|
تدخل الأهل في الحب...........
مسا الخير جميعا :D
حابة آخد رأيكون بموضوع وهوي تدخل الأهل بالحب وباختيار شريك الحياة ....... أنا من الناس اللي كتير بطيع أهلي لأبعد الحدود ولكن مع ذلك لم أستطع أن أطيع أهلي في مسألة الحب وحاربت كثيرا من أجل حبي......... ولكن اللي صدمني وزعجني هو انصياع الحبيب لأهله وابتعاده ......... يا ترى مزبوط متل ما بيقولوا أنو الشباب بيرضخوا لحكم أهلون بالحب أكتر من البنات؟ وأنتو شو رأيكون معقول تنصاعوا لأهلكون ضد حبكون ولا بتحاربو من أجل حبكون؟؟؟؟؟؟؟ طبعا هادا السؤال في حالة أنو أهلكون ما بدون أنو اتحبوا الشخص اللي اخترتوه؟ مستناية ردودكون:D |
والله في كتير شباب بنصاعو لاهلهم في هاي الشغلات ويا حرام البنت هي بتروح بين الاجرين بعد ما تعادي الكل بيتركها هو
انا بشوف انو البنت ما لازم تعمل اي اشي ضدد اهلها يعني تخالفهم بالراي الا ازا اتاكدت انه الشخص يلي بتحبه رح يعمل نفسي الشي وما رح يتخلى عنها يسلمو على الموضوع |
اقتباس:
يسلمووو عالموضوع :D |
أهلا وسهلا ب eng.munther ,red rose
والله حكيكون مزبوط بس في كتير أحيان منكون متأكدين من اشخاص بعدين بطلع مع هالأشخاص ردود فعل غير متوقعة شكرا ع مروركون ومية:Dوردة |
ممم اول شي اانا مع رأي الاهل مية مية هاد مو اسمو تدخل ... الاهل هني الي جابونا وربونا معقول نسميه تدخل... بس رح قول شغلة يمكن انا من الناس الي حبيت شخص ماحدا كان موافق عليه بس بصراحة بعد سنة حسيت انو نظرة اهلي كانت اعمق ...وابعد ... منشان هيك قرار مصيري مالازم ناخدو لحالنا والحب دايما هوي بنظرنا الاساس ومننسى او منتجاهل الامور الاهم الي منكون مو شايفينا...اهلنا دايما اصحاب خبرة اكبر ومعرفة اكبر .... |
احيانابيكونوا الاهل على غلط بس للصراحة اكتر الاحيان بيكونوا الاهل شايفين شغلات نحن مو شايفينها لهيك دايما راين لازم يكون الوا حساب بعدين وانا اسفة بس انت الحق عليك كان لازم تقليلو انو انا بوقف بوش العالم كلها اذا انت كنت واقف معي وبعدين تتاكدي انو هو جد رح يوقف جنبك بعدين اذا كنت كتر حاببتي بتوقفي بوش الدنيا ملها مو بس اهلك
|
طبعا عمرو الشب ما بحب وبيخلص متل البنت وهاد الشي معروف فأكيد لما الاهل ما بدهم البنت هو بكل سهولة بيتركها اما البنت فبتضل تقنع اهلها وتعمل كل شي علشانو وبالاخر بتلاقيه تاركها ورايح:( ما رح احكيلك ازا اهلي ما وافقوا على اللي بدي اياه لانو مو هاد الحكي عنا بالعيلة لانو القرار بيرجع لصاحبة القرار:) وميرسي كتير عالموضوع:D
|
كبر معلاق......
|
اقتباس:
اي |
بالحب لازم التوفيق بين رأي الأهل لأنو ممكن يكون صحيح بالشخص يلي تحبو
و رأي الروح يعني أنتي بتحبي و لا لأ وهيك يكون تعاملتي بكل موضوعية مع حجرة العثر هي |
لازم نوجد صيغة للتوافق بين الاهل والعشاق مع العلم انو معظم المشاكل هيي دينية تافهة بس شو بدنا نعمل
|
والله بصراحة الاهل على حق دايماً حتى لو نحن منشوف بالوقت الحاضر أنو أرائن ما بتظبط معنا بس بالاخير و مع مرور الزمن منكتشف انو رأين هو الصح (تجربة شخصية)
والله مافي شي بيعوض عن الاب و الام(تخسري الحب العمر كللو ولا تخسري الاهل لحظة وحدة):pos: |
أنا ...أهلي ما إلون علاقة فيني ....
كافة القرارات تصدر عن دماغي ... العزيز ...وبخاصة الحب ... علوا حب الصخر مين إلو دخل .. المهم اني كون مبسوط :pos: |
برافو بنشر :gem:
|
والله ...انو يا سارة ..انت تحفة فنية ... عقلك ..متل عقلي
أنا برأيي الحب .. انو الإنسان طالما ...مبسوط مع حبيبو ..ما لازم يهمو حدا ... لأنو أساس ..الحب هوي التفاهم وطبعا الأهل بيضلو إلون احترام ورأي ...بس بالحب ...ما حدا دخلو |
بس اللي هيك الله يوفقهم وما يصير بيناتهم سوء تفاهم لانو اول مارح يشمت
هو الاهل ويبلشو يقولو كاني ماني:pos: |
لك بنشر من اي مقبره نابشوو للموضوع لك حتى المشتركيين اللي فيوو متوفيين :shock: :pos:
هيك الزهئ بيعمل ايييييييييه منو العوض وعلييه العوض :cry: :cry: يا حوينت شبابك يا خويه (تراجيديا مصريه :p |
موضوع حلو الصراحه
انا مع انو اهلي يدخلو بس بحدود المعقول لانو بالنهايه القرار راجع ألي وانا يلي بقرر فيه بس متل ما حكة قلب كفرون انا حبية انسانه 4 سنين و بالنهايه بس مشان كلمة من اهلها نسيتن و خطبة واحد تاني و بكل بساطه اوكي حلو التدخل بس كمان لكل شي حد و خلو الشخص يختار بنفسو يلي بدو يمكل حياتو معو وشكرا على الموضوع |
| الساعة بإيدك هلق يا سيدي 01:48 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون