|
"طيب أردوغان"عربي اكثر من العرب
تحية لهذا الرجل بامتياز
الذي تابع مقابلة رئيس الوزراء التركي" طيب أردوغان" على قناة الجزيرة والذي سمع كلمته امام البرلمان التركي سيقدر شجاعة هذا الرجل. حيث مما قال: - إن الذي يتحمل المسؤولية عما يحدث في غزة هو اسرائيل, في حين ما زال بعض العرب والفلسطينيين منهم يحملون حركة حماس مسؤولية العدوان, وأنها اعطت الذريعة لذلك ! - قال: ان الذي تفعله اسرائيل هو نقطة سوداء في تاريخ الانسانية .وان الصمت الاوربي غير مقبول. وان اسرائيل بعدوانها على غزة هي اهانة لتركيا , وقد كرر هذا اربع مرات في المقابلة. - وقال مخاطبا ليفني : يجب ان تكفوا عن هذه الدعاية الانتخابية بالعدوان على غزة. - قال: انا اتكلم بصفتي رئيس وزراء تركيا, وقد اوقفت لنصف ساعة على حاجز أمني في رام الله ,فأي ديمقراطية تتحدث عنها اسرائيل؟ هل سمعتم من رئيس عربي مثل هذه القوة والشجاعة بالموقف؟ اليس من حقنا توجيه كلمة شكر وتحية لهذا الرجل؟ ومن هو رئيس جامعة الدول العربية هو عمر موسى أم طيب أردوغان؟ |
ففففففففففففففففففففففف
|
اقتباس:
الظاهر من هالرجال طيب بس من الداخل الله يعلم بتمنى يكون صادق بحكيو بتمنى |
وهي تركيا
وينك يا شافيز لما طردت السفير الاسؤائيلي بسبب عدوان تموز ووين شوارع اسبانيا غريب امرنا عن جد اخخخخخخخخخخخخخخ ........ |
فعلا كتير ملفت كان موقف الاتراك حكومة وشعبا , يعني ملايين الاتراك اللي طلعوا مظاهرات كسروا الصورة النمطية اللي حاول النظام العلماني المتطرف في تركيا ترسيخها , وهي انو الاتراك بيكرهوا العرب و هني اصدقاء اسرائيل
اقتباس:
من فترة شاركت بمظاهرة وكان في ألمان عم يهتفوا بالالماني الموت لاسرائيل من شدة تاثرن بصور المجازر اللي كانوا حاملينها الناس معن |
اقتباس:
وأنا عن نفسي ما بلوم الغربي لما يوقف مع اسرائيل لأنو إذا بتشوف ردات الفعل العربية بتلاقيها جداً محدودة وأكبر دليل انو لهلأ ما عملو قمة عربية صح معروفة نتائجها مسبقاً بس يا أخي لما يشوف الغريب والي ماعندو خلفية متينة عن موضوع فلسطين ومشاكلوا مع اليهود لما بيلاقي مافي ردة فعل عربية قوية وبقصد حكومات فرح يقول انو إذا هنن ماعم يدافعوا عن قضيتهم معناها إسرائيل معها حق بيلي عم تساويه معناها لازم نوقف معها, وهي مشكلتنا الكبيرة انو الحكومات العربية ماعم تتفاعل ويكون إلها ردات فعل قوية مع يلي عم يصير بغزة فنحن واجبنا كعرب انو نحسن صورتنا نكسب العالم لصفنا صح ما بيصير بيوم وليلة بس كمان مو أنا و منجعي على جنبي بيصير الي بدي ياه إسرائيل عم تشتغل بجهود جداً كبيرة وقوية لتكسب العالم لصفها |
خلي يسد السفارة الصهوينية ... و ينزل العلم الاسرائيلي ...
خليه يلغي القواعد الامريكية .... و ما يعطي مياهه الاقليمية لحلف الناتو خلي يبطل يقصف شمال العراق و يبطل ينتهك باراضينا .... خلي يتعامل مع الشعب الكردي في تركيا بانصاف ... و مثل الاوادم خليه يكون شريف تجاه المعارضين ..... و خليه يفرج عن اوجلان و بعدين يحكي على تعامل الصهاينة مع الشعب الفلسطيني ... لان الجيش التركي تعامل بنفس القسوة مع كل اللي مو اتراك بالجنس ... و خلي يرجع الااراضي المحتلة و الاسكندرون ... و بعدين افخر فيه ! الحكي ببلاش ... بس الفعل غير شكل |
اقتباس:
كل القرارات اللي اتفضلت فيها مو بايد اردوغان, بايد المؤسسة العسكرية العلمانية في تركيا , واتخاذوا قرار واحد من هالنوع يعني الانتحار السياسي الو و لمشروعو الزلمة عم يحاول يغير واقع بتركيا الو شي 90 سنة , شو بدك ياه يعمل انقلاب , التغيير بيجي ببطئ وهي شفت شلون الاتراك صاروا كلن متعاطفين بشكل كتير كبير مع العرب وهي برايي من علائم هالتغيير الجاي في تركيا يعني انت عامل متل اللي بتقلو نحني السوريين مع الفلسطينيين ومنأيدن, بقلك اي روحوا افتحوا جبهة الجولان بالاول بعدين تعوا احكوا الحكي ببلاش :shock: |
اقتباس:
ومشاكل تركيا معنا وتحالفاتها ما منسية متلها متل حكومة المصريين واللاردنيين والموريتانيين وهلم جرا الحديث بس مجرد مقارنة شو حكا هوي وشو حكو هني .. مجرد حكي صح بس معلش احسن من حكومة جابت احتلال لارضها من شان تستلم متل حكومة العراق الحالية واحسن من حكي مبارك |
اقتباس:
|
اقتباس:
اقتباس:
في شي اسمو انتهاك سيادة ... في شي اسمو دخول و قصف اراضي الجيران ... في شي اسمو قصف قرى بالعمق ........ عملوا السيد اردوغان و ما زال يعملوا ... بدل ما يحكي على احتلال فلسطين ... خلي هو يبطل يحتل اراضي الغير و يقصف اراضي الغير ... خلي يعامل الاكراد بانصاف ... لان هو ايضا ماخذ اراضي ليست له ... يعني واحد يقصف بلدك و يتعدى عليك ....... و يروح يحكي بحقوق الانسان :shock: |
لا تعقّدوا الأمور .. القصّة وما فيها انو الزلمة لسّا باقي فيه شوية شرف..وتأثر بهالمناظر والجرائم اللي عم تصير مو متل القادة العرب واذا العرب ما تحرّكوا وقاموا بالفعل فشو ناطرين من الغريب ؟؟
|
لما بلدي بيدعي ليحتل بلدي غريب
ما في لوم من غيرو اذا اجا شو عمل العراق ضد هجمات الاتراك ع الاكراد العراقيين ؟؟ وشو عملو الاكراد بالاول لحتى صار الهجوم؟؟؟ الاكراد اكيد الهون وضع متردي سواء بالعراق او تركيا او سوريا بس كمان هجماتهون بالدول التلاتة مانها منسية وتطلعون لتقسيم العراق واخد شمال سورية وجزء من تركيا لتاسيس دولة الهون حسب علمي ما كانت موجود ( كدولة ما كقومية لانو القومية الكردية موجودة ) مانو منسى كمان بلاخير باكدج اني ما شايفة تركيا احسن من غيرها لانو معروفة علاقاتها وتوجهاتها بس الموقف الاخير يشاد فيه مقارنة مع ردود الفعل التانية سواء عربية او عالمية |
تحية كبيرة لأردوغان يستاهل ارفعلو الشابو
|
[quote=suryoyo;1195098]خلي يسد السفارة الصهوينية ... و ينزل العلم الاسرائيلي ...
خليه يلغي القواعد الامريكية .... و ما يعطي مياهه الاقليمية لحلف الناتو خلي يبطل يقصف شمال العراق و يبطل ينتهك باراضينا .... خلي يتعامل مع الشعب الكردي في تركيا بانصاف ... و مثل الاوادم خليه يكون شريف تجاه المعارضين ..... و خليه يفرج عن اوجلان و بعدين يحكي على تعامل الصهاينة مع الشعب الفلسطيني .. لان الجيش التركي تعامل بنفس القسوة مع كل اللي مو اتراك بالجنس ... و خلي يرجع الااراضي المحتلة و الاسكندرون ... و بعدين افخر فيه ! يعني بدك ياه غيفارة,وبدك تحل كل مشاكل العالم العالقة وحقوق الانسان,والقضية الكردية.... اعتقد عم تخلط الاوراق ببعضها. انا اقتبست اقواله حول موضوع معين هو العدوان على غزة ,بالمقارنة مع مواقف رؤساء عرب تنطبق عليها ظروف تركيا ,فيها سفارت اسرائيلية وعندها علاقات معها وبقيت صامتة. وما حدا قال ان اردوغان انجز كل مطالب حقوق الانسان والاكراد ... باختصار خلينا ناخذ الموقف الايجابي تجاه الفلسطينين ونبني عليه. |
اقتباس:
حتى تربط موقف سياسي محدد ,بمسألة معقدة مثل حقوق الانسان الي ما في بلد بالعالم الا وينتهكها . التجربة تقول ان الحقوق هاي ما بتنعطى ولو حكوا فيها كل رؤساء العالم.هاي حقوق بدها تضحية من الناس انفسهن. وثاني نقطة نحنا نناقش الموقف من العدوان على غزة ليش تخلط الامور ببعضها وتسوي شوربة( عراق واكراد ولواء اسكندرون واوجلان وحقوق الانسان)؟ |
اقتباس:
كلامك ذكرني بالغرب اللي يقول العرب ارهابيين ... ما الك حق اي تعميم تركيا ما زالت تقصف القرى الكردية داخل العراق ...... و اميركا قصفت قرية حدودية داخل الاراضي السورية ... اذا شفتي فرق بين الحالتين ... ذكرينا فيه وضع الاكراد في تركيا مزري جدا ...... و اجت ايام قصفوهم قصف قوي و مستمر ... و قتلوا الكثيرين مستهدفين بالصواريخ الموجهة على المناطق الامنة ... هؤلاء ايضا شهداء ... من الناحية الانسانية و من الناحية القومية كمان ... هذا اللي اريد اصل له .... انو الاعلام العربي غالبا ينحاز و ينظر للقضايا من منظاره الوحيد لا من الاوجه الاخرى معناها ما يسمع للرأي الآخر ... سلام:D |
اقتباس:
هذا الشخص قصف القرى الامنة ... بالصواريخ متوسطة المدى ... قبل يومين كان في غارة جديدة ... غلى الاراضي العراقية من قبل جيش تركيا العظمى ! اقتباس:
هذا الشخص ما عندو فصام شخصية (سكيزوفرينيا) يعني نفس الشخص اللي يروع الاهالي (العدوان التركي على الآمنين) .... مسوي حاله شخص مسالم و ضد العدوان الصهيوني على الشعب الفلسطيني المحاهد هذه المسرحية من قبل اردوغان ...... ملينا منها لان صارت مفضوحة من زمان ... سلام :D |
أردوغان شجاعة أخرى
بالرد القاسي على بيريس و الانسحاب من مؤتمر دافوس . |
الحلو أبو الروض انو أردوغان انزعج وانسحب وعمرو موسى ضل قاعد عالكرسي كوميديا
|
يا سيدي حلو هاللي عملو هالزلمة ... بس مشان الله انو ما تقارنو تركيا بالاردن ... من ناحية تعداد وعتاد وزفت مزفت .... ينعن سما هالقصة ...
|
لازم كل القادة العرب يطمروا راسهم بالتراب بعد المواقف الشجاعة و الرجولية الي عملها اردوغان
|
حلو
فعلا عمل يستحق التحية منو وشي مخجل و معيب للعرب اللي عملو عمر موسى اللي بان ع حقيقتو |
اقتباس:
لأنو أول شي الاكراد ما بينادوا بالقومية العربية و حتى أنو هنن بيطالبوا بالاستقال الكامل سواء أكراد سوريا أو أكراد العراق او اكراد تركيا و اذا شفنا شو عمل الاكراد بتركيا من منظور حيادي فبيكون الاكراد هنن المعتدين على الاتراك و الجيش التركي من حقو الدفاع عن ارضو |
خجلني..
لما وشو صار أحمر ... أقسم انو أخجل .. عروبتي |
ياصاحبي الي بخجل أكتر لما قال انو تركيا بتدافع أو عم ادافع عن الضعفاء :cry:
|
اقتباس:
|
ma assar hehehe
|
اقتباس:
وحسيت بالحسرة لأننا عرب (قولك يا لوف سوريا منصير أتراك أو فنزويليين حتى نفش خلقنا) |
اقتباس:
الشغلة مو بالايد... |
اقتباس:
وبعدين يا صاحبي الدنيا يوم الك ويوم عليك يعني متل تبع الجزرة يوم بالسلطة ويوم بلشئسمو بلا ما نحكي |
بصراحة مستغرب كلامك . يعني يا أما أنت مو مطلع على الأمور .( السياسة والتاريخ التركي ) يا أما جاية تزت شعارات كبيرة وبس
اقتباس:
اقتباس:
يشيل القواعد مشان يحكي كلمة ؟ . مين الك أنو أي قرار الو وحدو . وين راح الجيش التركي والتيار الأتاتوركي . بعدين لاتنسى أنو القواعد عندو عملها ضمن سيادة دولتو . مابعرف أذا نسيت أنو ماسمحلهم يستخدموهم لمحاربة العراق اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
|
اقتباس:
بالنسبة للشعارات ... التاريخ يعرف مين ابو الشعارات و مين البطل اقتباس:
بس اربكان ما طار لهذا السبب ... و نعرف قوة الجيش و مين مأثر عليه اقتباس:
حسب العقلية الشرقية ... انو عيب نجيب ناس تحمينا ... هذه النظرية المنادى بها في الشرق و الدول الشرقأوسطية ! و فيها ننتقد ال سعود و ال ثاني و ال قابوس ... بس الظاهر آل اردوغان فوق مستوى النقد اقتباس:
بس الارهابي هو الجيش التركي .. اللي يقصف القرى بالوحشية و اللي يتأسر عنده ... مصيره الشرب المبرح . انت تضحك على حالك لو تضحك علينا ؟؟ يعني يجوز ما وصل لوحشية الجيش الاسرائيلي ضد الفلسطينيين ... بس الفرق الوحيد هو انو القرى الكردية في جنوب تركيا و حسب اردوغان (الاتراك الجبليين) ... عبارة عن مجمعات سكنية متفرقة بين الجبال ... و لذلك اسلوب المدن المحروقة ما يجيب نتيجة مع انو حسب الاتراك انو اوجلان و حزب العمال متورط بعمليات ضمن المدنيين .... بس الجيش التركي متورط بنفس الطريقة و العدد الاكبر و من أمر او سمح اردوغان للجيش التركي يدخل العراق بوجود اصدقاهم الاحباء الاميركان و خصوصا تعليق كروكر و قادة الجيش الامريكي ... اللي حسيت بوقتها تعليق لناس خايفين من الاتراك ! يبين مسرحية رائعة ... بين الاميركان و الاتراك .. انو يا اتراك ادخلوا بس لا تتدخلوا بمصالحنا و كسروا شوي بالحكومة المحلية في اربيل و لو ما كان امريكا موافقة 100% على الدخول ... كان دخلت ايران ايضا بحجة "منظمة مجاهدي خلق" بس متعجب نو اول مرة شوفك تكتب كلمة ارهابيين ... لان ما شايف لك تعليق عن القاعدة و حاكي عليهم بهذا الاسم ... عجيب أمر غريب قضية :lol: اقتباس:
بحيث التواجد العسكري المكثف في الجنوب التركي ... و العمليات العسكرية اكثر من مرة ... و لاحق المترمدين داخل الاراضي العراقية و انتهك سيادة العراق بهذا التغيير الجذري بس هذا مو جديد على جيش تاريخه معروف اقتباس:
اقتباس:
اقتباس:
تحية :D |
اقتباس:
حبيت بس اقتبس هيداالمقطع .. يعني لازم اكيد تكون على اطلاع بالخلاف الحاصل ما بين الحكومة التركية الحالية والجيش التركي وخاصة تصريحات الضباط بعد الموقف الاخير بمؤتمر دافوس .... انت كتير وسعت الموضوع .. يعني لا خلاف عن تاريخ تركيا القمعي ويلي بيقابلو تماما قمع كتير دول عربية لمعارضيها من العراق لسورية لمصر للاردن وهلم جرا وتجرارا .. بس الحكي عن موقف واحد تم بظروف الحرب على غرة .. والكلام يلي انحكى كان اشادة بموقف الحكومةالتركية وقتها بس انت كتير اخدت ابعاد واسعة للموضوع .. يا ترى لما قرر شافيز يطرد السفير الاسرائيلي ما كان كمان خرج نكتب عن سلبيات حكومتو ؟؟؟ ما حد اتطرق للموضوع .. فقط كان تعليق على موقف حكومة غير عربية من قضية عربية .. بتوقع هون كان المقصد .... بس انت شوي اخدت الموضع بحساسية زايدة ع فكرة انا ضد كل اسلوب حكم ديني سواء اسلامي او غيرو .. بس ما عم بشتغل حاليا لا الاحزاب يلي توجهاتها دينية .. من حزب الله لحماس لحزب العدالة والتنمية التركي ........... بس يحي طرف تاني سواءمن اليسار او مناليمين تكون افكارو وطروحاتو خادمة لقضية عربية بتهمنا ما بتوقع وقتها رح نبخل عليها ........ تماما متل ما خصل مع تصرف شافيز والحكومة الفنزويلية |
احيي اوردغان على مواقفه الشجاعة بي تطرف..........بيكفي في نخوة أكتر من كتير حكام العرب
|
اقتباس:
اقتباس:
غريب تسمية رأي عام واضح من شخص المفروض أنو مثقف متلك بأنو قطيع . وين شفتها ضيقة ومحدوة ؟ . خليني أجي معك وعكسلي الصورة . وين أخطاء أردوغان الكثيرة . لحتى تكون وجهة النظر ضيقة . قصة الكراد مردود عليها والحجة ضعيفة و عدا عن أنو أكيد أخر همك الأكراد اقتباس:
لكن أربكان ليش طار . بس ماتميعلي الموضوع وتقلي محاربة العلمانية متل مابيقولو :lol: ضمن سيادة دولتو :lol: حسب العقلية الشرقية ... انو عيب نجيب ناس تحمينا ... هذه النظرية المنادى بها في الشرق و الدول الشرقأوسطية ! و فيها ننتقد ال سعود و ال ثاني و ال قابوس ... بس الظاهر آل اردوغان فوق مستوى النقد يمكن عندك مشكلة بفهم كلامي . أنا مادافعت عن وجودها . بس انا قلت انها أفضل من مثيلاتها بكتير . وأي حدا بدي هاجم أخطائو لما بيخطئ . ودافع عن الصح لما بيعملو . (من وجهة نظري ) . لما بهاجم ال سعود أو غيرهم أنا بهاجم خطأ عم يعملوه من وجهة نظري . بيضر بالأمة العربية . يلي أنت مابتعترف فيها . متل لما بنتقد بلدي على غلط . لأني بتمنى رفعتو اقتباس:
تانيا الفرق بتشبيهك بين الاسرائيليين والأتراك مغلوط جدا أردوغان أول رئيس وزراء تركي بيزو المناطق الجنوبية التركية . وبيتواصل مع أهلها . وسمح للأكراد بتوسيع أحزابهم . وسمحلهم لأول مرة يلقو القسم تحت قبةالبرلمان باللغة الكردية . وأفتتحو أول محطة تلفزيونية باللغة الكردية كل هاد أكيد مابيتشبه باسرائيل يلي ضمن التهدئة تعمل غارات وتقتل فلسطينيين . وسكرت المعابر . ومنعت عنهم الطعام والدواء والنفط . تخيل الأتراك عملو هيك مع الأكراد اقتباس:
اقتباس:
اقتباس:
اقتباس:
اقتباس:
أي خلص . وأنا مارح أحكي لنرجع نفتح جبهة الجولان . :lol: اقتباس:
والسعوديين هلأ بقصة غزة عملوني فارسي شيعي وهلأ طلعت من ضمن القطيع :lol: . غريب أنك قاعد بمنتدى وبموضوع كلهم قطيع اقتباس:
|
اقتباس:
بس القصة انو كل ما نحكي كلمة تنخذ الامور لمكان ثاني انا مع تصرفه الاخير في مؤتمر دافوس و هذا شيئ جيد ... بس كمان ما لازم ياخذ ابعاد ثانية و كبيرة جدا التعبير عن الاستياء شي و العمل شي تاني خلينا نكون صريحين نفس الشخص في نفس الوقت تحديدا اخذ حجة و دخل للعراق و قصف الناس و القرى ... شلون نثق فيه انو متأثر على اطفال غزة ... و هي مو حساسية ... هي تفكير بالموضوع من باب تفكير جدي قدر الامكان ... اقتباس:
اول شي شافيز ... طرد السفير و قطع العلاقات ... و ايضا موقف بوليفيا اللي عملت نفس الشي اقتدت فيه شافيز من اول ما استلم الحكم قرر يمشي على محور اميركا اللاتينية لا على محور الاميركان ... شافيز على حد ما تقدمه الفضائيات العربية عن الوضع هناك ... ما بعث جيش على كولومبيا او بيرو ... او على الاقل ما حاول يأثر على قرار الدول العربية !!! على العموم لو نفترض حضرتك من بيرو و شافيز بعث جيش على بيرو بوقت الهجوم على غزة ... كنتي رح تعجبي فيه لو كنتي رح تقولي عليه كذاب و هي مو من باب قومي ... و انما من باب تصرف الشخص كوحدة متكاملة .. لا عن موقف بسيط مقابل المواقف الاخرى اقتباس:
رح قلك شي ... انا مو ضد اردوغان لانه اسلامي ... انا ضدو لانو تركي ضدو لان ما غير اي شي من تصرفات تركيا على الصعيد الاقليمي و الداخلي ... مجرد انو يحكي اكثر مما يفعل |
لضيق الوقت رح رد بشي بسيط ... و الرد الكامل جاي ...
اقتباس:
ثاني شي ... انا من علقت على قضية قتل الاكراد و اوجلان تحديدا ... مو من باب اني مع تحررهم و تكوين دولة .. انما من باب انساني ... اوجلان معتقل (بحسب الاكراد أسير) ... و هي ما تحتاج دليل ... !! و وجود اوجلان و غيرو بالسجون معروفة و سلب حرية شخص و منعه من التعبير .. حجة قوية و ما يحقلنا تبرير هذا العمل اساسا او التغاضي عنه بأي شكل من الاشكال التعذيب بالسجون معروف ... بكل المنطقة ... و من يسمح النظام الشمولي في تركيا للصليب الاحمر او اي منظمة اخرى بالوصول "بحرية" الى هذه المناطق و الى السجون ... نتناقش على الدلائل اقتباس:
كتر خيرو .. فتح قناة كردية ! و أكيد مسموح لهذه القناة تحكي عن اوجلان و رح تحكي طموحات الشعب اللي يحب الحكومة و الجيش ! مرحبا عليك .. تركيا بالشرق الاوسط ! لو كنت كردي في تركيا ... كنت تثق بالاحزاب الكردية الموالية للحكومة التركية لو كنت تقول مجرد ناس اكراد يحبوا الحكومة ؟؟؟ اقتباس:
قتل شخص هو جريمة ... و قتل 100 ايضا جريمة و لكن منظمة و بالحالتين ... القتل هو قتل و القمع هو قمع ... لكن "العافية درجات" اقتباس:
انا مو مثقف ... انما احاول اقرا كل الابعاد اذا تلاحظ الاعلامن العربي ... كل فترة له قضية و له نفس الاخبار ... و لو كانت دارفور في دولة تشاد لكان يوميا نسمع تصريحات القوى في دارفور و ادانة للنظام التشادي المجرم... بس لان المكان بالسودان ... ما هتف الاعلام العربي لحرية اهالي دارفور و قضيتهم المشروعة بالانفصال و التحرر ! هي تحتاج موضوع خاص و موسع ... بس بيت اعطي مثال بسيط العالم العربي هتف لعبد الناصر بيوم من الايام ... و بعد فترة طلع ما كان يحبوا !! وقت اللي كان الاتجاه العربي يساري ... كانت الاخبار اليسارية و وقت كان الراي العام العربي يميني .. صارت الاخبار يمينية و تميل للدين ! و هي على مستوى الجهات كافة |
اقتباس:
مشان هيك عمل اردوغان هالحركة مشان يعوض هالشي و يرجع الاتراك ينتخبوا حزبو و يضل ماسك السلطة. |
اقتباس:
هي اسمها الحلقة المفرغة ... ممكن هو او حزبو يكون قتل الكثيرين .. بس الجيش او الدولة اكيد لهم عمليات عسكرية مكثفة و اكيد ادت الى قتل المدنيين و خصوصا بمنطقة مثل جنوب تركيا و بوجود الجيش التركي تحديدا .. اقتباس:
اي بس هناك نظام يقود الدولة مهما كان الحزب الحاكم ... اما شغلة الشفافية و الديمقراطية .... في وضع حرج مثل وضع جنوب تركيا .. صعب تتحقق بشكل مثالي ... خصوصا ان هناك افراد ملاحقين و حركات محظور الانتماء اليها ... و هناك مشكلة اعتراف بالاقليات ... الى الان في تركيا ... الاكراد بالنسبة للدولة هم اتراك جبليين ... انا عن نفسي .. ما اريد ادخل كثير بالوضع هناك .. لكن حتما هذه المشكلة لن تحل بيوم او يومين ... ما دام عناك طبقتين من الشعب ... و اي شخص يزور ديار بكر او اورفا رح يشوف فرق كبير عن مناطق الشمال ... اقتباس:
هذه قصة مختلفة ... حسب القوانين الدولية ممنوع جيش دولة يدخل اراضي دولة مجاورة ... حسب المصادر التركية .. انو تم قتل عدد كبير من حزب العمال في العمليات التي تمت على الاراضي العراقية ... و هذا اعتداء على سيادة العراق اولا ... و محاكمة القتلة وفق القوانين العراقية ... لان القتل و العمليات العسكرية حدثت في العراق .. و لو هذه العمليات ادت الى قتل عراقي واحد ... او 10 .... هي جريمة كبرى .. تضاف الى سلاسل جرائم الجيش التركي المشهور بالقسوة اقتباس:
هذا الشي حدث بعد سنوات طويلة من المعارك و من السياسة .... حصلوا على قناوات تلفزيونية ... اما بالنسبة لعدد النواب .. فهذا قد يكون متناسب مع عددهم (على ما اعرف هم بالملايين) ... اما دورات اللغة الكردية .. فعلا تعجبت من هذا الخبر .. على انه من منجزات حكومة الثورة الاتاتوركية :lol::lol: اي مجموعة عرقية (حتى لو كانت قرية واحدة) في أي بلد في العالم .. تدرس لغتها ضمن المدارس الرسمية في مناطقها ... لكن من تتكلم عن تدريس اللغة الكردية في مدارس انقرة للاكراد الساكنين هناك .... هذا يعتبر انجاز حقيقي:D و على هذا الكلام ... الاكراد في العراق ضمن قانون الحكم الذاتي 1977 ... كانوا محصلين اضعاف ما تتحدث به من منجزات من ما حصلوه اكراد تركيا ... الجيش التركي معروف عنه قتل المتسللين الى تركيا ... بينما في بلدان الشفافية مثل اوربا يتعاملوا مع اللاجئين بطريقة متحضرة على الاقل ! اقتباس:
الحلة كثير مختلفة ما تنسى انو هناك اقليم كبير يعيش فيه الاكراد في تركيا ... اقتباس:
اي انا عنصري ! تعرف جيدا ... انو تصرفات العثمانيين و من بعدهم اتاتورك كانت قمة العنصرية ... الاول اضطهد الناس دينيا و طائفيا .. و الثاني اضطهد الناس عرقيا ... و الحكومة التركية الى اليوم ... لها سياسات عدائية ضد الاخرين ... و تفتخر بقياديها العنصريين ابسط مثال ... نهر دجلة ... نهر دجلة في هذه الايام في فصل الشتاء منسوبه اوطى مما تتخيل بحيث ينمو القصب في وسط النهر ... و هذا كله بسبب بناء السدود المستمر من قبل الحكومة التركية ( و طبعا ترمي القانون الدولي عرض الحائط لان العراق دولة المصب) ... و اذا استمروا الاتراك وفق سياسة القوة و الجبر الممارسة من زمن بعيد ... ما رح يبقى دجلة نهر كبير مثل ما معروف بالعالم و انا ضد اردوغان لانه رئيس حكومة تركيا ,,, لان هذه السياسة و العنجهية و فرض القوة و سياسة الجبر من قبل الجيش التركي .. ما رح تتغير بيوم و ليلة ... اتمنى تكون وجهة نظري قد وصلت ... اقتباس:
|
| الساعة بإيدك هلق يا سيدي 06:26 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون