|
ست أسطر خط كبير ولا صغير :lol:
المهم بدي قول للمتدينين الإيمان في رأيي هو للراحة النفسية ولشفاء الانسان من أمراضه الروحية عن طريق طلب الراحة من قوة عليا بيعتقد فيها. ولكنه ممكن يسلب الجاهل الضعيف هناءة العيشِ ويحرمه من لذة الإبداعِ وحلاوة التنوع والتفكير المستقل إذا بدو يترك ايمانو ودينو يدخل بكل شي بالدنيا ويتفسر ويمشي على هوى قوانين إيمانو على حساب العقل والمنطق . أنت كإنسان مؤمن بيحق لك تصدق وتؤمن بما تريد وانا يحق لي ان اؤمن أو لا وبالنهاية ولو بدي شذ عن السؤال شوي بختم بقول رائع لوفاء سلطان "آمن بالحجر لكن لا ترشقني به" لو كل واحد بيطبق هالمقولة كانت الدنيا بخير برأيي وما كنا شفنا هالمحاولات اليائسة لاستجرار الإيمان أوتكفير الناس |
ساندرا
بدي اطلب منك هلا اختيار 5 مقطوعات غنائية او موسيقية بتعبر عنك لنسمعهون سوا ونحكي عنون |
أنو ساندرا ماعندا زوق بالموسيقى والأغاني :lol:
ومالها نمط محدد وكل فترة بتعلق على شي وبتسمع لكل اللغات هالفترة مثلا موسيقى الأورغن مستهويتني كتير مع العلم أنو قبل كم شهر كان التكنو بس في كم مقطوعة بحس أنهم بيعنولي كتير وفي منهم بيعبروا عني رح ابدا بأول وحدة واسمها le vent le cri - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - حاولت ارفعها من جهازي ما مشي الحال :pos: |
اقتباس:
|
اقتباس:
نط عالمسنجر بلكي ببعتلك ياها من هنيك وهلا بديت المباراة على فكرة وطالع النشيد التركي ..... ذكرني بأيام ما كنا صغار نحضر التلفزيون التركي كونو السوري ما بينشاف |
ههههههههههههههههه يلا شوفي المبارة لخلص دعم فادي قدام ياس و محمد وسيزر بالمنبر وقوم شوف نور
|
اقتباس:
يلا رايحة شوف المباراة ومنرجع بريك إعلاني لمدة ساعة ونص وربما أكثر :o |
مو استاذ فيفا سوريا شحطني عالمنبر معه؟
|
اقتباس:
|
ساندرا شكلا زعلانة على تركيا
يللا بسرعة اممي عم يستنا |
لا عادي بس فاتتنا عزيمة المحل التركي :pos:
استنيتك امبارح وما جيت بعد المباراه |
المكشلة إني يا طارق صعب كتير أوصف موسيقى بتعجبني
الموسيقى لغة صريحة جداً وبحسها بتخاطب روح اللي عم يسمعها بشكل مباشر وهي حالتي مع هالمقطوعة كيف بقدر أحكي عنها ما بعرف بس اللي بعرفو إنها هالموسيقى أول ما بتبدى ما بعرف بنحسسني إني عم أنفصل شوي شوي عن عالمي وحتى ع جسدي وبتاخدني لمكان بعيد مبهر وبالنهاية لما بتخف حدة الموسيقى وترجع لهدوئها بحس بذاتي عم ترجع لهالعالم للغرفة اللي أنا فيها أنو كلام غبي شوي بس صعب توصف إحساسك مع موسيقى ما :lol: |
ساندرا اليوم انتي مع ام ضد انو نقيب الفنانين صباح عبيد يمنع دخول فنانات لسوريا ؟
|
اقتباس:
ذكرتي بحجب المواقع :lol: بس ما بعرف إذا كان في أسباب تانية غير هي لمنع الفنانات من الغناء |
بس اليوم انتي كنقيبة حركة فنية بتسمحي لوحدة هابطة متل دومينيك حوراني تغني بسوريا؟
|
اقتباس:
بنظرنا نحن هاد فن هابط بنظرهم هنن هاد جو بسط وفرفشة وبشيل الهم من القلب مافينا نفرض آرائنا على الناس ممكن كنقيبة فنانين إني قدم دعم أكبر للأعمال اللي بتعبر عن رقي والفنانين اللي بحس بيمتلكو فعلاً فن راقي مبدع بس ما بروح بحجب البقية لأن كل فنان وكل فن ألو محبينو والدنيا زواق |
اقتباس:
مين قلك انها فنانة وعلى شو ؟ هي بتقارنيها بميادة الحناوي واصالة نصري وجورج وسوف هاد اسمه هبوط بالذائقة الفنية وممنوع يدخل على سوريا اذا كنت مسؤول الحركة الفنية |
اقتباس:
هلا الفن هو تذوق بالنهاية أنا مل عم قول أنها أحسن من ميادة وأصالة بس كمان مافيني ؟أمنعها بكون متل اللي عم بدقن راسي بالرمل ما بعرف يا طارق يمكن أنا بالنسبة الي حرية الإنسان باختيار اللي بحبو بحسها حق مقدس ما بقدر أفرض على الناس وامنعهم من سماع شي بيحبوه المنع مو طريقة بس ممكن نرفع الزوق الفني للناس عن طريق التعريف بفنانين بيستحقوا فعلاً لقب فنان على سبيل المثال أنو أنا بحكم اقامتي خارج البلد ما كنت اسمع غير بدانا وبهيفا ومثيلاتهم عن طريق المواقع والفضائيات لما سجلت بأخوية تفاجأت باسماء ما بعرفها متل ريم بنا، مكادي نحاس وغيرهم وفعلاً رائعات حرام بالمقابل أنو ما يصل صوتهم وما ينعرف عنهم شي فلو كنت نقيبة فنانين كنت قدمت الدعم لهيك أعمال وخليتها تنعرف أكتر للناس اللي ما صرلهم فرصة يشوفوهم برأي هاد أفضل من منع الفن اللي ما بحبو |
| الساعة بإيدك هلق يا سيدي 20:11 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون