|
الى خبراء الفوتو شوب...... والجميع عطوني رايكم
مرحبا شباب بس حابب اعرف اذا في شي محترف هون فوتو شوب تمامممممم
يعني محترف رسمي لانو بدي نزل كم صورة الي انا مساووييهم وبدي واحد يعطيطيني تقييم للصورة ويقلي بشو غلطان على كلن انا لح نزلهم وبتمنى حتى من يللي ما عندو خبرة انو يعطيني رايو فيها....وعلى كلن مشكوريييييين على مروركم سلفا   في نمطين للصورة التالية....هي وحدة بقلب ووحدة بلا قلب   هي صورة انا عاملها لرفيقي برصاوي هو ....شوفو  |
بيجوز الصور الجاية ما يكون فيها شغل كتير لانو هي اول صور عملتها انا
وهي كم صورة مسخرة على برشلونة....ههههههه    ملاحظة هي الصورة اقرو يللي بالمستطيل الاخضر اول وبعدين اقرو من فوق لتحت عادي  هههههههههههه شوفو هالصورة للامبارد كمان انا مساويها عالسريع  وهي الصورة ساويتها عالسريع ما فيها شغل....وقت رونالدينيو راح على اسرائيل ووزع هدايا على اطفالهم  بتمنى اخر شي انو كل الاعضاء تعطيني رايها بكل الصور....وصورة صورة اذا بيكون اسحن ومن الخبراء بهادا المجال انو يقلولي شو العيب بهي الصور وشكرا الكم اخوكم يمان.....عاشق المدريستا....عاشق الملوك.......ابن الشام |
يمان بشكل عام حلوين بس برأيي بأغلب التصاميم الي حضرتك عاملها مو حاطط براويز والبرواز بيعطي جمالية كتير حلوة للتصميم هاي من وجهة نظري ولو تضيف ع كل تصميم لمسة ابداعية... يعني التصميم مو بس كتابة ... ودمج صور لازم يكون في تعمّق اكتر من هيك بتمنى تتقبل النقد بصدر رحب. وبالاخر النقد مابيتوجه الا للعمل الناجح بالتوفئ. ....... |
اول شي بشكرك كتيييييييييييييييييييييييييييييييييييييييييييييييي يير على ردك الحلو وانا اكيد حطيت هادا الموضوع هون منشان اسمع رايكم وحاول انو استفيد....
المشكلة انو انا ما عندي خبرة بمجال حط البراويز وهيك واذا في بالامكان انو تساعديني...انا بتمنى هادا الشي ومشكورة على رايك...ولا تحرمينا من وجودك او اي حدا عندو اي مجال يسادعني باي شي او راي او كلمة بكون ممنونه شكرا الكم |
بما انو انا مش خبيرة بالمرة بالفوتو شوب ما لقيت عيب :) حلوين يمان
|
شوف خيي
هلق انا عندي 3 نصائح الك اول بالاحرى اربعة 1 عملية القص دائما عندك ما نها كتير مقيقة يعني لازم تكون بعناية اكبر يعني مثلا صورة رونالدو يللي ملبسو فيها قميص مقلم ابيض واسود مثلا انا بعتبرها منفذة بطريقة شوي بدائية يعني اتطلع ع شعار برشلونة وبتلاقي الحواف مو نضيفة ابدا 2 وقت بتقوم بعملية لصق راس ع جسم لازم تنتبه ع درجة تباينلون البشرة وتعدلو يحيث يصير مطابق 3 اختيار الفكرة بالنسبة الي مهم بس التنفيذ هو الاهمم يعني بالصورة تبع بويول ولارسن وايتو الفكرة حلوة بس التنفيذ مانو احترافي مية بالمية ومنشان هيك الصورة فاقدة من بهجتها اخر ملاحظة انك تشجع برشلونة احسن من ريال مدريد ورونالدينهو احسن من رونالدو....هههه...عم امزح بما انا الناديين ما بحبهم بس وجهة نظر انشاء الله تستفيد من الملاحظات التلاتة الاوائل اما الملاحظة الرابعة فهي مزحة سلام حبيب |
مشكووووووووووووووووور كتير على مرورك اخي الكريم
انا قلتلكم شغلة فوق .....انو هدول الوصر تبع المسخرة وهيك...اول صور عملتها يعني ما عملت فيها شي يا دوب كنت اعرف قص شوي وهيك بقا لا تعتب عليي فيهم وقلتلكم انو انا يللي شغال فيهم شوي هنن يللي فق بالرد الاول اقتباس:
اقتباس:
اقتباس:
عم نمزح وانا مع املوك للابد ومستحيل اني شجع برصا لو بيدبخوني شكرا على مرورك بس حابب اسال معقول بهادا المنتدى ما حدا بيعرف فوتو شوب غيركم يعني وين المشرفين وين باقي الشباب:( الا اذا مووضوعي مالو قيم ومالو قيمة وشكرا الك على مرورك |
حبيبنا تكرم عيونك
بالنسبة للملاحظات انا عطيتهم ع اساس الصور يللي شايفهم وكتير حلو اذا صار شغلك افضل هلق بقا يللا فرجينا صورك الجديدة واذا بتريد اي مساعدة انا بساعدك ع قد امكانياتي وفي عندي كتاب ملف pdf عن الفوتوشوب بس ماني متذكر شو مستواه اذا لقيت مستواه متقدم شوي بخبرك منشان اذا بيهمك ابعتلك ياه بس المشكلة انو حجمو كبير شوي سلام واي شي بتريدو نحن جاهزين |
أنا برأي انو اغلب الي موجودين هني مش تصاميم
هني صور مركبة عا بعض :) |
مشكور كتير يا حبيب......والله يعطيك العافية
وانا مو مشكلة عندي الحجم الكبير الا اذا انت بتتدايق بيكون بلاها مو مشكلة معلم انا عندي adsl واذا ممكن حدا يساعد باي شي انا جاهز مشكورين |
مشكورة على مرورك اختي شروق القمر....وبيجوز يكون حكيك صح واوان عم حاول انو اعتلم واستفيد من تجارب غيري وشكرا الك على مرورك:D
|
بعد انت و يا إجا المعلم :o
اي معلم يمان .. هلأ شفت شغلك ظريف و عم تستعمل كل أدوات الفوتوشوب بس الفوتوشوب مو هيك أو مو بس هيك هلأ مثال عل شغل الظريف :  من - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و هاد الموقع كتيير بفيدك - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - تحياتي |
مشكوووووووووووووووور كتير يا معلم الموقع حلو والله.....بس ما قلتلوي بالنسبة للاطارات يا ريت لو حدحا عندو اي شغلة ممكن تفيديني يقلي
وشكرا الكم |
انا شخصيا ما بعتبر موضوع الاطارات ضمن العمل الاحترافي _ انتبه على أي شغل محترفين بتلاقي شي اطارات أو ورود مدموجة بشكل انو بس تغيير الشفافية و من هل قصص ؟
|
اوكي مو مشكلة......بس اذا ممكن حدا يفيدنا لانو ما في غلط بالافداة صح الواحد بيضل بيتعلم بيكون افضل وشكرا الكم
|
يمان اذا بدك انا بعلمك كم درس للاطارات. ........ |
شئ راائع يا اخي انا هيكـ بدي ادمج صور رائعه بس مشكلتي عويصه خخخخخخخخخخخخخخ
بدمج الصور وببان دمجها بدي حدا ينزل موضوع تعليمي لدمج الصوربالشرح والصوره من المحترفين هون لانو ما شاء الله عم شوف محترفين رائعين بالمنتدى للامام ان شا ءالله |
اقتباس:
في دورة بالفوتو شوب عاملها نادي برشلونة وراح يكون بيول هو المحاضر فيها شو رائيك نسجل اسمك معنا انا ما عندي فكرة عن هيك موضوع لكن كبداية بعتقد شغلك حلو بدك متابعة لهيك موضوع |
| الساعة بإيدك هلق يا سيدي 02:47 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون