|
عزيزي هاني بفقرة حق الدفاع قررت اطرح معك موضوع وعدت الوطواط فيه كمان
كرمال هيك ومن بعد اذنك انو حق الدفاع رح ادعي الوطواط ليكون معنا بهي الفقرة هادا يا اصحاب عم يدور نقاش بيني وبين عدد من كبار الاعضاء بالاخوية بضرورة اغلاق منبر الاخوية الحر بسبب انعدام مستوى الحوار من جهة وبسبب المشاكل اللي اجت منو من اعتقال عدد من الاعضاء وآخرون كريم وايضا بسبب تطاول بعض الاشخاص بلا اي معنى على اشيا ما لازم يتم التطاول عليها وبدون ان احدد الك هاني وللوطواط حق الدفاع عن اقتراح اغلاق منبر الاخوية الحر ملاحظة : جزء كبير من القضية غير صحيح حتى اللحظة على الاقل |
أما بفقرة احكيلي
هاني احكيلنا عن شي شاغلك بالك فضفض النا بلكي ترتاح شوي وبالطريقة اللي بدك حتى لو كان اللي متدايق منو هو انا |
اخر فقرة هاني بدي منك تقدم ضيفتي الجايي دلوعة سوريا
وبشكرك كتير على وجودك معي من جهة وعلى تحملك للاخطاء التقنية اللي صارت مبارح |
اقتباس:
الحلقة منورة بوجودك اقتباس:
كيف بتخيل الحياة بدون حاسة السمع بعتقد ما بقدر عيش بدون حاسة السمع بمجرد اني فقدت حاسة السمع فقدت اي اتصال بالعالم الخارجي وبالتالي فقدت حياة الجماعة وبقيت بحياة فردية منعزلة وهاي اصعب شي عليي فما بتخيل حالي عايش بدون حاسة السمع قادر عيش لو ضحيت باي حاسة غير السمع والنظر اقتباس:
اقتباس:
لهلأ وانا عمري عشرين سنة كل ما بحس حالي متدايق ببكي بين ايديها انتي عطيتني صورة عن اروع شي بالدنيا واللي هوي الام وبهالصورة هاي بتبينك من نظرات الام على ابنها قديش الام عظيمة قديش الام حنونة قديش الام قادرة على العطاء بلمح بهالصورة حنان وعطف وحب اقتباس:
رح علق عالصورة من وجهة نظر واحد قرا الكتاب بدون ما يعرف انو كتاب ديني القرآن الكريم يحوي على عبارات وحكم بتساعدنا على تنظيم حياتنا في كتير اشيا بتعجبني بالقرآن في كتير اشيا بحاول طبقها بحياتي منو وطبعا بنفس الوقت في كتير اشيا ما بتعجبني في مو لانها بتعاكس الديانة المسيحية لاء بالعكس بجوز هالاشيا اللي ما بتعجبني بحس انها ما بتوافق طريقة التفكير اللي بفكر فيها واللي عايش عليها لهيك ما كتير بحب طبقها بحياتي برجع بقول نفس الحكي رح قولو بالنسبة للانجيل وبالنسبة للتوراة مع الاحترام للجميع اول فكرة خطرت على بالي بمجرد شفت هالصورة هيي التسامح الديني ليش ما بعرف اقتباس:
قد ما تكون ظروفك صعبة الا وما يجي يوم وتصير ايامك حلوة هالصورة بتزكرني بالامل والتفاؤل اقتباس:
كمثال بسيط هادا طلع معي من النظر عالصورة : بعد و جفا، هجر وفراق عالبعد نزلت دموع العين جبينك قمر دموعك دم بدر وشفق ومجرحة الخدين الصورة بالنسبة الي تزكير بالرومانس الحزين اقتباس:
عدة خطوط ملونة جمعها بطريقة منسقة ساوى منها شي حلو وشي بسيط وهوي الفراشة بتزكرني بهالصورة بانو بالحياة قد ما يكون في امور معقدة وقد ما تكون الامور صعبة بشوية تنظيم وشوية ترتيب منقدر نطلع من هالتعقيد تبع الحياة ونساوي شيء جميل بسيط |
اقتباس:
اقتباس:
اول الشي رايي بالغناي كناحية اداء بالرغم من انو ما كتير شارك كاظم بالغناي بس اداءو بالمقطع الخاص في كان بشكل رائع متل ما عودنا كاظم بالنسبة لاداء المطربة اللي معا يعني صوت ولا اروع من هيك وكان اختيار موفق انو هيي تأدي هالغناي بالنسبة لموضوع الغناي موضوع الغناي اجا بوقت الحروب فيي عم تزداد كل نهار في تهديدات بحرب جديدة الغناي رسالة موجهة لكل مين بيخطر ببالو انو يفتعل حرب انو له يبا نحنا مانا لعبة بايديك نحنا بيحقلنا نعيش نعيش بحب بدون كراهية نعيش بسلام بدون اسلحة وقتل وتدمير وما بيحقلك انو مين ما كنت انو تسرق مني حقي باني عيش اقتباس:
عفوا فيروز أقاطعك.. أجراس العودة لن تقرع خازوق دق بأسفلنا .. من شرم الشيخ إلى سعسع من أين العودة والعودة تحتاج المدفع و المدفع يلزمه كف و الكف يحتاج لإصبع و الإصبع ملتذ لاهٍ .. في دبر الشعب له مرتع.... عفوا فيروز و معذرة.. أجراس العودة لن تقرع خازوق دق بأسفلنا ... من شرم الشيخ إلى سعسع ... اللعبة اكبر من انو نفهمها لو بدنا نرجع كنا رجعنا من زمان بس نحنا مكيفين او تكيفنا بهالوضع هيك (اغلبية عم احكي) |
اقتباس:
ملاحظة: اضطريت دور على شرح للاية الكريمة على الانترنت فردي رح يكون بناء على الشرح اللي لقيتو رح رد على هالاية الكريمة بعبارة من التطويبات طوبى للمضطهدين من اجل البر ..... طوبى لكم اذا عيروكم واضطهدوكم اي انسان بأي مكان وبأي زمان معرض للاضطهاد ان كان انسان ناجح فهوي معرض لاضطهاد من قبل انسان غيران منو وان كان انسان عادي فهوي معرض لاضطهاد من قبل المجتمع اللي عايش في يعني اي انسان بتمر علي لحظات بيحس حالو انو هوي مضطهد ومكروه من قبل بعض العالم بس يخلي ثقتو بحالو كبيرة يحط هدف قدامو ويمشي علي يعرف هوي لوين رايح وشو بدو من هالحياة وبعدها كل هالاضطهادات هاي ما بتفرق معو "ان مع العسر يسرا" (صدق الله العظيم ) اقتباس:
الانسان ما في يعيش بدون محبة اذا بتلتفت حواليك بتلاقي المحبة بكل مكان المحبة بتخليك مرتاح بحياتك لاحظ وقت بتكون مثلا هيك كتير معصب من شي حدا ووصلت معك لحد انو كرهتو لهالشخص انتي لحالك بتحس حالك مكتئب وانك مانك مبسوط المحبة رياحة وسلام داخلي الك قبل ما تكون لغيرك |
اقتباس:
رغم كل المشاكل رغم حالة الحوار اللي وصللها المنبر رغم الاعتقالات رغم المسبات رغم كل شي اخوية رح تفقد شي كبير وقت اللي بيتسكر المنبر انعدام مستوى الحوار هادا مانو سبب لاغلاق المنبر لانو قادرين بشوية رقابة وصرامة بشوية مشاركات من عالم فهمانة وواعية منرفع مستوى الحوار ومنردو متل ما كان ايام كريم ومتل ما كان ايام االشباب المعتقل تطاول بعض الاشخاص بلا اي معنى على اشيا ما لازم يتم التطاول عليها سمحلي انا حدد قصدك التطاول على المعتقدات الدينية و الله خيو انك تجي تقنع العالم انو كل واحد حر بدينو ويا عالم عيب وما بيصير تتهجمو عالاديان التانية هاي صعبة كل واحد بيفكر حالو هوي الصح وبيوصل بفكرتو للسما انو هوي الصح طبعا وقت انتي بتلاقي حالك مانك قادر تقنعو انو له يا اخونا مو انتي الصح ممكن غيرك كمان يكون صح انا برايي انو تتركو وطنشو معو معو بيعرف انو في غيرو بيفهم وفي غيرو بيستاهل احترام وتقدير احدى اهداف الاخوية كان هدف تعليمي تعلمك احترام الراي الاخر تعلمك كيف تناقش بطريقة صح كيف تاخد وتعطي وهالشي تحقق بشكل كبير من خلال المنبر وانو يجو كم شخص مو فهمانين هالهدف هادا ما بيخلينا ابدا نستسلم متل لما بيفوتو طالبين كسلانين وبيقعدو باخر الصف وبيبلشو يشوشو على رفقاتن اللي حابين يتعلمو ما منجي نحنا منقفل المدرسة او منقفل الصف بسبب هالطالبين لاء بالعكس منحاول نعلمن مرة ومرتين وتلاتة وعشرة (مرات بالحسنى ومرات بالعقاب ) واذا بالاخير ما نفع معاهن التعليم هني لحالن بيأسو يا اما بيقعدو ساكتين يا اما بيبطلو من المدرسة |
اقتباس:
يا سيدي في كتير اشيا شاغلة بالي في قصة الشغل والدراسة وكيف بدي نظم وقتي بيناتن في قصة انو هلأ صارت الساعة تلاتة الصبح عندي ولازم فيق بكر الصبح بكير على جامعتي في قصة النزلة على سوريا وكيف بدي انزل بدون ما انلقط عالعسكرية او على شي تاني في الف قصة وقصة ما بخلص عد للصبح |
اقتباس:
دلوعة سوريا في صمت الحواس الحلقة دي حتكون كلها عسل وقشطة يا باشا كلها دلال وغنج ودلع الله يكون بعونك خيي كنان :o شكرا كتير الك عالحلقة واسف عالتاخير بالردود :D |
كنــان ---------> جاهزة
:akh: |
مسا الخير رؤى بيسعدني تكوني ضيفتي
رؤى لما شخص عزيز عليكي محتاج لعيونك ممكن تتبرعي فيهون |
اقتباس:
بصراحه ... بهالدنيا بنلاقي اكتر من انسان غالي .. والحمدالله عندي كتير .. لو كل واحد طلب مني عين .. او شي مني مابضل للاخر .. جوابي هوو لا .. يعني ممكن ساعدو وكون اكتر من عين ... :D |
عندك استعداد للتبرع بالاعضاء
|
اقتباس:
(بتعرف شي .. يمكن في شخصين بهالدنيا بفديهم بعمري كلو .. امي ..وبابا بس ما حدا غيرهم بيستاهل .. جزء مني ) |
اقتباس:
انا دائما مع فكرة ان الخطأ لا يبرر الخطأ في كل شيء فإن كان هناك اخطاء بالنقاش او بطريقة النقاش او بتوجيه النقاش فيجب تلافيها واصلاحها لا ان يتم اغلاق المنبر أكيد ان هناك (برأيي الشخصي) ضعف لدور الأشراف الآن في المنبر وانا معك في رأيك ان النقاش قد هبط مستواه جداً وقد صرحت بذلك علناً في المنبر نفسه وقلت انه يختلف المنبر اليوم عن المنبر الذي عرفته منذ اكثر من سنة انا اكيد مع حرية الرأي والتعبير بشرط ان تكون ضمن حدود المنطق لا ان نطلق عبارات من احقاد شخصية او من جهل على امور اكبر بكثير من بعض العبارات الفضفاضة التي تردد والمهم ان نحاول دائما عدم التوجه بأهانات شخصية وان نفهم ان النقاش لا يجب ان يتحول الى احكام مسبقة وشخصنة للأمور وان يحكمنا العقل والمنطق في كل ما نتحدث به والأهم ان ينطلق الحوار من المحبة التي يجب ان تجمع الجميع لأننا بالنهاية نسعى لهدف واحد حتى لو تعددت الآراء والطرق والأستراتيجيات |
اسمحيلي ابدا معك بفقرة انا أرى وخمس صور تعبر عن شي حاولي تقوللي كيف شفتيون وشو بيعنولك
    |
اقتباس:
اقتباس:
بتعرف بما اني مغتربه .. يمكن اول شي بيخطر ببالي بهالصورة .. هوو تراب بلدي سوريا ترابنا الي ماحدا عم يعرف قيمتو .. ترابنا الي اغلى من الدهب .. يمكن بيجي على بالي تراب كل الاراضي المحتله ... الي لولا انها غاليه ما حدا بفكر يحتلها هالصوره يمكن بتعبر عن الانسان .. خلقنا من التراب وما بعبي عينا غير التراب كل واحد فينا ... بيتمنى ياخد وياخد وياخد من هالدنيا .... وما بيتذكر يعطي شي :D |
2
الصورة التانيه شجره او بقايا شجره .. باقيه بهالصحرا اكيد المكان مو مكانها ... والعواصف قتلتها .. بس لسا واقفه عم تحاول انها تضل واقفه ... فيها شويه نضال وقوة ... والاهم الثقه .. كتير واثقه بحالها .... بتعطيني هالصورة امل ... اني كون اقوى .. ومارد على الي بعاكسني متل الريح .. :D |
| الساعة بإيدك هلق يا سيدي 00:54 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
