|
اقتباس:
اقتباس:
بتمنى تعطيني رايك باللي اتكتب مع الشكر لياس |
اممي وين غطست؟
|
اقتباس:
|
بالانتظار خيي
|
اقتباس:
اقتباس:
هاد هوه راي :D |
اقتباس:
انا بعرف الخيانة كالتالي : الخيانة هيه تنصل الانسان وبشكل متعمد عن وعد او واجب او دور تجاه قضية او مبدا او قيمة انسانية وبالتالي القصة لاتتوقف عند الوطن كمفهوم بالتتعداه الي علاقة الفرد الواجب /الفرد الاسرة / الفر للفرد |
وفقا للموضوع الذي طرح اي من التعريفين هو الاقرب لمصطلح الخيانة الوطنية
ومتى نقول عن الشخص انه خائن للوطن خاصة مع سيمفونية التخوين المنتشرة |
اقتباس:
برجع برد باقتباس من خلال التعريف الي حطيت فوق لاني بعتقد شامل لكل انواع الخيانات وبالتالي يمكن ان يضم التعريفين معا |
بدي اطلب منك تختار 5 مقاطع غنائية او موسيقية بتعبر عنك
|
يعني فيك تقول هدول تقريبا كل وحدة منن واكبت مرحلة من حياتي رغم ان كتير صعب ان تحجز هالتراث الرائع من الابداع الشرقي ب 5 مقطوعات بغيبتك /مرسيل خليفة رفيقي صبحي الجيز/خالد الهبر جواز السفر/مرسيل خليفة اليلة بدي خلي الكاس يفز بوس القنينة//مرسيل خليفة مانسي العرزال/نانا |
لما بنسمع مرسيل خليفة بالاغاني اللي ذكرتون او بغيرون من اعماله بتحس بشجن كبير وحنين للام والبلد والانسان
بس اليوم مرسيل خليفة شبه محارب بالعالم العربي هل العرب مدينون له بالاعتذار يوما ما ؟ |
اقتباس:
المشكلة ان انا مابومن بالعرب كامة منشان اومن ان في اي حق طبيعي ينحط عليهن بس سواء كان مارسيل او محمود درويش هنن شخصيا مابعتقد بيطالب حدا بهالاعتذار لان اعمالن وحب الناس الن كان اقوي بكتير من الاقلام المسمومة الي كانت ولازالت عم تحاول عبث ان تطعن بهالفن |
جواز السفر لمرسيل خليفة بتحمل الكتير
وقت اممي بيسمعا لوين بتاخده؟ |
اقتباس:
يعني فيك تقول قبل سنيتن لما كنت قدام شاشة الاخوية لسجل كعضو وطلع ان نازم حط اسم حركي مااجي ببالي غير اممي يعني المراحل الي عشناها والتنقلات الللا منطقية من مكان لمكان من اجل العيش بسلام لا اكثر ولااقل خلتني اممي عنجد وخلتني احس عن تجربة بعدم وجود حدود حقيقة لاي وطن الا علي الخرائط كل قلوب الناس جنسيتي ....هالغنية بتاخذني علي وطني فشو بدك اكتر منهيك :D |
يعني المراحل الي عشناها والتنقلات الللا منطقية من مكان لمكان من اجل العيش بسلام لا اكثر ولااقل خلتني اممي عنجد وخلتني احس عن تجربة بعدم وجود حدود حقيقة لاي وطن الا علي الخرائط
كيف يعني؟ |
رفيقي صبحي الجيز/خالد الهبر
رجعت غنتا فيروز وبعرف انها من اغانيك المفضلة قديه نحنا بحاجة لصبحي الجيز بعالمنا اليوم ؟ وبمين بتشوف صبحي الجيز |
اقتباس:
انا عشت خلال ال 24 سنة الماضية بين اكثر من 5 دول وبكل بلد كنت بعمل فيه صداقات وبشكل فيه عالم الي سرعانما بيفرط نتيجة انتقالنا الي بلد اخر بين حروب وملاحقات وايام سودا خلال هاللفة للعودة الي سوريا كان في من اممي شي بكل بلد عاش فيه لدرجة ان مافيه يقول ان بيتبع لبلد معين ومحدد |
اقتباس:
صبحي الجيز هوه رمز لكل هالجنود الي بيموتو عالساكت والي النصر بينسرق منهنن هنن الي بيبنو بالعتمة وبيحلموا بالعتمة ومابيضهروا للنور غير علي شكل جثث محمولة عالاكتاف ومرفوعة فوق الروس يمكن ديما بتكون صبحي او يمكن اسامة او يمكن انت ...كل الناس الي عم تحاول تخلي هالانسانية ارقي هيه هالجيز:D |
| الساعة بإيدك هلق يا سيدي 19:38 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون