|
حملة توحيد الشعوب العربية
أحييكم بتحية الاسلام السلام عليكم ورحمة الله وبركاته احنا رح نطرح عليكن اليوووووووووم موضوع كتير هام وبغاية الاهمية كتير كتير نتمنى منكن انو نلاقي تفاعلات ومساندات منكن حتى ولو كانت هي المساعدات والمشاركات معنوية وطبعا انا عم احكي معكن بصيغة الجمع هاد لان انا مو لوحدي لاء والحمدلله احنا مجموعة صغيرة بالعدد واليوووووووووم قررنا هاد الموضوعالهام كتير كتير الا وهو موضوع وحدة الشعوب العربية انا واحد من ابناء الاسلام وحابب اني اعمل شي لخدمة الاسلام وللامة العربية لذلك كنت عم احكي مع احد اصحابي وفتحت معو هالحديث والله وعلى الفوووووور قلي انا معك ونسير على بركة الله بس طبعا متل ما بيقول المتل ايد لوحدها ما بتسقف وقررنا انو نعمل حملة يعني حملة توحيد الشعوب العربية واقترحنا هاد الاقتراح على احد المواقع اللي اصلا احنا كنا فيها ( أنا وصديقي) والحمدلله مبدئيا لقينا التأييد من بعض الشباب والصبايا بس طبعاعدد هالاشخاص ليس بالعدد الكافي بكل تأكيد للحملة وتوحيد الشعوب العربية لذلك نحن نقترح عليكم هذا الاقتراح ان تنضموا معنا في هذه الحملة ولكن للعلم ان موافقتكن على الانضمام معنا هذا معناه انكم مستعدين لمواجهة الصعوبات والمشاكل اللي سوف تواجهنا اهداف الحملة هي توحيد كلمة العرب والتآخي والتآزر بين الشعوب العربية والسلام بكل ما تحمله هذه الكلمة من معنى...... وأيضا الحب والعطف ومساعدة الفقراء والضعفاء والمساكين والايتام من العرب والمسلمين واذا سألتونا عن ماهية المشاكل التي ستواجهنا ؟ الجواب بالتأكيد سوف يكون المشاكل ستواجهنا من اعداء السلام والاسلام وأيضا من الذين يزرعون الحرب والفتنة بين العرب والمسلمين ومن هم على شاكلتهم وأيضا من الذين يزعمون انهم يخافون على مصلحة العرب والمسلمين وهم ابعد ما يكونوا عن العرب والمسلمين ومشاكلهم وبالتأكيد سوف يكون هناك بإذن الله موقع خاص يدعم الحملة وأفكارها السليمة والصحيحة ونناقش الاقتراحات والمشاكل التي يعانو منها العرب ومحاولة ايجاد حل نهائيا لهذه المشاكل وياريت اسمع تعليقاتكن على هاد الموضوع واللي بيحب ينضم معنا اهلا وسهلا فيه وحياه الله ولازم تعرفو شي كتير مهم هوى انو الله سبحانه وتعالى قال في كتابه العزيز ((إن الله لا يغير ما بقوم حتى يغيروا ما بأنفسهم ))صدق الله العظيم واهم شي احنا لمسناه اليووووووووووووووووووم من الموضوع هوى انو كان في توحيد بيننا احنا الشباب والصبايا اللي كانو بالموقع اللي اقترحنا فيه هي الفكرة وان شاء الله كل واحد بيحب يشترك اهلا وسهلا فيه مرة تانية بس ياريت يبعتلي ايميلو حتى نقدر نتواصل معو واسمو ومن اي بلد ووين هوى مقيم حاليا حتى نقدر نعطي كل واحد المهمة اللي يقدر يقوم فيها وكامل بيناتو اذا كان طالب بالمدرسة او طالب جامعي او بيشتغل لان متل ما قال الله سبحانه وتعالى ( لا يكلف الله نفسا الا وسعها ) وحتى ما نحملو اكتر من طاقته ويرجى من الذين لا يريدون الانضمام معنا أن يكتفو بالدعاء من أجل تحقيق أهدافنا من هذه الحملة وبكل تأكيد تحقيق أهدافنا يعتبر تحقيق أهدافهم أيضا برجع وبقلكن انا عندي ايمــــــــــــــــــــــ ـــــــان كتير كبير بشباب الامة العربية والاسلامية انو المستقبل النا احنا احنا الجيل الصاعد احنا العالم التالت اللي رح يفرجي العالن كلو جيل العالم التالت شو رح يعمل وكيف رح يغير الموازين رأسا على عقب ورح نرجع مجد العرب والمسلمين من اول وجديد إن شاء الله تعالى و في كلمة بتقول الله اعلم اذا كان متل او حكمة او حديث الله اعلم المهم انو بيقول يوضع سره بأضعف خلقه وتذكروا تمام انو اللي قتل ابو جهل لعنة الله عليه بيكونوا غلامين صغيرين يعني احنا بإيدنا نغير مجرى العالم كله وما تنسوا كمان انو مشوار الالف ميل بيبدأ بخطوة وحدة وإن شاء الله بس نفتح الموقع الخاص بهاي الحملة رح نقولكن شو المفروض عملو وجزاكم الله كل الخير على حسن استماعكم ويا ريت متل ما قلت انو اللي ما رح يشارك وينضم معنا ياريت انو يساعدنا ولو بكلااااام ومساعدات معنوية وبالدعاء حتى تزيد من همتنا ونشاطنا والسلام عليكم ورحمة الله وبركاته وتقبلو تحياتي لكم احمد اللهم ارزقنا قلباً سليماً نلقاك به آمين يـــــــارب العالمين |
:D ما فهمت عليك مظبوط ... بدك توحد الأمة الإسلامية .. ولّا العرب .. ؟
|
اولا و عليكم السلام بس عندى ملاحظة مهمة يعنى انت كاتب توحيد العرب فالعرب مو بس مسلمين فى منن مسيحين و يهود و شيوعين و من كل الديانات يعنى ما لازم نحدد المدهب او دين ادا كنا نحاول توحيد العرب
و على فكرة انا مسلمة يا ريت ما تعتبروه جواب من اعداء الاسلام :Dو هاى وردة لاالكم بس يا ريت تاخدو الملاحظة بعين الاعتبار و رح يصير موضوع كتييييييييييييييير رائع و هادف |
اهااا ...
|
مما لا شك به ان الاغلبية الساحقة للعرب مسلمين بس كمان في مسيحين في يهودوملحدين عرب so ازا بدك تقول امة عربية بدك تاخدهن بعين الاعتبار! على كل الفكرة كتيييييير حلوة وحتى لو بدات بتحية الاسلام لا اعتقد انو فيها مهانة لحدا وخاصة انها تحية حلوة ومميزة وحتى لو كان كاتب الموضوع مسيحي وكتب ايه من الكتاب المقدس كمان رح يكون حلو ومميز واعتقد انو لازم نبلش من هالنقطة انو عشان نوحد الشعب العربي لازم نقيم من تفكيرنا فكرة انو هاد مسيحي وهاد مسلم وهاد ملحد وهاد ما بعرف شو
! وانا مش عم قول انو ما نحب ديننا ونفتخر فيه بالعكس بس انو ما يكون تعاملي معك على اساس دين او المذهب السياسي والطائفي! والله يوفقك ان شاء الله يصير في اصلاح ذات بين العرب.آمين :D |
السلام عليكم ورحمة الله وبركاته
اخت /مي / الاخ /لوسكاف/ اهلا وسهلا فيكن احنا اكيد هدفنا هو توحيد الشعوب العربية والاسلامية و احنا الحمدلله في تقدم كبير من بين الشباب والصبايا وللعلم في منهم مسلمين وفي منهم مسيحيين يعني احنا مو بس عم ندعي للوحدة الاسلامية لاء وكمان العربية بشكل عام واهدافنا هي مساعدة الناس في جميع انحاء الوطن العربي وان شاء الله كمان رح نعمل موقع خاص للدعوة للاسلام باللغة الانكليزية ورح يكون موقع خاص بهي الحملة بتدعمها وحتى كمان نقدر نتواصل معكن عن طريقها ولكم فائق الاحترام منا......... واذا كنتوا حابين تنضمو معنا اهلا وسهلا بس يا ريت: تبعتولي ايميلاتكن لعندي على الرسالة الخاصة حتى نقدر نتواصل معكن مبدايا لبين ما نفتح الموقع الخاص فينا والسلام عليكم ورحمة الله وبركاته |
السلام عليكم ورحمة الله وبركاته
الأخت/ مروة : تحية طيبة وبعد احنا اكيد ما عم نطلع للفكر الطائفي وهاد مسلم او هاد مسيحي لاء احنا عم نحاول نكون اوعى من هالنقطة بتفكيرنا وحتى نوحد الامة العربية والاسلامية لازم ما نفكر بهالكلام لا بالعكس مش يمكن تعاملنا مع المسيحيين وغيرو يكون سبب في دخولو الاسلام احنا من هالمنطلق عم نتعامل المعاملة الحسنة متل ما امرنا رسولنا الكريم صلى الله عليه وسلم وشكر على مرورك الكريم وحياكي الله |
اي شعوب واية امة واي مسلمين واي مسيحيين وشو يعني توحيد :?
|
السلام عليكم ورحمة الله وبركاته
الأخت / لاوديسا : الشعوب اللي بقصدها هي الشعوب العربية والأمة هي الامة العربية والامة الاسلامية و اي مسلمين ( المسلمين موجودين والحمدلله بكثرة والغفلة اللي احنا فيها ان الاوان ان تزول وتنجلي) والغفلة التي كنا فيها لا تعني اننا غير موجودين ( لكل جواد كبوة ) وان شاء الله هناك صحوة من قبل المسلمين في كل مكان سواء بالوطن العربي او في الغرب اما عن التوحيد فأنا اقصد به توحيد الشعوب العربية على كلمة واحدة وان نقف وقفة واحدة وان نخاف على بعض وان لا يكون بيننا اي ضغينة وحقد او غل بل يجب ان نعمل مع بعض ويكون هدفنا كلنـــــــــــا هدف واحد هو النهوض بالامة العربية بشكل عام والامة الاسلامية بشكل خاص وهاد ممكن يكون حلم بس مو صعب تحقيقه ولكي كل الشكر |
اقتباس:
 |
اقتباس:
أنا بهنيك .....و بهني الأمة فيك بس بدي قلك شغلة المرة الوحيدة يللي توحدوا العرب .....و حدهون نبي...... مو موقع انترنت و وحدهون بقوة السيف ........مو بالاقناع |
مرحبا حبيب كيفك اليوم ...شوف لقلك :أنا مابقصدي يأسك.. تخيل معي بيت من البيوت العربية عند المسا وست البيت بدا تحضر مسلسل أشواك ناعمة والرجال بيحب ريال مدريد وبدو يحضر المباراة النهائية وصادف أنو المسلسل ما بدون يعيدو ه وموعدو مع موعد المباراة .... أي بدك تشوف العجاييب يعني طنجرة طايرة بسرعة الضوء باتجاه رأس الزوج بقصد إزالته من الوجود أو طربيزة نووية هدفها الأساسي تدمير البنى التحتية للزوجة وهكذا يستمر الصراع الأديولوجي بين أيهما في النهاية سينتصر .......وهيك يامعلم لحتى يصيح الديك وهيك على طول
والنكتة أنو بيكون طار المسلسل والمباراة يامعلم إذا كان الواحد مانو قادر يتفاهم مع مرتو كيف بدك توحد هالملايين من العرب وأقسم بكل مقدسات الأرض عندما سيتحقق ماتدعوا إليو فإني سأمشي إلى المريخ حافياً وأحمل صخرة سيزيف بدلاً عنه................ _ نصيحة أخوية قبل أن تقدم على مشروعك التاريخي عليك أن تجلب مكنسة كهربائية بقوة (2000000000000حمار =50000حصان)وذلك لكي تعمل جاهداً لآلاف السنين حتى نتظف مانسبته 99%من العقول العربية وتزيل العفن الذي عشش فيهامنذ آلاف السنين وبعد ذلك تابع مشروعك .....ولانتسى أن الإعتراف بالآخر كإنسان له كيانه المستقل بغض النظر عن دينه عامل أساسي في نجاح الإنسان .......... |
السلام عليكم ورحمة الله وبركاته
الاخ/ Madmax تحية طيبة وبعد: احنا عم نعمل اللي علينا وعم ندعي الناس حتى توقف معنا والعمل ان شاء الله رح يكون على ارض الواقع مو بس كلام والتوحيد ان شاء الله وباذن الله جايه عالطريق وانا معك انو توحيد الشعوب العربية ما رح يجي بيوم وليلة بالعكس انا يللي بقلك انو احنا حتى نوصل لهدفنا المنشود مو اقل من 15 ل 20 سنة هاد على اقل تقدير حتى نحقق هدفنا والحمدلله في اقبال من قبل الشباب والصبايا ومتل ما قلت قبل شوي منهم المسلمين ومنهم المسيحيين اما عن طريق الوحدة اذا كانت بقوة السيف ولا الاقناع احنا منهجنا هو الاقناع مو السيف والقتل والضرب لان هاد مو منهجنا وكلامك عن المرة الوحيدة يللي توحدوا العرب...... وحدهن نبي...... مو موقع انترنت احنا مطالبين وكل مسلم ومسلمة مطالبة بالدعوة للاسلام وهاد اكتر هدف احنا بنسعالو وهو عن طريق المعاملة الحسنة والحكمة في التعامل وعلى كلا احنا هلق يمكن عن طريق النت بس ان شاء الله قدام شوي رح يكون في عمل جماعي بيناتنا كلنا يعني الوحدة عن طريق النت ما هي الا خطوة اولى للوحدة الكبرى وتقبل تحياتي الك أحمد |
اقتباس:
و انشالله بتتوحد هالأمة على ايدك * * * و اذا خلصت بكير ..... ارجاع اضربلك نفس معنا :shisha: |
اقتباس:
ولا يعني الشباب المسيحي يلي معكون هني بيدعو لـ توحيد العرب .. و الفئة من الشباب المسلم بيعملو الموقع .. على كل حال سجلني معكون .. مبينتكون تسالي خيرات الله .. ولا تنسى خبرني شو بيصير معكون اول بأول .. |
السلام عليكم ورحمة الله وبركاته
الاخ/ Barleb اخي الكريم انا متلك تماما اتفاجئت لما عرفت انن مسيحيين مع هيك هن اكدولنا انهم رح يوقفو معنا ويشاركونا لان هن بالاول وبالاخير عرب متلنا متلن تانيا مشان الموقع الاسلامي اللي رح نعملو اكيد مو مسيحيين رح يعملو شي طبيعي هاد ولكن المسيحيين رح يساعدونا في مساعدة الناس المحتاجين وفي اشياء كتيرة تانية طبعا بعيدة عن دين الاسلام واهلا وسهلا فيك اذا كنت جاد بمشاركتك معنا ارسلي ايميلك حتى نقدر نتواصل معك وشكر الك تقبل تحياتنا الك احمد |
با سيدي الكريم .. بما أنو انت متفاجئ متلي لما عرفت انن مسيحيين .. فـ رح شارك معكون ..
الأسم : حسان اسم الأب : عمر النسبة : علي مواليد 1952 و أيميلي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
عمي الأمة السورية :lol: وغير الأمة السورية .. صعب كتير
يفتح الله ... قفلنا وسكرنا وطربشنا كمان عمي .. رح نمشي باتجاه سوريا بكل اطيافا ... والدولة الاسلامية .. ذات الطيف الواحد هو خطوة لورا رح نمشي باتجاه سوريا وبس .. والعودة باتجاه العرب :sick: كمان خطوة لورا لهيك عمي يفتح الله وخلونا نمشي لقدام |
بدك توحدني مع الموريتاني و الصومالي و السعودي ( سمايلي ملعون ربو من الأرف )
اي شو بدو يربطني مع هالأشكال .. عمي كلمتين من الأخير أنا سوري و أرضي سوريّة .. و فضوّا سيرة .. |
بتر فلاي و بلاك .. ليش هيك انبحتوو على الزلمة .. حطمتولو أمالو ..
|
اول شي رسالتكم واضحة من خطابكم رسالة اسلامية متطرفة دينية بحتة ....... ونحنا عم نخانق لنوصل للعلمانية .... بالنسبة لكذبة اول نيسان انو معكم مسيحين حلوة انا كمان بحلفلك انو ما معكم ولا مسلم مسلم من النوع المعتدل يلي بيعرف انو موعايش لحالو معو مسيحين وملحدين ولا تنسى دين سعدو ..........:lol: نصيحة روح لعاب بعيد عن هاد المنتدى لانو هون ماالكم خبزة ,,,,, هاد المنتدى اعضائو اسلام ومسيحين وملحدين .. ويلي بدك ياه .... عقلهم اكبر بكتير من الخرافة يلي عم تنادي فيها اقتباس:
بس صحيح سجلي اسمي كمان مشان التسالي والله حلوة هي .... هي قصة جديدة تسالي تسالي ..... وانا ولا على بالي |
اقتباس:
قال وحدة قال لك وحدة حال ماعدنا امنا فيها .. لك ما عاد ظبطت الله وكيلك وبزماني يمكن زعلتو ل محمد ابراهيم مني يعني بدك تقول عالمبدا نفسو هاد يلي اسمو وحدة بس اياميتا اللي كانت بينا وبين مصر الله وكيلك ماعم بقدر اتعامل غير مع السوري هون ما بعرف ليش |
اقتباس:
هاد الحكي يلي حقو مصاري ............ سوريا وبس تحيا سوريا :ss: اقتباس:
نسيت جيبوتي .... بعدين بيصير عناا وظائف شاغرة بجماعة النهي عن المنكر والامر بالمعروف ممكن نشتغل وبيناتنا سمعت بيعطو رواتب حلوة :o اقتباس:
والله ما بعرف خلو شوي الزلمة ....عم نتسلى معو تسالي ,,,, يالله الدورة ب 5 |
السلام عليكم ورحمة الله وبركاته
اوكي انا مو زعلان خدو راحتكن عالاخر واتريقو واتمسخرو واستهزؤ متل ما بدكن بس الله كريم وان شاء الله كلامكن هاد ولا رح ياثر فينا ورح نحقق اهدافنا والشي اللي كل عربي بيتمناه وكفاية انو عم نحاول مو متلكن اخدين الدنيا لعب واستهزاء وعم نحاول نعمل شي مو عم نشوف و نسكت متل بعض الناس يعني هو المفروض انو كلامكن هاد يحطملنا عنوياتنا بس اتاكدو انو ايمانا اقوى من هالكلام كلو وان غدا لناظره قريب |
اقتباس:
ليك حبيبي اطلب منك طلب شورأيك مشان مشروكم يكون منو فائدة سريعة تبلش المشروع بالسودان والعراق ولبنان وحدلي شارعين هنيك مع بعض وانا هي قدام الشباب رح بلش شغل معك اي بعدين نحنا ما عم نتمسخر نحنا يلي جواة مخك منعرف شو هوة شي ماالو علاقة بالواقع شي بالخيال وبس وشي حم**** حافظلو كلمتين ومعلمكم ياهم |
لا يكون ضاربلك حبتين عروبة ؟
فتح عينك منيح ... شوف العالم وين صاير .. جاي عما تقلي عروبة و ما عروبة و لا فوق هاد كلو بدك توحد الأسلام .. جاي بدك تعمل تطور و حضارة تحت شعار العروية .. شعار صارت الغبرة فوقو ميت متر .. وما عاد يفوت بمخ حدا.. |
ليه يعني الشاطىء الازرق متطرف؟؟؟؟
لانو بلش بتحية الاسلام؟؟؟ وبعدين مين بنكر انو معظم العرب مسلمين؟ انا مش عم بقول نفرض الاسلام بس الشاب ما غلط ازا قال السلام عليكم ورحمة الله وبركاته! لك حدا ما بدو رحمة الله وبركاته؟؟؟!! عم بتقولوا ما في وحدة ودايما بتصوروا الانسان السوري وكأنو مظلوم!! يا جماعة مبدا انا مظلوم وانا عملت كلشي وما طلعلي شي لازم الواحد يشيلو من تفكيروا عشان يقدر يتقدم!! anyways انا ما بحب هاجم حدا وما رح ادعي انو ممكن تكون في وحدة ورح تكون في وحدة لانو الشعب الفلسطيني بعرف منيح انو ما في عربي قلبو على عربي تاني كل واحد بقول "اللهم نفسي" لكن هل في حاجة نقعد نتمسخر عالشاب؟؟ ونحطم معنوياته؟؟ هل هاد هو التقدم والتحضر تبعنا؟؟؟ ويا اخي مادماكس النبي اللي بتحكي انو وحد العرب بقوة السيف ما وحدهن يقوة السيف وانا ما بدي اعمل حوار اديان هون لانو مش هدفي ولانو رح يبعدنا اكتر عن بعض بس بدي اهديك هالرابط وبتمنى انك تقراه - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وتحياتي للجميع واتمنى ان ما حدا زعل مني (بس انا يمكن من الاشخاص اللي بتدايئوا من السخرية والحكي اللي ما الو طعمة بغض النظر عن دين او طائفة اللي عم تتمسخروا عليه) :D |
اقتباس:
بس " انو هادا التيار " سواء الاسلامي .. سواء العربي .. ألو كتير كتير كتير عم يحاول يعمل شي وما طلع معو بل على العكس ممكن بقى تخلونا هلق نحنا نعمل شي ... :D |
اقتباس:
اخت مروى اول شي انتي عم تحاكينا من فلسطين يلي هية جرحنا النازف ابدا ودائما وانتي اكتر وحدة بتعرفي شو عم تعمل الحركات الاسلامية ببعضها بفلسطين ... نحنا مو ضد الاسلام خليكي معنا بأخوية شوفي برمضان شو رح يصير قصص ... بس هاد الخطاب يلي بلش فيه نحنا منعرفو ما جاب سيرة المسيحية لحتى واحد نكشو مننا ... بالنسبة للتطرف خطابو متطرف بامتياز ... ونحنا عم نتمسخر لانو مرق على راسنا من اشكالو كتيييييييير واخر شي نحنا مو ممكن نزعل منك لانك من سوريا اذا فهمتي شو قصدنا بسوريا تحية الك وللارض المقدسة :D:D |
اخي بريف هارت اكيد انا من سوريا من سوريا الكبرى اللي الشمس بتشرق منها وبتغرب فيها :D
بالنسبة للحركات الاسلامية بفلسطين خليني وضحلك شي انا مش عايشة تحديدا هناك يعني انا من عرب ال48 وطبعا افتخر بفلسطينيتي وعروبتي ..لكن ازا انتا مفكر انو هالحركات اسلامية فا ما بعرف الى اي حد عندك علم بالمسالة لانو ما في حركة اسلامية بتفوت على جامع وبتقتل المصلين اللي فيه وبتحرق المصاحف!! لكن هاد للاسف اللي عملوه ناس بتدعوا انهن من حركات اسلامية! بس كلنا كمسلمين وعرب منعرف انهن مش مسلمين .. المسلم الحقيقي هو من سلم الناس لسانه ويده والمسلم الحقيقي هو الذي يسعى لاصلاح ذات بين صفوف المسلمين والعرب وعلى هالمبداين صعب تلاقي مسلمين بالدنيا!! وتحياتي :D |
تبقى اذا شفتلي ابو علي سلملي عليه
|
اقتباس:
لما بنزل عـ البليار كلوب .. أغلب رفقاتي هنيك عراقية ( و الأغلبية مسيحية ) يمكن في 1 أول تنين اسلام .. لمما بنزل بقلن السلام عليكم ورحمة الله و بركاته .. بقى لا تناقشي رجاءاً بهل موضوع .. |
اقتباس:
هاد يلي بدي وصلك ياه لا تعتبري تحجمنا وتهكمنا على هاد الاخ شي موجه للاسلام بالعكس اساسا او رد او التاني كان من مسلمة .. بس هوة خطابو متطرف بامتياز ....ومستحيل يعبر عن سوريا او فلسطين او بلاد الشام ومليون تحية اللك ولعرب 48 وعزمي بشارة والبرغوتي ونحنا منفتخر بوجودك معنا :D |
اقتباس:
anyways i'm so sorry لاني يمكن اتهمتك بشغلة انتي ما عملتها وما بتعملها وبعتذر من اي انسان انا هون مش عم هاجم حدا وحكيت هالشي بس لاني متل ما قلت من اول بتدايق من مسالة انو نبلش ناخد كلشي باستهتار بغض النظر عن دين وطائفة المتكلم!! وتحياتي واعتذاري :D اقتباس:
وكلنا مع شعار "الاقصى والقيامة" لن نتخلى عن مقدساتنا المسيحية والاسلامية :D (حاسي حالي عم بحكي متل المرحوم ياسر عرفات :oops:) بس انو عنجد هاد شعورنا كفلسطينيين ابناء الارض المقدسة..ارض عيسى المسيح واسراء محمد .. وتحياتي لكم جميعا :D |
اقتباس:
شفتي كيف يا رفيقة خطابنا بيختلف عن طرح الاخ المناضل نحن هون بهالمنطقة اذا كل واحد طلع خطاب هيك بتصير مصايب .... نحنا لازم نلاقي شي يوحدنا كمسيحين واسلام ويهود وملحدين ويساريين ويمينين مو نرجع للخطابات الخشبية المستورة الاخ من افغانستان ويلي اساسا الشعب الافغاني عم يحاول يخلص منها |
السلام عليكم ورحمة الله وبركاته
يا سادة يا كرام لو انكم تمعنتم قليلا في كلامي لوجدتم انني ادعو الى وحدة الشعوب العربية بجميع طوائفها بشكل عام والاسلام بشكل خاص انا لم ارى في حديثي هذا اي تطرف بل على العكس تماما فأنا دعوتنا كانت واضحة وصريحة ان ما سنقوم به هو مساعدة الناس في جميع انحاء الوطن العربي ومساعدة الفقراء والمحتاجين والايتام والارامل في كل مكان فهل هذا له علاقة كونك مسيحي ام مسلم ام اي ديانة اخرى فنحن نعم سوف نقوم بأعمال لخدمة الإسلام ولكن ليس من الضروري ان تعملو معنا في خدمة الاسلام ولكن كونوا معنا في مساعدة الناس هل هذا تطرف بوجهة نظرك يا من تنعتني بالمتطرف ؟ تقبلو تحياتنا لكم نتمنى ان نكون قد بينا الصورة لكم |
اقتباس:
 |
اقتباس:
|
حبوا بعض احسن
وبلا ما كل واحد يتفلسف عالتاني التاني في عنده فكرة وطرحها اللي ما بأيدها ما في داعي ينط بالموضوع وانت صاحب الموضوع انا حبيتك كتير مبين عليك بتتابع افلام خيالية كتير او من محبي دونكي شوت او الميثيولوجيا القديمة تبع الأبطال الخارقين او جماعه سوبر مان وطرزان انا بنصحك ترجع تقيم الفكرة وتعيد حساباتك من جديد وفكر على اساس علمي مو بعواطف واحلام بس أحسن ما .... |
اقتباس:
ممكن اطلب منك طلب صغير تشيل صورة بشار الاسد من صورتك الرمزية وتحط صورة الزرقاوي او ابن لادن .... لانو بناسبو طرحك اكتر :p |
| الساعة بإيدك هلق يا سيدي 22:50 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون