| HashtNasht |
07/08/2006 16:54 |
اقتباس:
كاتب النص الأصلي : أبو طريق
بدي اطلب خدمة صغيرة، في فلم اسمو Olivier!، انعمل و انعرض سنة 1968، بيحكي قصة أوليفر تويست تبع تشارلز ديكنز، هوي الفلم على ما أظن بريطانيين الممثلين بس الإنتاج أميركي، و بطولة مارك ليستر، و اخد حوالي الخمس جوائز أوسكار وقتها، واللي بحب يشوف شي أو معلومات عن الفلم أنا حاطو موقعي المفضل بالبروفايل تبعي، المهم، إللي عندو الفلم و بيقدر يعطيني ياه بأي طريقة بكون منونو كتيييييييييييييييير بس يا ريت تكون الصورة واضحة، و يفضل إنو يكون مترجم، بس إذا مو متوفرة الترجمة، عادي مو مشكلة، بس المهم الصورة واضحة، و أنا بصراحة معتمد عالإخوان اللي موجودين بأوروبا و أميركا، لأن الفلم متوفر عندن بكثرة، و اللي عندو الفلم و حابب يساعدني يا ريت يبعتلي عالخاص و رح كون منونو كتيييييييييييييييييييييييييييييييييييير. و شكرا مقدما على تعاونكن.:D :D :D
|
و الله يا شريك انا هاد الفيلم ما شفتو ....و ما بعرف اذا انت بهمك هاد الفيلم بالذات و لا بهمك انو فيلم لقصة اوليفر تويست ..لأنو بال 2005 نزل فيلم كتير مرتب باسم Oliver Twist و من اخراج Roman Polanski يعني شي على كيفك .
- ابو شريك هاي الروابط الي بيحطوها الأعضاء ما بتظهر ترى غير
للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك
تتكى على كلمة سوريا -
على كل حال متل ما قالت شروق القمر ( احيانا بحسا شب ع قد ما فهمانة بامور الكمبيوتر و النت :lol: ) افضل شي انك تنزل اي برنامج p2p متل kazaa او emule ...او برنامج torrent متل torrentstorm او bitcomet
و هيك بصير بمتناولك كل الافلام و الاغاني و البرامج ... يعني بتعيش حياة اشتراكية عالاخر :lol:
ما رح اتوسع كتير بالموضوع ...ممكن نحكي عنو بشكل مفصل بموضوع مستقل بقسم السوفتوير
تحياتي |
