|
قصتي موجهة لتجار العقارات بالذات
راح اقول لكم قصتي وخذوها عبرة يااخواني تجار العقارات والمأجرين خصوصاً :
أنا عندي محل بدمشق بمنطقة المزة ويعتبر موقعه ممتاز باعتبار قريب على نص البلد ومساحته 45م2 جيدة ... مأجره لشخص سوري من ابناء البلد مقابل 12000 ليرة شهريا من حوالي سنتين وهاد الشخص فاتحه محل اتصالات وجوالات ومستلزماته... وهاد الشخص متزوج جديد وبيته والله كمان بالايجار وشخص طيب ... على كل حال بيوم من الايام اجا لعندي شخص بيشتغل بمكتب عقاري وبلش يلعب بعقلي قالي ياماجد بين أيديي مستثمر عراقي لقطة مستعد يدفعلك 45000 ليرة شهريا .. انا بصراحة بلش الفار يلعب بعبي باعتبار ان فرق كبير بين 12 الف و 45 الف ليرة ... قلتله خليني افكر وبعد استشارات عديدة ونصح الأهل ... قررت أني مابيع ابن البلد وارميه بالشارع كرمال عراقي يمكن مايقعد على طول بالبلد باعتباره مو ابن البلد ... خلاصة الكلام :: رفضت اني اطلع المستأجر السوري ابن بلدي رفض قاطع غير قابل للبت ,, لأعتبارات وطنية وانسانية ودينية(( مع العلم اني كنت بقدر اطعه باعتبار عقده كان باقيله اقل من اسبوعين)) وشلت من بالي الاعتبارات القومية .... وحاليا انا مرتاح ضميري وبتمنى من كل تاجر عقارات سوري شريف مخلص للوطن وابناؤه انه يحط بباله ان ابن بلدك بحاجة لقلبك الحنون اكثر من العراقي ,, وللمعلومية لمن دري المستأجر بهالموضوع صار يدعيلي من كل قلبه ... وحبني كتير ... ووعدني انه يدفعلي 20 الف كبادرة منه على تصرفي معه ولو بيستطيع يدفع اكتر مابيقصر ... وصرنا اهل وحبايب ... شو رأيكم بردود افعالي بهالقصة وبكل صراحة ... وانا من ناحيتي راح اتقبل جميع انواع النقد البناء :D:D |
لسا ما خليت:clap:
|
برافو عليك ماجد .. :gem:
هو انا مو كتير كتير ضد العراقية بس شوي ضدون مو ضدون لجنسيتون بس انو ماعافو شي بالبلد ولسى الدنيا بخير مازال امثالك عندون دوافع وطنية طيبة .... شكراً :D |
يا ريت نص العالم متلك وحاجة :D:D:D:D
|
اشكركم جميعا عالمرور والتعليق الجميل :D
الهدف من نشر هذا الموضوع هو زيادة الحس الوطني عند افراد الشعب الوطنية تعتبر اهم من كل شيء .. لأن الوطنية هي اخلاص للوطن والمواطن وهالشيء راح يعود على مصلحة الجميع ... واتمنى ان يجي يوم نشوف فيه حكومتنا الرشيدة حسها الوطني اعلى من حسها القومي باعتبار ان حل مشاكل الوطن والمواطنين من الاولويات ... ومافي اي اشكال بان يكون الحس القومي من الامور الثانوية ... :deal: |
والله يا خيي برافووو عليك . . بصراحة موقف شهامة وبغض النظر عن جنسية الشخص الاخر سواءا ً كان عراقي او هندي او اوزبكستاني . .
تحياتي :D |
اخوك منذر :D
|
اقتباس:
شكراً الك :D |
حياك الله يا احلى ماجد:D
|
| الساعة بإيدك هلق يا سيدي 17:39 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون