تقبلك للنجاح .. و هالرضى هاد شقين الأوّل رضى نفسي داخلي عن العمل .. و التاني رضى اجتماعي ..
النجاح بيتعمم و بصير أكبر وقت بيجتمعو الشقين الرضى الداخلي و الرضى الاجتماعي .. بنفس الوقت انت ممكن تبذل جهد كبير و ما تحصل على نتيجه مرضيه (( متل ما صار معنا بصف الفيزياء :jakoush: )) .. هلأ هاد الشي أكيد مو قدر :lol: بس مابعرف شو فينا نسميه .. انما فيما يخص القدر كـقدر .. فأنا مابعرف ليش في عداوه متأصله بين الانسان و القدر ، عنجد:shock: ! أنا بالنسبي الي القدر هوّ نعمه ، هوّ البارتنر تبع الشطرنج تبعي .. بخليني فكـّر و اتأمـّل و اتحرّك بناء على حركته .. هلأ مع وضع احتمال اني ممكن كون أنا هبله شوي بس خدوني على قد عقلي .. يعني أنا بأمن بانو ما بصير شي بالدنيا لمجرد انه قدر .. و ما بصير شي سيئ الا لانو في شي أسوأ كان رح يصير لو استمرت الامور دون تدخل القدر .. و دائما ً بعد كل مرحله صعـبه في مرحله حلوه لذلك حتـّى و ان سارت الأقدار بعكس ارادتنا فهالشي ما لازم يعني انو نبادلها مشاعر سلبيه .. في متل أميركي بيقول Whatever happens happens for a reason يعني كل شي بصير بصير لتحقيق سبب ما .. بحس مشكلتنا الأساسيه مع الأقدار انو ما عنا ثقه فيها لذلك و من منبري هذا بدعو الجميع للتصالح مع أقدارهم و الثقه فيهم .. كما بدعوكم لقراءه تدوينه قديمه كنت ذكرت فيها رأي بحياه الأقدار بيناتنا - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - نسـرين :D |
كلام وايت صحيح كل انسان قبل ما يعمل اي شي بيحفز حالو بالقول كرمال عزيمتو للفعل تكون اقوى .... هلا بحال ما نجح النبي ادم بيبلش يلعن ويسب ومابيخلي على اي عائق وقف بطريقو الا سبو لانو هاد طبع الانسان بس كمان كل سقوط بعدو سقوط اكيد لح يجي يوم يعمل للي بدو مع تكرار المحاولة وعلى فكرة انا بثق بانو الانسان هو للي بيعمل للي بدو وما دخل القدر الا بحال تدخل شي غير متوقع وسببلو الفشل يعني ما دخل الله ولا الانبيا هاد شي بيرجع للحظ وبس
:D |
اقتباس:
حتى ايام بتكون الادوات متوفرة وبشدة ومع هيك بيكون الطريق للنجاح صعب او فاشل او اخد منحنى آخر اكيد فشل تام بحياة الانسان مافي طالما العقل موجود لانو الغريزة الانسنية بتنادي بحب الحياة لهيك دائما الانسان بحالة سعي نحو الافضل بسهاد لايمنع انو نكون بطريق ونصير بطريق مغاير تمام |
اقتباس:
لانو في ناس بتحسد ناس كتير على نجاحاتهم من دراسة لشغل لتطويرات مهمة بحياة الشخص بالوقت يلي بيكون الشخص نفسو غير راضي لانو مو مقتنع من الاساس صدق مين قال القناعة كنز لايفنى لانو لما نقتنع بشيء ما مهما كان بسيط منقدر نشوف حالنا بأفضل الاحوال اقتباس:
كمان لما نقتنع بانو اي شي ممكن يصير معنا خير وهون الشغلة بدها ايمان قوي وثقة قوية انو اي شي من الله خير اقتباس:
themorning :D:D |
هلأ أنا برأي النجاح هو الرضى عن النفس يعني اني انت بتعمل كل شي بتقدر عليه حتى توصل للي بدك ياه وبعدين هون بقا بتفرق بموضوع القدر او توفيق رب العالمين يعني ممكن يكون في محلين جنب بعض وعندهم نفس البضاعة وبنفس الجودة بس تلاقي واحد عندو الناس طوابير والتاني عمبكش دبان هاد بيرجع لتوفيق رب العالمين
وممكن انا ادرس طول السنة وما اترك شي علي واجي ليلة الامتحان امرض ساعتها شو بقدر اعمل وغيري اللي مافتح كتب يمكن ماتجي الاسئلة غير من اللي درسهم هادا كمان بنرجع وبنقول توفيق من الله |
اقتباس:
مزبوط... |
| الساعة بإيدك هلق يا سيدي 06:53 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون