|
إلى مشجعي الكرامة : نسور سوريا
مرحبا شباب :سوريا:
صحي أنا ماني من حمص بس بعد ما شفت نادي الكرامة عشقت حمص وهوا حمص وتراب حمص:hart: باقي أربع أيام لبداية الأـسبوع الدهبي لنادي الكرامة ( إن شاء الله ) متل ما بتعرفو الأربعاء القادم الساعة تمانة أهم كمباراة للكرامة ( مع سابا ) وإن شاء بشرشحوك يا دائي وكمان الكرامة باقيله فوز واحد بالدوري وبيحسم اللقب لمصلحته وعنده مباراة بكرة مع المجد بكأس الجمهورية اللي رح يكون من نصيبه بإذن الله هو وكأس أسيا للأندية يعني بإذن الله رح يبيضها من مجاميعه ويلم كل الكؤوس السنة بدي منكن شوية تشجيع لنسور سوريا وكل واحد بفوت بحط رأيه وتشجيعه وتوقعاته للمباراة تبع سابا ومين رح يحط كوالنا الأربعة بإذن الله8) وياريت دخيل عينكون تتوقعولي تشكيلة الفريق مو كلها بالضرورة بس أهم شي مين رح يكون حارسنا من جهتي بتمنى يكون حبيب قلبي عدنان :adal: مع احترامي الكامل طبعاً لمصعب;-) مع أحلى تحياتي لحمص الأبية اللي ولدت هالنسور اللي رفعوا راسنا التوقيع : أرجنتيني , مدريدي |
يا خيي سماع تقلك ...
رح يفوزوا على سابا 2*1 وعلى المجد 4*0 ورح يفوزوا بالدوري .... وأحلى تحية من فرنسي مدريدي جبلاوي .. لأحلى كرامة ( والله بيستاهل أحلى لعب بسوريا فريق الكرامة ) لازم من زمان يفوز بالدوري بس يا أخي ما في حظ |
لك دخيل شواربكون ما احلاكون خيو نحنا دمنا ازرق....واحلى تحية لكل كرماوي معي هون...
والله يا صياد حكيك مظبوط مافي حظ ..والفريق ابدع مؤخرا بس خصير ادام الوحدة الماراتي بسبب الرطوبة ... وهالسنة الدوري النا ما عكيف حدا .. تحياتي شباب |
اقتباس:
خيو مو ملاحظ إنو نحنا التنين أرائنا كتير متشابهة منحب ريال مدريد منحب الكرامة ومن ناحيتي بحب جورج وسوف ( بس كشخص أكتر من صوت مع احترامي لصوته وأكيد مو واحد متلي بدو يعلق على صوت هالأستاذ الكبير ) وبخبرك بالأخير إني جبلاوي متلك ( يعني من جبلة ) بس خيو أنا ما فيني شجع جبلة لإنهن عمرهن ما فازو بس طبعاً قلبي دايما معهن على راسي الحبيب والله |
اقتباس:
|
اقتباس:
وعلى راسي و رأيك بالوسوف حر فيه وعجبني جدا كلامك عنو ... الناس ازواق أما الجبلاويي ... فأنا لادقاني ... مخولي جبلاوي ..حبي لجبلة كان لأني بيوم من أيام التاريخ الغابر لعبت بشباب هالنادي .. ( أيام الشباب والرياضة ) بعدين لا تنسى انو نادي جبلة النادي الوحيد بسوريا الي فاز بالدوري 3 مرات متتالية وبالتوفيق للكرامة |
ريته ألف مبروك فوز الكرامة عالمجد و تقريباً متل ما قال صياد الطيور يعني مو بيناتنا كوووول
وعلى قبال سابا |
ألف مبروك الدوري علينا و باركولنا يا شباب
|
اقتباس:
بشوفكن يوم الأربعاء وبإذن الله بكون عم باركلكن كمان |
يلاااااااااااااااااااااا السنة كرماوية
والسنة الجاية اهلاااااااااااااااااااااا اااااااااوية ((ان شاء الله)) بس صدقوني لو كان الدوري اهلاااااااااااااااااااااا اااوي رح يكون أحلى :pos: |
| الساعة بإيدك هلق يا سيدي 22:51 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون