|
شو إيطاليانو ؟؟؟ والله فحَّم قلبي وأنا ناطر
يا جماعة...
منذ نعومة أظفاري:roll: وأنا بشجع المنتخب الإيطالي العريق العظيم :king: و لهلأ ما فشولي قلبي من شبه إنجاز لتذبذب لنكسة لخيبة مذلة ... مع إنو لما خلقت 1980 و على وشي :oops: ربحت إيطاليا مونديال1982 مخالفة كل التوقعات بوقتا:gem: و هداك يوم :( و أنا بدءاً من 1990 بلشت شجع الآزوري و بشغف كبير و كان قدامن فرصة مونديال إيطاليا بوقتا لكن ضربات الجزاء رجحت كفة الأرجنتين (بمباراة حرقت قلبي ) لتوصل على نصف نهائي البطولة اللي أخدتا ألمانيا8) و تكرر سيناريو ضربات البؤس الترجيحية معنا بنهائي مونديال أميريكا و خسرنا مع البرازيل و بمونديال 1998 كمان خسرنا بضربات الترجيح مع فرنسا بربع النهائي بوقت كانوا جماعتنا أفضل بالمباراة وبالبطولة ككل وتابعت فرنسا طريقا لتفوز باللقب الأغلى. أما السيناريو المذل اللي صار سنة 2002 بكوريا ومع كوريا ، لما صار الغول حلم للطليان بفضل الرايات العجيبة"شي10 بأربع مباريات"!!!:? :shock: لدرجة إنو ما كنت إفرح بالهدف لبعد دقيقة مشان إتخوزق لأني بفرح بطريقة جنونية و خصوصاً لما الأزرق يكون عم يلعب أو اليوفي :gem: وطلعنا بذل وغير مأسوف علينا إلا من بعض العقلاء ياللي عيونن مفتحة وهني نادرين:pos: ما بدي عد خيبات أمم أوروبا لأنو سبق وقلت إنو قلبي مفحم ومو ناقص "خصوصي إنو اليوفي عم يتأرجح بين المجد و الذل والله يستر، قلبي بين رجليي و كل يوم بفيق خايف من خبر تثبيت العقوبة اللي راح تجيب أجلي إذا تطبقت لا سمح الله ":cry: اليوم... بدنا الأزرق يمحي خيبات /24/ سنة ، يعني ربع قرن و يحط نجمة رابعة ع صدور لاعبي الدولة الأروع بالعالم و الحضارة الأعرق "برأيي :p " و ما في شي صعب بوجود ديل بييرو لوكا توني وجيلاردينو وبقية الاعبين العظماء ومن مبالغة إيطاليا عندا تخمة لاعبين وأقوى دوري وأقوى أندية بس ألعن حظ و ضربات الجزاء بتشهد الله يوفقك يا إيطاليا :sosweet: قلبي :hart: معك عالمووووووووووووووووت:hart: Forza Italia  |
كمشة صور
:hart: Forza Azzurri:hart:     |
ايطاليا.....عشقي الأبدي :hart:
بالتوفيق وانشالله بياخدو الكاس للمرة الرابعة |
اقتباس:
|
i love italy the cup this year for us
|
بس لولا السحره كنتو رح تفوزو بس للاسف
في سحره من بلاد السامبا رح يرقصو ب اللقب |
على راسي كل الطليان
|
الطليان ولاد عم الارجنتينية .......
اذا ما اخدنا الكاس ان شاء الله اطاليا بتاخدو |
اقتباس:
|
مشكورين ميلاد و مازن عالمرور اللطيف:سوريا:
اقتباس:
بشرفي إنك ملك يا نمرررررررررر :gem: |
أنشا الله بنعلق مع البرازيل دور التاني ..
|
اقتباس:
و مو بس السياحة للطليان ... كل كؤوس الأناقة8) والحضارة والجمال :sosweet: و الفن و الأدب "أي الثقافة لأنو الطليان مو مأدبين بالمرة:p " و الرياضات بكل أنواعها و عالخصوص كرة القدم المهاجرين الطليان على أميركا الاتينية إلهن دور كبير بتعليم"دقق عاللفظ " تعليم كرة القدم لهديك الشعوب اللي كانت عالفطرة ف إجا العقل الأوروبي و إلتحم بالمهارة الاتينية ولما بقول لاتينية بكون عم إشمل مع دول أميركا الجنوبية دول أوروبية تلاتة هيي إيطاليا وإسبانيا والبرتغال الطليان جزء هام و مؤثر بالمجتمع الأرجنتيني ، يمكن إنمزجوا بشكل قوي بس الكنية الطليانية المشهورة لساتا موجودة وواضحة لليوم الطليان اللي هاجروا للبرازيل هني أول من أسس ما يعرف بمدارس كرة القدم "معلوماتي من الوثائقيات الرياضية" 8) نحناإلنا الفضل على أميركا الجنوبية للأبد :gem: يا زلمة علمناهن كل شي :lol: |
ميرسي الك كتير كتير ;-) انشاء الله تربح ايطاليا بالمونديال 2006 لان انا من مشجيع الفريق الايطالي
|
أول مباراة خاضها المنتخب الإيطالي في تاريخه كانت ضد المنتخب الفرنسي في مدينة ميلانو في 15 من يونيو سنة 1910مـ. و فاز بها الأزوري بنتيجة 6-2. وبعد عدم المشاركة في التجمع المونديالي الأول سنة 1930مـ في الأروغواي, فازت إيطاليا بكأسي عالم متتاليتين سنة 1934مـ التي إستضافتها إيطاليا وذلك بفوزها على تشيكوسلوفاكيا في المباراة النهائية بنتيجة 2-1 في روما. ثم في البطولة التي أقيمت سنة 1938مـ التي إستضافتها فرنسا بعد الفوز على المجر بنتيجة 4-2 في باريس. بعد الحرب العالمية الثانية, لم تظهر إيطاليا بالمستوى ذاته التي كانت تتمتع به في فترة قبل الحرب حيث لم يتجاوز المنتخب أكثر من الدور الأول في سنة 1950مـ (مع الأخذ في عين الإعتبار حادث الطائرة المؤلم الذي راح ضحيته أبرز لاعبي إيطاليا في تلك الفترة). في سنة 1968مـ فازت إيطاليا بأبرز إنجاز لها منذ فوزها الأخير بكأس العالم حيث فازت على يوغسلافيا في روما لتحرز بذلك بطولة أمم أوروبا لأول مرة بعدما تم الإحتكام لمباراة فاصلة, حيث تعادل الفريقان في المباراة الأولى بنتيجة 1-1 بعد الأوقات الإضافية. وكانت قوانين البطولة تلزم بأجراء مباراة فاصلة, وفي تلك المباراة الفاصلة فازت إيطاليا بنتيجة 2-0. في عام 1978مـ إحتلت إيطاليا المركز الرابع في التجمع المونديالي وكان ذلك مقدمة تألق الأزوري في تحقيق كأس العالم للمرة الثالثة سنة 1982مـ في إسبانيا بالفوز على المنتخب الألماني بنتيجة 3-1 في المباراة النهائية, وحقق حينها المهاجم باولو روسي لقب هداف البطولة برصيد 6 أهداف. الجدير بالذكر أن المنتخب الإيطالي كان قد حقق مركز الوصيف في كأس العالم لمرتين سنة 1970مـ و 1990مـ والوصافة الأوروبية لمرة واحدة سنة 2000مـ. ولسى الخير لقدام:gem:  |
ياااااااااااااا رب إيطاليا تاخد الكاس:gem:
شكرا فادي وكازيتا عالمعلومات |
اقتباس:
|
حكمة برازيلية ...
خير وسيلة للدفاع .. هي الهجوم حكمة ايطالية: دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع دفاع |
حكمة أيطالية : ولو على ضهر البرازيلية .. المونديال لـ عيون الطليان هدية ..
حكة برازيلية : هدول معصبين كتير التليان .. لنبعد عنون ومالنا بشغل الزعران |
| الساعة بإيدك هلق يا سيدي 00:09 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون