|
هل أنت مجبرا أم مخير ؟
أقدموا على خطف بعضهم
بكل ما يحمل القبح من ثناياه بكلمة خطف فالخطف أتى بموافقة الطرفين وبمعارضة جميع الأطراف الذي نصبهم الزمن ببعد الرؤيا وفلترة الأزمان تزوجا وأنجبا بكت قلوب الأهل على هذه الفاجعة ومع الدمع تحرك نبض الرحم والحنان والعطف وبيضوا وجوههم ببياض السمح والنسيان كل شئ انتهى والرجل والمرأة تزوجا وأنجبا عاشوا بأكناف بعضهما ورزقوا من الله عز وجل بثلاث أولاد وكبروا الأولاد وهمومهم ضحى الطرفان بغريزة الأبوة والأمومة علموهم ، عملوا لهم ، ربوهم ، بعد ثلاثون سنة من الزواج قدمت المشاكل مع علمي أن المشاكل لا تصنع لكن تنمى بين المجتمع والأزواج وبلحظة غضب أو عقل انفصلا وتطلقا وهاج وماج الأولاد الثلاثة على أبيهم أحدهم تهجم عليه ليقتله وعلا بصراخه أمام دكان الأب والأخر هدده بأن يقتله إذا لم يكتب الدكان باسمه والأخر تهديد ووعيد وسب وقذف وبصاق والمرأة رفعت ثلاث عشر دعوة قضائية على الأب وجلها كيدية والأب متخبط بمشي بالشارع يحدث نفسه والكلام محبوس في حنجرته ---------------------------------------------------------------------------- موضوعنا اليوم لا يتحدث عن ما هو سبب الطلاق ولا من له الحق وله غير الحق الموضوع يتحدث عن الأولاد علما أن الأولاد بلغوا العشرين من العمر هل يحق لهم ذلك ؟ هل يجب على الزوج أن يكتب جزء من أملاكه لزوجته ؟ هل يجب على الزوج أن يسجل لأبنائه أملاكه عنوة وقسرا ؟ لكم مني التحايا وزيادةالبعد بينكم وبين الحيايا أتحفونا بنقاشكم |
يلعن هيك اولاد و هيك تربية فاشلة ... لو التربية صحيحة ما كان صار هالشي ... هي ك راي اولي و سريع لاني مستعجل وطالع
الي رجعة عالموضوع |
خيو من الاخر طز في هيك الاولاد
بعتقد انو الام لها دور كبير في فشل الاولاد واكيد الاب مقصر باشياء كثيره يعني لازم نعرف الاب شلون كان في البيت والام شلون كانت تتعامل مع ازوج وهيك |
والله يا حبيبي
ما في لحدا خير بحدا فلا تقلي لا ولاد ولا اب ولا ام كل الناس اتباع مصالحهم فقط شكرا على الموضوع :D |
هل يحق لهم ذلك ؟
طبعا لا ما حدا بيحئلو يفرض او يتدخل بالشخص مع مين رح يبئى , بس بيحئلون يعرفو ليش وبيحئلون يناقشو لانون نتاج هاي العلائة واكيد الشي الي تصرفو كتير غلط وهدا بدل انو الانفصال المبكر احيانا بيكون لصالح الاولاد , يعني الاهل استمرو بعلائتون كرمال الولاد بس بالاخر الامور وصلت للحد الي التعاطي في صار مستحيل ... لانو مستحيل انو بعد 30 سنة تكون المشاكل جديدة ...اكيد كانت وتراكمت ختى وصلت لهاالحد هل يجب على الزوج أن يكتب جزء من أملاكه لزوجته ؟ حقوق الزوجة واضحةشرعا و قانونا , اذا الها حق لازم تاخدو هل يجب على الزوج أن يسجل لأبنائه أملاكه عنوة وقسرا ؟ الزوج عليه واجبات لازم ياديها , بس انو ينفرض عليه تسجيل املاكو هاي ما بتخيل انها صح .... |
اقتباس:
ومو بس الأم ألها دور في فشل الاولاد أو نجاحهم هي مو قصتنا بس الأسئلة بتوقع محطوطة بالأحمر منتظرين أجابتك معلم معرف اقتباس:
بس على قولة أبو وديع لسا الدنيا بخير يا حبيبي عبتحروق على أجوبتك مستنيك شو هالصورة الحلوة شي بديع صاير عبتتعاطى الصور الهادفة:lol: طبعا هالسطر على الهامش  بتمنى النقاش جدي منتظرين إجاباتكم أهلا وسهلا |
اول شئ اكيد العتب الاول على الابوين يعني كان لازم يربو اولادهم على الاصول والتلاحم الاسري لانو كان من الاولى انهم يحاولو يصالحو الابوين بدل هيك طلبات بايخة مال وارث وما بعرف شو .....نلاحظ هون الاولاد ما عندهم تمييز ابدا ما بين الاولويات يعني انو الاولى ابوه ولا الدكان؟؟ و اكيد هذا راجع للتربيه و لطبيعة المجتمع اللي عايشين فيه ....المهم مهما غلط الاب او الام ما يصير هيك تصرف ضدهم ......ثاني شيء اذا الام عندها حق تاخذو اكيد و فق الشرع والقانون.......اما انو الوالد يكتب املاكو للابناء في حياتو و بالغصب كمان ما يصير ابدا.......اللهم ارزقنا الولد الصالح
|
منشان نكمل القصة
أكبر ولد عندهم راح خطف بنت وتزوجها يعني متل أبوه راح خطيفة كمان ورغم معارضة أهله ومعارضة أهل البنت بس هيك عملوا اقتباس:
أنا مع الأنفصال مبكر أو غير مبكر إذا بده يحدث أزمة لأحد الطرفين أو للأولاد بس الشي الي بيحز بنفسي تغير أحد الأطراف بالتقادم بالخلاق والخلق والعمر إلى الأسوء وليس إلى الأحسن ودوام التذكير بمناطق الفشل بالماضي ... صحيح تراكمة بس الطلاق بتوقع كان الحل الأنسب ... لكن المصيبة ما بعد الطلاق وربما لا تكون مصيبة لنسميها طوق النجاة اقتباس:
اقتباس:
مشكورة سمسمة على هالطلة وعلى هالفكر الراقي تقبلي تحياتي |
اقتباس:
رح يضل الناس ناس هي على الهامش :D |
عزيزي مالك انا كنت احترمك كتير بصراحة
وكتير حب ارائك وموضيعك بس للاسف طلعت فالصو متل غيرك شكرا الك على العموم على سخريتك على بموضوعك --------------------------------- كيفك أنت لا بقى تعيدا أهلا وسهلا بتمنى يبقى نقاشنا هون مو على الخاص وشكرا على الشهادة على أني معدل على العموم بعرف حالي |
اقتباس:
مشان دقية الأجابه واذا كانت ملك اديش بتسوى هل ايام وفي عندو غير الدكان ولا ما عندو واذا في كم معلومه اضافيه عن باقي احوالو المادية تقبل مروري:D |
الدكان ملك
وعلى قوله في عنده دكان تاني وباعه وقدمه لأولاده منشان الدراسة بالأردن بس بالأخير هيك صار الفلم هيك يا صاحبي الوضع:D |
اقتباس:
رقم واحد الجواب هئ ما بحئلهم:x رقم تنين يعطيها حئها على دوز باره وفوئهم بوسه:sosweet: رقم تلاته الجواب كل واحد اد الشنتير يروح يشتغل ويساوي مصاري متل ما ساوى ابوه واذا ما طلع بئيدو يستنى ابوه ليودع وبعدين يا خد حئو :ss: تحياتي طبعا هاد الرأي حسب المعطيات المطروحه :D |
اقتباس:
بخبرتك بالحياة يعني كويس الرجل يكتبلها جزء من أملاكه أو كل أملاكه لزوجته بأثناء الزواج ؟ يعني هل تحبذ هالعمل ؟ ولماذا إن كان بالأيجاب أو الرفض ؟ الطابة بملعبك أنت وقعت حالك بهالمهجع الحلبي :lol: :D |
اقتباس:
شوف حبيبي مالك السؤال هاد الو اكتر من اجابه وكلها بتقبل الصحه وكلها بتقبل الغلط انا شخصيا اي بحبذ بس طبعا حسب ضوابط وعوامل محيطه بتتناسب مع الي بدي قدمو لزوجتي وقوة العلاقه بيني وبينها وشي تاني اهم من السؤال الي بدو يعطي يعطي من تم ساكت لأنك بعد ما عطيت صارت العطيه حق مكتسب وعليه ماعاد الك حق تطالب فيه او تذكر الطرف التاني فيه نهائي الكره بملعبك حياتو :p |
انو مابعرف بصراحة الحق ماعاد معروف شو معناه
|
هل يحق لهم ذلك ؟ لا اكيد ما بيحقلهن للاولاد يعملو هالشي لانو هاد ابوهن يعني اذا انفصل الزوجين عن بعض وما قدرو يتفاهمو الولاد ما بيتدخلو بهالطريقة البشعة هل يجب على الزوج أن يكتب جزء من أملاكه لزوجته ؟ هدا الشي بيرجع للزوج .. يعني اذا هي كانت معو بكل خطوة عملها وساعدتو لحتى يوصل للي عهو فيه .. فباعتقادي لازم يمنحها شي من تعبها بس طبعا هالشي غير وارد حاليا الناس كل مين همو مصلحتو وماشي ع مبدأ ( انا ومن بعدي الطوفان ) هل يجب على الزوج أن يسجل لأبنائه أملاكه عنوة وقسرا ؟ اكيد هالشي ما بيجوز .. الزلمة هاد مالو وهاد تعبو بعدين كلهن كبار وواعيين قادرين يبنو مستقبلهن ويشتغلو وتعقيبا ع كلام البعض انو الترباية غلط بقلن مو دايما هالشي صح انا بعرف ناس كتير الاهل بيكونو سكرة وبيربو ولادن احسن ترباية بس لما بيكبرو وبينخرطو بالمجتمع بيصيرو بياخدو من اللي حوليهن وبينسو كل شي علموهن ياه اهليهن وبينسو تعب اهلن عليهن فمو دايما تحطو اللوم عترباية الاهل شكرا مالك الحلبي ع الموضوع المفيد .. وهاد رايي تقبل مروري :D |
هل يحق لهم ذلك ؟
طبعا لاء هل يجب على الزوج أن يكتب جزء من أملاكه لزوجته ؟ في هذا الزمن نعم هل يجب على الزوج أن يسجل لأبنائه أملاكه عنوة وقسرا؟ في هذا الزمن نعم |
| الساعة بإيدك هلق يا سيدي 01:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون