احذر!!!!!!!
 

احذر
هو انذاري الأخير
فبعد اليوم لن أسمح........ أن تفضح عيوني مشاعري
و لن أقبل....... أن تقتل حلمي الشاعري
احذر..... فهذا القلب بعد اليوم لن يصفح

بعد اليوم.....
لن أكون ذلك الأليف الذي تجده عندما تناديه
و يبتسم لك رغم اشتعال مآسيه
انتهى عصرك و ماتت أمانيه

بعد اليوم....سترى
كيف يدور الكون على دخان
كيف سينتصر الحق و تندحر الأحزان
بعد اليوم ........سترى
كيف ستهاجمك قوة الأشجان

مين هادا اللي زعلك؟؟؟ بس قوليلي مين هوي عشان اروح اصرخ عليه :aah:
لأ عن جد حلوة كتير شريكة, 100% مشاعر :D :D

خجلتني شريك :oops: يمكن حلوة لأنها طالعة من القلب :hart: بس المكسور :cry:

باطل!!!!!!!!!!!لا عاش مين كسرو... هي أكيد مزح.. أكيد هي انتي اللي نازلة كسر بقلوب الشباب المساكين, وهلأ جاية تعملي حالك مسكينة!!!!! جينو جينو... أكيد كل جلطات القلب هالأيام بسببك..وللا غلطان؟؟ :lol: :lol:

حلوييييي .... بس معصبي شوي زيادي .. روقي يا شيخة... ما في شي بيستاهل ... :D :D

حلوييييي .... بس معصبي شوي زيادي .. روقي يا شيخة... ما في شي بيستاهل ... :D :D

الله يخليلي إياك يا شريك رفعت معنوياتي :cry: :( :) :D :o

كتير حلوة

شايف نفعت الحكاي معك وعم تستخدما كتير :wink:

حلوة يا جينو و الأحلى أنو اسمك مشتق من اسمي جيني :P

هلق بالعادة يا جيني أنا لما بيقولولي اسمك مشتق من الجنان( بما إنو اسمي جين) بقول فشر!!! الجنان مشتق من اسمي :wink: :P

خايف شي يوم تبطل تنفع الشغلة و ساعتها باكل هوا :lol: :lol:

القصة ما قصة تعصيب يا أخ سعيد بس الواحد لما بيحس إنو اللي معو عم يستغل طيبة قلبو و كل ما عطاه بيصير بدو أكتر هيك بيصير فيه!!!

يعني الواحد او الوحدة بالأحرى (لأنو هالقصص بتصير مع البنات أكتر من الشباب) بتوصل لحد ما بقا فيها تتحمل بتنفجر متل ما انا صار فيي !!!!! و الحمدالله إنوو انفجاراتي كلها بتجي يا شعر يا رسم :P

اسمعي مني!!! أنا تعلمت أنو ما أعطي اذا ما اخذ بدال اللي عطيتو.. سميها أنانية اذا بدك , بس اعيقد انو هي افضل طريقة للتعامل , هيك ما حدا بينظلم..

:cry: :cry:

جينو و ياس زعلتوني منكن ..........لك ليش هيك عم يصير معكن :shock:

شو هاي اخد و اعطي و مدري شو ؟؟؟؟ يا جماعة الحب ما هيك .......ما بعرف بس زعلت .......
هلاء اذا الحب موجود من الطرفين فما لازم يصير ها الحكي.
نقطة انتهت الإملا .

و الله يا شيخ هيدي نظريتي أنا , الحب أخد و عطى . بظن أنو اللي بس بدو ياخد بدون ما يعطي أناني و مالو علاقة بالحب , و اللي بس يعطي وما بدو شي بالمقابل بيكون غشيم بعيد عنكون, و بعتقد انو اي علاقة ( على فكرة موبس عاطفية) تكون قائمة على هالمبدأ هي العلاقة الناجحة..

:confo:

و الله فيها وجهة نظر ............ على كل انا رومنسي زيادي عن اللزوم

أنا كمان هيك بعتقد أخد وعطا يعني انو مثلاً أنا أخد و الشخص اللي بحبني يعطيني
على كل حال هالخربوشة بتوضح كلشي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

المشكلة إنو أنا كمان رومنسية كتير :sosweet:

بس الرومنسية بأيامنا عم تتفسر عأساس إنها ضعف و هادا اللي بيصدم و صدقني يا ديموزي كل ما كنت رومنسي أكتر كل ما كانت صدمتك أكبر !!!!! هلق هيك فيك تعرف ليش أنا مصدومة هالقد

و صبح اللي يحب في أيامنا طيب و كمان على نياتو