أخوية - موسوليني

ان كان ودك تذبحيني اذبحيني

وإذا بغيتي تعذبيني عذبينـــــــــي

انتي عذابك له وصوف غريبة
ماهو مثل باقي البشر صدقينــــي

أصلا أنا لامن شعرت بعذابك
كني ملكت الكون كله بيدينـــــــي

والهجر منك أتلذذ بطعمه
لو تسلبي كل الذي تسلبينـــــــــي

زيدي علي من الهجر والتغلي
وف كاس حبك يالضنى ذوبينــــي

وصي علي من الدلع واللطافة
وتكرمي من بعدها واشربينـــــي

واذا وصلت لداخل الجوف تكفي
خلـي شرايينك تكبل يدينــــــــــي

واستوطني قسرا بداخل عروقي
واحتلي كل أعضائي واستعمرينــي

حكميني بحكم الملك حامورابي
أو حكم هتلر أو حكم موسولينــــي

مادامني في وسط قلبك رهينة
مـــاهمني شاللي تسويه فينـــــــــي

كل الذي ودي تعرفيه اني
في غيبتك ماقارب النوم عينــــــــي

واني أحبك حب ماهو بعادي
من شدته حتى الحجارة تلينــــــــي

وأنا إذا حبيت شخص فديته
بروحي وقلبي ودمي وعينـــــــــي

وأنا إذا حبيت شخص وهبته
أيامي الحلــــوة وصفوة سنينــــــي

وإذا تمكن من خفوتي جعلته
يغزو خيالي كل وقت وحينــــــــي

وأشيل طيفه من خيالي وأضمه
مثل الدمع مابين رمشي وعينـــــي

يعني أنا لامن عشقتك عشانك
أسومنـــي وأبيعنــي وأشترينـــــي

وان ما احتواني قلبك بكل وسعه
ماظن في هالكون شي يحتوينــــــي

وإذا قدرتي تكتبيني قصيدة
مابين رمشك والجفــون انقشينـــــي

خليني أسكن لحظة وسط عينك
وان كــــان ضايقتك بشي اذرفينـــي

وإذا نويتي تذرفيني أمانة
هاتــــي معاك أكفاني وكفنينــــــــــي

وكتبي على قبري بخطك رسالة
هـــــذي نهاية عاشق مــــــــــــــــات

فينــــــــــــــــــــــ ـــــــــــــــــي

ملا ح ظ ة ( بلنسبة لرأيي المتواضع . يلي لابقدم ولا بأخر . هي أروع قصيدة قريتا بحياتي )