|
جريمة في حلب الجميلية سلخو بالساطور على راسو مشان ملاسنات كلامية شوفو بعيونكن
ابو دحام صاحب محل لبيع الشاورما والدخان بنفس الوقت يعني شاورما بطعم الدخان الطبيعي شي لذيذ جدااا
المهم هاد (ابو دحام) زلمة على كيف كيفكن الزلمة بحالو ما شفنا منو شي بهل حارة مع اني انا محل شغلي جنب محلووو كان المجني عليه ماشي بسيارتو (شوفير تكسي ) مسرع فجأة طلع ادامو شب صغير( ابن ابو دحام) بتعرفو شوفيرة التكاسو وحكين اللطيف المهم سلخو كم مسبة على مسمع ابو دحام فقلو ليش عم تسب الولد قلو انت مالك قلاقة وصار ملاسنات بالحكي الظريف المهم هاد شوفير التكسي ركب راسو ومسك الموبايل بدو يتصل بالحبتية والزعران يحرقو الجميلية ويكسرو محل ابو دحام قلو ابو دحام يا ابن الحلال ما بدنا ماشكل روح من هون الزلمة ما راح وكبر راس اجى واحد من رفقاتو وهجمو على ابو دحام ابو دحام ما حكى ولا كلمة دخل على المحل وسحب الساطور (سيخ المعاش ) وصربو على راسو ضربة وحدة بس شو ضربة يا معلم .... الله لا يرويكن المهم هربو رفقات الزلمة (الحبيتية والزعران) لان ما تخيلو يطلع هيك مع ابو دحام ابو دحام بعد ما ضربو ما هرب متل الحريم صار يتمختر بالساطور شوفو بعيونكن هاد رابط تحميل المقطه - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وهي رابط تاني - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - شكرا للجميع |
وقت بقول أني هالبلد بدها مشانق لا حدا يسمعني
أكون القاضي لأقطعله أدنه فورا وأركبا لأبو الأدن المقطوعة والأدن التانية أحطها بالمتحف الشمعي والدخول مجانا للمواطنين كافة أيام الأسبوع وأكتب تحتها أدن المجرم أبو دحام |
انا شايفه ان الجانى مش غلطان هو حذره واتقى شر الحليم اذا غضب
بس بعتذر منك مش هقدر احمل المقطع ولا هشوفه لو شفته يبقى هحصل المجنى عليه |
أصلا لو كان أبو دحام أبن أصل وناس
ما كان فلت اولاده بالشوارع يطلع متل الذباب |
اووووووووووووووووه شو هادا !!!!!!!!!
|
{ من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا }
للأسف صار الكاوبوي في بلدنا يا فرحت أعدائنا بنا |
المشكلة انو الزلمة صفى دمو .....وكل الناس بتتفرج ....يا حيف
|
حين تصبح قيمة الانسان ... صفرا
|
يقصف عمرو قصف:jakoush:
|
and what happened after. is he dead. did the police catch abu daham
|
أبو دهام بمحله إن هي سيم بلايس وز الساتور
اند هي ويل بي كيل أني بدي ستي أن هذ فيس زاتس بي كوز أبو دركام هي واظ امردر اند هي ويل ستيل بي كيرفول وحمص ماي ففرند تيك كير يور سيلف وي ويل بي مص يو :D:o |
العماع هيك ناس روح البا المغامرة لك شو ستفاد من هالكريم؟؟؟المرجلة؟؟؟هاه
|
محل ابو دحام انو محل بالزبط؟
وين صاير شو اسمو ؟ |
اقتباس:
ماله أسم بس على كتف بياع الفول القصاص يعني بين القصاص وعبارة الكمبيوتر قدام بياع المخلل بالظبط إذا حطيت بياع المخلل بضهرك بتلاقي أبو دحام بوشك وما بنصحك تواجه لأنه أدن الزلمة ما حدا شالها منشان هالشعب يكون عبرة لمن لم يعتبر نصيحة ما بدك هالروحة إذا بدك تروح وتنبسط روح على باب النيرب ناس كلاس كلاس كلاس بس قبل ما تروح وصي على عش البلبل أو لحم العجين منشان التالت بتعرف أنت أحلى كافرمنت :D |
اقتباس:
هلأ هادا اللي صاير ع يسار عبارة السيديات هيك وقدام محلو في بسطة دخان ماغيرو صاير ع الزاوية تقريبا .. ولا واحد تاني |
ابو دحام زكرني بابو عنتر ماعندو يما ارحميني
|
[quote=حلبي;969820] { من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا }
اجمل رد يسلمو حلبي :D |
فعلا ده اجمل رد
|
| الساعة بإيدك هلق يا سيدي 11:41 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون