|
مغامرات .... واحد سوري... بدو يسافر...حلقات متتالية
لح لخصل هون يوميا .. شو عم يصير معي من شغلات زفت وبطيخ... من ورا دفتر الخدمة وجواز الزفت اللي بدي انقلع فيه ما لح احكي عن اليومين الماضيين لح بلش من اليوم ****** صباح الزفت ..... اي الزفت اليوم لعنو نفسي كما هو متوقع يعني ببساطة لح احكيلكم مغامراتي الي عم تصير معي كرمال دفتر العسكرية وجواز البطيخ السفر ببساطة اول يوم بتروحي لهنيك .... بقلك روح ولك ... روح التقيدم بس يوم الاربعا... طيب ليش يعني لازم التعن وانطر ليوم الاربعا ما بيرد بتحمل حالك وبتنقلععععععععععععععععععع عع اي وبترجع يوم البطيخ... بتقدم بتجي الخميس بتاخدو.... وبتقلو يا معلم بدي طلع جواز سفر شو هلا بتحاكي سسييادة ال.... المعظم المفدى بيحكي معك من راس مناخيرو.... اي .. لا ... برا.... بكرا بيقلعك على بطيخ القابون منشان تعمل فحص طبي بتروح لهنيك مرحبا اهلين بالله بدي .... روح ولك:? شبك معلم روح حليق ولك:? قلتلو نعم:shock: قلي روح اخر لفة اشتري شفرة ورجاع:? قلتلو طيب مشيت لقدام ... وكل واحد من هالعساكر عم يتزورك شكل... بقا لاجل الصدفة وانا ماشي شفت رفيقي تبع الباكلوريا بالصف حكينا كلمتين بعدين قلتلو دقيقة فتت لجوا ... قلتلو معلم بدي شفرة :? قلي اي مسيك مكتوب عليا 10 ورقات يفضح اخت النصب مع انو دقني يا دوب يعني .... عطيتو 25 ..قام :? بف سفق الشباك بخلقتي:shock: قلتلو شو مشان ...... قام رد واحد من ورا قلي معوضين معلم :x قلت لحالي ماشي الحال ما حلوة قدام رفيقي الزلمة نعود نفاصل على 15 ورقة رجنا والله فتنا على غرفة تانية ... طبعا بعد كلمة من هون ولك فتنا ولا واحد جزار مجرم... بيكمش هالشفرة وواحد ورى التاني بالدور ... بيعملك لحسة منشان يطري الدقن وبيبلش يشبط ... مفكر حالو عم يجلخ شي ....:x خورفني ونزلي دم الله لا يوفقو وقشلي السكسوكة ينعنو :x المهم بيفوكي متل الغنم الله يعزكم... وواحد ورا التاني بيقشو الدقن المهم قلنا ماشي الحال اخدنا محرمة وروحنا هالكم جرح فتنا هيك قال عالقاعة هونيكي... قلنا حاضر معلم.... فتت لجوا شو يقلي.... عود ولك .. قعدنا هيك كنا شي 20 شب سوا وحاطين شاشة lcd كبيرة والله وعليا غنية رومانسية :lol: بعدين فوتونا كلنا سوا على قاعة كبيرة.... بتفوتي... بيقلك عالغرفة هون فتت وانا قرفان ... بس لما فتتت :sosweet: يا بيي على هالمنظر.... وحدة قاعدتلكم هالقعدة:clap: يا خيي وقاعدة عالكومبيوتر.... وعكيفكم بهاللباس العسكري.. واح تنين ركد بتخليك تعمل بطة 100000 مرة وما بتحس:sosweet: المهم قال عود هون انا من لبكتي وقعت الكرسي الاول .. وقعدت صارت تضحك شو اسمك .. اه مين اي يمان شو كزا مزا .. بعدين شو رقمك:larg: قمت نقلتا رقم الموبايل دغري:yahoo: طرشتو طرش... قالتلي هدي شوي ما بدي هاد بدي الاارضي:pos: قلتلا ماشي... بعدين صورتين صورة وطلعنا ... :cry: المهم رجعن عالنشف طلعنا لهنيك وقف عالحيط ولك... ورا بعض ولك... قال فوتو تعرو يلا:? قلتلو نعم .... قال اي شبك فووتو اشلحو جوا كلكين... قلتلو كلكييييييين يا سلام فتنا لجوا وخود على روايح جرابات وقرف وعكيفكم يمكن ما كان في شوام غيري وغير رفيقي الباقي كلو ديري وما بعرف شو قول اتعرينا ومشي الحال :oops: بعدين اطلع ولك... صفا واحد اح تنين فوق وتحت ارفاع ايديك قال وطلاع ونزيل له يا معلم غير بدل والله ولا حبة ولا رضي ما فهمت ليش هي الحركة بالزات بس هيك بدو... ..... الها تتمة اليوم المسا بازن الله :cry: |
100 ليرة كانت حلت كل هالمشاكل . و ما كان في داعي لكل هالقصص ..
بس ملاحظة صغيرة .. اسـاتك بأول الطريق استحمل لقلك .. :o |
طيب ما اخدتلك صورة معها للئطة:o
هلا انا ما فهمت يعني كنت عم طالع دفتر عسكرية منشان الخدمة؟ و جواز سفر منشان تسافر كيف هيك؟ فهمني:? |
هاها
مسكين اي انا دفعت 1000 ليرة قام اجاني دفتر العسكرية عالبيت الله وكيلك :lol: بلا ما اعمل ولا شي ولا رحت على المركز ولا شي يللا لنشوف التكميلة:D |
اي ناطرين التكميلة
|
خيي يمان بدك تطول بالك شوي .. كلو لهلق اساتو ماشي عادي .. اسا لو كنت متأخر عهادا الفحص الطبي وما اجيت بالقوت الصح بيكون لازم تقطع شي مليون مشوار زيادي .. وكلو عالفاضي ..
بس خيو عندي سؤال او ملاحظة اذا بدك ! ليش كان كل الحكي كأنك عما تحكي القصة لشخصاي .. يعني لوحدة مؤنثة ؟؟؟ انو هوي هيك اما انا ملاحظتي غلط؟؟ وعما استنا الكفاي .. ووقت بتحكيلني شلون حطلك عمو تبع الجوازات ختم الخروج في تاريخ **\**\** الله يوفق لنسفق |
عم نستنى يمان هه........:lol:
|
اوك.... دقايق بس فوت وحشش جوا عالجهاز التاني بنزل التكميلة لعيونكم
احلى شباب خيو هاندسوم نو ماني موجه الحكي للمؤنث بيجوز طلع معي هيك حكي بس ما في شي بنوب:D راجعلكم شوي زغيرة |
مستنيين 8-)
|
انرطلك شوي ما فضيت لسا
|
يمان بدك تتحمل انا تقاتلت مع الضابط
ورجعت معصبه ..... واتصلت بالوالد عم بشروو انو ماحدا استرجى يحكي مع الضابط غيري وعم افرد بطولاتو واني خرستوو ... ولعنت ابوه وما لاقيلك غير بهدله نزلت من السما ......... :frown: هيك ضابط ما بيجي غير بالعين الحمرا :frown: |
:sick:سوري سوري شباب بعرف انو ما كتبت بس والله ما فضيت حتى اني فوت لهون المهم ز... لح كملكم القصة من وقت ما فتت لعندون... المهم بعد نزيل طلاع... حطيتلكم ايدي على راسي:shock: وما لقيت النضارات:?... انا ما بحطون لانو بس جايبون قلت بركي بيلحشونا خدمات ثابتة او شي:p رحت ركد لهنيك وين رايح ولك:x قلتلو دقيقة فتت جبتون وطلعت نفدنا ققولو:larg: المهم حطيتون قام قلي قديش معك ولك:jakoush: قلتلو درجتين بدرجتين معلم ..:sick: وهون قدحني بهدلة قلي شو هي معلم وين قاعدين نحنا :x قلي وقف عجنب قلت لحالي راحت عليي لانو قلي وقف عجنب لحالي ... ولي :cry: بقا ما لقيتو غير بعت رفيقي لعندي لانو كمان نفس الشي قال طلع حاطط نضارات:ss: المهم قعدونا شي نص ساعة كانو باقي الشباب فاتو عملو فحوصاتون وهيك وخلصوا اخدو وراقون وطلعو:pos: انا جن جناني:pos: بدي روح دغري بدي لحق لسا في موافقة وفي كفالة وما بعرف شو فتت بعدين لعند دكتور العينية ولا:?:?:? قال شو ما في حدا والله الدكتور اليوم اجازتو:shock: قلتلو اي وشو المعنى:x قال لح نحولك لمشفى تشرين العسكري قلتلو لك ليش قال بدنا نعرف قديش معك :cry::cry: قلتلو لك خيو ما بقى بدي حطوني ميداني خلص ما بدي ... ويقلي لا بكرا بتشتكي علينا بالجرايد:cry: والله طقو فيوزاتي هون... وهيك بقا المشكلة كمان انو ابي راح وتركني يعني هنيك بالقابون نواحيا قرنة كتير غليظة وعود عريف كيف بدك توصل على مشفى تشرين العسكري...:deal: ولا سبحان الله ما بدو يعقدا كتير بوشي بلاقي رفيقي طالع ومعو نفس الاحالة على المشفة وابوه واقف برا بطلع انا وياه ... ووصلنا ابوه لهنيك وكلشي :deal: قلت لحالي هلا بفوت عالسريع يعمل الفحص وبطلع :? اتاري وين رايح انت في سوريا وفي مؤسسات الدولة ولو :sick: بفوت اول شي وين العيادة العينية شباب عند السكرتيرة الهي ربي ياخدا عم تلت عالتلفون قاعدة:jakoush: ولا شو بتقلي ... بوشك عالطابق السابع... بيكون الاصانصير معجوق شوي بطلع ركد انا ورفيقي لفوق:cry: وما منلاقي غير وحدة تانية شو بتقلنا وين راحيين من ورجيا ياها وبتقلنا بالطايبق الاول :x انا هون عنجد طق مخي نزلت لتحت وقدحتا بهدلة لهي الحمارة...:pos: انو صحي ما لابقلكن يا نسوان شغل:pos::pos::pos: فتنا لهنيك .. مرحبا معلم هي من برا لسا ما فوتونا عالعيادة قال وين الورقة هي الورقة قال اي روح بدا تصديق من مدري شو وبدا تسجيل بالديوان... :cry::sick: وخناااااااااااااااااااااا اااان قلت ببالي ااذا زيارة وفص عين بدا كل هاد معاناه... اهلين :sick:فعلا بلدنا السلام .... ساوينا كلشي وما بعرف شو ... فتنا لجوا قال بدك تنطرلك شي نص ساعة ساعة برياحة قلتلو يستر ستك جدك امك اختك بمعيتك بمعية شواربك كرمال الله :pos: قام اتحيون دحشلو رفيقي بايدو 100 ورقة قام:deal: ربك حميد ساويناها وطلعنا ... ما فرق معي شو طلع رحت للحق هنيك وصلت قال والله العميد مدري العقيد مدري سعيد عم يتغدا... وبعدين رايح يعني راحت للسبت وهي قلعونا لليوم وهلا شوي تانية رايح بلش فتلة اللعنة والي رجعة المسا تنحكي ونقلكم شو صار معنا الهي ربي يعدمني حالي وقت فكرت اني سافر:sick: |
كنت لازم تقلو دكتور
بدال معلم ساعته كان طلع الصبح وانت عما تدعوس :o |
:lol:
عادي اب وليم ... لسا اليوم منزلكم حلقة جديدة ان شاء الله:cry: |
| الساعة بإيدك هلق يا سيدي 17:52 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون