|
التصويت لمسابقة التصوير
سلامات مجددا ً ..
حاليا ً وصلنا للمرحله الأخيره من مسابقه التصوير بأخوية لحزيران 2009 .. - أضغط هنا للأطلاع على الأعلان و أهم احداث المسابقة- .. كانت لجنه التحكيم قد اختارت خلال الاسبوع الماضي 10 لوحات اللي تمّ التوضيح بشأنها بموضوع سابق - أضغط هنا للأطلاع على الموضوع- و حاليا ً رح يبدى التصويت للوحات المرشحه من قبل اللجنه .. لكن قبل الأعلان عن اللوحات في كم نقطه لازم نحكي فيهم : A . شروط التصويت : رجاء عدم التصويت اذا لم تتوافر فيك الشروط المذكوره بالفقره التاليه : 1. يكون تاريخ التسجيل بأخويه قبل تاريخ 7 حزيران 2009 .. أي يعني قبل تاريخ الأعلان عن المسابقة .. 2. أن لا يقل عدد المشاركات الفاعله عن 50 مشاركة ..(( اي مشاركات نقاش / مواضيع .. الخ و ليست من قبيل مشكور ، و الابتسامات و المشاركه بالمسابقات و العد .. الخ )) 3. أن لا يكون اسمك مطروح بين المرشحين صورهم للتصويت ( المشاركين بالمسابقه و غير مطروحه اسماءهم للتصويت يحق لهم التصويت و تصويتهم مرحب فيه ) B. طريقة التصويت :يرجى اتباع الطريقه المذكوره بالفقره التاليه للتصويت و غير هيك رح يعتبر التصويت باطل : يا ريت للي حابب يشارك بالتصويت يقوم باختيار 3 أسـماء من الصور المرشحه( حصرا ً ) و ليس جميع الصور المشاركه بالمسابقه داخل القسم .. و من ثمّ ترتيب الثلاث صور المختاره مع أعطاء نقاط من الأفضل للأقل تفضيلا ً (برأيك) و على الشكل التالي : الصورة س - الافضل برأيك - ( 3 نقاط ) الصوره ع - التفضيل المتوسط - ( 2 نقطه ) الصورة ق - الاقل تفضيلا ً - ( 1 نقطه ) أيضا ً الشخص اللي بقوم بالتصويت مطالب بتوضيح ليش هيك صوّت .. اذا لم يتم الذكر بالمشاركه نفسها و احتجنا لاحقا ً لتوضيح فالعضو اللي شارك بالتصويت مطالب بالتوضيح لينحسب صوته .. الموضوع حاليا ً و لحد طرح الصور المذكوره مفتوح للأسـئله و لكن ريثما يتم نشر الصور و بدأ التصويت فيرجى من المشاركين بالتصويت عدم القيام باقبتاسات و ردود على مشاركة الآخرين و الحفاظ على ترتيب الموضوع على شكل تصويتي فقط ( أي يعني كل عضو حابب يشارك بالتصويت يشارك بالتصويت فقط - مبدئيا ً و رح يتم بعد انتهاء مدّه التصويت فتح الموضوع للنقاش للي حابب يناقش ) مدّة التصويت : يبدأ التصويت بتاريخ 18 تموز صباحاً و بينتهي بتاريخ 28 تموز الساعه 11:59 مساء ً بتوقيت دمشق .. مفاجأت : انتظرو بعض المفاجأت لاحقا ً نقطة أخيره : كنـّا أعلنا سـابقا ً عن أعضاء اللجنه : hashtnasht, boozy, The morning, Nay, باشق مجروح .. نعلن حاليا ً عن انسحاب Nay .. نظرا ً لظروف وقتية منعتها من المشاركة معنا .. ** تنويه اداري : اذا كان اسمك من أحد المرشحين العشره ( أو الـ 11 ) فرجاء عدم الرد حتـّى ينتهي التصويت و شكرا ً ** هامش ** يرجى من الجميع الاطلاع على الموضوع التالي بالبريد للاطلاع على تفسير لبعض التساؤلات عن بعض اللوحات : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ع ع |
الـعشر لـوحات المرشـحه للتصـويت النهائي من قبل الأعضاء باتباع الطريقه المشروحه سـابقا - مرتبه حسب التريب الابجدي - : #1. شوط يا قمر  :larg: ___________________ # 2. قرصان الأدرياتك مهـما ثقـلُ الظّلامُ يبقى النّـورُ أقوى ومهما اقتربَ الموتُ لا بُدَّ من حياة!  _________________ #3 . قمح في كتير غيرها .. بس هاي من أوائل الصور اللي صورتهم ,, وعلاقة المفتاح عملتها .. وهيك طلعت ,, رمز المفتاح  _________________ #4 . ** تعديل اداري ** _________________ Jimy #5  اقتباس:
 _________________ #6. kosayka2  كثيرا من الأشياء نعتبرها أزهارا و لكنها في الحقيفة تكون قضبانا تأسرنا و ربما تأسر ملايين غيرنا -------------------------------------------------- إلى كل من ننتظرهم عندما تصبح الأزهار ............................. قضبانا ________________ #7 SelavI للحرية احكام اما ان تنعزل عن الشمس او تتجهز للانحدار او تبقى قابلا للامتصاص . . . لك حرية الاختيار _______________ THE_unforgiven # 8 آخر اللحظات من لقاء .. عند المغيب ..  _______________ yass #9  خلف القضبان .... ________________ zen # 10  ________________ متل ما وعدنا في مفاجآت غير متوقعه .. و المفاجأه الأولى هي ترشيح لوحه اضافيه قررنا نترك الكم التقدير اذا كانت بتستحق تفوت بالترشيحات او لاء .. (( في المزيد من المفجآت عالطريق :gem: )) الفوتوشوب بايد فنان قد يكون دقيق جدّا ً و ما يبيّن مع خبراتنا المتواضعه لذلك قررنا فتح المجال امام لوحه من اللوحات اللي تم استثنائها كرمال الفوتوشوب (( مش ضمن اللوحات العشر المرشحه )) .. TheLight  شمعتك ما بتنطفي.... _____________ اللوحه متل مو ظاهر فيها بعض الفوتوشوب الخارجي ( اي مش على عناصر الصوره ) الصراحه تمت المراسه مع TheLight سابقا ً و هاد اللي قاله أيضا ً .. و اجمعت جميع أعضاء اللجنه على ترشيح هي الصوره بالنسبه للصور اللي واضح فيها التعديل الفوتوشوبي .. كنا واضحين بالمسابقه و قلنا ممنوع الفوتوشوب نهائيا ً لذلك مافينا نقوم بترشيح هي اللوحه ضمن اللوحات العشر المشرحه لكن قررنا نعطيها فرصه الوصول اليكم عن طريق انها تبقى خيار اذا حدن منكم شاف انها تستحق بالرغم من خرق قوانين المسابقه باستخدام الفوتوشوب انها توصل لذلك رح بنترك هي اللوحه خيار مفتوح .. دمتم و دامت أخويه :akh: |
رح كون اول المصوتين
1. الصورة رقم 7 ل SelavI( 3 نقاط) 2.الصورة رقم 9 ل |yass (2 نقطة) 3.الصورة رقم 8 ل THE_unforgiven (1 نقطة) |
- :SelavI الصورة 7 (3 نقاط) عدم وضوح خلفية الصورة زائد التلج المتناثر عاطيين للصورة جمالية من نوع خاص يمكن يكون الغموض إلي فيها كمان في تناغم بالألوان
- شوط ياقمر: الصورة 1 (2 نقاط) تعابير وجه العازف بتوحي بعلاقة كبيرة بين العازف وبين العود - زين: الصورة 10 (1 نقطة) :D |
الصورة 4 لأبو طوني: 3 نقط
الصورة 2 لقرصان الأدرياتيك: 2 نقط الصورة 3 لقمح: 1 نقطة هامش: صورة "شوط يا قمر" مش مبينة |
هممم .. صورتين ابو طوني وياس .. بيحيرو يعني .. بس .. يعطيهم العافية جميعا ..
نظرا لانو صورة ياس جاية دقيقة اكتر .. وعالية الدقة .. حبيتا اكتر .. رغم انو هديك رائعة .. ياس ابو طوني شوط يا قمر عندي استفسار بس .. الصورة تبع شوط يا قمر بدون فوتوشب معقول !! فائقة الجمال ! بتحس اللي كامشه كتلة من الاحساس مانو عود ابدا ! .. مشكورين شبيبة .. ويعطيكم العافية .. اللي عم يشتغلو عالمسابقة .. :D |
الصورة 4 : ابو طوني : 3 نقاط
الصورة 1 : شوط يا قمر : 2 نقاط الصورة 10 : زين : 1 نقطة :D |
الصورة 2: قرصان الأدرياتك : 3 نقاط فيها أمل الكبير.......الذي يعيشه كثيرون
الصورة 9:yass: نقطتين :نور حقيقة الذي لا يستطيع اي احد ان يحجبه الصور:jimy: 5 :نقطة |
يا جماعه: في أريع صور مو مزبوطين , على زمتي ازنهم مو كلهم فوتوشوب , وفي صور مو ملتقطه من ذات الشّخص . . ! ! مثل : UnForgiven , The Light , Jimmy الخ . . . لذلك أنا بحجب صوتي, وأعترض وبشدّه ! ! :D |
3 نقاط لـ TheLight
2نقاط لـ Jimy 1 نقاط لـ THE_unforgiven صوتت لـ TheLight لأنو لوحتو من حيث الإ ضاءة وزاوية التصوير بتاخد العقل غير انها بتخليني اشعر باحاسيس مختلطة ما بقدر ميّزها عن بعضها.. صوتت لـ Jimy لأنو لوحتو فيها لمسة ابداعية جميلة وزاوية التصوير والبلور يلي بخلفية الصورة عاطيها بعد حلو كتير صوتت لـ THE_unforgiven لأنو المشهد يلي ملتقطو حلو كتير ----------------------- يا شباب صورة ابو ريتا حرام ما تترشح |
Abu ToNi نقاط (3)
yass نقاط (2) selavI نقاط (1) Abu ToNi لانو الصورة كلها امل .. يتحكي كتير .. بحس انو الواحد ما معقول يشوف هيك صورة وما يبتسم ! yass ..ما بعرف كتير بتوحي بالقوة ! وانو في اشيا متل ضو الشمس ما ممكن تتغطى وبتضل قادرة توصل لو انحجبت selavI .. الصورة فيها خيال كتير الواحد ممكن يشوف فيها اكتر من صورة و يمكن بيقدر هو يقرر كيف يفسرها . . . اقتباس:
|
ابو طوني (صورة رقم 4) : 3 نقاط
yass (صورة رقم 9) :2 نقطة قرصان الادرياتيك (صورة قم2) : 1 نقطة ابو طوني : صورة مليانة بالتناقضات الرائعة والحلوة ... ما قدرت ما أعجب بالصورة ويمكن ما فيني اشرح ليش !:oops: yass : صورة رائعة .. مهما حاول الجميع ان يحجب الشمس .. بس نورها الا ما يطلع ورح يطلع ... :D قرصان الادرياتيك : باب الحرية مفتوح مهما كان صغير .. وبالنهاية الا ما يكون في منفس للحرية والحياة :D ------------------------------ ع جنب : الصور كلها حلوة .. حتى تبع شوط وذا لايت وقصي .. كتييييير حلوين :oops: بس انو مجال التصويت محصور بتلت صور للاسف .. وصورة ابو طوني هي اول صورة لفتت نظري :gem: بس هي شغلة الشرح ما حبيتا.. انو عجبتني الصور .. بس ما بعرف ليش ! وما فيني اتفزلك اكتر من هيك :pos: |
**بدي نوّه لشغله .. انت مش مطالب تشرح البعد السابع للصوره بكفي تقول ليش لفتتلك نظرك دونا ً عن غيرها يعني مش شي فنـّي و تحليل الصور و ابعادها السيكلوجيا و الفزيولوجيه لاء انما شرح بسيط انو عجبتني الوانها عجبتني الاضاءه الزاويه الفكره الهيك .. ** |
اقتباس:
صورة أبو طوني: صورة كلها تحدي، قضبان عرَّشت فيها الحياة و الزَّهر تسامق فيها حتى بات يتوعَّد الظلام، الشَّبك متآكل، يعِدُ بحرية ونصر قريبين، والنور خلفه لا محالة قادم! :D صورة قرصان الأدرياتيك: "مهـما ثقـلُ الظّلامُ يبقى النّـورُ أقوى ومهما اقتربَ الموتُ لا بُدَّ من حياة!" هنا قال كل شيء، أعجبتني هذه العين الحادسة :D صورة قمح: صورة تختصر الأمل، مفتاح يغرق نصفه في الظلام، والنصف الآخرمعلَّق بين النور والقلب!!:D |
# 4... ابو طوني 3 نقاط.. من المنظر للاضاءة.. بـ بساطة كمشة امل :)
# 9... ياس 2 نقاط.. بتوحي بالقوة.. رغم كل شي شبابنا رح يطلو و نورهم يعبي الدنيا :D # 1... شوط يا قمر 1 نقاط.. الاضاءة شي رائع.. :D |
1_شوط ياقمر رقم 1 3 نقاط الاضاءة حسستني انو المستهدف بالتصوير ملاك:lol:
2_ ابو طوني رقم 4 نقطتين حسيت بالصورة اكبر تعبير عن كسر ظلام السجن 3_ zen رقم 10 نقطة مستغربة كيف قدر صور بدون ناس بالشام القديمة منظر كتير رائع |
#7 SelavI
3 نقاط .. هلا ليش .. ما بعرف بس انو هيك حبيتا وخلص .. حسيت فيها كتير هيك تكسير وقوّة .. برغم انو شي بسيط متل المي هوي اللي ماشي بالموضوع .. اضافة الى انها بلاك اند وايت .. ابو طوني .. اكتر شي عجبني بهالصورة .. هيي الفراشات اللي واقفة جمب السجن .. وبس the light حبيت البساطة بالموضوع .. والامل .. اضافة الى انها .. ما بعرف .. خيو لا تحسبو صوتي .. بس عنجد ما بعرف شو بدي احكي |
اقتباس:
صورة selavi عجبتني اولا .. ولانو انا بحب الشتا ...:? صورة yass برضو عجبتني .. ومنظر الشمس من ورا الشجر حلو جدا... صورة THE_unforgiven ..لانو بحب منظر الغروب عند البحر ...:oops: |
الصورة رقم 4 صوره ابو طوني 3 نقاط .. .. حسيت بالامل من خلال الضوء والزهر والاخضار ..رغم القضبان ..يعني رغم كل شي بضل في امل مهما كان عتمه
الصوره - صوره قرصان 2 نقطه ..قوه الصخر مع النور الجاي كلها امل الصورة - صوره رقم 10 صوره زين1 نقطه ...التفاصيل ونقاء الصوره كتير حلو ..... وبالتوفيق للكل :D |
|
سلامات ... وأمّا بعد ..
1- الصورة #1 . شوط يا قمر ( 3 نقاط ) صورة شوط يا قمر تم اختيارها بالدرجة الأولى بداية ، للقدرة على توثيق هالاحساس اللي مالو حل ابداً بمكان وبوقت سريع الحركة جداً ، وسريع التغير أيضا من ناحية تعابير الوجه ، وحركة الايد ، والموضع بشكل عام ، بالإضافة لاختيار الزاوية المناسبة، ونهاية وهاد الأهم بالنسبة الي ، انطلاقا من مبدأ انه العدالة المطلقة لا توجد إلا في الموسيقى ، الظلم لا يمكن مواساته إلا بالموسيقى ، آلة العود الموجودة بالصورة لطالما ارتبطت ( معظم ألحانها ) بالرتم الحزين ، والحزن هو الجزء الأكبر المتولد بذاكرة أي شخص بحاجة للعدالة، فـ اخترنا هالصورة. :D 2- الصورة #9 . ياس (2 نقطة / نقاط ) صورة العم ياسين ، وما أدراك ما العم ياسين اختيار هالصورة بالدرجة التانية تم بناءً على انه بعرف الخجل ( أو البخل ) الموجود عند ياسين من ناحية التصوير فـ هاد الشي اللي هو الجرأة بعودة ياسين للتصوير والمشاركة فيها عالعلن كانت سبب كافي لاختيار صورة ياسين بالمرتبة التانية ، بالإضافة لل ( :? ) اللي ولدتو عندي الصورة ، واللي لحد هلق بكل مرة بتطلع فيها لأول وهلة بتبين عندي الشمس لتتحول تدريجياً لثقب ولدته رصاصة ما بـ نص هالانسانية . وبس :D 3- الصورة #11 . لـ حسان "ذا لايت" ( 1 نقطة ) (1) *(1) ... على الرغم من الذكر أو التلميح باستخدام الفوتوشوب ( بأكثر من مكان ) بصورة حسان لكن ما قدرت ما صوّتلها ، وطالما تم سابقاً الحديث عن منع استخدام الفوتوشوب لتعديل عناصر الصورة، لكن اللي بشوفو بصورة حسان هوي التعديلات التالية : 1- إضافة إطار للصورة هاد الشي ما اظن بيلغي / بيعدل / بيغير / بيجمّل.. عناصر الصورة أو الجمالية ، وكإسقاط على أرض الواقع أي مشترك في مسابقة تصويرية ما ... لا / لم / لن يتم منعه من المشاركة إن فضّل المشاركة بصورته مع برواز ... او الصورة فقط مطبوعة على الورق / بدون برواز. 2- إضافة كلمة "إلى كريم" هالإضافة لا تغير أي عنصر من عناصر الصورة، كمان كإسقاط متل الإسقاط السابق، إن شارك بصورة ما وحط اسمه او توقيعه او التاريخ ... الخ عليها ، فهاد رغبةً منه بحماية حقوق الصورة اله فقط ، وبالتالي صورة حسان مافيني اعتبر اضافة هالجملة بهالحجم الصغير أدناه تعديل عالصورة ... وغير ممنوع منطقياً . 3- والأهم ، وجود المساحة السودا حول الشمعة هو بفعل الفوتوشوب، وعادة بيتم منع استخدام الفوتوشوب للقيام بتعديلات غير قابل القيام فيها على أرض الواقع وأثناء استخدام العدسة، لكن : 3 - A ... افتراض عدم استخدام الفوتوشوب : بصفتي مصوّر شبه احترافي ماني قادر أنفي انو هيك لقطة ممكن القيام فيها بدون استخدام الفوتوشوب فقط بامتلاك كاميرا مناسبة ، بإعدادات مخصصة ، وإضاءة معيّنة ليطلع الشكل اللي طلع مع حسان بإخفاء العناصر اللي كانت متواجدة حول الشمعة 3 - B ... بافتراض انه حسان استخدم الفوتوشوب : متل ما قلت سابقاً منع استخدام الفوتوشوب هو منعه مشان استخدامه بتعديل عناصر الصورة اللي ما ممكن عملها باستخدام الكاميرا او الاعدادات او التقنية المناسبة ، وبكل بساطة هون ، باستطاعة أي شخص وضع لوح ورق أو كرتون أو بلاستيك مثقوب على المساحة الظاهرة فيها الشمعة لإظهارها بهالشكل هاد ، فلذلك بصفتي اختصاصي فوتوشوب ( ولا فخر ) بعتقد إن تم استخدام الفوتوشوب بهالصورة ، فهو ما أظن ممنوع حتى بالمسابقات الي على مستوى العالم ، طالما تم استخدامه لتسهيل وتوفير الوقت وليس لإظهار شيء او عنصر ما بالصورة ما من الممكن أظهاره بالوسائل التصويرية المعتادة. وبالنهاية القرار بيرجع للجنة الحكم المعنية بالموضوع باحتساب صوتي ومبرراته من عدمه بونص بوينت : بحال تم رفض احتساب صوتي لصورة حسان فـ بفضّل صوتي يروح لـ : - الصورة #4 . أبو طوني. اقتباس:
ودمتم :akh: |
الصورة 4# لأبو طوني( 3 نقاط )
لأنها أبعد من الصورة , عناصرها بتحمل تعابير مجازية خلاقة (فالغصن الأخضر فيها قد يعبر عن الفكرة ..) الصورة 1# لشوط (نقطتين) لأنها تعبير واقعي عن الحرية .. الصورة THE_unforgiven # 8 (نقطة) بسبب المكان!! .. كونو مش دايما بيحمل الحب حرية! ويعطيكون العافية جميعا:D |
الواحد بيحتار فعلاً شو يختار خصوصي انو مافي رابط مشترك لموضوع اللقطات أو موضوع المسابقة
فالأمر رح يعتمد عالمتلقي "حضرتنا" شو بيحس بكل صورة ... وعهالأساس اخترنا الصور التالية ... 1... صورة رقم 4 ... Abu ToNi حسيت بأمرين مختلفين بهالصورة ... نحن ما مندرك أهمية الأشياء بحياتنا إلا عند حرماننا منها وما مندرك أهمية حريتنا المتصلة بأبسط الأمور إلا لما منكون محجوزين والأمر التاني ... هو الأمل 2 .. الصورة رقم 8 THE_unforgiven اللقطة رائعة وهالـ 2 يلي عم يراقبو المغيب وعابطين بعض ومش مهتمين بالدنيا كلها .. مش مهتمين غير بلحظتهم سوا بيجننوا :oops: 3 ... الصورة رقم 6 kosayka2 ذكرتني بسياج باحة مدرستي الابتدائية :lol: بصراحة الكلام يلي تحت الصورة بيخليك تعرف شو سبب تصويتي لها :D |
الصورة رقم(1) ل شوط يا قمر (3 نقاط) قمة الانصهار بين العازف والموسيقى حسيت اني عم اسمع اللحن لما شفت الصورة
الصورة رقم (4) ل أبو طوني (نقطتين) حتى القضبان تزّهر احياناً الصورة رقم (10) ل زين (نقطة ) استراحة المكان صورة متقنة |
اقتباس:
حابة نـوّه لشي انـّو ما عاد في بيرجع للجنه التحكيم بقى .. لجنه التحكيم خلصت شغلها و هلأ اجازه بهاواي على حساب أخوية 8) .. الباقي كلـّه بيعود للأعضاء و أصواتهم .. :D |
تصويتي :
الصورة رقم 2 : 3 نقطة لـ قرصان الادرياتيك : الصورة كتير رائعة و طبيعية . احلى شي فيها البساطة و الوضوح الصورة رقم 11 : 2 نقطة ذا لايت : صورة ابداعية و ما حسيت استخدام الفوتوشوب فيها مخالف لأنو مو مأثر على عناصرها الاساسية الصورة رقم 1 : نقطة واحدة لـ شوط يا قمر . الصورة رائعة و الاضاءة و احساس العازف و زاوية اخذ الصورة احترافية. كلشي فيها مميز . |
هلق أول صورة عجبتني هي صورة Yass حبيتا يمكن أنا شخصيا ً حسيتا كتير فنية تاني صورة حبيتا هي تبع Jimy الفكرة حسيتا خلاّقة وبتختلف عن كل باقي الصور ملفتة للنظر جدا ً وحبيت صورة أبو طوني .. كمان الصورة معبرة والجملة .. عاطيتا بعد كتير حلو هلق أنا كنت رح صوت لصورة .. ما اختارتا اللجنة لهيك بدي ابدي اعجابي هون فيها  - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
هاي
الصورة الاولى(3) نقاط:Jimy #5 السبب:كوني اعرف صعوبة تصوير الورق بسبب مشكلة انعكاس الضوء اضافة الى ان فكرة الحروف وظلها حلوة, عبارة امارتا او حريّة الاثنين( سبب اهم). الصورة الثانية(2) نقاط: #4 . Abu ToNi السبب: : اختيار زاوية تصوير النافذة بهل روعة شي ذكي. الصورة الثالثة (1) نقطة: # 2. قرصان الأدرياتك السبب: كمان بسبب صعوبة التصوير من مكان مظلم الى مكان مضيء وهاي بدها دقة وزاوية مناسبة. |
اقتباس:
صح وانا كمان ئلت هيك حبيت الشورة كتيييييير لان المنظور هايل كمان المكان بيعطي احساس هيك غريب على مريح. تحياتي الك ساريتا:clap: صورة مميزة عن جد. |
مارح احكي عن زاوية التصوير والاضاءة والدقة بس رح اختار الصور يلي حبيتا هيك بشكل عام...
1- قرصان الادرياتيك (تلت وحدات) الصورة كأنها مأخودة الي خصيصاً..... بقيان خطوة وحدة لنطلع من هالظلمة :lol: 2- ابو طوني (وحدتين) حسيت الشجرتين يلي فصل بيناتون هالشباك، انو عم يتطلعو ببعض وحابين يتعانقو 3- kosayka2 (وحدة) حبيت هالصورة ومابعرف بالضبط ليش :lol: حلوة كتير ======= كمان صورة زين حلوة كتير وعجبتني |
الصورة ( 2 ) قرصان الأدرياتيك ثلاث نقاط.
صورة تعكس الأمل مهما دثرنا الظلام لابد أن نحيك من خيوط الأمل رداء " لأجل حريتي " تصور لو كنت داخل هذا الكهف برهة من الزمن ثم رأيت إشراقة هذا المخرج. الصورة ( 4 ) Abu ToNi نقطتين. بالرغم من قدم القضبان إلا أن روح الحياة والأمل أشرقت مزهرة بين جوانبها ، وجمالية تداخل أوراق الشجر بين القضبان. الصورة ( 6 ) kosayka2 نقطة في هذا الزمن الصعب نرى الجمال بكافة أشكاله ورونقه ولأننا لا نريد إلا أن نرى فقط ما هو جميل يخفى علينا أحيانا ما يحمل هذا الجمال من أشواك آسرة. |
1 صورة جيمي "3 نقاط " حسيتها رغم بساطتها انها صورة كلمة بس هي الكلمة الأهم بوجودنا كبشر.
2 أبو طوني " 2 نقطة" اقتباس:
|
1. الصورة رقم 1 ... ل شوط يا قمر ..
حسيت فيها انعتاق الروح من الجسد بطريقة خاصة ... فعلا اتمنى كنت اكون بالكونسيرت 2. الصورة رقم 11 ... The light انو ولا واحد يقدر يطفي شمعة الامل بداخلنا .. مهما حدث 3. الصورة رقم 5 .. Jimy الفكرة حلوة ..و التصميم حلو .. خصوصا انو الحرية هي غاية |
3 نقط للصوره 9 ل yass..صحي انها بسيطه بس كتير معبره..:D
نقطتين للصوره 2 لقرصان الادرياتيك .. امل قريب بالوصول للحريه..:D نقطه للصوره 4 ل abu toni..مهما كان الانسان مقيد رح يجي يوم و يتحرر:D |
1-أبوطوني "3نقطة":الفكرة واللقطة معبرة بشكل رائع وبصراحة حسيتها "من وحي الجو والمناسبة جداً"...
2-قرصان الادرياتيك "2نقطة" :المكان والاضاءة والزاوية اكتر من رائعة وقرأت فيها كتير افكار... 3-شوط ياقمر "1نقطة": احساس عالي وتوثيق اكتر من رائع للحظة... ولو كانت المسابقة بمناسبة تانية كنت اكيد عطيتها المركز الاول بس حسيت من الضروري اني اختار ضمن عوامل المناسبة |
1-الصورة #4 (3نقاط) لابو طوني. النباتات الطالعة على القضبان بتوحي بالامل.
2-الصورة #3 (2نقطة) لقمح. زاوية التصوير والدقة... 3-الصورة #2 (1 نقطة) لقرصان الادرياتيك. الجهة اللي يتم الخروج منها من الكهف او المغارة بتوحي ببداية جديدة.. |
3 نقاط لـ THE_unforgiven فكرة الصوره والجو حلو
2نقاط لـ TheLight ما عليها تعليق 1 نقاط لـ zen بس لوينو المخلوق الي جاي من بعيد مو موجود * بس الي مصور الصور مو نفس الشخص ! |
1) صورة شـوط يا قمر .. لأنه حسيت بالدفىء والروحانية جواتها ..الصورة احترافية جدا بكل تفاصيلها :)
2) صورة yass .. الشمس بتضل ساطعة حتى لو حاولت تغطيها الظلال .. متل ضو الحرية اللي ما بيموت ! 3) صورة zen .. حلو كيف بتحس هدوء الحارة وبعديها بتشوف الضو والحياة الطبيعية للناس بس يخلص الزقاق ! |
ابو طوني - ( 3 نقاط )
الصوره شوط ياقمر - ( 2 نقطه ) الصورة kosayka2 ( 1 نقطه ) هلا صورة ابو طوني حلوة وبتذكرني بالماضي وخصوصا بيت جدي:lol: ابو طوني لاتزعل بعرف انو قصدك من الصورة غير هيك بس شو بدك تعمل الله علقك بواحد طشمة:pos: وصورة شوط ياقمر هيك بتذكرني بحفلة موسيقية حضرتا ومافهمت شي من الي صار بس كمان حلوة والاضاءة عاطية هيك شعور بالشوئسمو رائع جدا وصورة kosayka2 بتذكرني بالشام :cry: |
رقم الصورة 7 ...3 نقاط (معن حبة مسك)
رقم الصورة 3 ...2 نقط |
| الساعة بإيدك هلق يا سيدي 06:09 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
