|
تعلم اللغة עברית (العبرية)
مــــــــــــــــــــــــ ـــــــــــــــــــــــــ ـرحبا للجميع
قبل لأبدا بدي اقول انو اذا ما حبيتو الموضوع واتضايقتو منو بتقدرو تحذفوه انا عادي عندي ما بتفرق ومن تعلم لغة قوم امن شرهم حابي خصص هالصفحة لتعلم اللغة العبريي وراح ابلش بالحروف والكلمات البسيطة وطبعا كل مين بحب يضيف شغلي بيقدر الموضوع مفتوح للجميع يلي بحب يتعلم ويلي بحب يضيف وبرجع وبقول انو اذا اتضايقتو من الموضوع عادي احذفو راح ابلش: اولا الحروف نبدا بالاحرف א - أ - الف ב - ب - بيت ג - ج -جيمل ד - د - دالت ה - هـ - هيه ו - و - فاف ז - ز - زين ח - ح - حيط ט - ط - طيت י - ي - يود כ - ك - كاف بس اذا فيها نقطه ((خ)) خاف ל - ل - لاميد מ - م - ميم נ - ن - نون ס - س - سامخ ע - ع - عاين פ - ف - فيه واذا فيها نقطه .. بتنقرا بيه צ - ص - تسادي ק - ق - قوف ר - ر - ريش ש - ش - شين ת - ت - تاف وهاذ ملف صوتي لكيفية لفظ الحروف العبريي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بتمنى اكون افدتكو كبدايي |
يسلمو كتييير بس والله باينة صعبة :D:D
|
بالعكس الغة العبريي كثير سهلي وقريبي من العربي
بس كبدايي طبيعي تكون صعبة وبالنهايي فائدي |
תודה על המקצוע תמשיכי אנחנו אתך באמת תודה ברוכה הבאה
:D |
:ss:תודה מאמי יפה מצדך להעלות השפה העברית וללמד אותה לערבים אחלה בחורה את ממני יאנא חיפאית בדם ובנשמה :ss: |
حلو كتير هههه وانا بالصف الاول اخدت هاي الاحرف ههههه بس يالا مفيدي للمبتدئين:gem:
|
شكرا كثير عالردود ولو انو في بعض الاخطاء الاملائيي بالكتابة بش مش مشكلي
مشكورين وراح ابلش بالمسبريم מספרים >>>>> الارقام |
يسلموووووووو والله كتير كتير لاني جد حابة اتعلمها وان شالله اتعلمها منيح ويسلمو عالتسجيل والله انك ساعدتيني
يعطيكي العافية:D:D:D |
تسلمي بيتي وانشالله تستفيدي من الموضوع واقدر اساعدك تتعلمي عبراني
وزي ما قلت راح ابلش بالمسبريم מספרים الاعداد : 1 אחד ايحاد 2 שתים شتايم 3 שלוש شلوش 4 ארבע ارفاع 5 חמיש حميش 6 שש شيش 7 שבע شيفاع 8 שמונה شموني 9 תישע تيشاع 10 עשר عيسر وطبعا للمسبريم في قواعد وفي تكملي |
תודה נסמת חיפא
מעניין :o |
يسلموا
سلم ايدكي نسمة حيفا اللي عجبني في الشعب السوري ما يدخل ولا اي لغة اجنبية في حديثهم العام
مثلا نحنا صاير عنا لغة خليط يعني عبري وشوية عربي و3 او4 كلمات انجليزي بس تعال خلينا نعرف نقعد نتكلم بدون اوكي وبيسيدر وكيين وبنجور الله يساعدنا منيح نعرف لغة بس ما ننسى هويتنا العربيه ولغة الام .תודה לך מכל הלב تودا لاخ مي كول هاليف يعني شكرا من كل قلبي . ما بضن موضوعك رح يزعج حدا اذاعة العربيه السوريه فيها نشرة اخبار واغاني وفقرات عبريه . بس نحنا لازم يضايقنا اذا منحكي مع بعض عبري. موضوعك قييم وكل الاحترام الك انا فخور فيكي :ss::ss::clap::clap::clap: |
شكرا الك عالتشجيع
وانا كثير مبسوطة انو موضوعي ما ضايق حدا لانو متل ما بتعرف في كثير عرب بيتضايقة حتى من تعلم العبراني ومعك حق احنا بحيفا وبكل الشمال كثير منحكي عبراني وممكن نكون نحكي عبراني اكثر من العربي كونا كثير منختلط مع اليهود سواء بالشغل او بالجامعات او بالاماكن العامي والمهم انو نكون نفتخر بعروبيتنا مثل ما قلت شكرا الك |
اقتباس:
شكرا على الموضوع بس عندي سؤال حول 4 ארבע ارفاع و 7 שבע شيفاع حرف البيت ב يلفظ v هون صح ؟؟؟ :D |
بالضبط صح
حرف البيت ببعض الكلمات يلفط v وبتقدر تميز من خلال النقطة يلي بتكون داخل حرف البيت اذا كان في نقطة يلفظ ب واذا ما كان بداخلو نقطة يلفظ v |
شكرا على التوضيح
و منتظرين الدروس الجديدة :D |
اقتباس:
ولعيونك هلأ راح انزل درس جديد |
اسا بدي اقطع درس المسبريم شوي وارجع للحروف لأنو باللغة العبرية في بعض الحروف اذا اجت بأخر الكلمي تكتب بشكل ثاني
נ =هذا حرف النون في العبرية يكتب بهذا الشكل في آخر الكلمة ן مثال على حرف النون في وسط الكلمة : אנשים = ناس ، وتلفظ هكذا : أَنَشيم مثال على حرف النون في آخر الكلمة : לבן = أبيض ، وتلفظ هكذا : لَفان الفاء تلفظ v lavan .. פ = هذا حرف الفاء في اللغة العبرية يكتب بهذا الشكل في آخر الكلمة ף مثال على حرف الفاء في وسط الكلمة : נפש = نفس ، وتلفظ هكذا : نيفش، بكسر الياء مثال على حرف الفاء في آخر الكلمة : אלף = ألف (عدد) ، وتلفظ هكذا : إيلِف بكسر اللام . כ =>هذا حرف الخاء في العبرية يكتب بهذا الشكل في آخر الكلمة ך مثال على حرف الخاء في وسط الكلمة : ברכה = بركة ، وتلفظ هكذا : بِرخاه بكسر الباء وبعدم لفظ الهاء بشكل ملحوظ ، يعني بِرخا ... ! مثال على حرف الخاء في آخر الكلمة : מלך = ملك ، وتلفظ هكذا : ميلِخ بكسر الميم وفتح اللام צ =>هذا حرف التساديك في العبرية يكتب بهذا الشكل في آخر الكلمة ץ مثال على حرف التساديك في أول الكلمة : צודק = صادق ، وتلفظ هكذا : تسُديك بضم السين مثال على حرف التساديك في آخر الكلمة : ארץ = أرض ، وتلفظ هكذا :آرِتس بكسر الراء ومدّ الألف. بتمنى تكونو استفدو بتعلم حروف اللغة العبريي وحاولو تجمعو احرف وتكتبو اسمائكو بالعبريي |
يسلم إيديك نسمة حيفا. أنا سمعت إنه اللغة العبرية سهلة لأنها قريبة جداً من العربي، بس المشكلة أنا بعرفش أتعلم غير لما يكون حدا قاعد معي بيفهمني وبيشرحلي :lol:
رح أحاول أفهم أكمن شغلة من الدروس الي حاطيتيها، لأني ناوية أتعلم عبري مستقبلاً وبتمنى أقدر عليه. :D |
مشكورة جدا نسمة حيفا
ارجو ان تستمري في تقديم هذه الدروس لانها تهمني جدا و لك جزيل الشكر سلفا و ارجو ان تقبليني طالبا في دروسك |
يا هلا فيكو
وانشالله اقدر افيدكو ولو بشي بسيط وإسا راح اكمل |
وإسا راح ابلش بالتحيات איחולים -- إيحوليم
سلام - שלום - شلوم مرحبا - הי - هاي صباح الخير - בוקר טוב - بوكر توف ( ف الي فوقها 3 نقط ) نهارك سعيد - יום טוב - يوم توف ( ف الي فوقها 3 نقط ) مساء الخير - ערב טוב - عيرف توف ( ف الي فوقها 3 نقط ) ليله سعيده - לילה טוב - لايلاه توف ( ف الي فوقها 3 نقط ) الوداع - שלום (ביי) - باي الى اللقاء قريباً - להתראות - لهتراؤوت رجاء - בבקשה - ببكشاه شكراً لك - תודה - تودا عفواً - בבקשה اعذرني - סליחה - سليحا آسف - סליחה \ מצתער - متستعير حظاً سعيداً - מזל טוב - مزال توف ( ف الي فوقها 3 نقط ) بالتوفيق - בהצלחה - بهتسلاحا السيد - אדון - أدون السيدة - גברת - جيفيرت ( ف الي فوقها 3 نقط ) משפחה - عائلة - مشبحاه ابو الجد\الجدة - סבא רבא - سافا رافا ( ف الي فوقها 3 نقط ) ام الجد\الجدة - סבתא רבא - سافتا رافا ( ف الي فوقها 3 نقط ) جد - סבא - سافا ( ف الي فوقها 3 نقط ) جدة - סבתא - سافتا ( ف الي فوقها 3 نقط ) اب - אבא - آفا ( ف الي فوقها 3 نقط ) ام - אמא - إيما عم\خال - דוד - دوود عمة خالة - דודה - دوودة اخ - אח - آح اخت - אחות - أحوت زوج - בעל - باعل ابن - בן - بآن بنت - בת - بات حفيد - נכד - نآخد حفيدة - נכדה - نخداه بنت الحفيد\ة - נינה - نينا ابن عم\خال - בן דוד بن دوود بنت عم او خال - בת דוד بات دوود ابن ابن\بنت عم\خال - בן דוד שני - بن دوود شني زوج البنت - בן מאומץ - بن مؤوماتس زوج الاخت - גיס - جيس زوجة الاخ - גיסה - جيساه ابن الاخ\اخت - אחיין - احيان بنت الاخ\اخت - אחיינית - احيانيت ام الزوج\ة - חמות - حموت اب الزوج\ة - חם - حام اخت الزوج\ة - גיסה اخ الزوج\ة - גיס |
شكرا كمان مرة على الدرس الجديد
و على مجهودك في وضع هذه الدروس תודה |
والله حاب أتعلم إذا ممكن
|
اشكر لكي هذه المبادرة و كما قلت من تعلم لغة قوم امن شرهم فما ادراك ما اليهود شكرا:hart:
|
:oops: نسمة حيفا ______ أني يوهيفتخ ميؤود :oops:
|
اقتباس:
يمكن قصدك اوهيف اوتاخ؟ عالعموم مشكورة كتير نسمة حيفا عالموضوع اللي لازم كلنا نشتغل عليه ونستثمر فيه :D |
طيب أنا كيف بدي أتعلم عبري؟ لا عندي صحاب من ال48 والبلد الي ساكنة فيها بتفكر تعلم العبرية تطبيع وما بعرف شو، وأنا بدي أتعلمها غصبن عن أبوي :lol:
|
شكرا كتير على هل موضوع
انا مروه بلشت تعلمني شوي كمان فيهم ، انا بدي اتعلم هل لهجه و كيف ماعم اعرف بس بدي اتعلمها لو شو بيصير لمشكله برسم الحروف ، بس شوي شوي بدي اتعود عليهم شكرا |
أول شي يسلم ديّات كل واحد عم يقدّم هالموضوع .. :D
تاني شي ما عم اقدر اجمع بين لفظ الحرف المفرد ولفظ الحرف بالكلمة :( أنو الحرف لفظوه فوق شكل و بالكلمات شكل .. بعدين حاسس كل الحروف بشبهو بعض بالشكل .. ما عم أقدر ميزون بالشكل طبعاً و شكراً جداً جزيلاً |
اقتباس:
|
اي اكيد رح يكون في مشكلة باللفظ!!
لانو ما رح تقدروا تتعلموا لغة بس عن طريق القراءة لازم كمان تسمعوا وتحاوروا وتحكوا مع ناس بعرفوا عبراني! تحياتي:D |
اقتباس:
|
اقتباس:
|
لك والله انك قمر ما تتوقفي ابدا
|
اقتباس:
عالعموم ازا كان الحكي موجه الي او مش الي كلو منك حلو مقبول شكرا :D |
اقتباس:
|
اقتباس:
اقتباس:
تسلمي يارب ** الشكر طبعا لصاحبت الموضوع واحنا نجوم في سما موضوعها يا قمرالاخوية كلها :D |
مشكورة كتير يا نسمة حيفا ، وبتمنى تكملي معروفك بشرح بعض القواعد لتركيب الكلمات ، ولو عندك رابط لشي قاموس عبري -عربي أو عبري انكليزي ولا بالعكس يا ريت تفيدينا.
وسلمي لي على حيفا وعلى صرفند خصوصي :) حاكم هاي أصلي |
موضوع حلو يا نسومه بس انا برئي انه الاغلبيه راح يتغلبو بالكلمات العبرية بالكتابة عم بقصد و صعب يتعلموهاا بس سهل انهم يتعلمو الكلمة و لفظها كيف صاير مثل نعم=كين لا=لو يمكن=الاي بدي = اني روتسي كتير=هربي بعيد=رحوك تعال=كديما ما في = اين في=ييش الى اخره يعني اكتبيهم من غير كتابتهم بالعربي اسهل عاليهم و اذا على اللفظ بنصير نسجل اصواتنا كيف بنحكيهم عالشان يتعلمو بسرعه و ندرجهم مع الموضوع:larg::sosweet: |
اقتباس:
هلا انا معك بهل فكره انو كمان اسهل ولله ... بس عجبتني هي شغلة التسجيل كمان يا ريت تستعجلو فيها بس :yahoo: |
| الساعة بإيدك هلق يا سيدي 20:26 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون