|
أطرف ما وقع لي
:o إيه يا شباب ويا صبايا أنا بدي أطرح فكرة يمكن قديمة ويمكن حدا سابقني فيها مع ذلك شو رأيكن نشتغل شوي
الفكرة إجتني وقلت لازم نطبقها بمنتدانا منتدى أخوية وهية بسيطة وحلوة وبتخلينا نقرب من بعضنا البعض وهي عبارة عن كل واحد بيروي قصة أو نهفة طريفة صارت معو أو مع أحد أصحابوا بس تكون حقيقية ..و الرجاء من كل الأعضاء ماحدا يخجل والكل بدو يشارك مافي فكة ;-) يلا ورجونا همتكن |
والله اظرف شغلة صار معي بيوم كان الجو شتا وبارد الولدة الله يحفظها حكتلي روح جيب حليب حكيتلها هلا حليب بعز الشتا :shock: :shock: المهم ركبت راسها الا بدها تساوي رز بحليب :melody: حكيت امري لله لبست بنطلون جينز كلاسيك شد شوي على الجسم ولبست جاكيتي وطلعت وصرت اركض بدي اهرب من الشتا انا بطبعي بحب حط ايدي بجيب البنطلون وانا وعم بركض ما بعرف انو في تحت المي الي على الرصيف حجر رحت ولا انا متفركش فيه :cry: :cry: :cry: ما لحقت طول ايدي من جيبي مشان القى حالي وعينك ما تشوف الا النور وقعت كلي على طولي :cry: :cry: :cry: طبعا الناس الي شافو المنظر فقعوو من الضحك بصراحة انا صرت اضحك معهم على حالي تخيل الموقف انت :oops: :oops: شر البلية ما يضحك :? :? ال حليب ال :x عمرو ما حدا اكل رز بحليب :cry: :cry: |
و الله شو بدي احكي.. تقريبا الموقف متل تبع الاخ الهوى سلطان
بس يا استاذ هاد انا لما كنت بالصف الاول ثانوي.. كان ممقابل مدرستنا مدرسة للأولاد.. ثانوية كمان..:shock: يعني الحكومة ما لقت تبنيها غير مقابل مدرستنا:shock: اي و لما كنت امشي بطريق الرجعة للبيت و اكيد الطريق مليان شباب .. و شوي و توقع جوجو قدام هالعالم كلها:cry: :cry: :cry: صار الكل يضحك عليي. و كمان واحد حضرتو بيقلي اطلعي قدامك و انتي عم تمشي:? و اختي كانت معي بدل ما تساندني بهالموقف و تساعدني لحتى قوم:cry: قامت تضحك عليي:x :cry: .. قمت انا عملت حالي عم اضحك.. بس لما وصلت على البيت فشيت خلقي فيها:jakoush: :jakoush: |
اقتباس:
انشاء الله ما صرلك شي |
اقتباس:
بس طمنيني عن اختك شو صار فيا ههههههههههههههه :lol: :lol: :lol: |
:lol: لا اطمن ماني متوحشة:lol:
|
اقتباس:
عم امزح معك مع تحاتي |
أحلى شباب و أحلى صبايا و الله ومتشكرين كتير على المشاركات الحلوة بس لسه في كتير كتير ما حدا كتب إيه يعني معقول ماحدا صاير معو شي نهفة:shock: المهم أنا رح إكتب اليوم شغلة صاريت معي من فترة حوالي شي إسبوعين نزلت على السوق علشان زوجتي وصتني أشتري إكسسوارات من الصين (كوانزو) وأبعتلها ياهن على سوريا المهم وأنا ما شي بالسوق وعم أدخل من محل لمحل وإذ بشوف محل كل المعروض فيو إكسسوار و مجوهرات تقليدية :cry: وانا واقف عم أتفرج على المعروضات وإذ بيجي لجنبي وحدة حامل هية وزوجها عم يتفرجوا معي طلعت في الحامل وحسب خبرتي قلت هي أكيد بالشهر التاسع ما في مجال وأنا عم بتطلع فيها ضربت عيني بعينها وقلتلها (نيهاو) يعني مرحبا (وردت علي التحية (نيهاو هاو) يعني مراحب عليك وعلى يلي خلفوك:lol: ونسيت أقلكن الداعي يلي هو أنا صحة شوي يعني بالمشرمحي في شوية كرش:adal: وبعد ما ردت علي التحية عملت هيك ونفخت بطني لحتى صاريت أكبر من بطنها وقلتلها إنتي حامل بولد واحد أنا حامل بإتنين :o راحت المسكينة هية وزوجها فاقعين من الضحك بس ياضحكة ماكملت ماحسيت إلا المرأة إجاها الطلق وبركت على الكرسي وصاحت آآآآآآآآآآآآآآوه :cry: وعيونك ماتشوف إلا النور ركدو الناس وصاحبك الحاج متولي صار بطل العالم بالركد فريكة على البيت ......وبعد يومين رحت على المحل نفسو ا وسألت عن المرأة يلي كانت حامل شو صار معاها ...قاليتلي صاحبت المحل نقلوها على المشفى ومشي الحال....ألف ألف مبروك :yahoo: :yahoo: :yahoo: ...زادوا الصينين واحد:o والنهفة إني رجعت على المكتب ونسيت أشتري الأغراض تاني مرة كمان:shock: أما صحي مستر ...فهيم:larg: وإلى القاء مع نهفة تانية شنو الداعي نص حياتو نهفات بس على يلي بيتذكر تحياتي ...الحاج متولي |
هالسنة لما رحت على لبنان قبل الحرب بكم بي يومين هههههههه الله نجاني الي المهم كنت بالشمال من لبنان فا رحنا من الشمال على طرابلس اخدنا سيرفس انا ورفيقتي وماما ووحدة اوكرانيه ( رفيقه اخوها لا رفيقتي ) المهم انا مو مبين على عربية ورفيقتي عم تحكي مع الاكرانية بلغاري على روسي المهم بالسيرفيس عم نحكي اجنبي ولا بيطلعلك لا شباب لما شافونا متل انبسطو انو حلوة السفرة ههههههه المهم نحن عم نحكي احنبي هنن امنو ما منفهم عربي ههههههههه بلشو يحكولك حكي ياسلام شي بالشرق وشي بالغرب ونحن نضحك والاوكرانية مو عرفانة شو صاير لانو ما عم تفهم بلغاري وضلو يحكي هيييك شي نص ساعه بعدين نطت رفيقتي اللبنانيه قالتلو لا الشوفير معلم امتى بدنا نوصل قمت انا قلت كمان ملينا من الطريق كانو طول ههههههههههههههه والشباب ياحراممممممم شو صار بوجوهون قالولو لا الشوفير عندك معلم الله يوفقك نزلنا هون هههههههههههههههههه بس عنجد كان بدها الواحد يصورا |
اقتباس:
والله نهفة حلوة:o :o تعيش وتاكل غيرها:clap: :clap: اقتباس:
والله عملتي عين العقل .....بتستاهل:lol: :lol: اقتباس:
بتعرفي أنا كمان صاريت معي هيك شغلة بس مرة كنت قاعد أنا وواحد من كندا وزوجتو في القهوة يلي جنب قلعة حلب........وكانت زوجتو لهادا الكندي من الهند ....وسبحان الخالق كيف ملتمين على بعض مابعرف.....المهم ونحنى قاعدين وكنا عم نحكي (طبعاً عم نحكي إنكليزي )كان في ورانا شلة بنات عم يشربواأركيلة ...وكانوا طول ماهنن قاعدين نازلين حكي (على يخرب بيتها على هالحظ شوفوا كيف هية سودة زرقة ومعاها تنين شباب بيض شقر ....والتانية تقول يعطي الإنجاص يلي بلا دراص....وكلام الله يخرب بيتهن منين جايبينو ...لك والله من الحكي الكبير والغميق;-) .......المهم تموا عم يحكوا ويسمعونا أكتر من نص ساعة .:shock: ..وأنا كنت رح موت من الضحك :o لدرجة ما قدرت أمسك حالي فيها ...فاإستأذنت من الضيوف وقمت ودرت حالي لعند البنات وعديت من جنبهن وطبعاً قالولي (hello) رحت مطلع فيهن وقلتلهن ..:o ..مو حرام عليكن نازلين في المرة كسح ..:jakoush: .الله لا يعطيكن العافية منيح ما كان الشب يلي معي بيحكي عربي ..:shock: ..بس ولا يهمكن أنا كنت عم بترجم كلشي حكيتوا.:yahoo: ...طبعاً كنت عم إمزح معهن....:clap: ...ويالطيف على أشكالهن كيف صاريت ياحرام .:sick: :sick: :sick: ..بتموت من الضحك..:yahoo: ..وبعد ما دخلت على الحمام ورجعت كانوا الصبايا رايحين...ومو مبين منهن أثر بس إما شو نهفة و الله قعدت أحكي فيها سنة إسم الله هديك الإيام |
اقتباس:
ههههههههههههههههههههههههه ه حلوة والله ههههههههههههههههههههههه |
اقتباس:
الله يحلي إيامك المهم لا تنسونا من النهفات الحلوة يا حبايب :clap: :yahoo: :clap: :yahoo: :clap: :yahoo: :clap: :yahoo: :clap: |
| الساعة بإيدك هلق يا سيدي 02:56 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون