أخوية

أخوية (http://www.akhawia.net/forum.php)
-   الخواطر و الخربشات (http://www.akhawia.net/forumdisplay.php?f=16)
-   -   معلمتي (http://www.akhawia.net/showthread.php?t=1199)

dimozi 17/08/2004 12:28

معلمتي
 
تعلمت من شعرك يا آنسة أن الله ليس بكامل , فقد أخطأ بشكل غريب حين اختار لون السنابل . أما كان اللون البني الفاتح أجمل بكثير من اللون الأشقر ؟؟؟
علمتني جبهتك أن المرايا كل المرايا , لم تصقل جيدا و أن أمهر الحرفيين لن يستطيع أن يضاهي صفحة العاج التي التي تحملين .
علمني حاجباك أن هناك أدوات قتل كثيرة أكثر فتكا من السيوف .
علمتني عيناك الكثير من الأشياء , علمتاني بأن البراءة لا تصبح ساحرة أخاذة إلا حين تختلط مع الجرأة في محجر واحد , و أن الصفاء كل الصفاء ليس موجودا في الماس فقط أو في مياه المطر , و كم كان فرحي شديدا حين تيقنت أن بلادنا قد انضمت إلى الدول العظمى فعيناك أسلحة دمار شامل يا آنسة .
علمني أنفك يا فتاة , بأن السمسم ليس صغيرا , و أن السكاكين ليست حادة , و أن الشموخ لا يقتصر على جبل الشيخ .
علمني فمك بأني مهما عظمت في فن الطبخ , و مهما تذوقت في البلاد الغريبة , فأنا لن أصل يوما إلى تخيل طعم شفتيك , ما لم أجرب بنفسي .



و أسلموا


Dimozi :D

yass 17/08/2004 13:16

علمتني الجنة خلف عينيك أن دنياي بدونك ما هي الا جحيم...
علمتني زرقة عينيك أن البحر لا لون له....
علمتني بلاغتك أني أمي لا أعرف ما شكل الحرف...
علمني طيرانك أني ثابت في مكاني لا أجيد حتى المشي...
رأيت حيويتك و تعلمت..........أن عيشتي هذه .........ما هي الا ممات........
:D :D :D :D

Hus 17/08/2004 14:56

يا عييييييييييييييييييييين .. يسلم هال التم يا شباب .. :gem: :gem: :gem:

julia 17/08/2004 23:26

اي شو هادا, :D كتير حلوة :D

SABE 17/08/2004 23:35

الله يا أخ ديمزي .. و يا أخ ياس ... شغلة بتجنن ... و الله نيالها ... :D :D

NEDAL-S 18/08/2004 00:11

شي حلو :D

zizi 19/08/2004 01:19

كتير حلو يا شباب :) :D
بس يا ديموزي شكلك غرقااااااااااااان :shock:
ومين هي يللي عاملة فيك كل هل قد :jakoush: :jakoush:
انشالله تكون بتستاهل كل هال الاشعار الحلوة :P
والله يوفق :D

dimozi 19/08/2004 16:33

اقتباس:

كتير حلو يا شباب
بس يا ديموزي شكلك غرقااااااااااااان
ومين هي يللي عاملة فيك كل هل قد
انشالله تكون بتستاهل كل هال الاشعار الحلوة
والله يوفق
Zizi ....... لحقيني ....... بغر بررررررررررر......... عم أغرق ....... بغرغرغرغررررررر...
يا جماعة حدا يوصلني على الشط .........بغرغغرغرغررررررررررر رر :lol:

هاي ...... لك وين ما عاد شفناكي يا بنت الحلال ..........ايه والله غرقان يا ام الزوز ...... غرقان و مكتر كمان :angel: ....... مع انو انا سبيح يعني ....... و سألو سعيد ...... بس بالمي ما بالحب ......... :P ......... و على البتستاهل والله بتستاهل ........ بس انا شو عامل لالله لحتى ماني عم استاهل .......... :cry: قال شو عاملو قال :lol:

zizi 20/08/2004 00:02

لا ولله يا ديموزي شكلك سبيح بالمي وبالحب كتير منيح:wink: :wink:
بس فهمت من حكيك انو من طرف واحد ...... :cry: :cry:
والله فهيمة وزكية :P :P :P عم امزح والله ما في منك :D
بقا صبور صبور اللا بالاخير ما تدوب من خلال هالاشعار يعني :wink: :wink:
موفق خيو....... :D

SABE 20/08/2004 00:24

له يا ابن العم ... شو غرقان ما غرقان .. ما ديموزي يلي بيغرق :gem: :gem: تدريب السباحة كلو وين راح ؟
:P
يا إبن العم .. و الله يلي بيطلع معو هيك شغلات و كتابات حلوي .. ما بينخاف عليه ... و أنا متأكد إنو الصبية يلي بتخربش خربشاتك مشانا ... لو بتقرأ كل هالشلات بتكون أسعد وحدي بالعالم ...
وسلااااام :D :D

dimozi 20/08/2004 22:45

رح اخد بنصيحتك Zizi . بركي بيمشي الحال :) المشكلة ما عم يطلع معنا شي ها الايام :lol:

أخ يا ابن عمي .......... راحت هديك الايام :( .......... لعما كنا ننط على المي متل شي سبع هاجم :lol:.......... واكتر شوي .

على العموم شكرا للكل ........... :D يعني ما بيضروني شوية ها المعنويات :wink:

بس وينكن ....... يا Dimozi يا جبل ....... ما يهزك لا حب ولا ريح 8) .

zizi 21/08/2004 15:23

شفت ما احلى المعنويات العالية :gem: :gem: :gem: :gem:
... :D

SABE 21/08/2004 15:51

الله حيك ... هاد ديمزوي يلي بعرفو ... جبل ما بيهزو ريحححححح :gem: :gem: :gem:

philip 21/08/2004 16:54

اقتباس:

Zizi ....... لحقيني ....... بغر بررررررررررر......... عم أغرق ....... بغرغرغرغررررررر...
يا جماعة حدا يوصلني على الشط .........بغرغغرغرغررررررررررر رر

هاي ...... لك وين ما عاد شفناكي يا بنت الحلال ..........ايه والله غرقان يا ام الزوز ...... غرقان و مكتر كمان ....... مع انو انا سبيح يعني ....... و سألو سعيد ...... بس بالمي ما بالحب ......... ......... و على البتستاهل والله بتستاهل ........ بس انا شو عامل لالله لحتى ماني عم استاهل .......... قال شو عاملو قال
:sosweet: :hart: :hart: :sosweet: :hart: :sosweet: :hart:


الساعة بإيدك هلق يا سيدي 11:15 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03186 seconds with 11 queries