|
أغاني ثورية
2 ملف مرفق .
بظن هاد أحسن وقت لنسمع هيك أغاني أحسن ما نسمع غير شي .
نقطة أول السطر . |
3 ملف مرفق .
أرجو اذا في حدا عندو شي غنية يحطها ولا يبخل علينا
|
2 ملف مرفق .
..................................
|
2 ملف مرفق .
تابع ..............
|
ممكن طلب في غنية لماجدة الرومي هي قصيدة ل محمود درويش اسما حاصر حصارك عم دور عليا ما عم لائيها ازا في مجال تئدفلنا ياها
|
1 ملف مرفق .
اقتباس:
بس القصيدة اسمها سقط القناع بس معروفة باسم حاصر حصارك |
يسلم ايديك يا فلاش باك ....:D
|
اقتباس:
|
أغاني للجنوب ....أغاني للصمود
2 ملف مرفق .
اسوارة العروس كلمات : جوزيف حرب الحان:فلمون وهبة غناء : فيروز اسوارة العروس مشغولي بالدهب و انت مشغول بقلوب يا تراب الجنوب رسايل الغياب مكتوبه بالسهر و انت بالعز مكتوب يا تراب الجنوب و بتولع حروب و بتنطفي حروب و بتضلك حبيبي يا تراب الجنوب اللي حامل عكتافو زيتون و سنابل قلعة بحر صور صخرة جبل عامل اللي حامل وراق شعرا و عشاق القمر مخبيلن لعراسن خواتم ما بيقدر يحمل ظالم و شو ما اجا شعوب و شو ما راح شعوب كلن راح بيفلو و بيبقى الجنوب لما بغني اسمك بشوف صوتي غلي ايدي صارت غيمي و جبيني علي ... يا جنوب الشمس بتطلع سودا و بيبس الموج اذا بفكر انو ترابك مش الي و يا شعب الشعوب الأقوى من الحروب بتبقى اذا بيبقى يا شعب الجنوب |
تحية للجنوب - زياد الرحباني
1 ملف مرفق .
المقاومة الوطنية اللبنانية - زياد الرحباني خلصوا الأغاني هني و يغنوا عالجنوب خلصوا القصايد هني و يصفوا عالجنوب و لا الشهدا قلوا و لا الشهدا زادوا و اذا واقف جنوب واقف بولادو خلصوا القضايا هني و يردوها عالجنوب كسروا المنابر هني و يعدوا عالجنوب اللي عم يحكوا هو غير اللي ماتوا اللي معطر بكل الأرض دايمن هوي ذاتو هيدي مش غنيي هيدي بس تحية .. و بس |
الله معك يا بيت صامد بالجنوب | وديع الصافي
1 ملف مرفق .
الله معك يا بيت صامد بالجنوب الله معك يا بيت صامد بالجنوب يا التحت سقفك عالوفا ربيتنا مش كثير عليك ترخصلك قلوب بنوب ما بندشرك يا بيتنا بيتي ما برضى يسيب بيتي انا سلاحه ما بتركه للذيب ولا بعير مفتاحه انت الهنا و العز ايامك القصر منه قصر قدامك عالي و عقصور الدني عليتنا يا بيت صامد بالجنوب الله معك بعهد الطفولة فيك عالشمس طلينا من غبرة حفافيك اجيال جنينا ما تخاف مش رح نتركك وحدك بنصغر بعينين الدنيا بعدك ولنو نحبك قد ما حبيتنا يا بيت صامد بالجنوب الله معك موال:ما زال القلب عميخفق ما ساكن يا بيت بعاهدك غيرك ما ساكن الدنيا و كل شي فيها مساكين كلها و كبرها بعدك خراب بيتي ما برضى يسيب بيتي انا سلاحه ما بتركه للذيب ولا بعير مفتاحه انت الهنا و العز ايامك القصر منه قصر قدامك عالي و عقصور الدني عليتنا يا بيت صامد بالجنوب الله معك |
غابت شمس الحق | جوليا بطرس
1 ملف مرفق .
غابت شمس الحق غابت شمس الحق … و صار الفجر غروب وصدر الشرق انشق … اتسكرت الدروب منرفض نحنا نموت … قولولن رح نبقى أرضك و البيوت و الشعب الـ عم يشقى هو النا ياجنوب … ياحبيبي ياجنوب :: كلن ياجنوب باعوك الكلام … و العدل مصلوب عم ينزف السلام كلن ياجنوب باعوك الكلام … و العدل مصلوب عم ينزف السلام شوهمنا الحروب .. شوهمنا الحرب منبقى نحنا هون ويفنى كل الكون ولاينقص حبة بترابك ياجنوب منرفض نحنا نموت :: ماتخاف ياجنوب من غدر الزمان … من ويل الحروب من ولعة الحرمان مع كل اللي صار … مع كل اللي صار رح تبقى انت الدار … و يرجع شجر الغار يزهر كرامة بأرضك ياجنوب منرفض نحنا نموت |
جنوبيون | أحمد قعبور
1 ملف مرفق .
جنوبيون - كلمات: حسن ضاهر ألحان : أحمد قعبور الشمس تأكل لحمهم لكنهم يعاندون الشمس من بطون الأرض يطلعون من عيون الشمس يطلعون من وجه القمر إنهم إنهم إنهم جنوبيون يزرعون الحب و السنابل و التبغ و الرصاص و يكدحون فقراء يكدحون فليلهم طويل و دربهم طويل لكن في عيونهم ألف انقضاض و ألف ألف لعنة على الكلاب الفاجرة متآمرة هذي الكلاب الفاجرة الشمس تأكل لحمهم لكنهم يعاندون الشمس من بطون الأرض يطلعون من عيون الشمس يطلعون من وجه القمر إنهم إنهم إنهم جنوبيون يعانقون الرفش و المعاول و أخمص الخلاص و يزحفون للحقل يزحفون فحقلهم يموت و زهرهم يموت لكن في دمائهم لون الحياة و ألف ألف لعنة على الفاجرة متآمرة هذي الكلاب الفاجرة الشمس تأكل لحمهم لكنهم يعاندون الشمس من بطون الأرض يطلعون من عيون الشمس يطلعون من وجه القمر إنهم إنهم إنهم جنوبيون انهم جنوبيون جنوبيون جنوبيون |
باؤك الله فيكم
باؤك الله فيكم:clap:
|
لبيروت - فيروز
1 ملف مرفق .
لبيروت كلمات: جوزف حرب لبيروت من قلبي سلامٌ لبيروت و قُبلٌ للبحر و البيوت لصخرةٍ كأنها وجه بحارٍ قديمِ هي من روحِ الشعب خمرٌ هي من عرقِهِ خبزٌ و ياسمين فكيف صار طعمها طعم نارٍ و دخانِ لبيروت مجدٌ من رمادٍ لبيروت من دمٍ لولدٍ حُملَ فوق يدها أطفأت مدينتي قنديلها أغلقت بابها أصبحت في السماء وحدها ... وحدها و ليلُ أنتِ لي أنتِ لي أه عانقيني أنتِ لي رايتي و حجرُ الغدِ و موج سفرٍ أزهرت جراح شعبي أزهرت .. دمعة الأمهات .. أنتِ بيروت لي أنتِ لي أه عانقيني |
لك مرحبا
في غنية ما بعرف مين بغنيها...بقولوا فيها... يا راية بلدي المرفوعة في غزة وبيمرج عيووووووووووووووووون عرفتوها؟ ماني متذكرة غير هيدي... انه يمكن يمكن (احمد قعبور)..! |
هي من اهم الاغاني للسيدة فيروز
بعنوان سافرت القضية بس خبروني شلون بعمل ملفات مرفقة .............................................. سافرت القضية سافرت القضية تعرض شكواها في ردهة المحاكم الدولية وكانت الجمعية قد خصصت الجلسة للبحث في قضية القضية وجاء مندوبون عن سائر الأمم جاؤوا من الأمم من دول الشمال والجنوب والدول الصغيرة والدول الكبيرة واجتمع الجميع في جلسة رسمية وكانت الجمعية قد خصصت الجلسة للبحث في قضية القضية وخطب الأمين العام حكى عن السلام وبحث الأعضاء الموضوع، وطرح المشروع عدالة القضية، حرية الشعوب كرامة الإنسان، وشرعة الحقوق وقف إطلاق النار، إنهاء النزاع التصويت، التوصيات، البت في المشاكل المعلقة، الإجماع وصرحت مصادر موثوقة نقلاً عن المراجع المطلعة ودرست الهيئة وارتأت الهيئة وقررت الهيئة إرسال مبعوث وصرح المبعوث بأنه مبعوث من قبل المصادر وأن حلاً ما، في طريق الحل وحين جاء الليل كان القضاة تعبوا أتعبهم طول النقاش فأغلقوا الدفاتر، وذهبوا للنوم وكان في الخارج صوت شتاء وظلام وبائسون يبحثون عن سلام والجوع في ملاجئ المشردين ينام وكانت الرياح ماتزال تقتلع الخيام. ---------------------------------------------- غناء: فيروز كلمات وألحان: الأخوين رحباني من حفلة الجزائر 1968 منقول مايسترو |
سافرت القضية - فيروز
1 ملف مرفق .
مشكرو مايسترو ..
الشي المؤسف انو من ال 1968 لل 2006 ما تغير شي بالنسبة لهلأغنية كأنو فيروز عم تغني للشي اللي عم يصير اليوم :pos: |
| الساعة بإيدك هلق يا سيدي 22:42 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون