|
اقتباس:
|
اقتباس:
وان كان في ظروف بتسمح زواج الرجل من اكثر من امراة ما لازم يكون في ظروف مقابلة بتسمح زواج المراة من اكثر من رجل ؟! |
اقتباس:
بس انه بدي حدا يفهمن انه ليش مافي تعدد ازواج ؟! يا اخي طالما متقبلين فكرة تعدد الزوجات ضمن شروط حلو هاد الحكي حط الشروط اللي بدك ياها وكيف ما بدك وعلى شو ما بدك بنيها بس اعطيها للمرأة الحق اللي انت حاصل عليه لا اكتر ولا اقل . اذا حسيت حالك ستهان اذا زوجتك قالت عنك ضعيف جنسيا ومافيك تلبي حاجاتها وانه من حقها تتخلى عنك او اتجيب لك ( ضر) لتلبية حاجاتها بتكون بديت لك شوي تعرف شعور المراة المتزوج عليها ما بعتقد في رجل شرقي بيقدر ( يفكر ) بالنقطة هي ومع هاد الشي على مبدا العدل والمساواة الشي اللي ما بيرضاه لحاله يعتبر من واجب غيره يتقبله وبتقولوا لي المراة ىخدة حقوقها لك متل ما قلت لكم يا ريت ما دخلت على الموضوع من اوله لأني رجعت قرفت الوضع وقرفت البلد وقرفت الشعب الفهمان اللي ساكن بهاد البلد . :jakoush: اقتباس:
|
اقتباس:
بظن جبريل ان الموضوع والسؤال لماذا الرجل يتزوج امراءه اخرى مش اهل يحق لرجل الزواج بمراءه اخرى وهل من حق المراءه تعدد الأزواج بس تحط موضوع بهل الخصوص حاضر بجاوبك ع سوألك |
اقتباس:
يعني انا اذا ما عندي دين استند الو ما عندي راي!؟!؟!؟ ما فيني ابني رايي من عقلي وتجربتي وشو شفت من هالدنيا بدون ما روح بحبش شو كان راي الرسول والله بالقصه مشان امشي ع رايهون! شو ما بيقلولي بدي اعمل! |
اقتباس:
ومشان حضرتي مع اني اكتر من مرة قلت لك لا تحكي معي بهاد الاسلوب بس برجع بقول لك حضرتي مانه فاضي حتى يوجع راسه بهيك قصص كون القصة فالج لا تعالج المرأة بدها اتم مربوطة بكلمة وحيتم الذل مكتوب على جبينها فما بده يتغير شي بس كون القصة انفتحت وانفتحت ارتقت حضرتنا نحكي بالقصة ولا تحسبني مبسوط لأن فعلا قرفان من التخلق اللي عمنتناقش فيه حاليا . |
اقتباس:
بس بدي اتجاوبني على هالسؤال .. يعني اذا رجل زوجته ما بتجيب اولاد .. في هذه الحالة شو يعمل .. وكمان اذا الزوجة زوجها ما بجيب اولاد .. في هذه الحالة شو تعمل .. انا لما احكيت كمان راعيت امور الدين .. يعني من حق الزوجة كمان تطلب الطلاق .. لانو ما بجوز تتزوج من رجل ثاني من ناحية منطقية ودينية .. |
اقتباس:
انتي اذا ما عندك دين فا انت علمانيه واذا علمانيه بدك تبني رأيك ع علمانيتك الي هي عقيدتك وع خلفيتك الأجتماعيه وخلفيتك التربويه طيب بجي معك وبرد ع سؤالك ....ما فيكي تبني رأيك من عقلك؟؟؟؟ ......فيكي ليش ما فيكي بس عقلك نوجد براسك عمرو عشرين سنه ولا مر بمراحل من التربيه والتعلم والأكتساب والتجربه والمجتمع المحيط لحتى صار عمرو عشرين سنه وتبلور فيه الأساسيات والخطوط العريضه انا هاد هون قصدي وبعدين انا ما ذكرت رسول او دين مشان تئوليلي رأي الرسول |
اقتباس:
طالما النظر للمراة على انها ( مفرخة ) واللي ما بتجيب هي قطعة ( مضروبة ) ومن حقي اتخلى عنها بتكون عبتحط المراة بنفس مرتبة السيكارة بس ما تخلص منها بتكبها ما بعرف شو هوي مفهوم الزواج عندك بس الزواج اللي بصنفه على انه علاقة مشتركة وشراكة بين كائنين اقسموا على الحياة من اجل بعض وبذل كل شي في سبيل الحفاظ على هي الشراكة او العلاقة اللي بتحمل بنفس الوقت قيمة عظيمة من المشاعر والعواطف . يعني مانها قصة انجاب ولقمة عيش في الها امتدادات كتير كبيرة بعتقد الانجاب جزء منها لكن مانه محور اساسي فيها . |
اقتباس:
مشان نضل ضمن سياق الموضوع بتمنى عليك تئرا ردي مره تانيه وتئولي وين التلك حاضرتك؟؟؟؟ |
اقتباس:
|
اقتباس:
يعني كمان المرأة من حقها تتخلى عن الزوج اذا ما بجيب اولاد .. انا لما احكيت ما احكيت عن نفسي .. احكيت عن الناس الطبيعين .. الي بكون بدو ولد بأي ثمن .. وبكون بستنى في الثانية الي يصير عنده ولد .. مو كل الناس غابي .. وما بهمهم انجاب اطفال .. وانا ما قولت المرأة مثل السيجارة .. لانو كمان جبت مثال للمرأة انو تترك زوجها من اجل الاطفال .. وكل واحد من حقة الطبيعي يشوف اولادة .. ان كان رجل وا مرأة .. |
بتمنى تعيدوا قراءة ردي قراءة تمحيصية عقلانية
بتوقع كان رد كافي ووافي ولي عودة بأذن الله واطلب تثبيتي  |
بالنتيجة ........
ما وصلنا الى تفاهم و بدل ما نحكي بالمثاليات .... خلي نشوف الواقع و التطبيق و مدى امكانية التطبيق بالاساس و بالنهاية برايي .. اللي متزوج و مرته عايشة معه ... و يرجع يتزوج مرة ثانية ........ هو يظلم الاولى و يظلم نفسه و اللي يرجع يقول .. مشاكل و عدم تفاهم اقول ل ه.. ما ممكن معالجة مشكلة بالهروب الى مشكلة ثانية لان كل بساطة قد يكون العيب ف طباع الزوج لا الزوجة !!! |
اقتباس:
لاسباب كثيره منها انو مارح يحسن يعدل بينهم وممكن كمان يكون الغلط منو مافي اي شك ومع هيك يبقى الزواج الثاني افضل من الطلاق |
اقتباس:
|
بتمنى يكون النقاش هادف وعقلاني لنصل إلى حلول
|
اقتباس:
الزواج الثاني = ايجاد مشكله الطلاق = حل مشاكل .. الزواج الثاني هو غالبا سـبب وجـيه للطلاق و كتـير انتـقاص من كـرامه الزوجه بـينما الطلاق هو حـل لمـشاكل مـعينه بين الزوجين فكيف الزواج التاني ممكن يكون احسن من الطلاق ؟ :? |
| الساعة بإيدك هلق يا سيدي 19:02 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون