|
فرق كبير بين التركيز في المشكلة والتركيز على حل المشكلة....
فرق كبير بين التركيز في المشكلة والتركيز على حل المشكلة (مثــال1) بينما كانت وكالة ناسا الفضائية تبدأ في تجهيز الرحلات للفضاء الخارجي واجهتهم مشكلة كبيرة، هذه المشكلة تتمثل في أن رواد الفضاء لن يستطيعوا الكتابة بواسطة الأقلام بسبب انعدام الجاذبية، بمعنى أن الحبر لن يسقط من القلم على الورق بأي حال من الأحوال فماذا يفعلوا لحل هذه المشكلة!!؟؟؟ لحل المشكلة قاموا بدراسات استمرت حوالي 10 سنوات كاملة وأكثر من 12 مليون دولار ليطوروا قلماً جافاً يستطيع الكتابة في حالة انعدام الجاذبية، ليس هذا فقط بل والكتابة أيضاً على أي سطح أملس حتى الكريستال، وأيضاً الكتابة في درجة حرارة تصل إلى 300 درجة مئوية. الحل البديل عندما واجه الروس نفس المشكلة فإنهم ببساطة قرروا استخدام أقلام رصاص كبديل عن الأقلام الجافة (مثــال2) ذات مرة باليابان وبمصنع صابون ضخم واجهتهم مشكلة كبيرة وهي مشكلة الصناديق الفارغة التي لم تعبأ بالصابون نظراً للخطأ في التعليب فماذا يفعلوا لكشف الصناديق الفارغة من الصناديق المعبأة!!!؟؟؟؟ لحل المشكلة قام اليابانيون بصناعة جهاز يعمل بالأشعة السينية مخصص للكشف عن الصابون بداخل الصناديق ووضعوه أمام خط خروج الصناديق بقسم التسليم، تعيين عمال جدد ليقوموا بإبعاد الصناديق الفارغة التي فضحها الجهاز الحل البديل في مصنع آخر أصغر من السابق عندما واجهتهم نفس المشكلة فإنهم أتوا بمروحة إليكترونية وضبطوا قوتها بما يناسب وزن الصندوق الفارغ وتم توجيهها إلى خط خروج الصناديق بقسم التسليم بحيث أن الصندوق الفارغ سوف يسقط من تلقاء نفسه بفعل اندفاع الهواء النتيجة المنطقية انظر لحل المشكلة ولا تنظر إلى المشكلة نفسها .. فكر في الحل البسيط والأيسر فأين المشكلة إذاً؟ المشكلة أنه لا يوجد مشكلة.......!!!!! (الخلاصة) أنه هناك أناس بارعون في حل المشاكل بطرق سحرية وسهلة ... والبعض الآخر (بارع في تكبير وخلق المشاكل من لا مشكلة) |
اقتباس:
ومنتمنى دائما تزودينا بهيك معلومات مميزة :D |
عفواا.......
|
رؤية رائعة مفيدة شكر الك
بس قولتك ممكن الناس كلها تفهمها هيك انه ممكن نحل المشاكل بحل بسيط وايسر مثال اذا عندي سيارة مو ديل 84 وتمنها رخيص ميتان الف بتحل مشكلة مو هيك بس اذا الناس عرفوا حالتي المادية منيحة الكل بلومني ليه ما بتاخد سيارة مو ديل 2009 مع انه هي بتحل المشكلة بس المشكلة اللي بتنحل عنا برخيص مجتمعنا مو راحمنا فيها وبعدها اذا تقدملك عريس وضعه المادي منيح وراكب هيك سيارة شو بتقولوا عنه بخيل مو هيك مع انه هي السيارة بتحل مشكلة المشكلة انه هي الحلول لامور معينة يعني في ناس بارعين بحل المشاكل وفي ناس بتحاول تخرب حل المشاكل مع العلم انا لاعندي لاهل السيارة ولا التانية وهكذا نثبت انه دائما توجد مشكلة |
هلأ هوه صحيح الناس مابتركو حدا بحالو ... هاد بالوضع الطبيعي
شلون بقا بفكره غير طبيعيه (مثال السياره) يعني صحيح لو كانت موديل 84 او موديل 2009 كلهم سيارات وبحلو مشكله بس ربنا بقول (واما بنعمة ربك فحدث) فالشي الطبيعي انو اذا كان الواحد احوالو الماديه منيحه ليش لحتى يشتري سياره موديل84 يعني ليش مايمتع حالو بالسياره الحديثه يلي مشاكلها قليله (هاد الحكي اذا احوالو الماديه منيحه وقاضي التزاماتو سواء زواج او بيت او اي شي) بس اذا وراه التزامات انا متأكده انو الناس يلي متقدملهم مارح يلوموه.. والناس يلي بتحب اللت والحكي رح يلوموه بكل الأحوال.. بقا كل واحد يعمل الشي يلي بريحو. شكرا... |
اعتقد انه التفكير بالمشكله بيوقف على حجمها وطبيعتها ومدى تأثيرها على الانسان بشكل عام يعنى لو مشكله مش كبيره او مش مؤرقه بيقدر الانسان نجاهلها او بيدرو لها على حل سريع لانها مش معضله ولكن فى مشاكل بتحتاج لحل جذرى وقاطع علشان يقدر الانسان يطوى صفحه المشكله تماما ومايفضل اسير لمشكله مش قادر يحلها وكمان اعرف انه بيحصل خلل فى التفكير لما الواحد يرتبك ويلاقى نفسه عنده مشاكل وممكن مايفمرش صح او بعمق والافضل انه الواحد يهدى تماما ويفكر فى كتير احتمالات علشان مايتخذ قرار مايحل مشاكل بل يمكن يزيدها
|
شكرا على مشاركتك الحلوه والمفيده:D
|
التركيز في المشكلة بيأدي لقوقعتنا فيها لأنو بوقتها بيصير صعب علينا نشوف غيرها ..
بينما، التركيز في حل المشكلة بيخلينا نفككها لأجزاء صغيرة بحيث انو حلها بيكون بكتير اسهل ... وتصغير المشكلة طبيعي رح يبسط الحل .. !! |
طيب ولي بيضخم الامور ليشوف لوين رح توصل و بعدين بيلاقي حل بسيط؟؟ شو بيكون؟؟:shock:
المثال تبع القلم (الرصاص ) يعني بقد ما هوي بسيط بقد ما هو ي معقد بس انك توجد الحل لازم تكون يكون عنا رؤيا و هالشي بدو تعب هيك بسمعهن بيقولوا :D |
تمااام وهاد يلي كنت بدي وصلو من خلال موضوعي.. (Marooshe)
اما بالنسبه كيف نوجد الحل المناسب بنفس الوقت يلي عارضتنا فيه المشكله فهاد الشي اكيد صعب بس مو مستحيل.. من خلال تجاربنا وتجارب غيرنا فينا نتقدم خطوه لقدام ونصير اوعى بحل المشاكل. شكرا على ردودكم.. |
اقتباس:
كالفرق بين النجاح والفشل الناجح يرى حل لكل مشكلة والفاشل يرى مشكلة في كل حل شكرا أغنيتي معلوماتنا . |
عفواا....
|
صح والله ,,,,,
يسلموووو |
| الساعة بإيدك هلق يا سيدي 14:30 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون